قصة أصابتني لعنة هرة

#أصابتني_لعنة_هرة بقلمي أنا:#سناء_الصنهاجي 🌸🌸قالو زهر يجي مرة فالعمر وشي كال زهر وهم وكولشي من العقل وأنا حايرة بين لقوال معرفت نتيق كلام العلماء والعقال ولا لي على زهر ضربو الأمثال،وكالو زهر لمتعوسة بظفارها تهبش عليه وسعد الصكعة بيديها تدفنو كاين لي تزاد مو مزغرة عليه وكاين لي نحس تزاد شكارة محرفو شي كال مكاين لا نحس لا زهر كولشي بإذن الله مقدر.🌸🌸... 🌸الحلقة الأولى من قصة🌸 🐱أصابتني لعنة هرة🐱 مرة الخوف باين على وجهى بترجي كطلب وكتوسل للمرة تانية باش متأديهاش "عفاك لا لا انا غادي نسكت وندير كاع لي كطلبيه بلحق متأدينيش كنترجاااك لالالاااااااااا هادي هيا أخر كلمة لفضاتها وخرجات من فمها قبل مطيح لأرض... "بضواحي مدينة ترودانت وبضبط بمدينة هوارة" لالة شافية مرات لعطار البشير ناس على قد الحال عايشين بما يرضي الله شافية:البشير واش بصح خليتي بنتك تمشي لمدينة انا كتليها باك ميخليكش وانت مشيتي حنتيني البشير:أهاديك لمرة الله يهديك البنت راه كبيرة وبعقلها حتى لاين اتبقى حدانا تيتي نيني خليها تمسي وتجول وتشوف مستقبالها خلاص عليا الله يهديك شافية:لالالالال بنتي معندها فين تمشي علاه أنت ماشتي كاع فالاخبار كل نهار خاطفين بنت فشكل أخويا انا بنتي بغيتها تبقى حدايا أواخا تشرب الما بوحدو باركة ومطمنة عليها انا غير كتمشي طلع لدواور وكنضل مهار ومطار نبيض بيضة هنا وبيضة فلهش خلي تمشي تغرب ليا فتلت لخالي،جاوبها صوت رقيق من لور "الله يهديك امي واش مراكش ولات تلت لخالي راني غا حدا رجليك سبت ولحد نولي نهبط ندوزو معاكم ره عندي 26عام بعقلي وعارفة أش كندير شافية:أواخا تكوني معايا فلمدينة كنخليك فين بغيتي تكون وفين بغيت تسكون يلاه وهاد لخدمة كاع لي كتقلبي عليها مالكي اتخدمي دكتورة "الالة على سكنة ماضربي حسبة لحت اعلان فالانترنت وعيطات ليا واحد البنت بغات لي يسكن معاها ويتقاسمو فلوس لكرا ومصاريف ومتقسحيش راسك شافية:شوفي أ نجمة كلمة وحدة عندي انا كلتها سلامو عليكم،خلاتها ودخلات لكوزينة نجمة:موجهة كلام لباها)سمعتيها واش انا اتبقى دير ليا هكا؟ البشير:ماديريش فبالك ابنتي انا انهضر معاها امضرا شحال لقيتي ليوم؟،جبدات سكادو من ظهرها حلاتو وجبدات واحد كتاب 🌸أصابتني لعنة هرة🌸 2-كتاب كبير غلافو بجلد قهوي وهيا فرحانة بيه نجمة:55مثلة مغربية وانا كنحفظ فيهم واحد بواحد كاع دواور لي حدانا دزت ليهم واحد بواحد وكاع دوك عيالات لكبار عاونوني واخا انا راك عارفني معنديش مع ناس بزااف ولكن قدرت نزعم عليهم البشير:مزياان مزياان هكاك نبغيك الله يرضي عليك نجمة:أمين أبا يلاه نخليك انا انطلع لبيتي البشير:واخا ابنتي سيري،طلعت لبيتي باش نخطط ونكتب على أول صفحات مدكرة ديالي دخلت لبيتي لي كان فراشو بسيط وعادي نموسية على الأرض مع زربية بلدية وخديات بالموزون وماريو صغير دلخشب بيتي بحال لبيوت لقدام كولشي فيه قديم حيت مولاتو لي هيا أنا قديمة جبت طبلة لوسط حطيت سكادو ديالي هزيت ستيلو ولاجوندا جديدة ديالي لي خديتها من عند علي مول لمكتبة لي فدورة ديال زنقتنا كلست الأرض وربعت رجليا ونزلت بستيلويا على أول صفحة فمدكرتي : "بسم الله باش بديت وعلى نبي صلى الله عليه وسلم صليت سميتي نجمة نجمة أزهاربنت العطار لبشير أزهار متسمعوش عطار تكولو هدا مشعود وكيبيع ديك لبوية وتباخيرات وداك لعجب لا با غير با كيبيع العطرية على حقها وطريقها مطحونة على الايد كيبيع الحنة لحرة ومعروف هنا فهوارة مكاينش شيواحد لي مكيشريش عندو اما مي شافية عمارة دار خوافة بلاقياس موسوسة غير بوحديتها عالمها بوحدو هيا لقلب لحنين مرةوكادة ولكن حاجة وحدة لي خايبة فيها أي حاجة كتيقها لي كالو ليها ناس تمشي ديرها هادي تحيد تابعة تجي تبقى تبخر فينا هادي كتحيد لعين حتى كنوليو مخنوقين ونجيو نتستفو فسطح بينما خرجت ريحة من دار عيا با مايهضر معاها ولكن أش غادي نديرو لي فراسها فراسها أنا لكبيرة فدار ولداتني مي وحبسات ومن ورايا ب12لعام دزاد خويا صغير طاهر وكنعيطو عليه طاها مكانش كيحمل سميتو كتجيه كبيرة عليها ولكن 🌸أصابتني لعنة هرة🌸 3-ولكن با سماه على سميت جدي الله يرحمو ويوسع عليه أنا خرجت ماشي كيف بغات مي تشوفني الحمد ليه عندي حقي فزين كيف كتكول خرجت نشبه لجدات جدة حتى هي كانت بيضة وزعرة وعينيها مخلوضين وقصيرة بحالي ولكن مي لي فاقسها كاتليك لبنات فعمري تزوجو حتى ليا انا لي جا كنرضو لحلم ديالي هو نمشي لمراكش ونخدم ونحيد من هنا حيت مدينة صغيرة ولخدمة قليلة قريت حتى لباك وشديتو بحسن ومن بعدها درت تكوين فالانفورماتيك وشديتو ودرت تكوين فلخياطة وشديتو عندي جوج ديبلومات وشهادة الباك ممكن تخدمني فبلاصة مزيانة وداكشي لي كنطمح ليه هواية ديالي ولي مايحيدهاش ليا طبيب عيا جميع الامثال المغربية كيعجبني كل حاجة قديمة من قفاطن من عقيق من كلشي وكيعجبوني لعيالات لكبار ديال زمان نتسنط ليهم طبع ديالي ممفهومش مرة كنكون قاسحة بحال لعود منتزعزعش مرة نضحك مرة تلقايني غامضة غير ساكتة وكنشوف مرة راسي مكنحملوش ولحاجة لوحيدة لي مكنحملش وكنكره فهاد دنيا كلها وعندي فوبيا منهم وكيديرو ليا ضجيج وكوم نصيب نخنقهم هوما لمشاش اوووه غير دكرتهم لحمي بورش بلاتي شي حد كيعيط.. شافية:نجمة نجمة هبطي تغداي نجمة:واخا أمي انا جايا،بدلات نجمة حوايجها وهبطات تغدا على طبلة فبيت مفرش فراش حسبي تقليدي(حسبي هو لحسيرة مع زرابي مفرشين ومخاد)نقز باها البشير:بنتي غدا وجدي راسك نوصلك لمراكش نخلص ليك كراك ونرجع ان شاء الله،علات فيه شافية عينيها ورجعات كتاكول نجمة:(كتغمز فيه جيهت مها وتشير ليه بجبهتها) البشير:أحم مك راه هضرت معاها سيري الله يرضي عليك نجمة:أمين ياربي لهلا يخطيكم عليا الطاهر:علاش فين غادية نجمة،جاوباتو مو شافية:غادية تقلب على لمشاكيل وصداعات راس أولدي تكول غير أتوصل اتلقا كرسي ديالها فالوزارة كايتسناها البشير:أهاد لمرة تكون 🌸أصابتني لعنة هرة🌸 4-تكون نيتك صافية وزينة ودعاي مع البنت بتيسير راه حشومة هادشي لي كديري ليها شافية:كراناتها واتزوجو او ولدو شحال من واحد جاها غير رجال زينين لالا بنتي ياتسكنات يا مديور ليها انا هاد سفرة معجبانيش غير انت لي مبزز عليا وصافي نجمة:الله يهديك امي واش انت هاد خوزعبيلات مابغيتيش تحيديهم من راسك اشمن سحور اشمن مسكون وصافي عفاك الله يعطيك ستر دعي معايا باش نسيفطك الحج شافية:هاه ديرو مابغيتو الله يدير شي تاويل ديال الخير وصافي البشير:واها لي تكولي اللهم يسر ياربي،كملنا ماكلتنا وأنا فرحانة حيت غانول مرادي ولمدينة لحمرة أنا غادية ديك لعشية كولها وانا كنحنقز ونجمع فحوايجي من هنا لهنا لي سمع حوايج يبات هربان أكترية سراول دجين وقوامج طوال وكترت لكنادر ديال دار تايعجبوني مي دخلات كوزينة متلاتش خرجات سكانت فيها أما هزبت لكنز ديالي لي هو كتابي ديال لمثال هدا هو كنزي لي ضليت نقاد فيه سينين هادي درتو فسكادو ديال وحطيت حدا بالز ديالي هضرت مع لبنت لي اتكون شريكتي فسكنة عطاتني العنوان قيدتو من بعد لعشا طلعت لبيتي صليت ونعست حيت غدا تابعاني طريق وحياة جديدة لي انحقق فيها داكشي لي بغيت.. دخل البشير على بنتو مع 8 ديال صباح البشير:نجمة نجمة نوضي ابنتي راه شمس كلكلات نوضي راه تابعنا طريق،بدات كتحل فعينيها وكتشبح نجمة:با صباح الخير شحال فساعة؟ البشير:راه 8هادي يلاه تغسلي وجهك وتوضاي وتصلي ونفطرو نشدو طريق يلاه ابنتي،زولات لغطا عليها وناضت باست راس باها البشير:الله يرضي عليك يلاه انا خرجت دغية متعطليش نجمة:لا ابا انا دغية نوجد،جريت صندالتي ودخلت لطواليط طرفت حالتي وغسلت وتوضيت أول حاجة صليت عاد لبست حوايجي جلابة بالبيج مخيطة بشيبي قصيرة بحال جبادور وسروال دجين وسبرديلة درت سكادو ديالي 🌸أصابتني لعنة هرة🌸 5-ديالي على ضهري وجريت باليزتي درت تيليفوني لعادي فجيبي وهبطت مع دروج كان با كيفطر ومي غابرة كلست حدا با بديت كنفطر وانا نسولو: نجمة:با فين مي؟ البشير:راها فكوزينة معرفتها أش كدير!يلاه انوض نشوفها اش كدير تمت خارجة وهازة بزاف ديال لبواطات وكتحط فيهم على طبلة وتعد فيهم شافية:هادا بغرير عارفاك كيعجبك هادو مسيمنات وشي بطبوط وهادي كيكة سميدة وكيكة عادية وهادو شي حلاوي باش تفطري هادا زعلوك ديال دنجال عارفاك كاتحماقي عليه نجمة:امي هادي كامل راه نديرو أنا علاش عدبتي راسك؟ شافية:تكون ماكلتك حتى تعيا ماتكون بحال ديالي واش صافي زعمة ناوية ناوية،بقات فيا مي ولكن قويت راسي وقفت وبستها فراسها وعنقتها نجمة:أه أمي ناوية البشير:يلاه ابنتي يلاه نشدو طريق،فتح با الباب خرج باليزتي وساكي مشيت لبيت خويا طاهر عنقتو وسلمت عليه وخرجت لفم الباب با كان وا طلع حوايجي لبيكوب صغيرة لي عندنا شفت فمي لقيتها حابسة دموعها ابزز مابغيتش نطول عليها عنقتها وبدات تبكي وداعا معايا وتوصي شافية:متيقيش بالبراني واياك ولي عطاك شيحاجة ماتشديهاش حضي راسك ودخلي بكري ولاتيقي فالغريب ابنتي الله يرضي عليك ويعوانك ويوقف ليك ناس لحلال ولملاح فطريقك،ركبت وانل كنردد كلمة وحدة أمين أمين شدينا طريق بدات شمس كتحمى ولحال كيسخن هزيت سكادويا ودرتو كدامي داني نعاس واحد شوية ومشيت غيبت حتى فيقاتني ايد با البشير:نجمة راه حنا وصلنا أبنتي،حليت عيني على دخلة دمراكش لمدينة لي شحال حلمت نزورها وأخيراً حلمي تحقق وهواها ضرب فوجهي حطيت رجلي ليمنية وسميت معرفت هاد لمدينة أشمخبية ليا لبشير:توكلي على الله وسمي نجمة:خير ياربي بسم الله. شنو مخبي لنجمة واش داكشي لي كتمنى اتلقاه؟ هادشي كلو انعرفوه فالاجزاء جايا ان شاء الله.... 🌸أصابتني لعنة هرة🌸 6-البشير:بنتي عاودي كولي ليا العنوان فين باش نسول نجمة:كاتليا ابا نتسناوها حدا باب دكالة وهيا اتدينا حتى لدار البشير:بلاتي انوقف هنا ونسول شي واحد،وقف البشير لبيكوب ونزل منها بان ليه واحد راجل كبير فالعمر شوية وقفو البشير:سمحليا أشريف نسولك الله يجازيك بيخير سيد:بلهجة مركشية)أياه أسيدي مرحبا البشير:الله يحفظك فين جا باب دكالة؟ سيد:علاه سيد ماشي من هنا؟ البشير:لا أسيدي هادي أول مرة انجيو فيها لهنا سيد:إيوا مزيان مرحبا بيكوم باب دكالة مابعيد شاي من هنا الى عندك طوموبيلة خود هي هاد طوالة نيشان ودور على ايدك ليمنية ايبانو ليك جوج قواس كبار هاداك هو باب دكالة البشير:الله يجازيك بيخير وسمحلنا سيد:الله أودي مرحبا فرصة سعيدة والله يسعد صباح،رجع البشير لطوموبيل البشير:ناس الله يعمرها دار هاد لمراكشيين نجمة:وراك فين؟ البشير:مابعيدش من هنا قريب،ديمارا طوموبيل لفين وراه سيد وفعلا نفس لوصف لي عطاه هو لي لقا البشير:ايوا باب دكالة هاهو ولبنت فين هيا نجمة:انا انسوني عليها عندي نمرتها بلاتي،جبدت تيليفوني ودورت نمرة فاش سونيت عليها نجمة:ألو سلامو عليكم ختي انا عند باب مراكش انت فين كاينة شنو لابسة أهاه أهاه صافي واخا، شافت فباها نجمة:با انا انهبط غير هدا هاد لقةس راه كاتليا كاينة تما البشير:بلاتي متنزليش بوحدك انا نزل معاك،نزلت انا وبا سدينا طوموبيل ورانا ومشينا جيهت لباب كاتبان لينا واحد البنت واقفة عاطيانا بظهر غير شعرها لمطلوق لي كايبان تمشيت جيهتها حطيت عليها ايدي على كتفها لبنت قفزات ودارت عندي كانو ملامحها بريئة وزوينة شعرها فلون لقهوة دايرة نظارات ديال شوف ولا ديال لعيا مزال ماعرفتش بإبتسامة ضوات وجها كاتليا: "سلام انت هيا لبنت لي بغيتي دار ياك مرحبا بيك فمراكش( 🌸أصابتني لعنة هرة🌸 7-مدات ليا إيديها)أنا سكينة وأنت نجمة:انا نجمة وهدا لواليد ديالي سكينة:مرحبة بيك أعمي وألف مرحبا مرحبا بيكم فمراكش نجمة:من هضرتك باينة ماشي مراكشية؟ سكينة:لا أنا من مكناس ويلاه هادي عام باش سكنت فمراكش يلاه نمشيو باش يلاه تشوفي دار وتشوفي واش عجباتك نجمة:أياه على بركة الله،رجعنا لطوموبيل ب3بينا وسكينة ولا هيا بغات تسكت بنت فروجية وباينة فيها نية وضريفة وهبيلة ولكن مخاصنيش نتيق حتى نعاشرها هكا وصاتني مي من زمان داكشي باش معندي صاحبة لاخرة كل مرة تخرج لعجب فوحدة حتى درت بناقص منهم بقات سكينة كتورينا فين ندوزو حتى وصلنا لقصبة كان فيها واحد جامع وجهات با يدخل مع واحد زنقة كلها حوانت لعيالات غاديين جايين بلوصالي ديال لخبز لي دارة نكاب لي عاكفة راسها نطقة سكينة: سكينة:صافي أعمي غير هنا هاهيا دار،حليت لباب وعليت راسي كايبان ليا باب داير فلكرونة ودار طويلة عالية بصطح ديالها وباينة فيها يلاه مصلوحة سكينة:دار سفلية مولاها سادها كيجيو ليها غير من صيف لصيف وعاد انا كارية لفوق صراحة جاتني غالية شوية وكبيرة وانا بوحدي داكشي باش بغيت لي يتقاسمها معايا البشير:ومول شي عارف؟ سكينة:أه اعمي عارف غير كاليا شوفي شي بنت لي تكون تقة هو مكايعرف غير فلوسو صافي يلاه بلاتي نفتح الباب بعدا،فتحات سكينة لباب كنلقاو جوج بيبان واحد مقابل معانا او واحد فجنب فتحات سكينة لي فجنب تحنينا ودخلنا انا وبا طلعنا مع دروج نيشان خرجنا فلمراح دار من لوهلو لولة عجباتني بفراشها لي كان بلدي ونفس لوقت عصري رميت عيني كوزينة كانت مرتبة خصوصا انا كنموت فترتاب ومكنحملش ربيج سكينة:هادا بيتي وهاد لبيت قاديتو ليك هو بيتك هنا فلمراح فين كنتفرجو وكاناكلو هاديك كوزينة وهداك لحمام ولفوق كاين سطح هدا مكان 🌸أصابتني لعنة هرة🌸 8-البشير:تبارك الله دار زوينة كلها شراجم ومشمسة وأهم حاجة جات بين ديور وناس غادية جايا ماشي بحال شي بلاصة خاوية أش بان ليك ابنتي؟ نجمة:كدور فعينيها)حتى أنا عجباتني البشير:ايوا على بركة الله أبنتي هاهو خلاص 3شهور ديال لكرا أنا خاصني نمشي تابعني مايدار سكينة:كلس أعمي تغدا معانا البشير:لا أبنتي منصيبش تهلاو فبعضياتكم وديرو بعضياتكم خواتات الله يرضي عليك أبنتي سكينة متخليهاش تخرج بوحدها فينما مشات جنبك بجنبها ويلى كان شيحاجة أبنتي ها نمرتي نجمة:يااك ابا!! البشير:أبنتي حقي نطمن على بنتي حتى نجربي لكبدة وديك ساعات هضري يلاه دوزو بخير نجمة:الله يوصلك على خير ابا البشير:تهلاي فراسك الله يعاونك ويلكي ليك ولاد لحلال فطريقك ابنتي الله يرضي عليك،مشا با وبقيت انا وسكينة ديت بالزي لبيت فين وراتني سكينة كان فيه ماريو صغير بديت كنستف فحوايجي حتى دخلات سكينة سكينة:انا رضيت طويجين يطيب باش نتغداو واخا كلست معاك؟ نجمة:مرحبا،كلسات سكينة على واحد سداري كتلعب بيديها نجمة:هههه غير سولي عارفاك باغية تسولي سكينة:ضحكات)بغيت نسول وخفت تكولي كندخل لشبوقات شحال فعمرك؟ نجمة:انا 26سنة خديت الباك ديالي ودرت تكوين ديال معلوميات وشديتو ودرت ديال لخياطة وشديتو حتى هو سكينة:واشنو جابك لمراكش؟ نجمة:منين شديت لباك وكنحلم نجي لهنا نخدم فيه وحتى لدابا عاد تاحت ليا الفرصة سكينة:هممم مزيان وفاش ناوية تخدمي؟ نجمة:مهم نصايب سيفي ديالي وندفعو لشاركات نخدم يامساعدة سيكريتيرا شيحاجة بحال هكا،طرطقات سكينة بضحك شفت فيها حيت محملتهاش ضحك هكاك بحال الى ستحقراتني سكينة:ههههه مديريهاش مني قلت صواب وتشوفي فيا هكاك والله مكنضحك عليك ولكن واش من نيتك كتهضري جايا مراكش تخدمي هاد خدامي هادو نجمة:علاش؟ شنو ايمنع؟ 🌸أصابتني لعنة هرة🌸 9-سكينة:فخبارك انا واخدة باك+3 ودايرة لاميكانيك وخديت ديبلوم ديالها ومحاسبة وخديت ديبلوم ديالها وبستيطاعتي نخدم فأحسن بلاصة ومالقيت هنا الما كان باك صاحبي ودفعتي فلوس لاخدمتي أخرتي خدامة فبيتزارية مقابلة لاكيص كونماشي با لي مزال كيعاوني فلكرا مرة مرة وتشوفي اغير كتروني أختي والله نجمة:أنا انقلب ونشوف ظهري كل واحد وزهرو ماعرفتي سكينة:انت تعرفي أختي مهم نخليك دابا نمشي نشوف لغدا،خرجات سكينة وبقيت كنفكر فكلامها يكما انلحق على كلام مي لالا مهاصش نعمر تفكيري بحوايج فارغة لي كيبغي شيحاجة كيوصل ليها هدا هو هدفي قاديت حوايجي ورتبت بيتي كيف بغيت حطيت كتابي حدا راسي كنسمع سكينة كتعيط باش نتغداو خرجت عندها تغدينا بجوج وزدت تعرفا عليها كتر بنت ضريفة صراحة تكينا ورا لغدا بساعة جات عندي سكينة سكينة:يلاه نخرجو تعرفي على مراكش شوية،لبست حوايجي وخرجنا انا وياها مخلات فين دوراتني مالين لحوانت كامل عرفاتني بيهم وحنا راجعين لفت انتباه ديالي واحد دار جات ملاصقة مع دارنا كلها زليج منقوش وبابها بالبيض ومرسوم فيه واحد لقطة بالكحل وفيه ايد كبيرة ديال نحاس وقفت بلا هوايا قدامها كنشوف فيها سكينة:زيدي انا بلاه وبشرع معاك مالقيتي فين توقفي اتم نجمة:علاش شنو واقع؟قبل متجرني سكينة شفت عين رمشات فالعين سحرية ديال داك لباب دخلاتني سكينة لدار وسدات نجمة:مالك أش واقع؟ سكينة:أختي ديك دار متبقليش توصلي ليها كيكولو كيكولو والله أعلم ساكنة فيها شي مرة كبيرة مامزوجة ما والو كايكولو شي مشعودة كبيرة نجمة:خرافات باش عرفو هادشي؟ نجمة:حيت من زمان مكتخرج ما والو وهادشي لي مربية ديال لمشاش غابة غابة ديال لمشاش كتكول لناس راهم ولادي ولاو ناس يخافو منها وعطاوها بتيساع نجمة:لالا مدكريش سميت لمشاش على 🌸أصابتني لعنة هرة🌸 10-على فمك مكنحملهمش كنكرهم اما قضية لمرا لخوف من الله وانا مكنخافش غير من لي خلقني سكينة:انت تعرفي أختي انا غير وصيتك،الغد فقت بكري طلبت سكينة توريني شي سيبير وراتو ليا مشيت صايبت عندو سيفي ومشيت خديتها رجل شركة لي بانت ليا ندخل وندفع ليها واخا ممخالطاش كنكول الى تجليت ناخود طاكسي ونرجع وداكشي لي درت مارجعت حتى رجليا طابو عليا غير دخلت: سكينة:أمضرا؟ نجمة:مزال والو دفعت وكولشي كيكوليك حتى نعيطو عليك سكينة:شوفي فالبيتزارية فاش خدامة خاصهم بنت لي تبقا تفرق لبيتزا ولكن انت مكتعرفيش تركبي لموطور نجمة:كنعرف نسوك لموطور وبيكالة بجوج ولكن انا منخدمش هاد لخدمة داكشي لي خاص سكينة:وانت تعرفي،دازت سيمانة اوالو سيمانة تانية اوالو نجمة:سكينة فين جات ديك لخدمة لي كلتي ليا؟ سكينة:جات فكيليز واحد بلاصة زوينة انا كناخد طومبيس ولا طاكسي مرات كنجي على رجليا هاد بلاصة اسمها بيتزا هات كيليز صافي بغيتي تخدمي؟ نجمة:نعدي بينما جات ماحسن شنو اندير سكينة:غدا فصباح ان شاء الله نمشيو بجوج نوريك لباطرون نجمة:ان شاء الله،ديك ليلة بقيت حالة عينيا وكنفكر واش لي حدراتني مي منو هو لي انلقاه ولكن مخاصنيش نوقف خاصني نكمل وانا كنفكر كنسمع شيحاجة طاحت على سطح قفزاتني من بلاصتي حيدت لغطا وخرجت من بيتي حفيانة كيبان ليا خيال فكوزينة لخوف أنا مافياش مشيت بااما نفكر شعلت ضو دلكوزينة غوت غوتة وحدة كتبان ليا كوزينة كلها مشاش فالكحل وفرمادي خرجات سكينة كتجري منلبيت سكينة:مالك ياك لباس شنو واقع؟ نجمة:منين جا هاد زبل كولو منين سكينة:بخوف)راه كتليك منين نجمة:واتجمع علينا مشاشها وهيا طالقاهم تسناي انا جايا،جراتني سكينة سكينة:فين غادية فهاد ليل واش حماقيتي؟ نجمة:أنا انوقف هاد شارفة عند حدها انا جايا.... 🌸أصابتني لعنة هرة🌸 11-سكينةكتجرني باش متمشيش وانا لي فراسي فراسي نطرت ايدي منها وهبطت حفيانة فتحت باب دار وسكينة ورايا كتولول زنقة خاوية حس بشار مكاينش مشيت كدام باب شارفة يلاه دقيت لباب تفتح كان محلول مع أنا فيا واحد قاعيدة خايبة لفضول كيقتلني رميت رجلي ليمنية وصوت سكينة ورايا كيعيط سكينة:بالهمس)ونجمة ونجمة أجي لهنا أجي،مديتهاش فيها دخلت كلي لدار دارت كانت بحال شي رياض وانا نبدا نعيط نجمة:كاين شي حد هنا الالة أفينك امو مشاش فينك،دخلت لقلب دار كتبان ليا واحد لمرة كالسة بحال كلسة ملوكية كبيرة فالعمر لابسة تكشيطة من دوك تكاشط لقدام دايرةشرتلة فكل ايد وكثرت لخواتم بزااف شادة لقتبان كتخدم بيه شي تريكو ومحنية عليه مبسمة مشافتش فيا دفعت جبهةوهضرت معاها نجمة:شوفي الالة هاد لمرة جيت حتى لعندك باش نكوليك شدي علينا مشاشك ماشي يبقاو يدخلو لينا لقلب دار بقاو غير ياكلو معانا داكشي لي خاص هاد لمرة كنحلف ليك هاد لمرة انشدهم بيدي ونقجهم وا بواحد،علات فيا عينيها لي كانو كحلين بحال سواد ليل وبنفس الابتسامة لي وراهم سنان كي جوهر شافت فيا ورجعات حنات راسها ونطقات بسوط كيبورش اللحم "وتقدري ديريها أنجمة بنت العطار"منين نطقات بسمية جمد ليا ما فركابي فين اتكون عرفات سميتي شوية بدا كل مش كيخرج من جيهة هارمادي ها لكحل هاصفر أشكال وألوان تجمعو عليها بحال سوق لمشاش بديت كنرجع بلور وديك سيدة كتهضر معاهم "هانتوما قلقتو لينا نجمة ياك كتليكم متمشيو فين ليل هدا خاصكم تنعسو أ،متسنيتهاش حتى كملات هربت برجليا ماشي خوف منها ولكن من لمشاش لي مكنحمل فيهم شعرة رجعت لدار ولقيت سكينة غادية جايا سكينة:يكما دارت ليك شيحاجة اناري المسخوطة اتجبدي علينا نحل عندك ادير لينا شي تيبيخة وتقفنا لحسك تخلينا بلا زواج غير زيدي 🌸أصابتني لعنة هرة🌸 12-زيدي كحليها علينا نجمة:من نيتك كتأمني بداكشي سيري تنعسي سيري سكينة:أه اختي السحر راه كاين وزايدون عمري شفت شي حد مكيحملش لمشاش لهاد درجة حتى ليك علاش؟ نجمة:منين كنت صغيرة كانت عندنا واحد مشة صغيرة جابتها مي ورباتها كنت بغيت نلعب معاها مديت ليها ايدي طيراتني بواحد العضر لدابا الاتر مزال عندي ديالها هانتي شوفي،عريت ليها على ايدي تشوفها اتار سنان مزال فيها نجمة:كاتليا مي كانت لمشة مسمومة ولا معرفت مسعورة مابقيتش عقلت وكنت غادي نموت فيها حتى داوني عند شي مرة داواتني بدوا لعرب وبريت سكينة:أه دابا انت تعقدتي من المشاش أجي هادي شريرة لي لتحت كيفداير وجها انا عمري شفتها فحياتي نجمة:مباينش عليها تشعويد لكيتها كتخدم فشي تريكو لباسها ديال بكري دوك تكاشط ديال شحال هادي وكل ايد فيها شرتلة وكتىت لخواتم عينيها منساهمش زينين وكحلين واخا كبيرة فلعمر ولكن عليها واحد لهيبة فشكل ياختي سكينة:اخر مرة تقربي ليها وانا كتليك يلاه سيري تنعسي راه غدا فايقين بكري،مشات سكينة تنعس وانا رجعت لبلاصتي وبين عينيا غير هاد لمرة لي شفت ليوم بقيت على صورتها حتى داني نعاس،فيقاتني سكينة باش نمشي نشوف لخدمة لي انخدمها لبست عليا فطرنا دغية فطور ديال زربة هزيت سكادو ديالي وخرجنا بجوج ركبنا فطاكسي نيشان لكيليز فين كالت سكينة غير وصلنا وقف طاكسي هبطنا خلصاتو سكينة سكينة:شيرات ليا لقدام)ها لبيتزارية لي كتليك هنا فين خدامة أنا نجمة:زوينة،دخلنا ليها فعلا كانت زوينة من برا ولداخل تلاقيت بشاف سولني على شي حوايج أوافق يخدمني خدمتي نوصل طلبات لناس لديورهم بالموطور عطاني واحد طابلية فيها سميت المحل وكلست جات واكد طلبية عطاني العنوان وانا ممخالطاش حتى تيليفون عندي عادي ماشي سمارت فون فيه جيبي ايس سيفط 🌸أصابتني لعنة هرة🌸 13-سيفط معايا واحد دري باش يبقى يوريني لبلايص داز أسبوع وانا فالخدمة ديالي كنمشي مع سكينة ونجيو بجوج تقربنا بزااف ولينا بحال لخواتات وكثر انسانة ضريفة وصغيرة متخبيهاش عليك من نهار مشيت لديك شارفة ماشفتش مشاشها مزال مرة مرة نهضر مع دار ونطمنهم كتليهم بديت خدمة معلمة فيكول بريفي مابغيتش نشطنهم ضريت نكدب ياربي تسمح ليا فات شهر على مجيتي لمراكش وليت مخالطة شي بلايص الحمد لله مالين حوانت ولاو يعرفوني وعزيزة حيت ديكوردية وعندي نيشان،كنت فخدمتي مابيا ماعليا سكينة مشات بكري لدار حيت مريضة وانا تعطلت وزدت تخاصمت مع واحد لكليان كان بغا يبسل عليا رجعت لخدمة لقيت لخبار وصلات لباطرون المدير:الالة هنا خاصك تحني راس فهمتي وتجاوبي بطريقة مزيانة نجمة:وراه قلل عليا لعفة عرفتي اشناهية قلل العفة واش بغيتي نسكت ليها واش ترضاها لمك ولا مراتك ولا ختك انا راه محتارمة خدمت دل معندي منكجدر بيها المدير:وابقاي فداركم الالة حنا مصلحة لكليان فوق كولشي،حيدت طبلية رميت على كمارتو نجمة:وخدمتك زيدها فراسك انا اصلا كون كنتي راجل مترضاش بهادشي والله يعطيك العز اما دل راه غايس فيه من راسك رجليك ولكن راه كالوها ناس زمان الحشمة على وجه طراح،هزيت سكادو ديالي خرت وخليتو ومع ماخرجتش بكري طاكسيات وتكول واش بغا يدوز شي واحد وتكول ولي دازت خاوية نشير ليها تحلف واش تبغي توكف تعصبت ولقنديشة طلعات ليا لسما كنزبل ونعير بوحد ضطريت ناخدها كراعية وجبدا واشمن جبدة نجمة:تفو على زهر أش رماني هاد رمية أش داني ليها كاع كانت هانية مهنية فدارنا بغيت نطير خزيت تفو ياربي واش هاد لمكتوب،رجليا طابو مسمار دخل فسبرديلتي قطعها نجمة:وزهار عندي زهري وانا عارفاه،حيدت سبرديلة وتمشيت جايا رجل لابسة ورجل عريانة جايا ونزبل.. 🌸أصابتني لعنة هرة🌸 14-كنحس بشي خيال من ورايا وصوت ديال شي مشة مع درت كتبان ليا مشة بيضة وزغب ديالها رطب وغليوضة عينيها خضر وشوفتها فشكااال نجمة:سيريانا بالله وبشرع معاك مالك تابعاني سيري بعدي مني انقجك حتى يخرجو عينيك،دورتوجهي وكملت مشية ديالي وانا محملاش هادشي لي أنا فيه وصوت ديك لمشة غادي وكيتجهد ضرني فراسي بديت نزرب فالمشية ولمشة ورايا لاصقاني حسيت بشيحاجة طلعات معايا مع رجليا غوت هزيت رجلي لقيتها زاجة وقفت نطرتها ودمومات صافي كملت لي خاص لقردة طلعات ليالسطح كنزبل ونعاير كنحس بشيحاجة كتحك مع رجليا دورت وجهي كتبان بيا نفس لمشة بالحر وضران لي فيا ولعيا محسيت براسي حتى هزيت رجلي لسما وضربتها برجليا لسقتها مع لحيط حتى تسمع صوت ديالها كتنين نجمة:من صباح تابعاني وانت سبابي حتى زاة دخلات فرجلي وكنكوليك بعدي مني تفو على نهار،كملت طريقي شوي تقلب الجو لغمام فسما وبدات شتا كتصب يلاهكان صهد شوية ولا شنا ولبرد وسما تغمات زت وليت حالتي ماوصلت لدار حتى غفر ليا دنوب فتحت لباب وانا ندخل كنعرج لقيت سكينة حازمة راسها وغادية وجايا ولخلعة على وجها غير شافتني جات عندي كتجري سكينة:الله أختي مت بالخلعة ل11 هادي ديال ليل فين كنتي ومال حالتك هكا ومال رجالك؟تلاحيت على سداري نجمة:لهلا يوريك مال حالي دوزت أكفس نهار فحياتي عتقيني اختي فيا جوع،مشات مسكينة جابت لي سوندويش فيه بيض وكشير كليت عاد حسيت بروح رجعات فيا وانا نبدا كنعاود ليها كلشي من غير قضية المشا لي ضربت سكينة:ناري صافي دابا خرجتي من لخدمة بففف باين حتى انا أيجري عليا حيت صاحبتك نجمة:لالةانت مالك اش درتي؟ سكينة:أصلا انا مكنحملوش باس هو براسو ولبلاصة لي تكوني انت نكون انا نوضي دابا دوشي انجيب ليك فاصمة لرجليك،داكشي لي درت سخانات ليا دوش دوشت 🌸 أصابتني لعنة هرة🌸 15-دوشت ولبست مزيان لقيت سكينة جابت ليا الفاصمة لرجليا درتها وتخشيت تحت لمانطة معقلتش على راسي حتى داني نعاس طحت طيحة وحدة فيقاتني ريحت القهوة نضت لقيت سكينة وجدات لفطور نجمة:شحال ساعة دابا؟ سكينة:صباح الخير بعدا دابا راه 10هادي نجمة:أويلي ياك خاصك تكوني فخدمتك؟ سكينة:علاش مافراسك وا هضرت معاه كتليه ربح بخدمتك وسديت عليه أصلا معجبانيش ديكلخدمة وغير صابرة نجمة:سكينة(بحزم) سكينة:وصافي دوزي فطري ويلاه نخرجو شوية تبدلي الجو ياك رجلك مابقاتش ضراك؟ نجمة:لا مابقاتش مزيان نيت نبدلو الجو،فطرنا ولبسنا علينا وخرجنا الجو مشمس متكولش لبارح كانت شتا شادة فيا سكينة وكنتمشاو مرة مرة نخلو بوتيك نسولو على خدمة دزنا من واحد زنقة واكفين فيها شي 6دلعيالات بجلالبهم شافونا بداو يتغامزو وانا نسول سكينة نجمة:كتعرفيهم؟ سكينة:شكون؟ نجمة:دوك لعيالات لي واقفات عند بوطو،دارت سكينة رجعت شافت فيا سكينة:بانو ليا غير لمشاش شي مرة ماشتها،درت كيبانو ليا 6 ديال لمشاش واكفات حدا بوطو كيقلبو فواحد لميكة، رجعت شفت فيها وشفت فدوك لمشاش كيبانو ليا تاني عيالات نجمة:راهما،دارت سكينة سكينة:نجمة راه غير مشاش مكاين بو عيالات،درت تاني كيبانو ليا غير لمشاش سكينة:نجمة مالك أختي ياكما مريضة نجمة:شكون انا لالا مابيا والو وقيلة مشاو وبدين نضحك من فوق خاطري نجمة:اعود بالله من الشيطان الرجيم انا وقيلة خاصني نرتاح شمس ضربات فيا بزااف اه يمكن(هادشي لي كنكول بيني وبين راسي حيت فعلا معرفتش مالي واش حيت منعست مزيان ولا شمس قاسحة دارت ليا هكا واش هادشي ليكنشوف بصح ولا دخت مابقيتش عارفة شنو وافع رجعت راسي لور كايبانو ليا نفس لغيالات واقفات وكيشوفو فيا وكيضحكو دورت راسي بزربة نجمة:أش هادي كيطرا ليا أش هادشي؟؟... 🌸أصابتني لعنة هرة🌸 16-فيقاتني سكينة من سرحان ديالي سكينة:نجمة شوفي يكما مريضة راه ديك ضربة لي فرجلك ممكن دير ليك سخانة نجمة:أه أه عند صح سكينة:شنو بان ليك نمشيو ناكلو فشي بلاصة ولا نرجعو لدار نجمة:حسن نرجعو عيت ورجلي ضرتني سكينة:أه صافي يلاه،فطريقنا لدار بانت لينا واحد لورقة فواحد لمحل يمكن ايتفتح جديد بغاو سربايات سكينة:هادي قهوة طالينية باينة مولاها كاوري وايخلصنا مزيان شنو بان ليك نجيو غدا حيت دابا مسدود نجمة:ماشي مشكيل نجربو حضنا مخاسرين والو،رجعنا لدار وانا راسي ايتهرس عليا ولي طرا مابغاش يتحيد من بالي نهائيا سكينة:انت سيري رتاحي رجلك ضاراك انا انوجد مناكلو وانجي باش نفيقك نجمة:لهلا يخطيك عليا اختي،خليت سكينة ومشيت لبيتي كنت فعلا محتاجة نرتاح شوية تلاحيت فبلاصتي وبقيت كنفكر ونهضر مع راسي يمكن غير سخانة ولا يمكن فاش دارت سكينة كانو لعيالات مشاو اه هادا هو سبب ولكن فاش رجعت شفت بانو ليا انا اووف ياربي انحماق،كنهضر مع راسب حتى داني نعاس.. "حشومة عليك كنت بغيتك غير تعاونيني ونتحامة فيك علاش ضربتيني علاش انت سباب انت سباب والحل بين ايديك"نضت مفزوعة قلبي كيضرب بجهد وجهي عرقان،جات سكينة كتجري سكينة:مالك ياك لباس بلاتي نجيب ليك تشربي،مسات سكينة جابت ليا نشرب وانا صورة لمرا لي شفت فلحلمة مابغتش تمحى ليا من بالي سكينة:شنو شفتي؟ نجمة:شفت فسكينة)والو غير راكي عارفة مع لعيا ومدابزة ديال هداك خونا فيا جوع لغدا واجد سكينة:ضحكات)واجد يلاه نوضي،مشيت طواليط غسلت وجهي كنشوف فلمرايا وانا نخرج كنتعود من شيطان رجيم،تغدينا انا وسكينةوانا غير ساكتة كناكول وعقلي غايب على الوعي كون صبت نرجع لدارنا ونترما فحضن مي أش داني نجي لهنا مالي اش واقع ليا يمكن خاصني ندير رقية شرعية ولا نوض نصلي ليوم 🌸أصابتني لعنة هرة🌸 17-اليوم ماصليتش كاع نوض نصلي نضت من على طبلة شافت فيا سكينة سكينة:كولي شفتك نضتي نجمة:لا براكة عليا الله يخلف،مشيت سخنت الما توضيت وصليت وكلست ندعي يدير ليا الله تاويل ديال الخير،خرجت نكلس مع سكينة شوية مجمعين كنتلف فالوقت ونحاول منفكر سونة ليا تيليفون هضرت مع مي وبا مي غيرتوصي وتكول ماوصات نسيت شوية لي وقع ومشا من بالي ورجعتو غير حيت منعستش مزيان وصافي. لغد ليه نضنا بكري انا وسكينة باش نمشيو نشوفو لخدمة فطرنا فطريق عند مول محلبة حرشة ورايب وزدنا مع طريق وصلنا لقهوة هاد لمرة كانت محلولة كبيرة بزاف كراسة ديال جلد بالقهوي وطابلويات لقينا واحد لابس سروال كحل وقميجة بيضة وطبلية بالبيج ولقهوي ومصور فيه القهوة سكينة:سلامو عليكم حنا جينا على قبل داك الاعلان لي درتو على برا انا سكينة وهادي صاحبتي نجمة "مشارفين انا عادل المسؤول على المحاسبة بلاتي يجي موسيو هارون المدير وهضرو معاه سكينة:شكرا خويا عادل،كلسنا تسنينة مول شي يجي وقفات طوموبيل عمري ماشفت أغرب منها فحياتي دايرة بحال ديال عبد الحليم حافظ فياماتو تفتح الباب ونزل منها واحد سيد يكون فأوائل تلاتينات ولا وسط بيض شعرو كثيف وكحل ورطب داير لحية خفيفة على وجهو ضحكة مكايناش على وجهو ملامحو غامضة والحزن باين على وجهو لابس كحل فكحل دخل مشافش جيهتنا نهائيا نيشان لداخل مشا عندو عادل بقاو شحال وسكينة تشوف فيا سكينة:واقيلة غير نوضو نمشيو بحالنا حسن نجمة:بلاتي يرجع سيد مالك زربانة،خرج عادل مبسم عادل:مرحبا بيكم معانا سي هارون وافق تخدمو معانا،شوية سمعت صوت طوموبيل درت كتبان ليا طوموبيل مشات نجمة:وكاع ماهضرنا مع مول شي عادل:هو مكايكونش جا غير يشوف الاحوال ويمشي سكينة:واش هاد القهوة اتكون طلينية ولكن شفت فيها طابلويات بالخط 🌸أصابتني لعنة هرة🌸 18-بالخط العثماني،ضحك عادل عادل:لا هاد القهوة عربية ولقهوة كتجينا من البلدان لعربية حتى من الماعن كلهم عربيين صنع سكينة:ويمتا انبداو؟ عادل:غدا من دابا الى بغيتو وثمن هو 2500درهم لوحدة سكينة:فرحانة)على بركة الله،أنا غير ساكتة حيت طبعي ماشي اجتماعية بزااف عطانا جوج طبليات بحال ديالو وبدينا الخدمة نهار الأول كانت مزيانة واخا لكليان قليل بحكم القهوة جديدة ولكن الخدمة غادية مزيان من داك نهار مابقيت شفت لا حلم وماوقع ليا والو تما تأكدت أنو مكاين ماولو لخدمة غادية زوينة ومزيانة عادل انسان ظريف بززااف وكايعاونا.. سكينة:أجي أختي نخرجو شوية قدام الباب نجمة:دابا يجي شي كليان سكينة:مكاين حد شوفي عادل منساجم فتيليفون مع خطيبتو،خرجنا انا وسكينة قدام الباب سكينة:معرفت علاش مول شي مكايجيش مكلف غير عادل نجمة:الله أعلم كوراه عندو شي خدمة خرا داكشي باش،شوية تمات جاية واحد سيدة هاي كلاص من مشيتها وحالتها هيا وصاحبتها جات عندي "سلام ختي واش خدامين؟ نجمة:أه اختي مرحبا بيك،نقزت سكينة سكينة:نجمة شفتك مابقيتيش أختي كتخافي من المشاش اش طرا وجرا؟ نجمة:أشمن مشاش دخلي نشوفو سيدات اش بغاو ولا نمشي أنا سكينة:نجمة واش كتفلاي شادة فيا أشمن عيالات الله يهديك غير انا وانت لي كاينين وهاد جوج قطات شوفي على مزيناتهم نجمة:وجهت هضرتي لديك سيدة)ختي سمحي لينا راه صاحبتي فيها ضحك "هههه لا أحبيبة مديريش فبالك عندها صح غير انت لي كتشوفينا اما هيا كتشوفنا غير مشات" نجمة:مافهمتش؟ "ههههه شوية بشوية اتولي تفهمي قدار ومقدر عليك ممنو هروب انت لي جنيتي على راسك وانت لي فيدك خلاصك"خلاتني أكنشوف ومشاو بجوج شوية فبلاصة ولا كيبان فبلاصتهم جوج قطات وحدة فرمادي ولاوخرا زعيعرة شوية حسيت بدنيا دارت بيا شداتني دوخة 🌸أصابتني لعنة هرة🌸 19-شداتني سكينة من إيديا كلساتني مشات كتجري جابت ليا كاس ديال لما عطاتو ليا نزلت عليه دقة بقيت غير كنشوف وساهية لا ياربي لا ميمكنش أشنو هادشي واقع ليا سكينة:نجمة شنو واقع داك نهارات كلتيليا كتشوفي عيالات وهوما كانو غير مشاش ودابا تاني كتهضري وضحكي مع جوج قطات ليشافك يكول كتهضري مع بنادم؟ نجمة:أنا كيبانو ليا بنادم سكينة:مبهوضة فيا)واش من نيتك كتهضري؟وليتي كتخلعيني عاودي ليا ياك حنا صحابات؟قررت نعاود لسكينة باش نرتاح نجمة:نمشيو لدار ونعاود ليك،كنت كنتسنى غير ايمتا يوصل الوقت ونمشيو لدار وصل الوقت خرجنا من لخدما دزنا خدينا بانيني من على برا باش نتعشاو ورجعنا لدار قربنا لدار شارفة كيبان لباب مبسم والقطوط داخلين وحدة ورا وحدة جراتني سكينة وضربناها بجرية لدار فتحات سكينة وطلعنا كنجريو حطينا سبابطنا عند الباب ولحنا سيكانا حطينا داك بانيني وبدينا كناكلو وساكتين نقزات سكينة سكينة:كونماشي هاد دار زوينة ونقية وصعيب تلقاي دار بحالها بهاد تمن والله حتى نرحل كتخلعني هاد سيدة وكترت المشاش لي عندها وبززاف جيش نجمة:انا هيا مكتخلعنيش كيخلعوني القطوط لي عندها سكينة:فكرتيني عاوديليا شنو واقع دابا راه جينا لدار وبااما تكدبي وتكولي بيك شيحاجة مابيك والو الحمد لله راه صحتك مابيها والو نجمة:احم واعديني تسنطي ومتقاطعينيش هادشي لي غادي نكوليك يقدر مايدخلش ليك لعقل وتخافي وتقدري ماتبغيش كاع تولي ساكنة معايا سكينة:نجمةهضري عصبتيني شنو واقع،بدايت كنعاود ليها وسكينة غير ساكتة كتسنط وساقلة كتشوف فيا وعينيها مغرغرين بدموع حتى ساليت هضرتي،بدات سكينة ضرب فخاضها سكينة:اويلي حاي اويلي هاليكالت شوافة هالكلنا اختي رجليك كياكلوك هاهيا حمقاتك شارفة هاهيا هبلاتك نحمة:أش دخل شارفة فهادشي؟ 🌸أصابتني لعنة هرة🌸 20-سكينة:لا مدخلها والو غير داك نهار مشيتي حاركة ليها وكتهدي فيها باش تقجي ليها مشاشها هاهيا اتحمقك اويلي وحدي نجمة:داكشي غير خرافات الله يهديك أش جاب كعو لبعو سكينة:راه كعو وبعو براسو هدا وفكري فيها متكون اهيا لي سلطات عليك شي مشة سكناتك،كلمة سلطات عليك مشة كتردد فراسي وتفكرت نهار تبعاتني ديك لمشة وضربتها كلام سكينة صحيح وقفت زقفة وحدة ومشيت جيهت الباب فتحتو تبعاتني سكينة تغوت سكينة:واش مابغيتيش تحشمي أجي أجي،مديتهاش فيها ضربتها بجرية لباب شارفة لقيتو محلول تاني هاد لمرة دخلت دخلة وحدة لقيتها نفس لكلسة كالسة علات فيا عينيها مبسمة ورجعات حدرات راسها وهي تهضر: "كلسي لاش واقفة كنت عارفاك أتجي أنجمة نجمة:شوفي هاديك..قاطعاتنا واحد لبنت بلهفة كتهضر: "لالة راضية سلطانة فاقت"وقفات هاديك شارفة لي سميتها راضية ومشات مع ديك لبنت دورت عيني كنلقى ماع لمشاش عيالات لخوف مابقاش فيا تبعتها من لور حتى دخلت واحد لبيت كانو فيه غير لبنات بقفاطن واقفات وكيشوفو فيا بيت فيه نموسية كيبان ليا رجلين شي مرة ناعسة بديت نطل براسي بلا هوايا مابان ليا والو ديك راضية واقفة عند راسها وكتهضر كنسمعها كتكول راضية: الحمد لله على سلامتك لالة سلطانة،لفضول قتلني شكون هادي لي دايرين ليها هادشي كامل بديت كنقرب بشوية ونطل براسي دارت راضية عندي كتشوف فيا شفت فيها حيت بحال الى قتاحمت خصوصية ديالها دورت وجهي جيهت لمرا لي ناعسة طلعتها من رجليها لابسة كسوة بيضة حتى وصلت لوجها وقفت فبلاصتي شهقت وبديت راجعة بلور مخلوعة ومافهمة والو وكنردد: نجمة:لالا ميمكنش شكون انت(موجهة كلامي لمرةناعسة)شكون انتوما كولو ليا شكون انتوما وشكون انت(موجهة كلامي لراضية)واش بغيتو مني أنتوما شكون ميمكنش هادشي لي كيوقع ميمكنش.. 🌸أصابتني لعنة هرة🌸 21-"عند سكينة" سكينة:الله يربي فين مشات هادي الله يكما دارت قيها شيحاجة وباها خلاها أمانة عندي انهبط نشوف ولي ليها ليها موت وحدة لي كاينة مالي على هاد لخوف كامل لي مقدر ومكتوب ممنو هروب صافي انزل،لبسات سكينة بانطوفتها فرجليها وهبطات مادة جيهة واخا راه خايفة لقات الباب مفتوح وهي دخل.... "عند نجمة" بديت كنحل عيني راسي تقيل عليا لي عقلت عليه هو دوخة شداتني وطحت هادشي علاش عقلت انا الى بديت كنغوت كنسخف نطيح بديت كنحل عينيا كنحس بيهم تقال يمكن طانسيو طلع ليا مزال صغيرة ولا فيا أش بقا كنسمع صوت بعيد صوت سكينة كتبلبل سكينة:أش درتي لصاحبتي ياشارفة العقروشة أش درتي ليها نجمة(كتفيق فيا)نحمة فيقي فيقي نجمة:أنا بيخير بيخير متخافيش،توكضت وتكاديت فالكلسة كانت راضية كالسة ومالمحها باردة ودوك لبنات مزال واقفات شفت فسكينة نجمة:سكينة شنو كتشوفي هنايا؟سكينة شافا خداها كتشوف فدار سكينة:دار زينة ميحسابليش هكا دايرة نجمة:واخلينا من دار شنو كتشوفي؟ سكينة:انا وانت وكترت لمشاش وهاد سيدة نجمة:انا دوك لمشاش كيبانو ليا عيلات سكينة:عاوتاني انجمة وراه كتخلعيني،نقزات راضية راضية:نجمة انت بوحدك وانا لي كنشوفو هاد لمشاش عيالات صاحبتك متقدش تشوفهم نجمة:وعلاش علاش شنو سبب مالي أنا شنو درتي ليا راضية غير كلسي وتبتي اتفهمي كولشي ولكن هاد صاحبتك مخاصهاش تكون،سكينة زيرات على نجمة سكينة:شفتي واخا ترضيني بيبوشة والله لا تزحزحت من هنا منخرج غير ايدي فيد نجمة نجمة:مغانخليهاش تمشي لي بغيتي تكوليه كوليه هنا وهيا كاينة،يلاه اتجاوبها وهي تخرج ديك لمرة لي كانت ناعسة كتعكز على لحيط وشادة فكرشها كانت طويلة وزوينة شعرها زعر وباينة عليها شيحاجة نطقات: "غير خليها أصلا قدر ديالها مرتابط بصحبتها غير خليها، 🌸أصابتني لعنة هرة🌸 22-نقزات راضية شدات فيها وكلساتها ونجمة كتشوف فيها بنص عين مفاهمة والو ومع عيا لسانها مبري منها ومها كتكولها ليها نقزات نجمة:بغيت نعرف انت شكون وكيفاش وصلتي لهنا وعلاش حلمت بيك هادشي لي مدوخني انتوما باينة تريكة مشعودة كتخرجو لكنز شوفي انا راه ما زهرية ماوالو متصورو مني باش تنقيو سنانكم انا راه ابنت عطار راضية:منين تهضري مع سلطانة بشرى زاهدة خفضي صوتك شوية راها مريضة وانت سببها نجمة:سلطانة حسيت براسي فحريم سلطان وباش انا سببها يامولاتي شوفي هاد فعايل معلياش انا سلطانة بشرى:نجمة بسبابك انا مرمية فالفراش خليني نهضر حيت معنديش وقت كثير ونرجع كيف كنت نجمة:انا مفاهمة والو مالي انا ومالك انت؟ سلطانة:عقلتي نهار تلاتاء فاش خرجتي من خدمتك عقلتي على لقطة لي جات تحاديك حيت كانت خايفة من ظلام وبغاتك تحضني عليها وانت بكل برود ضربتيها عقلتي نجمة:أه عقلت ماشي من عاهدتي نضرب شي حد ولكن كنت معصبة ولكن اش دخل شي فشي؟ سلطانة:هاديك القطة هيا أنا،شافت نجمة فسكينة كتبان ليها سخفات حداها نجمة:هادي عيا الكرعة محزمة بالفكوس اويلي معامن أنا(شافت فسلطانة)شوفي هادشي ديالكم راه مداخلش ليا لعقلي سلطانة:سمعيني مزيان وخلي ودنيك انا سلطانة بشرى زاهدة جيت من بلاصة بعيدة مابقيتش عاقلة على سميتها لي عاقلة هو انو راجلي سميتو سلطان قاسم راجلي كان كيحكم بالعدل دوار لي حنا حاكمينو لي حتى هو معرفاش فين جا لي عارفة هو فمنطقة ورزازات عندي جوج ولاد ولدي لكبير او بنتي وردة لي عاقلة عليه مزيان هو كنت باغية نزوج ولدي من بنت واحد تاجر كبير ولكن فواحد لمرة دخلت عليا مرة مشايفاش وجها لي كاتليا هو انو عروستي قتلاتها وبسم شرباتها وجا دوري أنا ولكن مغاديش تقتلي حيت كنكون أم سلطان لي كتبغي ولكن اتلقني درس 🌸أصابتني لعنة هرة🌸 23-درس صغير من بعد طحت مابقيت عقلت على والو حتى لقيا راسي كندور فالقصر ديالي وانا سيفتي سيفت حيوان كنلقى كولشي كيبكي وكيكولو اني انا وعروستي متنا بسباب حب الملوك لي جنانو مغطية لقصر وكالو راه لقاوه مسموم من زمان وانا كنعرف لالة راضية وقررت نشد رحال لعندها لمدينة حيت هيا ممكن تعتقني خصوصا كانت معروفة بحبها لمشاش وعند هيبة من عند الله تقدر تواصل معاهم منين جيت ولقيتك كنت خايفة بزاااف بغيت نتحاما فيك ولكن انت عارفة شنو درتي حتى لقيت مشاش راضية هازيني وجايبيني هنا وبفضل راضية ولما لي عطاتني رجعت كيف كنت ولكن عندي نهار واحد وايتبطل مفعول ونرجع كيف كنت،نجمة بقات كتشوف نجمة:وحكاية هادي واش كنتي كتعاوظيها لوليداتك فاش كانو صغار سمحيليا نكوليك راه عندي26سنة ماشي درية صغيرة ضحكي عليا بجوج كلمات واش من نيتكم وكاع كاع فرضى فالميتال كان هادشي بصح واخا هادشي راه مكيدخلش لعقل انا مالي ومال هادشي ضربتك سمحيليا الالة ولكن انا مالي سلطانة:بغيتك تعاونيني انت هيا خلاص ديالي باش نرجع لعائلتي نجمة:واش انا هي جاك المرسول كيفاش نرجعك ومالي أنا؟ راضية:انت لي تقدري تقضي على حنانة نجنة:انا هي عنترة ابن شداد واش كضحكو عليا راضية:عاقلة أنجمة على لقطة لي عجاتك لي وصلتي حتى لموت؟ نجمة:بصدمة)ككيفاش عرفتيها؟ راضية:شافية والبشير داوك عندك جدات جداتك الله يرحمها منانة لي شرباتك من دمها وخطات ليك بلاصت العضا ومزجات دمها مع دمك وكتبات ليك فيديك نجمة:أنا انا مابقيت فاهمة والو منين كتعرفي حنة منانة وهادشي كاملو؟ راضية:من داك نهار ودمك تخلط مع دم شرفا وليتي عالمة غانمة وفدنيا سالمة وقيلة فهمتيني لي جامعة كتاب لعلوم ولمتال شعبية وحافضاهم واحد بواحد اتكوني فاهمة،حسيت براسي تزيزنت مابقيتش قادة 🌸أصابتني لعنة هرة🌸 24-قادة نهضر ولا نطق اكنسمع وساكتة راضية:انت بيديك كلشي عقلتي ماشي نرة ماشي جوج كطيحي وفالغد كتصبح بلاصت جرحة مافيها والو،سهيت فعلا كنت كنطيح وكيطرا ليا والو وعنر شي واحد أداني ولاقدر يضربني راضية:دمك الى تخلط بدم حنانة اتولي بحالها بحال ايها ناس متقدر تخبش ولا تنبش،رجعت راسي ليها نجمة:نخلط ليها دمي نعطيه ليها فمونادا ولا عصير مثلا واش كتهبلو عليا؟ راضية:أنت لي بيديك تخلصي سلطامة وتخلصي راسك نجمة:ومالي أنا؟ راضية:لعنة لي تصابت بيها سلطانة تصابيتي بيها حتى أنت حيت انت لي مسيتيها رجلك مسات جلدها وضربة لي عطيتيها خلاتكم بجوج تقاسمو نفس اللعنة غير هيا تحولات لقطة وانت ولات عندك ميزة تشوفي لمشاش لي بصح مشاش ولمشاش لي ماهوماش مشاس وهادشي غير فالاول كل ما طولتي ممكن يطراو ليك حوايج خرى متكونيش باغياهم نجمة:كتهدديني حيت انت مشعودة راضية:ناس غالطين انا ماشي مشعودة انا شريفة راضية مولات لمشاش كاين فرق كبير انت مغاتفهميش ايجي نهار وتفهميه،رضيت لبال لسلطانة كتبان ليا كتحك فتيفها ولحمها وصوتهاولا بحال مواء نجمة:مالها؟ راضية:مقهول الما لي عطيتيها بدا كيتبطل وغادي ترجع كيف كانت نجمة بنتي عاونيها كعندها غيرك واش ترضاي تبقى هكا ترضاي حنانة تاخود ليها ولدها وبلاصتها هاديك تقدر دير أي حاجة،وقفت حيت هادشي مكيدخلش لعقل سكينة بدات تفيق شافتني واقفة رجعات وقفات وبدات تجر فيا نجمة:شوفي آخر مرة نشوفك خطي ساحتي وهاد تخربيق معندي مندير بيه،خرجاتني سكينة وطلعت لدار دخلت لبيتي ودخلات سكينة تابعاني سكينة:غدا نمشيو ديري رقية شرعية اشنو كالوليك انا بصدمة سخفت مابقياش عقلت،بديت كنعاود ليها كلشي سكينة:اويلاي هادشي ميمكنش تخربيق كنت كنشوفو غير فالافلام كون غير مشينا مطلعاش مطلعاش نجمة:واش 🌸أصابتني لعنة هرة🌸 25-واش من نيتك كتهضري هادشي أصلا ميتصدقش غدا نمشي ندير رقية ونتهناو ونبداو نقلبو على شي دار لكرا حسن نبعدو من هنا سكينة:عندك الصح يلاه اختي تصبحي على خير،مشات سكينة تنعس وانا حاولت نعس وتكول واش جاني نعاس يلاه غمضت وجاتني نفس لحلمة قفزاتني نجمة:كتلهت)ياربي لحبيب دير ليا تويل دالخير ياربي أش هادشي كيطرا ليا،مكملت نعاسي غير بالكشايف هكا وليت كنعس مشيت درت رقية كاليا معندك والو وكاليا كلمة لي زادت كملات عليا الراقي:انت متحتاجيش تحصني انت محصنة من زمان مايقد حتى حد يأديك،هنا كمل على ليخاص ايامي ولاو متشابهين وليت نهار لخدمة وليل كوابيس ولغوات مرضت فصحتي مابقيتش كناكول عيينا كنقلبو على لكرا والو تكول كاع ناس كراو ديورهم وليت كنحس بالعيا لحاسة لي قوات عندي هيا حاست شوف وشم نشم لحاجة تكون معرفت منين عقلي بدا كيتيق لي واقع وليت نشوف عيالات ورجال كيسلمو عليا ويضحكو معايا وهوما مشاش ناس يسحابوني اتسطيت وليت مكنفرق بيت لا انس وبين لي قط كولشي تزاد على حدو زحياتي وصحتي راجعة باللور.. "فدار" سكينة:نجمة حالك ماعجبنيش وبيني وبينك انا بديت كنتيق لي كاتليك هاديك راضية شوفي اختي علاش مديريش لي كالت ليك انت مخاصرة والو نجمة:سخفانة وفمي بيض)واش انت مسطية او والديا أش انكوليهم؟ سكينة:انكوليهم انمشيو عطلة عندنا لمكناس متخافيش خليهم على حسابي وانا رجلي برجلك والله أختي منخليك ولا نتهلى عليك واخا يبقى فيا أعرق واحد شوفي أختي حالتك شعرك طرطق بشيب ظفارك طوالو وتوسخو وجهو كيدبال ويكحال ضعافيتي بزاااف وليتي كتخلعي اختي خلينا نتوكلو على الله ونمشيو انا مخبية واحد رزيق نمشيو بيه نجمة:و ولخدمة؟ سكينة:ناخدو عطلة مابغاش الله يعاونا ويعاونهم غير على قهاوي عطاهم الله مالنا خدامين فالوزارة نجمة:انتبعك فهادشي حيت انا مابقيتش قادة حاسة براسي كنموت موضي وقفيني،وقفاتني سكينة كنتمشى بشوية فتحت الباب تبعاتني مهبطاني قربت لباب راضية تفتح دخلت لقيتها كالسة وحداها القطة لي ضربت البيضا راضية:عرفتك غادي تجي نجمة:بصوت سخفان)شنو مطلوب مني مابقيتش قادة راضية:انا جايا)، مشات راضيو ورجعات بجوج رزامي حلاتهم قدامي فيهم قفاطن وحايك نكاب فالبيض راضية:هادو حوايجكم انت وصاحبتك وبلامتسولي كيفاش عرفت اترافقك لي كنعرف هو اتركبي لورزازات وبشطارتك ونباهتك اتعرفي قصر سلطانة فين جا حيت هيا مابقاتش عارفاه فين كاين انت بيديك تعرفي فين جا هادشي لي نقدر نكوليك متيقيش فمنوالى حيت حنانة معرفناها كيدايرة تقدر تلاقا بيك ودير راسها طاوس فعينيك نجمة:وباش اناكلو ونشربو وبسيفطي أش اندخل لدوار وانا ماشي من أهلو وكيفاش انعرف هاد لقصر وانا عندي غير سميت سلطانة وسلطان لكبير ولي محيرني ياك انا كلتي شريفة علاش هادشي شد فيا ياك حتى حاجة متقد تقيسني؟ راضية:علاش شدات فيك حيت كل مكانت مسافة طويلة على حنانة كلما لعنة ديالها كانت قوية وكل ما بديتي تقربي ليها كل مرجعات ليك صحتك ونهار تولي فدوار وقريبة ليها واخا سحرها ولعنة ديالها قوية معمر شيحاجة تأديك لا وكيفاش اتعيشي كولشي بيديك ومغايخفى عليك والو وبسيفطك أش أتكوني وكيفاش أدخلي لدوار من ليوم انت نجمة مولات منادل لحرير..... حبيباتي من هنا اتبدا حكاية ورواية هنا اتبدا رحلة طويلة لنجمة وسكينة لي مسكينة مكانت ضانة ولا عالمة انو مكتوبها مرتابط بقدر ومكتوب نجمة ولي مقدر ومكتوب كيف كيكولو ممنو هروب شنو ايوقع وكيفاش اتوصل نجمة لدوار ولاد داود كولشي هادشي انعرفوه فالاجزاء جايا ان شاء الله..... 🌸أصابتني لعنة هرة🌸 26-نزلات لقطة من حدا راضية ومشات جيهت نجمة لي جهد باش تبعد منها مكاينش طلعات حداها وحطات راسها عليها بانت ليها سلسلة فعنقها نباتها راضية راضية:خودي سلسلة من عنقها وفاش تلاقاي بسلطان قاسم عطيها ليه باش منين تحكي ليها القصة يتيق بيك دابا الى بغيتي تمشي سيري طريق سلامة انجمة وكوني محزمة مرزمة ولكلام متبتة ومزنة،مابقاليش جهد نجاوبها كنشوف منين غادي نجيب هاد لمنادل ديال لحرير وحريرة هادي طحت فينا هزات سكينة رزامي لي عطاتنا راضية نوضاتني ووتمينا خارجين وقفاتني راضية بصوتها راضية:منين توصلي عند نخلة لي ظلها كبير اتلقاي واحد لبهيمة شواريها عامرة حرير أما لمنادل سيري عند مولات لحنة لي فجامع لفنا اتعرفيها من لوشام لي على وجها كوليها سيفطاتني عندك راضية وبغاتك تعطيها منادل لحرير لحورين وهيا اتعطيك لي بغيتي ودابا الله يعاونك،شيرت ليها براسي وتمينا خارجين أول حاجة درتها خدينا طاكسي انا وسكينة لجامع لفنا دخلنا وسط زحام كنقلب بعينيا على مولات لوشام كتبان ليا واحد نقاشة لابسة جلابة خضرا كبيرة فالعمر عينيها زينين مكحلين واشمة وجها جبهتها وتحت فمها وايديها قصدتها ولمقصود الله وانا مافيا لي يتحرك سلمت هو لول: نجمة:سلام الالة عفاك سيفطاتني عندك لالة راضية كاتليك بغات منادل ديال لحرير حورين،طلعات فيا شوفة وشافت فسكينة وبلكنة مراكشية هضرات: مولات لحنة:أجيو معايا(دارت عند واحد سيدة حداها شادة لكارطة)لالة عيشة هانا جاسا عفاك كوعدي ليا هنا وحضي ليا قشاوشي اناشوية وبينكون هنا وانتو يلاه تبعوني،تبعناها انا وسكينة ودخلنا فواحد زنقة دويقة حتى لقدام واحد لباب مقوس جبدات مولات لحنة شي سوارت حلات الباب ودخلات وكفاتنا عند الباب مولات لحنة:تسناوني هنا دروك نجي سكينة:تكول مخبعة لكنز خافتنا 🌸أصابتني لعنة هرة🌸 27-خافتنا نشفروها ليها الله يستر نجمة:سكتي دابا تسمعك تصدق حتى هيا من صحاب لمكان انا راه مابقيتش كنتيق فالبشار على مجرا ليا مضربوني جنان مجلبولي فدانارتها ليا خفت رجليا مناحيس،خرجات دين نقاشة وفيديها رزمة فيها لي يتحرك مايتم كبيرة ومعكودة مزيان نقاشة:هاهوما منادل لحرير لحورين كوليها مغاتلقايهم مزال عند حتى واحد من غيري أنا وسعدات لي خدات هاد لمنادل مكايمونو غير عند شكون وشكون،شداتهم عندها سكينة سكينة:الله يرحم والديك الالة لهلا يخطيك النقاشة:ودوزو بخير،خلاتنا ومشات سكينة مسكينة هيا لي هزات داك تقل كلو وشادة فيا مزال شدينا طاكسي رجعلنا لدار سونيت لبا باش نكوليه على سفرة ديال مكناس نجمة:والله أبا ممالي والو وغير خت نجمة لكبيرة عندها لعرس وخاص لي وجد معاها ويديها بوحدعا مسكينة حشومة البنت دايرة معايا فوق لمزيان ونخليها البشير:الا أبنتي حسومة وماشي مم عادتنا رضوها فوجه ناس سيري أبنتي وخلي تيليفون نجمة:راه يقدر مرة مرة يكون ريزو مكاين أبا ومايشدش حيت خوما ساكنين شوية برات لمدينة البشير:مك كتوصي وتعاود مابغيتش نعطيها تيليفون راكي عارفاها وتهلاو فبعضياتكم ابنتي راكم بحال لخواتات نجمة:كون هاني أبا الله يعاونك،قطعت مع با شداتني سخفة وعييت بحال الى درت شي جهد كبير سكينة:كتجمع فلحوايج)أمضرا شنو كاليك؟ نجمة:مكال والو خفت غير لما يكونش ريزو فدبك لبلاد لي معرفت فين جات ويتخلعو داكشي باش كتليه راه يقدر مايكونش ريزو أجي لاش كتجمعي دوك لحوايج؟ سكينة:ومالنا انبقاو عريانين تما!! نجمة:وعلاش راضية عطاتنا دوك لحوايج ديال حكايات زمان باش نلبسوهم ماشي نلبسو سراول دجين الى عندك شي كندورة ولا شي قفطان ولا جلابة هوما لي تدي اما داك دجينات وقوامج أخليهم الله ياربي فين كان مخبي ليا 🌸أصابتني لعنة هرة🌸 28-ليا هادشي كتليك دارتها ليا رجلي انا راه منحوسة وزهر معنديش انا عارفة سكينة:غير صبري هادي دير ليك راس دابا فات لفوت معندنا منديرو وكيف كالو ناس لوالة لي مكتوبة على جبين لازم تشوفها لعين هاحنا غاديين حتى نشوفو هادشي فين أيخرجنا نجمة:لهلا يخطيك أختي مخليتينيش بوحدي سكينة:مزال تكولي هاد لهضرة نقطع لحسك لسان حنى راه خواتات ماشي صحابات يلاه نوضي نعسو غدا تابعنا طريق،هاد لمرة نعست حدا سكينة دغية داني نعاس ونفس الحلمة ولكن ماشي كيف لمرات لفايتة هاد لمرة سلطانة كانت مادة ليا إيدها شادة فيا ومبسمة بحال إلى كتشكرني يلاه حلات نعسة وسكينة بدات تفيق فيا سكينة:ونجمة ونجمة نوضي أصاحبتي يلاه نفطرو ونمشيو لمحطة يلاه راه انوض نخوي عليك سطل ديال لما بارد وانت وليتي مكمشة بحال شارفة لي عندها 100عام راضية تبان حسن منك،مافقت غير بزز خرجت لمراح كنعكز على لعود ديال شطابة نجمة:انت إيمتا فقتي زجدتي فطور مخرجة سيكانة تكول اندوزو لعطلة فمارتيل سكينة:كيعاودو على دوك نواحي حسن من مارتيل وبغيت ندوز من ديك بلاصة لي فيها داك لي كيديرو بيه أكسيو وناخود سيلفي من تما مرابانا يبان ليا شي ممتل تيتيز ويطلع زهري بحال ديك ميغان لي خدات ولي لعهد ديال بريطانيا نجمة:زيدي اميغان زيدي،كلسنا كنفطرو سالينا فطور لبسنا حوايج لي عطاتنا راضية بلاغي مع تحتيات بالحزام ومن فوقهم الحايك بالبيض مع نكاب بحال شي صويريات ولينا سدات سكينة شراجم طرقاتهم كنشوفو ياكما نسينا شيحاجة وخرجنا خدينا طاكسي نيشان لمحطة دمراكش هبطنا خلصت سكينة غير حنا هبطنا مولشي كيجيك ختي كازا ختي أكادير ختي ختي فاس ختي تطوان وغير كولي فين غاديةحنا نعاونوك سكينة:ورزازات أخويا،كل واحد كايجيك يجرك من قنت أجي اختي معايا هاهوا هنا شحال جوج 🌸أصابتني لعنة هرة🌸 29-جوج بلايص؟ نجمة:شحال حنا 3راه غير جوج كريسون:لسكينة)ميمتك مسكينة عيانة الله يخليها ليك اجي أختي معايا نجمة:ميمتك أولدي انا مقطعين وعارفين فين انمشيو لاجونص نيشان سكينة:وبلاما نتسخسو حتى لداخل اللهم هنا هو راه عارف مالو ايجلينا ولكار راه مكتوب فيه لمدون غير زيدي راه ساك تقل عليا لكريسون:حشومة تعيطي لمك بسميتها،شفت فيه نجمة:وانت شغلك اولدي تعيط ليا ختى بسميت باها كاع وهادخول شبوقات ورينا هاد لكار وخلينا نقضيو غراض خلاص،بكع لحس ودانا لواحد لكار كان قرب يديماري عيط على لكريسون لي مكلف كريسون:هاد لمرة وبنتها غاديين لورزازات تهلا فيهم كريسون2:مرحبا ميمتي 120درهم لوحدة،خلاصات سكينة دخل سيكان لكوفر وطلعنا لكار بقا غادي بينا غادي بينا حتى لور نجمة:كاينين غير هاد لبلايص مغانلقاو فين نسرحو رجلينا كريسون:هادشي لي عطا الله أميمتي بغيتي سيري فكار 6 ولكن ممنوع نرجعو ليك فلوسك ديريها فبالك نجمة:اودي غير سير نوصلو أعلى خير، مشا لكريسون وانا نشوف فسكينة نجمة:شفتي بلاناتك ياك كتليك ندخلو لاجونص حسن نقطعو فيه شفتي لي كايديها فشلاهبية ديال لمحطات راه مقاريين بيناتهم ضبر ليه فبلايص دابا يدور معاه فالاخر كلسنا على قلوز كنحس برويضة تحتي وكاع الى ديمار كاع دهان دشاكمة نشموه سكينة:ولاوه زدتي فيه الله يوصلنا على خير واخا نكلسو على رويضة،سديت فومي ديمارا لكار وانا حاطة سكادويا لي واخا معرفت اش يكون بيا منخليه سكينة:نجمة شنو كاين فداك كتاب لي درتي فداك سكادو؟ نجمة:هاداك منين عقلت على راسي وانا لمتلة لي سمعت نكتبها فيه وكبر معايا ومنين زدت كبرت وليت كنسافر لدواور ونقلب على الأمثال لقديمة وغير مواخران جمعت فيه 55مثلة سكينة:واو هادشي زوين تقدري تعطيني نقراه دابا محدنا كالسين،جبدتو من 🌸أصابتني لعنة هرة🌸 30-من سكادو ومديتو ليها شداتو كتقرا فيه وانا حطيت راسي على زاجة ساهية شمش كانت حارة كضرب رميت عيني كنشوف فيديا كيبانو ليا ظفاري قصارو ورجعو كيف كانو نهار لول وتفكرت كلام راضية ليا واحد وهلة داني نعاس فيقاتني سكينة سكينة:نجنة راه لكار وقف وناس هبطو ياكلو وانا فيا جوع يلاه ناكلو نجمة:أخليني وسيري انت جيبيليا شي سوندويش،خلاتني سكينة وهبطات ستغليت لفرصة سونيت لبا ومي هضرت معاهم وطمنتهم عليا رجعات سكينة فيديها سوندويش ديال دجاج مداتو ليا سكينة:نجمة شفتي ايديك رجعو كيف كانو كلام ديك راضيةطلع بصح نجمة:فمي عامر)مشكيل لي كالتو ديك راضية كيطلع بصح شحال تكون ساعة دابا؟ سكينة:شي 4ونص دابا نجمة:معاش انوصلو ورزازات مسولتيهش؟ سكينة:جا بغا يتزلل عليا سولتو معاش انوصلو كاليك 6:30انوصلو ان شاء الله وانا نقمعو وزدت مع طريق سنانو تكول مطردك فيها بوطة الله يستر دايرين كي زريعة نجمة:ههههه ياختي انت مكتقدايش سكينة:اما انت فرحت مكنتش نحسابك هكا فيك قوافي ولكن منين قريت لكتاب عرفت منين جبتي هادشي نجمة:فين هو بعدا؟ سكينة:رجعتو لساك ديالك،رجع ديمارا الكار وكملنا كريقنا كنا ف6:30حتى صدقنا ف7عاد وصلنا كريسون:ناس ورزازات وصلنا يلاه ورزازات نجمة:شفتو هدا حطنا فالخلاوات يحطنا احدا شي قهوة بعدا ولا محطة سكينة:أخويا حاطنا فلخلا وحنا غير عيالات ماشي فعايل هادو ولا حيت قمعتك لكريسون:الالة بغيتي تهبطي هبطي راه مزال تابعنا طريق وهنا فين كانحطو يلاه خلاص طلقينا،نضت انا وسكينة وناس كيشوفو حد مهضر هبطنا ولد لحرام وحط لينا سيكانة خلا العجاجة وراه سكينة:لكلب مشرك لفم تفو مابغيتش ندعي عليه وهو فطريق ندي دنوبو بغيت ليه أصريصرة ومايقد يحبسها ياربي نجمة:ودابا أش انديرو راه حطنا فدخلة ولد لهم من فعلو سكينة:على سعدنا وعدنا نضربوها كراعية شفتك مابقيتيش رجليك ضارينك؟ نجمة:شفتي من دابا عولي تشوفي لعجب غير زيدي وكان،تمينا غاديين و7دلعشية لحال يولي غادي ويضلام سكينة:اويلي أنجمة معندنا فين نباتو لا كيطون لاوالو ليومة ياكلونا دياب قفرناها نجمة:انطلبو ضيف الله غير زيدي نوصلو لمدينة بعدا،كيبان لينا لغاشي وناس قلال عرفنا راسنا دخلنا لمدينة بانت لي واحد قهوة مكتوب فيها قهوة الفن كلسنا فيها رجلينا طابو شدينا كيسان قهوة وحرشة كلينا بعدا عتقنا روح سولت سرباي: نجمة:خويا عفاك شي اوتيل رخيص؟ سرباي:رخيص موحال تلقاو كاين واحد تمشيو بعييد عند سينما لقديمة تلقاوه نجمة:واخا خويا شكراً،نغزاتني سكينة كتشير ليا لعند راسها طلعت راسي كتبان ليا واحد سيدة مدربلة مهدولة بشي حوايج بحال تحاتة وجلايلها مجرجرين سنانها طايحين كضحك وهي تنطق: "هاها انتوما ماشي من هنا ياكو باينة فيكم هههه الى الى بغيتو فين تباتو انا نديكم تباتو عندي فداري وتقبلو عليا اش كلتو؟ نجمة:لا مابغيناش الالة شكراً غير سيري لمرة:غوبشت)ديريها فين تجيك تفو تفو تفو عليك تفو عليك أنت قليلة نية ولسانك مبري منك ومكتعلميش من لي داز عليك دابا تندمي هاني فين كلتها ليك وكولي مولات جلايل كالت شافت سكينة فنجمة رجعو شافو جيهت لمرا لقاوها طارت ماسمات سكينة:فين مشات خلاعتني؟ نجمة:معرفتش؟ كتبان بحال شي حمقة وكيفاش غادي ندم ومكانتعلم اشنو كتقصد بهضرتها زعمة؟؟..... 🌸أصابتني لعنة هرة🌸 31-سكينة:تقصد لي بغات يلاه خلينا نمشيو نشوفو هاد لاوطيل لي كاليك سرباي ظلمة بدات طيح وحنا غير وليات وتقلنا بهاد لمنادل غير الله يستر،خلصت ديك لقهوة وحرشة وشديناها كراعية لي فين نعتلينا سرباي نقلبو بعينينا وتكول واش بان لينا شي اوطيل بعدنا على لبلاصة فين نعت لينا كيبان ليها واحد لوطيل بحال رياض نجمة:هاهو يمكن غير وقيلة معرفش يوجهنا،مشينا ليه دخلنا سولنا لقينا كاع لبيوتة مشارجيين بيت واحد مكاينة نجمة:اخويا شوفلينا غير فينما كان حنا قابلين نعسو فيه واخا يكون غير سطح الاستقبال:ولالة كلمةوحدة كلتها كولشي عامر واش ندير فعبوني سكينة:لاواه ديرنا فجيبك زيدك لهاد لمحروك تسحاب راسك انت هو مول شي هضر بشوية ومعندنا منديرو بهاد لبيت بخار بيه(شافت فيا)زيدي بحالنا،خرجنا وضلام لحال نجمة:كون اسكتي نتفاهم معاه ودابا فين انمشيو الحال ظلام حوانت سدو الله يربي وفين كان مخبي بيا هادشي كوراه انا فدارنا مكمشة سكينة:كون غير مشينا مع مولات جلايل شفتي لي كالت ليك هو لي وقع هاحنا دابا ظلام وحنافزنقة وانباتو فيها واش لمعمول نجمة:كيبان ليا نفرشو حوايجنا جيهت شي نخلة ونعسو حتى لصباح سكينة:نخلة نخلة انجمة من نيتك واش ضلام مابقيتش كنشوف قدامي وكتكولي ليا نخلة فمك كياكلك اختي كون غير مشينا مع لمرة هاحنا دابا كالسين نويلو وفينا جوع نجمة:انا زغبية نيت انا فمي مبري مني شنوبان ليك نعيطو عليها مرابنة تجي عندها سكينة:نعيطو عليها مالها ولات عفريت غير انعيطو اتكولينا شبيك لبيك عبدك بين ايديك،جاوبهم صوت من لور "بغيتوني فشيحاجة" نقزو بجوج ودارو سكينة:مممم بسم الله رحمان الريحيمين دكرنا سمن ولعسل كون غير دكرت شي ممثل ولا شي مليار نجمة:ههه م مممي مولات جلايل لباس عليك،كدور فراسها ومبسة وتشوف فينا 🌸أصابتني لعنة هرة🌸 32-مولات جلايل:هاها دابا وليت مي ها شفتو سمعتو كاتليكم مي مولات جلايل شفتي ابنتي قلت نيتك وعقلك فين داتك وا انا درت على وجه منانة جدات جداك أما انت منشوفش فيك حتى شوفةونخليك تبردي حدا الواد نجمة:سمحيليا امي مولات جلايل لي معرفك جهلك منين كتعرفي حنة منانة؟ مولات جلايل:قصة طويلة هادي يلاه تبعوني نحيدو من هاد لخلة زيدو زيدو،تبعنا هاد لمرة لي معرفناها فين غادية بينا كتمشى بشوية متكية على عصى بعدنا شوية على ديور كانت واحد دار غير بتابوت فيها دروج طلعنا تبعناها فتحات لباب ودخلنا وراها مضوية غير بشمع ومفرشة لهياضر ولمخاد كولشي عندها بلدي مولات جلايل:كلسو كلسو مرحبا بيكوم مرحبا بيكم فدار مكم رقية سكينة:ربي يخليك أمي رقية الله يكبر بيك،كلسنا وكلسات قدامنا كتصغر عينيها وتشوف فينا شافينا شافت فسكينة ونطقات وهي مبسمة: بنيتي راه مجمر حداك شاعل وخضيرة نوضي طيبي ليناشي طاجين كالو ليا كتعرفي طيبي طواجن سكينة:مفاهمة والو)شكون هادو امي رقية؟ رقية:هههه متبقايش تسولي بزااف نوضي راه فينا جوع كاملين،ناضت سكينة على سعدها وعدها باغية ترتاح حتى صدقات هيا لي اطيب لعشا أناغير ساهية فدار وكنبركك رقية:وانت يانجمةبنت لعطار مكرهتش تغني ليا شي غنية من دوك لي كانت شافيةتغني ليك فاش كنت صغيرة كالو ليا صوتك زوين وكيجيب نعاس غني ليا عايش بنتي نجمة:مي رقية مكلتيش ليا منين كتعرفي حنة منانة ومي شافية وكتعرفي بزااف ديال لحوايج رقية:وغني ليا بعدا عايش بنتي بينما وجد لعشا نتعشاو ونعاود ليك يلاه يلاه الله يرضي عليك،بقيت غير كنشوف فيها نجمة:واخا أمي رقية واخا عمري غنيت منين كنت صغيرة منردهاش فوجهك وانت ضيفتينا،بقات غير مبسمة ليا وحاطة راسها على لحيط نجمة:العين الي متشوفكشي ياخسارة كولي لي رادو 🌸أصابتني لعنة هرة🌸 33-ولقلب لي ميحبكشي قولي قولي قولي واش نعمل بحياتو يازهرة عمري يا سمرة يالي نورتي ليالية كياني علقت لجمرة وقطفت شمس بعنيا...بقيت نغني لمي رقية وهي امبسمة ومغمضة عينيها حتى ساليت وسكينة طيبات طاجين وكلسات حدايا سكينة:صوتك زوين بحال الأندلسي تبارك الله نجمة:هههه كنت كتغني ليا مي فاش كنت صغيرة وحفضت كاع هادشي،شفت فمي رقية)مي رقية يكما نزيدك وعاودي ليا شنو حكايتك منين جيتي مزوجة عندك ولاد،مجاوباتش كاع سكينة:ناري ياصكعة شفتها مكوانسية عنداك تكون ماتت ويتسب فينا الباطل اناري اختي مابغيت نمشي لحبس على اخر يامي نجمة:ششش مالك غير كتفايلي علينا الله يحفظ بلاتي نشوفوها بعدا،نضت كنتسكل جيهتها يلاه انحط عليها ايدي تحركات وحطات راسها على لمخدة نجمة:مي رقية مي رقية نوضي(كنحرك فيها) رقية:بتتاقل)تعشاو بصحة ونعسو خليوني نعس انا مرة كبيرة خليوني نعس،بعدت ورجعت بلاصتي كنشوف فسكينة وتشوف فيا بدا طاجين كيطيب ومسارنا كيترادو انا وسكينة سكينة:انوض نحط مابقيتش قادة،ناضت سكينة حطات طاجين ولخبط لي كان محطوط فوق واحد طبك بدينا ناكلو دخلنا طول وعرض سالينا لقينا واحد لكلة شربنا منها وغسلنا ايدينا فرشنا حيدورة وحدا وتخالفنا بقات شمع وحدة شاعلة قطعات هاد لهدوء سكينة كتسول فيا: سكينة:نجمة دابا حنى غدا فين انمشيو ولين انشدو طريق؟ نجمة:والله معرفت حتى ديك راضية معطاتنا حتى خيط سكينة:سمعتي قالت ليك عند نخلة اتلقاي بهيمة هازة كمشة ديال لحرير نجمة:تلقايها كضحك علينا كاتجيني غريبة ديك سيدة فين عرفات هاد بهيمة اتكون وعامرة حرير اتبقى حتى لدابا مشافها حد ماسرقها حد نعسي نعسي وكان يصبح ويفتح مدبرها حكيم،من كترت لعيا لي فينا معقلناش على راسنا ايمتا مشينا،فيقنا ضو ديال شمس لي كان داخل من سرجم صغير 🌸أصابتني لعنة هرة🌸 34-نضت كلست كنحرك فسكينة قفزات تجمعت كلست سكينة:اووف تخلعت ناري ماحسيتش براسي غيبت نجمة:ماعرفتش فين مي رقية بلاصتها خاوية سكينة:كوراه خرجات تجيب لكومير لفطور،شفت فسكينة بنص عين نجمة:من نيتك كتهضري هاد دار وهاد فراش ضاهر على مولاتو تجيب لكومير وحنا زيدون بعاد على لمدينة نوضي تجمعي وكان نوضي باينة مي رقية مشات وخلاتنا نوضي غسلي وجهك ويلاه يلاه نشدو طريق ونعرفو فين نمشيو،نضنا غسلنا وجها هزينا حوايجنا فتحنا لباب دنيا خاوية مكاين حد سدينا لباب وزدنا خلفة مع طريق دايرين بحال دوك فيلم طريق إلى كابول بحالهم خاص غير لقطاطعية يخرجو لينا ونكملو لي خاصنا تمينا شادين طريق طويلة وشموسات كضرب فينا حتى كنسمعو صوت ورانا "موسيو هاهوما جاو اموسيو" نقزات سكينة سكينة:علامن كيهضر هدا؟ نجمة:معرفتش داير كيشي مصور زيدي زيدي أش بغيناه،ماجيت فين نكملها حتى وقف علينا: "من لبارح وحنى نتسناو فيكم يلاه خلاص راه خاصنا نصورو لمشهد نجمة:موجهة هضرتي سكينة)يمكن هدا لا مصرفق(شفت فيه)لا أخويا راك غالط،رد عليا مغالط والو يلاه يلاه،حيد ليا باليزتي وجارني انا وسكينة من ايدينا بحال متهومين نجمة:وطلق اهاد لمصلوق طلق(مع هو بيض وزعر)وطلق راك غالط واخونا وكواك الحق عتقو روح سكينة:وطلقني وطلقني انريش لخويا دوك جوج زغيبات راه متحكرنيش وطلق ياه طلق،موقفنا حتى لعند واحد دار كبيرة طوموبيلات وكترت كابليات خرج واحد: اووه جبتيهم سي مانيفيك حكا بغيناهم بالحايك عيط على عبير دير ليهم شوية ديال مكياج وعطيهم لحوار من هنا لساعة يكونو واجدات داكوغ" "اوك موسيو" نجمة:سمح لينا نفطرو لول فينا جوع،رجع شاف فيها هداك لي كان مخرج "عبد الصمد ديهم ياكلو هو لول وبالخف عليا مزال تابعنا تصوير لمشاهد لوخرا"طلقنا داك عبد الصمد 🌸أصابتني لعنة هرة🌸 35-نغزتني سكينة زعمة أش كديري شيرت ليها ايديا باش تسكت دخلنا داك عيد الصمد لداخل شي واقف شاد وراقي ويقرا ولا يحفظ كل واحد وشنو كيدير دهلنا بلاصة بحال كوزينة كلسنا جاب لينا مسمن وأتاي وزيت زبدة فرماج عبد الصمد:هانتوما كولو ولكن دغية باش تجي عبير تقادكم واخا،شيرت ليه براسي بمعنى أه،غير مشى شنقات عليا سكينة سكينة:انت أش كديري عرفتي با يشوفني فتلفازة والله حتى يقطع لحمي طراف طراف نجمة:طلقي اما انا راه ايردني مروزية لي غادي ندردر عليك فاش تولي انت طراف طراف فهمي قالب لقينا فين ناكلو فابور ناملو مالنا ونشوفو منين نسلتو هانتي انا اناكل لولة ياكي وانسلت نشوف شي قنت منين نهربو،بديت كناكول وسكينةحتى هيا كنخشيو فوجهنا بزربة قبل مايجيو وقفت انا ساليت كايبان ليا واحد لباب خرجت قدامو كانتسحب كان كايخرج واحد بلاصة بحال لخلى كتبان ليا كروصة من دوك كرارص لقدام فيها واحد لعود شارف يمكن كاع مسكين معضم داير ريجيم يمكن رجع بالخف كنجري لداخل نجمة:سكينة انا انهز ساك بساك ياكي نحطهم فواحد كروسة على برا اري ليا سكادويا نديرو فظهري بعدا،مدات ليا سكادو درت فظهري وبديت نهز ساك ديالي وساكها فيدي بجوج وخرجت كنتسكل ونتعطر فداك لحايك حتى وصلت لديك كرويلة ماشي كروصة حطيتهم ورجعت كنجري نوض فسكينة لي هزات مسمنات بقاغطهم دارتهم فساكها وهزات رزمة ديال لمنادل وتمينا غادين بيبلاغينا كنجريو وقفات سكينة سكينة:تي كيفاش انركبو فهادي وشكون ايسوك بينا اويلي انتهرسو نجمة:انا نسوكها لمهم نخرجو من هنا سربي خلاص ايحصلونا انت كلسي لور عنقي سيكان وانا انركب نسوك بهادا مهم سلكنا هو هداك خرجنا فشي تلت خالي هو هداك طحنا تهرسنا هو هداك المهم نجربو يلاه يلاه سربي،طلعات سكينة بالكشايف مع طلعة مع طاحت ليها فردة فردة ديال لبلغة يلاه طلعت وبدات تغوت سكينة:بلغتي طاحتي نجمة:بلاتي اخليك انهبط نجيبها ليك،يلاه انهبط وانا نسمع هيه فين غاديين هيه،رجعت بلاصتي بان لي واحد عود منشحط اداك لعود لضهرو حتى تهزينا من بلاصتنا وتم كيجري بينا بحال سعيد عويطة أدربك ادربك الحفيض الله سكينة صوتها جاه لعلام مع رجليها مدلدلين طارت ليها حتى لفردة تانية ديال لبلغة كندور براسي كنلقا خلينا غير لعجاجة سكينة تغوت سكينة:وقفيه وقفيه وااااع وقفيه نجمة:وا مبغاش يوقف أش اندير ليه؟ سكينة:ضربيه بجهد ايوقف،درت لي كالت ليا سكينة غير مزاد طار مع سما نجمة:ومبغاش سكينة شوفي قدامك مجينا فينا نكملها حتى لقينا راسنا مقشيين فواحد جبل تراب فاسك،كنحس براسي ضرني نجمة:أح اميمتي رجلي اياي سكينة سكينة،كنضور رسي كيبانو ليا غير رجليها مقلشين اما راسها داخل وسط الغيس وقفت كنعرج مشيت جيهتها جريتها سكينة:وكواك كنت انموت واكواك فين كان مخبي ليا هادشي فين حنا؟شفت جيهتي كتبان لي كروسة مليوحة ولعود واقف وسيكنة مليوحين شفت ضهري لقيت سكادو فظهري مزال كندور فعينيا باش نميز فين هنا حتى كتبان ليا واحد نخلة متميزة كبيرة عالية مدلية تحتها ظليلة كبيرة وبحال الى شيحاجة واقفة حداها مع تراب ماميزتش نجمة:شيرت ليها لجيهت نخلة)شوفي لهيه شنو داكشي مكايبانش ليا سكينة:حتى انا مكيبان ليا والو اووف وبلغتي طارت بقيت بلحفا نجمة:وقفي بعدا نمشيو جيهت ديك نخلة ونكلسو نرتاحو وديك ساعات نشوفو شنو نديرو عطاتني ايدها ساسنا جلايلنا من تراب وهزينا دوك سيكان ديالنا لملاوحين ورزمة دلمنادل وتمينا غاديين جيهت ديك نخلة سمحنا فداك لعود خليناه وزدنا كلما قربنا لديك نخلة كتزيد تكبر وتكبر قربنا نوصلو وصورة كتوضاح وقفت أنا وسكينة تشوف فيا ونشوف فيها سكينة:بصدمة)كتشوفي لي كنشوف؟؟... 🌸أصابتني لعنة هرة🌸 36-نجمة:كنشوف أختي كنشوف سكينة:وعلى هاد لحساب كلام راضية بصح نجمة:علاش حنى جايين هنا فعطلة كونكاكان كلام راضية صحيح اجي عمرك صكتي شي حمار فحياتك سكينة:الا ولكن لي يسوك عود يسوك حتى حمار غير زيدي،قربنا مزيان لنخلة لي كان حمار مربوط فيها بشواري ديالو عامرين مغطيين سكينة:انا نكلس وانت سيري قربي عندو نجمة:مالو أيعضك باز ليك ياختي،قربت ليه حطيت ايدي على راسو كندوز على ظهرو متحركش عريت شواري كيبان ليها شلا تواب نجمة:أجي تشوفي لحسك شحال ديال تواب كون ديتهم لشي خياط كون بعتهم بالهبل عرفتي هادا وتشوفو مي تلصق عليه حتى ديرو شي تكشيطة سكينة:رجعي تواب احنينتي بلاما تحلمي ويلاه نركب انا وانت سوكي بيه نجمة:شفت فيها)واسعدي وافرحي بلالة لعروسة اياه انت تركبي وانا نسوك بيك سكينة:متنسايش راه ضعيت بلفتي مغاديش نمشي حفيانة فوق لحجر وزاج نجمة:اه بصح يلاه طلعي طلعي،طلعت سكينة فوق لحمار حتى ستويتها وحطيت حداها لحوايج سكينة:شتك تقلتيني؟ نجمة:ومالي نسوك فيك ونهز شواكش براكة عليا غير سكادويا فضهري نشوفو هادشي كيف كيتمشى سكينة:كولي ليه شا ايتمشى نجمة:كضحك)كون غير غنيتيها حسن،بديت كنحاول نتفاهم مع هاد لخليقة كيفاش نسوكو شوية شوية بدا يتمشى فالاول كيمشي ليمن بينا ونجروه ليسر حتى لاخر عاد بدا شاد معانا طريق غاديين وشي طريق مابغات تبان مزال شمس كضرب فينا حركاتنا نجمة:الله يربي الله واش انبقاو نضورو فموضعنا سكينة:وانا لي حفيانة نجمة نجمة شوفي لهيه كاتبان ليا بحال دخلة واقيلة رجعنا لمدينة نجمة:اه والله الى هيا،بقيت جارا لحمار وسكينة فوقو حتى دخلنا لدخلة دلمدينة سكينة:وقفي بينا هنا ناخود صباط ولا شي بلغة عفاك هانتي سيري شريها ليا انت مانقدش نمشي وانا حفيانة،شديت عند سكينة فلوس ومشيت لواحد 🌸أصابتني لعنة هرة🌸 37-لواحد المحل ديال لبلاغي وهادشي دجلد شفت عندو بلغة طالعة من لور بحال صباط خديتها عندو بلاما نساومو يلاه جيت خارجة وانا نرجع عندو نجمة:كوليا أشريف اش سماك الله بعدا؟ "عبد الخالق الالة" نجمة:بغيت غير نسولك دوار بن داود فين جا عبد الخالق:دوار بن داود اممم واهلي فين جا ولكن تفوتي وارزازات بشحال عاد تقدري تلقايه صراحة هادشي لي عارف حيت انا ماشي من هنا نجمة:اه والله يرحم الوالدين سمحليا،شديت لبلغة وخرجت عند سكينة مالقيتهاش نجمة:اويلي فين هادي ياسيدي ياربي،كنسمع لعياط ولغوات ديال سكينة سكينة:نجمة ويييع نجمة عتقي روح عتقيني غادي بيا غادي بيا،دارت قدامي كتبان ليا مقلشة رجليها ولحمار غادي بيها تبعتها بجرية وحدة حتى لحقت عليها جريت لحبل وهو يوقف سكينة:اوف اوف ناري كنت انموت بالخلعة نجمة:انت غير نتفافة عليك دقيقة وحدة تزبليها كيدرتي ليه سكينة:والو واحد دبانة تحطات عليه كيحرك فراسو برزطاتو بانت لي بغيت نضربها ضربتو هو وهو يتحرك مابغاش يوقف مزال نجمة:عار مولانا مابقيتي تمسي شيحاجة هالبلغة لبسيها وزيدي على كرعيك،هبطات سكينة لبسات لبلغة سكينة:كعما سولتيني شحال كنلبس جبتيها هيا هاديك نجمة:كتلبسي 38 بحالي بحالك ماشي مرة ماشي جوج لبست ليك بانطوفتك سكينة:نسولو شي واحد فين جا دوار بن داود نجمة:وا سولت كاليك بعيد على هنا سمعيليا ماحدنا فالمدينة ناخدو شي يزور باش الى بتنا فشي خلى بعدا نعرفو نقادو ايزور علاش انعسو حيت باين ليا انوليو نعسو غير فلخلى ولقيفار يلاه أجي،زدت بلحمار وسكينة من ديك جيه ناس قلال لي غادي وجاي مشينا واحد محال عندو كترت ليزو خدينا من عندو جوج ايزور خرجنا من عندو دخلنا محال اخور خدينا خبز ولمونة لي اناكلو باش منبقاوش بجوع سكينة:انا عند بالي غادي نكلسو 🌸أصابتني لعنة هرة🌸 38-نكلسو فشي اوطيل وناكلو ونشربو تما نجمة:مزيناتك وجهنا وجه الاوطيل حنا راه منحوسات وجهنا وجه لخلوات وتدلفيق اودي خليها على الله وزيدي كاليا داك سيد لي سولت خاصنا ناخدو هاديك طريق لي طويلة باش من هنادي تخرجنا لدوار ونسولو تما،شدينا هاديك طريق غاديين دخلنا فالخلوات مرة مرة تبان ليك دار ديال تراب كلسنا شوية ناكلو ضرنا جوع وكملنا طريقنا بدا الحال كيظلام علينا سكينة:ختي عييت شحال انكونو ضربنا من كيلومتر؟ نجمة:معرفتش حتى انا عييت اجي نرتاحو شوية، بانت لينا واحد شجرة وقفنا حداها ربطنا لحمار وكلسنا نرتاحو سكينة:نجمة كيبان ليا لهيه شفتي بحال شي ضو نجمة:فين هاد ضو؟ سكينة:شوفي لهيه مزيان شفتي ضو هداك ياك بحال والو يكون شي حد ولانكونو قربنا نمشيو نجمة:بلاتي اختي راه طبت والله بلاتي نرتاح،بقينا كالسين موسدين ريوس بعضياتنا وضو ديال لكمرة مجهد هو لي مضوي علينا سكينة:يلاه يلاه نمشيو قبل ماينعسو غير صبري ونوضي،وقفات سكينة او نوضاتني فكينا حبل لحمار ديالنا وكملنا طريق ضو غادي وكيقرب فبلاصت واحد ولاو جاج ولاو تلاتة حتى قربنا كيبان لينا دوار صغير وكترت ديور سكينة:الحمد لله وصلنا انجمة وصلنا نجمة:شوفي نفرشو هنا ونعسو بعدا وغدا ان شاء الله يكونو ناس ناضو اما دابا كولشي ناعس،داكشي لي درنا نيت ربطنا دوك ملحفات بواحد حبل مع جوج شجرات وربطنا لحمار حتى هو كلس وحط راسو على ايديه وانا وسكينة تكينا تحت دوك ملاحف مغطيين علينا ماعقلناش على ريوسنا ايمتا نعسنا وبلا عشا،صوت كترت لهضرة كثيرة وتبراح ولغوات هو لي كمزني كن بلاصتي عليت عينيا دغية كتبان ليا شمس طلعات وسكينة مزال ناعسة،بديت نحرك فيها ونعيط: نجمة:سكينة واسكينة ونوضي خلاص نوضي،حلات عينيها ملصقين بنعاس مزال كتحك فشعرها وتشوف فيا 🌸أصابتني لعنة هرة🌸 39-نجمة:حنى الالة فقصر سلطانة هيام وسلطان سليمان ونوضي نوضي فين انكونو حنا مزال مجليين سكينة:وكنسمع كترت لهضرة نجمة:نوضي جمعي لوقفة غسلي وجهك وزيدي نكملو طريقنا وقفنا غسلنا وجها بواحد القرعة ديال الما جمعنا دوك لحايف درناهم فشواري وعطينا حيدنا رباط وهبطنا مع واحد الهبطة حنا هابطين وكنسمعو فصوت كيتجهد كيبانو لينا ناس بحال شي سوق عامر لاباس ناس بحال لباس ديال سلطانة بشرى بحال شي فيلم قديم لعطارة ولبنات مجموعات عليه هالي كتشري سواك هالي تشري لكحل وتكركيرهم مع لعطار واصل لفين لي دزنا من حداه كيشوف فينا حيتاش منكبات نباتني سكينة: سكينة:هادي هيا لوجيبة باش تبيعي دوك تواب ولمنادل كيف كاتليك راضية كان عندها الحق تبيعي باش تصيبي باش تعيشي نجمة:عندك غير يجريو علينا شوفي غير كيشوفو فينا سكينة:اشمن ايشوفو لمنادل وتواب لحرير ايولي طايح كتر من نايض على ضمانتي تبعيني تربحي متنسايش فلوس لي عندنا غاديين وكيقلالو وهاد الارض هادي باينة فلوسها بحال دوك ربعدريالات لمدهبين نجمة:أه بصح صدقتي فهادي يلاه تحت ديك شجرة لي لهيه نحطو سلعتنا وتوكلو على الله داكشي لي درنا فرشنا تما وحطينا لحليل وشي منيدلات من دوك لي فرزمة ولباقي رجعناه بقينا واقفين كنقرقو بعينينا سكينة:اتبقاي ساكتة وبالي واش تسحابي هكا ايجيوك ناس؟ نجمة:وشنو انكول،خنزرات فيا سكينة شهدات ورجعات دارت هزات شي تواب فيديها وبدات تصيح سكينة:زيدو قربو زيدو مابقاش تواب من شرق الأوسط تواب سلاطين العثمانيين زيدو مابقاش بالي قبل مايسالي باليو تواب سلطانة هيام منادل لحرير من قصر العثمانيين لعندنا يلاه يلاه،بقيت غير كنشوف فيها بداو ناس يتجمعو ولعيالات كل وحدة كتخطف توب وتشدو راسها بديت نعاون فسكينة وبدا البيع كيتزوهر شوية ماحسينا.. 🌸أصابتني لعنة هرة🌸 40-ماحسينا غير بشي عودان وقفو علينا ورجال لابسين لباس فشكل ودايرين بحال رزايز لريوسهم هبطو من فوق عودانهم وتلمو علينا ماعرفنا باش تبلينا شوية بداو يجمعو لينا فتوابنا وقشنا نجمة:اسيادي شكون نتوما أشنو كديرو سكينة:ايه ايه حط داكشي حط،جوج كيجمعو وجوج شدو كل وحدة فينا وجارينها كنتركل انا وسكينة ونكولو ماتركلنا ركبونا على دوك لعودان وزادو بينا نغوتو ونضربو حتى نهض فيا واحد "اتكلسي الارض وتسدي فمك ومنسمعش حسك كتهضري مفهوم حتى تشوفو مولاي سلطان منصور دابا قطعي حسك قبل منقطع ليكم بجوج ريوسكم ونرميكم لدياب" سكينة:أسكتي ابنت لهم سكتي بغا يقطع يقطع لينا ريوسنا قفرناها عندك ايكونو هادو شي عصابة بحال داك فيلم ديال كواسر ويخطفونا يديرونا جواري ليهم نجمة:ربي لما سكتي درقوشك هادشي لي ناقصنا غير أفلامك وخيالك فهاد ساعة،زعزعني صوت فهادوك "سكات منسمعش حسكم مزال"ضربط طم وكلست نولول فخاطري أجي تشوفي بنتك أشافية طلي عليها جات تخدم حتى صدقات فسلطان ولمشاش ولعنة وسحور وفحريم سلطان ومزااال الى رجعت ليك لباس عليك وعليا،بدينا ظاخلين افوسط شجر كتير شوية طلعنا مع واحد جبل مخبع واحد المبنى كبير بحال شي قلعة حداها نخل بزااف تفتح بابها لي كان داير ومنقوش من لخشب وتمو داخلين بين فوق واحد رصيف شجر من كل جنب لغرس ولورد ريحتو عاطية هبطو بينا دوك رجال لقينا بحالهم تماك باينين بحال شي حراس جارينا من ايدينا مجرجرينا معاهم وقفو بينا وعطاو تحية لواحد جوج واقفين نقز واحد فيهم: "حنا جبنا لي وصانا بيه مولاي هو كاين؟ "لا مكاينش ولكن راه أمر باش تنزلهم لحبس ديال لقلعة وتخليوهم تم بينما جا هو باش يعرف شكون هوما ومنين جاو"عطاه سلام وتم مجرجرنا نجمة:اسيدي واش ممكن نعرف فين حنا وفين غاديين بينا؟ 🌸أصابتني لعنة هرة🌸 41-سكينة:وهداك بورزة واش بنا ليكم خرفان غير جارينةبحال الى غاديين بينا لكرنة دبحونا وراه معاك كنهضر،خنزر فينا بشي عينين كي ديب الله يحفظ بديك شوفة زمينة، هبطونة مع شي دروج كيبان لينا ظلام وقفونا قدام واحد الباب فيه واحد شريجم فتحو دخلنا وسد الباب ورانا طل علينا براسو من داك سرجم "هنا فين اتبقاو حتى يجي مولاي هو لي ايعرف ليكم هنا دبانة الى تزادت خاصنا نعرفوها شكون هيا ومنين جات خلي جوج عيالات تحطو على أرضنا وكلسو يبيعو فيها بلا موجب شرع،رجع سد داك سرجم ومشا كيتسمع اصوت ديك بلغة ولا صباط ولا بوتيو طولتو طولت بوتيو وفصالتو كيلبلغة درنا بريوسنا فين دخلنا كانو زوج سدادر واحد زريبية واحد طبيلة صغيرة وسرجم مدخل ضو سكينة:حتى كنكولو شدينا طريق كنصدقو نطيحو فمنتف كبر باين ليا هاد ولاد بن داود مغادي نوصلو ليها حتى يغفر لينا ربي دنوب وشوف وشوف الى وصلنا ليها الما دفنا هاد سلطان حايين نجمة:ماحنا على فالك أختي دابا هاد سلطان بغا يعرفنا من فين جايين شنو انكولو ليه؟خاصنا شي خطة سكينة:أجي علاش منكولوش ليه حنى من دوك رحالة لي كيكونو فصحرا وكل مرة فين كتحط بينا نجمة:أياه وعلاه حالتنا باين عليها ترحال شوفي انت كيدايرة وأنا كيدايرة كل وحدة فينا تقطع بالبياض ايتيقنا زعمة سكينة:وياك حنى منكبات حتى واحد مشافنا ولا زول غطانا نجمة:ويلى أمر لخدم ديالو يزولو غطانا ويعريو كسانا فين انوليو ادادة لفهيم،بقات سكينة غادية جايا كتفكر شافت فيا وجات قدامي سكينة:لحموم نجمة:مافهمتش)كيفاش لحموم وضحي كثر!؟ سكينة:نطليو ريوسنا بلحموم انبانو لي مغسلو ومحكو شهورة وضهورة نجمة:ايااه وفين هو هاد لحموم منين انجيبو؟ سكينة:أجي نكوليك،قربات ليا لودني...قريب من لقصبة كان عود بيض شعرو طاير مع ريح فوق منو 🌸أصابتني لعنة هرة🌸 42-منو راجل طويل بركبتو وهيبتو تكول غير فارس مغوار تفتحات ليه لبوابة لي شافو من لحراس كايحييه دخل غادي بالعود ديالو حتى غبر.. نجمة:كنعيط من سرجم منكبة)اداك لعساس اهاداك انت هيه،جا واحد ماشي بحال هداك لي جابهم جاوبهم: "ياك لباس شنو كاين؟ نجمة:عفاك هاد لبيت بارد ولبرد علينا ومالبسين والو من غير حايكنا الى جات على خاطرك شي مجمر ولافاخر نسخنة بيه الله يسترك،بقا كيشوف فيها رد سرجم سدو ومشا درت عند سكينة كنشوف فيها نجمة:باينة هاد لبلان مامنو والو،يلاه كملت هضرتي تفتح زكروم ديال لباب ودخل داك لحارس هاز فيديك بحال فاز فيه 5عواد كبار شاعلين حطهم وخرج وسد علينا سكينة:جاب لينا عواد اش انكجدرو بيهم خاصنا فاخر نتمرمدو فيه نجمة:انت غير سكتي، مشيت لداك لفاز كانصوت عليه حتى طفى بمشقة الأنفس شفت جيهت سكينة نجمة:واجي وانت واكفة انباتو هنا وحيدي داك نكاب يلاه معندناش الوقت،فواحد القاعة كبيرة كلها كتب بيرو فالقهوي كان واكف نفس شخص عاطي بظهرداير ايديه وراه لابس لبسة كحلة تدق لباب وتفتح ودخلو جوج حراس حناو راس ونقز واحد فيهم: مولاي دوك لبنات لي أمرتينا نجيبوهوم جبناهم،دار وبانو ملامحو لي كلهم رجولة لحية لونها قهوي داكن عينين حادين ابيض لبشرة الفم مرسوم سنانو مكيبانوش حيت مكانش مبسم سلطان منصور:جيبوهوم لهنا، حدرو راسهم "واخا أمولاي،ردو لباب وراهم ورجع لنفس الوضعية ليكان فيها متعطلوش حتى كيسمع لغوات وصداع تفتح لباب ونجمة وسكينة كيتركلو نجمة:طلق أولدي طلق راني قد مك ياحسرة راني مبة من شيب نابقيتو تحتارمو لا كبير لاصغير الحيا والحشمة دارو جناوح وطارو الجار دعا جارو وحتى من لفار تلف على غارو سكينة:مغلضة صوتها)وا مي كولي لهادا يطلق مني ومي،تسمع صوت مجهد بحال زلزال زلزل لقاعة 🌸أصابتني لعنة هرة🌸 43-مولاي:سكاااات معنديش حمام هنا،درت انا وسكينة كنشوفو شكون لي هضر بقيت غير مبلقة شفت جيهت سكينة لقيتها حوالات نغزتها بيدي شافت فيا خرجت فيها عينيا منصور:انتوما سيرو حتى نعيط ليكم،حدرو ريوسهم دوك لحراس وتمو خارجين راجعين بالور نقزت سكينة كتوشوش سكينة:شفتي كيف كيتمشاو بحال بوجنيبة كاع هادي خلعة فيهم منصور:ممنوع شي واحد يهضر هنا حتى نعطيك الادن باش تهضري،شافت فيه سكينة سكينة:ولاواه يكمى حتى لهوى منشموه وها لوان جايبين مجرجرينة بحال لبهايم لايحينة فحبس بحال لي قاتلين روح،منصور هز حجبانو كيشوف فقصوحية جبهت سكينة انا عيت نغمز شكون داها فيا خلاوها ناس زمان عيات مت لحمق متعض فشاربها كاليها من جيهتي غير قطعيه منصور:واش عارفة راسك معامن كتهضري ولالا وفينانت ولالا ومعارفاش لي دخل جديد لهاد لمدينة خاصني نعرفو سكينة:تكون داخلين لأراضي لعثمانيين منصور:لسانك خاصو يتقطع عرفي تحتارمي سيادك سكينة:سيدي وسيدك رسول الله،نقزت نجمة باش تقطع هاد لمعركة قبل متسيفطها سكينة لحبس مؤبد نجمة:علاش اولدي حنا فين كاينين وشكون انتوما،خدا منصور نفس طويل كيطلع بصباع رجليه ويهبط بيهم عاد جاوبها منصور:انتوما فأرض ولاد خلف وانا حاكم هاد الأرض ولي كيدخل ليها ويخرج منها كتكون تحت الأمر ديالي ودابا شكون انتوما ومنين جيتو نجمة:أحم شوفي سي منصور حنى غير رحال جايين من محاميد الغزلان بقيت غير انا وبنتي هاد لهبيلة لي كتشوف مديش عليها لسانها مبري منها معندنا لا حنين لارحيم راجلي الله يرحمو كان كيبيع فتواب وخلى لينا شي رزيق من تواب ومنادل لحرير ولينا كل مرة فسوف كنبيعو فيهم باش نترزقو وعمر شي حد جرا علينا ولا سولنا منين جينا،مطلع حاجب وكيشوف فينا وحدة بوحدة منصور:انت مت هادي اهم لعجب كتبانو قد قد 🌸أصابتني لعنة هرة🌸 44-قد قد فالعمر سبحان الله نجمة:اوليدي الحمد لله كنشربو احليب نياك(جمل)وكترت لخضرة داكشي باش واحد كيبقى شاد فراسو شوي منصور:حيدو نكاب سكينة:وقلت لحيا هادي أمي منصور:شنو كلتي مسمعتش مزيان نجمة:ههه أولدي ماملفينش نعريو على وجاهنا لناس لغراب منصور:كلت ليكم حيدو نكاب،شفت فسكينة وشافت فيا هبطنا نكاب بشوية على ريوسنا شافينا مولاي منصور بشوفة ديال الاشمئزاز من منظر ديالنا كلنا حموم ريوسنا طالعين سما وكلهم غبرة منصور:غطيو غطيو ريوسكم تشوفكم لغنم مترعا سكينة:ولمعيور هدا أمي،دار شاف فيها منصور منصور:انت منسمعش حسك دايرة بحال دبانة كتزنزني، وجه كلامو ليا وكال: منصور:ودابا فين لوجهة ديالكم؟ نجمة:كيكولو لينا كاين شي دوار هنا قريب ناسو ملاح وكيقبلو بضيف وفيه لبيع وشرا على جهد نعتو لينا غير ناس كنا ناويين نباتو هاد ليلة هنا ولغد ان شاء الله نشدو رحال ليه منصور:أشمن دوار هدا؟ نجمة:دوار ولا داود! منصور:دوار ولاد داود أرض مولاي سلطان قاسم؟ نجمة:معرفتش والله انا انعتو لينا شكون هاد سلطان اولدي(بغيت ناخود معلومة واش غاديين فطريق صحيح) منصور:السلطان قاسم العم ديالي،حسيت بشهقة ديال سكينة وريقي نشف منصور:على العموم اتبقاو هنا هاد ليلة وإن شاء الله غدا نصيفطم لولاد داود ومرحبا بيكم حنا ماشي من عادتنا نهينو ضيف ولا نهينوه،سكينة حدرت راسها وبدات تبغم سكينة:هاه كاليك مكنهينوهش هو من صباح كيمرمد لينا فكارمتنا مامات أخرجو مسارنو منصور:كونما جاتني مك كبة من شيب انعطيك جوابك دابا يمكن ليكم تمشيو،بدا يعيط منصور:مسعود مسعود،تفتح لباب ودخل واحد الخدام مسعود:نعام امولاي منصور:اتدي لالة نجمة وبنتها لبيت ضياف حط ليهم مياكلو حتى لغدا ان شاء الله نجمة:الله يرحم والديك اسيدي الله يكتر خيرك،دارو دارو بجوج حادرين راس ومنصور متبعهم من لور،داهم مسعود فواحد الكلوار تلقات ليه واحد سيدة بتكشيطة طويلة كبيرة فالعمر وقف وحدر راسو مسعود:لالة راوية راوية:مسعود فين غادي وشكون هاد لعيالات؟ مسعود:وصى عليهم مولاي باش يباتو هاد ليلة حتى لغد ويشدو رحال هادشي لي كاليا راوية:واخا ديهم لبيت ضياف او وصي زاهية توكلهم وحتى الى بغاو يغسلو تديهم لحمام لقصر مسعود:واخا لالة،حنى ماهضرناش حدرنا راس وزدنا خلفة ورى مسعود داهم لواحد لبيت دخلهم داير بحال ديال سلاطين مسعود:مرحبا بيكم بقاو هنا رتاحو بينما جابت ليكم زاهية متاكلو،خرج وخلاهم يلاه اتهضر نجمةحتى كتحس بشيحاجة تلاحت من سرجم قفزات وغوتت سدات على فمها لايسمعوها كانت قطة كحلة دايرة سلسلة فعنقها تقابلت مع مجمة كتشوف فيها شوية ولات تبان ليها مرة سودة نطقات وكالت: راضية قاتليك لبهيمة ومنادل لحرير اتلقايهم عند شجرة لي حدا ساكية تما لحراس فين حطوهوم عليهم الأمان ومرادك راه غادية وكتقربي ليه غير لسانك لجميه وعقديه عقدة صحيحة لايعود عليك بفضيحة وهاد لمقصود بلغيه لصاحبتك انا مشيت،رجعت نقزت منين جات ومشات سكينة:الله ياربي الله مت بالخلعة شفتها دهلت وخرجت تكون مشا من مشاش داك لمنفوخ نجمة:هادي مبعوت من راضية كاتليك بقاي سدي فمك لاتخرجي علينا وبهيمتنا انلقاوها عند شجرة لي حدا ساكية سكينة:تفتح لباب دخلات واحد لخادم حطات ليهم صينية كلها ماكلة تبسمات ليهم وخرجات. دخلات راوية عند ولدها دار شافها جا باس ليها يدها منصور:مي ايمتا جيتي؟ راوية:ادابا منصور شكون هادوك جوج عيالات؟ منصور:من رحال كيبيعو ويشريو وقاصدين دوار ولاد داود يبيعو ويشريو بيني وبينك مارتاحيتش ليهم واخا هكاك داكشي باش قررت واحد لقرار راوية:شنو هو؟ منصور:انا لي انديهم بيدي لدوار ولاد داود... 🌸أصابتني لعنة هرة🌸 45-راوية:كيفاش أولدي علاش شكون هاد لعيالات وشنو حكايتهم مدام انت متايقش فيهم مكاين لاش تخليهم هنا كون سيفطيهم وزايدون انت بقدرك وقامتك تديهم منصور:لا أمي مغانديهمش ولكن انتبعهم معرفتش وراهم شي سر معرفتش علاش احساسي منبهني ومنهم ولي كنعرف على رحال كيلبسو ملحف ماشي حايك صويري أمي وانت عارفاني لواحد لي كنشك فيه ضروري تكون وراه شي حاجة وهادو وراهم سر وضروري نعرفو.. نجمة:الله ياختي يالاه كنحس براسي كليت ديال بصح سكينة:الحمد لله واخا صعرني داك بلمنصور لاخور ولكن دارها زوينة مابيتناش فزنقة ليلة فابور ولمكلة فابور أجي زعمة يكون تيقنا؟ نجمة:معرفتش نكدب عليك ممرتاحاش لهاد لكلسة ديالنا هنا كون غير عندنا منين نهربو كون وا هربنا سكينة:من نيتك حنا غير هاربين بحال لمحابسية عايشك اختي خلينا مركنين هانيين نجمة:وغير صبري دابا تشوفي وتكولي نجيمة كالت،جاوبهم صوت تالت "نجمة عندها صح"دارو بجوج نجمة:بب بسم الله رحمان الرحيم سكينة:دد دكرنا سمن والعسل شش كون هادي تاني معامن كتهضري نجمة:لقطة ديال كبيلة انت غير شوفي وسكتي وانت أش بغيتي تاني اتبقاي اتخرجي لينا بغيتي تقتلينا لقطة:راضية كتكوليك حضيو من مولاي سلطان حيت متيقكمش بجوج وناوي يتبعكم رضو بالكم وعرفو أش كديرو هادي اخر مرة انبان ليكم،دغية طارت من سرجم سكينة:شش شنو كالت؟ نجمة:انت مدام ماسمعتيهاش لاش غوتي فلول؟ سكينة:غوتي انت وغوت انا وزايدون خلعاتني وهيا عينيها كيبريو طيراتني دابا خلينا من هادشي اش كالت ليك تاني؟ نجمة:لي كتليك هو لي كاين مولاي سلطان شاك فينا وناوي يتبعنا شنو انديرو دابا منين انهربو يلاه فكري معايا سكينة:شوفي هانتي حنا مغاديش نهربو نباتو هاد ليلة ونكملو على طريقنا غدا عند بالو حنى معارفينش المهم عندنا هو يورينا 🌸أصابتني لعنة هرة🌸 46-طريق دوار فين جات وديك ساع نشوفو شي حيلة لي تفكنا منو نجمة:عندك صح خاصنا نفكرو فشي حيلة كيفاش نتفكو منو راضية كاتلينا منتيقو فحاد وباش عرفنا سلطان قاسم عمو شكون كال كيكدب علينا باش يعرف شنو تحت راسنا سكينة:واخا هكاك اختي تيتيز كون اكان فمراكش شي واحد بحالو كون ديتو(سرحات بخيالها)حتى قفزاتها نجمة نجمة:أعمي سرحان توكضي معانا الله يخليك وانت بديتي تخيطي وتفصلي غير بوحديتك تاني سكينة:تكات على نموسية)حتى لخيال متخليناش نسرحو على خاطرنا تابعاني حتى فلحليم شوفي دابا معندك لاش تبقاي تفكري نعسي خلينا نرتاحو وحتى لغدا ويحن الله،تكات نجمة حدا سكينة كيشوفو فسقف حتى معقلوش ايمتا نعسو بالعيا،فيقهم غير دقان فالباب قفزت من بلاصتي نعاسي خفيف نجمة:شكون؟ زاهية:انا زاهية ممكن ندخل؟ نجمة:واخا،ناضت نجمة دارت نكاب ولاحت على سكينة لغطا ومشات فتحات لباب زاهية:جبت ليكم لعشا تعشاو مولاي سلطان وصى عليكم نجمة:الله يكبر بيكم ويكثر خيركم،مدات ليا صينية شديتها من عندها حطيتها وهيا واقفة كتشوف فيا وطل على سكينة نجمة:بنتي مع عيا طريق نعسات مسكينة ونعاسها تقيل الما نوضتها بجديب ورغيب مكتبغيش تنوض زاهية:أه ههه الله يخليها ليك انا خرجت الى حتاجيتو شيحاجة عيطي ليا وااى بغبتو دوشو كاين حمام لقصر نجمة:ربي يخليك اختي حنى موالفين هكا مكنشوفو لما من عام لعام،زاهية بقات معجبة منها دارت وخرجت مع لباب نجمة:ياربي سلامة على بركاكةبغات اتدي لخبار،درت عند سكينة نجمة:سكينة سكينة نوضي تعشاي نوضي،كلعات لغطى عليها وشعرها لسما طالع سكينة:شنو واقع تاني؟ نجمة:نوضي تعشاي جات ديك خدامتهم زاهية جابت لعشا بقات واقفة كتبركك بغات تدي لخبار،ناضت يكينة كلست حدايا كتجمع فشعرها سكينة:تلقايهم هومالي مسيفطينها باش 🌸أصابتني لعنة هرة🌸 47-باش تدي ليهم لخبار،بدينا كناكلو شبعنا ورجعنا لور سكينة:نجمة واش عندهم طواليط؟ نجمة:ومالهم ايكونو كايديروها فالخلا علاش مالكي؟ سكينة:محصورة علاش شنو انكون باغية طواليط جوج مرات وانا كنديرها ورا شجرة اتربا فيا لبرودة أختي نجمة:وكون جبنا كلاس معانا ولا ليكوش وانا كي اندير ليك دابا نشوفو ديك زاهية تورينا لحمام،رجعت نكابي وسكينة دارت ديالها فتحنا لباب كنطلو يمشين وشمال خرجنا لكولوار لي كان كولو لامبات معلقين وقفات علينا زاهية بحال قباط رواح زاهية:شنو خاصكم؟ نجمة:كنا نقلبو عليك عفاك بغيناك تورينا حمام ماشي غين نغسلو لا زاهية:فهمتكم تبعوني،تبعنا ديك زاهية ونبركو فالقصر لي كان شهوة منو لبيبان مشابهين مع بعضياتهم حتى وقفاتها عند واحد لباب زاهية:هدا لحمام الى بغيتو شي تاني عيطو ليا نجمة:الله يكبر بيك،فتحنا لباب ودخلنا درنا تبهرنا كولشي من نحاس كولشي قضينا غراضنا وخرجنا مكان حتى واحد تمينا راجعين وشادين على نكابنا وقفت سكينة وانا مشيت درت لقيتها واقفة معرفت فين كتشوف رجعت كنجري عندها نجمة:مالك وقفتي؟ سكينة:شوفي ياختي لوقفة شوفي دابا هدا ايكون مزوج؟شفت فاش كتشوف كيبان ليا سلطان منصور واقف عند لبالكون مقابل مع سما نجمة:ختي واش بنت ليك انا عدول باش عرفني واش مزوج ولا ممزوج انا كلت يمكن يكون مزوج سلطان مكايبقاوش بلا زواج كتزوجهم مواتهم بكري سكينة:حطمتيني فهاد ساعة والله،جريتها من ايديها نجمة:زيدي انت راه بغيتي تفضحينا زيدي،جرات نجمة سكينة ولبيت دخلاتها وسلطان لي حس بيهم وسمع نص فكلامهم شك ديالو زاد ضوبل او ولا عندو يقين انو وراهم شيحاجة وماشي أم وبنتها علاش ايكونو كدبو عليه زعمة شنو موراضهم شكون مسيفطهم ولاش قاصدين دوار ولاد داود حلف مايهنى ليه بال ولا يرتاح حتى يعرف 🌸أصابتني لعنة هرة🌸 48-قصتهم.صبح صباح على نجمة بنت العطار وسكينة غير دخلات شمس توكضو جمعو وطواو ودورو عليهم نكابهم وخرجو من لبيت كايتسحبو بحال شفارة خرجو على برا لحراس واقفين وقفهم مسعود مسعود:أدوك خياتي بجوج فين غاديين؟ نجمة:علاش مافراسكش مولاي وا عطانا الادن باش نمشيو فحالنا وكيف كيكولو ضيافت النبي تلتيام والله يرحم من زار وخفف ودابا حنى غاديين فحالنا الله يكبر بيكم ضايفتونا وكلتونا ونعستونا مسعود:ومولاي شافكم فاش خرجتو؟نباه صوت منصور من لور منصور:اه شفتهم وانا لي عطيتهم الإدن غير فتح ليهم الباب وعطيتهم سلعة لي هزيتو ليهم نجمة:الله يرحم الوالدين امولاي الله يكتر خيرك الله الله يعطيك منويتي فخاطرك امولاي منصور:شفتك مسولتينيش على طريق باش اتعرفوها؟ نجمة:وقف لي ريقي وتداركت راسي)ياك امولاي كلتي ايمشي معانا لوعوين؟ منصور:أياه بصح ولكن فبلاصة لعوين انعطيكم واحد لمخطوط ايوصلكم لمقصدكم سيفطي بنتك تجي تديه،نزرت فيه سكينة ومشات جيهتو كتخنزر فيه مد ليها لمخطوط شداتو فيديها ودارت منصور:مكاينش شكر فقبيلتكم، دارت عندو كتشوف فيه سكينة:بلكنتها طبيعية)شكراً،رجعات عندي فتح لينا مسعود لباب وعطانا رزمة لي كان فيها لحرير وزدنا خلفة مع طريق،منصور نغمة صوت سكينة متنساتش ليه هنا عرفها غير كتمتل منصور:مسعود خرج ليا لعود صغير ديالي وبغيت توجد لمونة دابا مفهموم مسعود:واخا أمولاي،خرجات نجمة وسكينة وشدو طريق كيقلبو على ساكية لي كالت ليهم راضية حتى لقاوها حداها شجرة وحمارهم كان واقف فكو لحبل وشدو طريق كل دقيقة نجنة دور وتشوف واش شي واحد تابعهم سكينة:ماشفت حتى واحد تابعنا! نجمة:مالو ايتبعك من دابا هو حافض طريق شوية وتلقايه خلط عليك اري داك لمخطوط لهنا نشوفوه،فتحنا لمخطوط نشوفوه وهنا كانت مفاجأة لينا... 🌸أصابتني لعنة هرة🌸 49-سكينة:واووو واش هادا قصر؟ نجمة:لا تشابولة هادي حبس ديال عكاشة مثلا مكتشوفيش فيه قداش واو داير بحال داكشي ديال ألف ليلة وليلة سكينة:على الله نلقى فيه زهري نجمة:انت فينما مشينا باغية زهرك على قد لحافك مد رجليك احبيبتي بقاو لينا أسالطين دابا حلي معايا مخك مزيان منين نوصلو لولاد داود خاصنا أول حاجة نخرجو ونتعرفو بناس ونقلبو على شي بلاصةفين نكلسو حيت انطولو عاد ديك ساع نوليو نخرجو ونبيعو تواب ولمنادل باش يديع سيطنا فدوار ونوليو مشهورات كبير وصغير ياخود من عندنا وشهرتنا توصل لقصر لعند سلطان لكبير باش نقدرو ندخلو لقصر فهمتي لخطة بحالاش سكينة:دقتك وفهمتك غير سير على الله،كملنا طريق وسلطان منصور تابعهم من لور نص فهضرتهم سمعو وهنا زاد اصرارو وعزيمتو باش يزيد يكمل فلخطة ديالو حتى يعرفهم علاش ملويين. سكينة:نجيمة نسولك فايتة سمعتي بحكاية هينة واش عشاك ليلة نجمة:أه ديال لغول كانت كتعاودها لينا جداتي الله يرحمها سكينة:عاوديها ليا الله يحفظك حنا غاديين غاديين غير باش نكسرو لملل وصافي نجمة:واخا الالة كان يامكان فتاريخ العصر والاوان فواحد دوار صغير عايشةواحد لبنت زوينة مع باها وخوتها ومها كانت عزيزة عليهم مقطرة من لعين كانت مخطوبة لولد عمها لي كتبغيه واحد نهار خرجات هي وبنات دوار يجمعو لحطب وهوما كيجمعو فيه تلهاو راح ليل لبنات زربانات يرجعو لديورهم هاينة لحطب لي جمعات كانت فيه حديدة تقيلة شي لي خلاها تعطل مشاو عليها لبنات ولخلى بقات...بقيت كنعاود لسكينة على خبيرة هاينة حتى وصلنالواحد لكدية عالية تما ريحنا وتحت واحد شجرةكلسنا ناكلو مكان عندنا فشواري مسحنى فمنا وهي تنطق سكينة سكينة:نجمة غني لينا نجمة:هكاك وتانة غير لغنا أش خصك العريان خاتم امولاي زيدي وكان نكملو طريق قبل 🌸أصابتني لعنة هرة🌸 50-مايطيح ظلام ونعطيو قفانا لسما عاوتاني،كملنا طريقنا ولي خفنا منو طحنا فيه سكينة:وهاهو راح ليل وليل خفنا منو طحنا فيه نجمة:اعمى بن اعمى لي كيشوف الغيام فالسما و كيدير حيكو فالما هي ديالنا كون غير بقينا فبلاصتنا نصبنا دوك لخوامي لي خديتا وبقينا تم بعدا الأمان جابلاه خلى ولقيفار كون كنا فالمدينة كون دارو بينا دياب،يلاه كملت هضرتي حتى كنشوف بلغاشي دار بينا 6 ديال رجال دورت عيني عليهم كيبان لي جوج خرين جايين وشادين شي واحد فيديهم ضاربينو حققت مزيان مايبان ليا غير سلطان منصور بداتو تكلم واحد فيهم "شكون انتوما وشنو كديرو فهاد ليل وشنو هازين معاكم فوق ديك لبهيمة باينة ماشي من هنا،سكينة حسيتها كترعد تشجعت وهضرت نجمة:انا خالتك نجمة وهادي بنتي هازين معانا عشوب ديال لقمل ولحكة وصيبان وجدام الله يحفظنا ويحفظكم،تقدم منهم دوك جوج لي شادين سلطان شافتو سكينة يلاه اتهضر نغزتها سكتات نقز لي شاد منصور "سيدي هاد سيد لقيتو وراهم هو وشاتو وباين عليه عندو نجمة:ناري طلقو اولدي طلقو،جاوبني داك لي سولني "علاش كتعرفيه؟ نجمة:مسكين هداك سيد راه مريض بالحكةوجدام الله يحفظكم ولي مسو ايتعادا منو عاد كنا فدوار ديالهم داويناه هو وخوتو،طلق منو هداك دغية طاح حيت كانو ضاربينو لوجهو وبداو كيبعدوعلينا واحد بواحد مزادوش هضرة معانا خلاونا وهربو سالتين خايفين لانعديوهم نجمة:سكينة أجي معايا نهزوه أجي،مشينا حدا منصور بدينا نتعافرو معاه مع هو تقيل جريناه حدا واحد شجرة كلسناه تم هزيت قرعة ديال لما رشيتو بشوية منها بدا كيحل فعينيه جا يتحرك شد فراسو من لور منصور:أححح شنو واقع؟ نجمة:انت اولدي لي شنو واقع ليك هدا غير سلطان ياحسرة خاصك تكون معلم كاع لفنون دالقتال وضارب معاهم وانت اضربوك طحتي،على فيها 🌸أصابتني لعنة هرة🌸 51-فيها حجبانو منصور:منين جاني واحد فيهم فاص راه ضاربت معاهم اما منين كيجيك لغدار من لور ويغفلك فهاديك حاجة خرا سكينة:ناري جاوك من لور ضربوك شفتي امي اضلمتيه داكشي باش كيتوجع وأجي وانت أش كدير فهاد لخلة وفهاد ليل هاه منصور:كنصيد من عادتي كنخرج نصيد نجمة:ايوا الحمد لله لي لقيتينى مزال غير فهاد نواحي كدبنا عليهم حتى هربو سالتين منصور:همم هيا من عادتكم لكدوب؟ سكينة:ناس فناس ولقرع فمشيط راس هنا يلاه فكيناه كاليك مالفين بالكدوب منصور:انا غير سولتك ماشي حكمت وماشي كلت انتوما كدابات متخلطيش بين شي وشي على لعموم شكراً ليكم نجمة:ايوا ماينسى لخير غير ولد لحرام وانت تهليتي فينا ودرتي فينا خير هادي أقل حاجة نديروها معاك حنى هاد ليلة انباتو هنا الى بغيتي بقى معانا حتى لغد ان شاء الله أش بان ليك منصور:الالة نجمة منردهاش فوجهك(فخاطرو:مزيان نيت باش نحضيكم ارباعة شلاهبية) نجمة:فخاطرها)(داكشي لي فراسك هو لي مغايكون غير بلاتي)مرحبا مرحبا،شعل منصور لعواد باش يدفاو من برد لخلاوات تجمعو على ديك لعافية كل واحد شاد خبز فيديه وكياكول نقز منصور منصور:لي يحقق فملامحكم يكول غير بنات هاربين من لمدينة نجمة:كتبلع فريقها)ههه علاش اولدي ملامحنا باينين وحنا فنكابنا مغنبرين سكينة:هههه هادا تلف امي مابقاش كيفرق بين دوك لي عندو فلقصر وبينا حنايا لي شافة شيحاجة يكول الله يستر منصور:لا ماشي هكاك غير لقد ديالك بعد المرات تبانو كي لخواتات ماشي كيف أم وبنتها نجمة:حنا امولاي كيزوجونا هلنا بكري باش نولدو وليداتنا بكري اما مابينا وبين لمدينة غير لخير ولحسان منصور:اهم مزيان،رجع سكت كيفكر رجعات نجمة وسكينة بالور حطو راسهم على شجرة داتهم عينيهم غير سكينة لي داتها عينيها اما نجمة دايرة راسها ناعسة 🌸أصابتني لعنة هرة🌸 52-ومقابلاه بنص عين كيفاش كيشوف فيهم وحاضيهم دقة لي خدا على راسو دوخاتو شوية رجع بلور وتكا مقابل مع سما حاط ايدو على كرشو كيرمش حتى داه نعاس ونعس،بقيت مقابلاه حتى عرفتو غرق فنعاس درت عند سكينة كنفيق فيها ويدي على فمها عارفاها اتفضحنا غير فاقت درت ليها بالاشارة تسكت وتنوض ورايا نضنا بشوية حيدنا بلاغينا فتحت لحماري وبشوية بدينا نتسلتو من حداه نتسلتو حتى بعدا ولعافية لي كانت شاعلة كاتبان لينا صغيرة عاد لبسنا بلاغينا وكملنا طريق سكينة:الله ياربي واش انبقاو غاديين فهاد ليل شدني نعاس وكانت نعسة حلوة حتى فيقتيني اش بغيتي عندي؟ نجمة:اللهم نستغلو لفرصة وهو ناعس ولا حتى يفيق ومنصيبو كينديرو نزهقو،وصلنا حدا واحد البحيرة كلسنا نرتاحو غسلنا رجلينا او وجها من داك لحموم عاد رجعنا بحال بنادم سكينة:نجمة شعرك رجع كيف كان هدا كيعني نجمة:كيعني قربنا لدوار وقربنا لحنانة سكينة:فيا نعاس أختي والله وعييت ضروني رجليا نجمة:واخا اجي نرتاحو شوية ونتكاو وصباح نكملو،داكشي لي درنا تكينا تحت واحد شجرة قصيرة ونعسنا حتى لصباح. غير بانت خيوط صباح وشمس بركات فاق سلطان منصور كيحك فعينيه بالخف كلس كيدور فراسو كاتبان ليه غير لعافية دلبارح لي طفات وهو بوحدو لي كاين طلع ليه دم كيضرب برجليه كيفاش داروها بيه وهربو وخلاوه مكانش عليه ينعس عمر شي واحد دارها بيها حتى لهاد جوجات ميمكنش... اما نجمة وسكينة فاقو صباح كلاو شوية وشدو طريق تاني هاد لمرة طريق لي شدو أولها كان غير خلى وتراب مرة مرة تبان ليك شجرة شوية بدا يبان زرع وربيع ولخضورية تكول داكشي مصنوع ماشي بصح نجمة تتحس بوجها رجع كيف كان كولشي فيها رجع لطبيعتو وكتنفس مزيان مع شميشة كضرب ليها فعينيها لي كانو خضرين ورموشها طوال بلا مكياج بلا والو 🌸أصابتني لعنة هرة🌸 53-سكينة:مكرهتش نسكن هنا نصبح على طبيعة ونمسي عليها نجمة:حتى انا سبحان الله كنا افلخلا ودابا شوف هاد لخضورية ديال الله كلسنا فوق واحد لحجرة باش نرتاحو كنتأملو هاد لخضورية واحد طريق بعيدة كتبان ليا شيحاجة دايزة بخال شي طوموبيل دخلني شك وايلي طوموبيل فهاد لبلاصة ميمكن يمكن كنخرف فيقاتني سكينة من سهوة ديالي سكينة:شوفي انجمة طيور على أشكال والفرشات زعمة تكون هادي هي ولاد داود الى كانت هيا راه لاعلاقة لسميتها بيها نجمة:لمخطوطة هادشي لي فيها نزيدو لقدام ونشوفو شنو انلقاو، رجعت بعيني لديك طريق مابقا بان ليا والو تعودت من شيطان ونضت جريت سكينة لي عاجبها الحال ومكرهتش تبقا لي تم،جرينا حمارنا وكملنا طريق طلعنا فواحد جبل لي كان مرسوم فالمخطوطة كان عالي بزاتاف مرة مرة يوقف لينا حمارنا ويتم راجع بالور ترجع سكينة من لور دفعو وانا نجرو من لقدام عدبنا ومعرفنا مالو عكس بقينا معاه حتى وقف بينا فوق واحد لهبطة سكينة وقفات عينيها كيبريو وكتشوف ورايا نجمة:يلاه حركيه مالك تسمرتي تحركي سكينة:هزات صبعها شيراتو ورايا)شوفي!درت ورايا بقيت حالة فمي وكنشوف شيحاجة واعرة بزاف ورا جبل كانت مدينة صغيرة لي خطف انتباهي هولقصر ديالها كيفاش كان بحال ديال عهد لعثمانيين كيفاش مبني شجر لخضر لي محاوطو كان عالي بزاااف سكينة:وأخيرا وصلنا وصلنا انجمة وصلنا(بحماس) يلاه يلاه نجمة:سمي الله بعدا ومدي رجلك ليمنة سكينة:يا بسم الله،برجلنا ليمنة دخلنا ولهاد لمدينة كان مقصودنا.. فواحد دار خارجة على ظوار بعيدة كانت واقفة مرة لابسة لحمر واحد شال دايراه على راسها بحال سلهام عينيها كيخلعو كلها كترعد وتغوت"علاش علاش حتى حاجة مابغات تصدق حنانة لي كانت ظيرها ايظها فالحاجة تصدق علاش"ردات عليها لخادم لي معاها بخوف" ييمكن غير حيت منعستيش مزيان الالة حنانة داكشي باش حنانة:لالا شيحاجة واقعة لي ميمكنش هاد ليام كلها لي جربتها يصدق نصها ونصها لا علاش زعمة علاش شنو بديت نكبر ونخرف ولا شنو الخادم"حاشة الالة انت زينك مكاينش بحالو فدوار كولو وصغرك كيتباها بيه لكبير وصغير حنانة:دارت شافت فيها)ولكن زيني لي كتهضري عليه عمرو مدور سلطاني تاج راسي سيدي ومولاي منمشي حتى نخليه يبوس ليدين رجلين،حنانة كانت طويلة لابسة تحتية مع قفطان وكترت دبالج وطوانك عاد شال لي دايراه على راسها فالحمر قدامها واحد كميلة ديال طين كدور فيها وكتلوح واحد لغبار مذهب وجها تزنك وعقدات حجبانها ورجعت كتغوت" حنانة:كتنتف فراسها وتقطع فشال لي على راسها)لا ميمكنش متصدقش حتى هادي ميمكنش شنو واقع ليا شنو واااااقع؟؟..... 🌸أصابتني لعنة هرة🌸 54-دخلات نجمةوسكينة لدوار ولاد داود جارين لحمار معاهم وهابطين مع واحد الهبطة طويلة لي دخلاتهم لدوار بانو لحوانت وناس غاديين جايين لبنات منكبين وكاينات لي ممنكبات حارو لبنات ومعرفوش فين ايمشيو ولافين ايحطو واقفات وسط سوق لي داز مكيشوفش جيهتهم قدامهم واحد لمتجر كالسة فيه واحد لمرة وحاضياهم من بعيد كتشوف فيهم ناضت من كرسي ديالها وقربات ليهم نباتهم من لور: "سلامو عليكم بنتو ليا تالفين واش كتقلبو على شي واحد؟شافت فيها نجمة نجمة:لا الالة غير حنا جدادات على دوار جينا من بلاصة بعيدة كل بلاد تحطينا فيها مكيرحموناش من لهضرة او كالو لينا هاد دوار ناسو الله يعمرها دار ويستقبلوكم مزيان،ردت عليهم: "مرحبا مرحبا بضيف الله ايو ترتاحو اتكونو عييتو انا خالتكم خناتة تاجرة فهاد دوار ومعروفة انا بوحدي لي عندي متجر لاغلبية ديال لعيالات كيبيعو فوسط سوق اجيو مرحبا،تبعناها من لور مرة كبيرة فلعمر ونور واضح من وجها خناتة:ربطو بهيمتكم مع هاد لباب ومتخافو شاي هنا راه مكاين سرقة ومكاين لي حاديك ولا يأديك،ربطنا لحمار مع لباب وتبعناها لداخل ديال لمحل عطاتنا جوج كراسة ديال لخشب وكلسنا لقيناها معمرة أتاي كبات جوج كيسان مداتهم لينا نجمة:الله الالة خناتة كاس دايزو لكلام خناتة:كولي ليا غير مي خناتة انا نيت معندب بنات راجل توفى هادي شحال ولد واحد لي عندي تزوج وهاجر لمدينة وانا بقيت هنا غبينة ايوا مكلتيش ليا سميتكم وشكون انتوما ومنين جيتو نجمة:هادي ختي سكينة حنا امي خناتة جينا من لمدينة معندنا لاحنين لا رحيم لمدينة لي تحطينا فيها كنلقاو فيها الوحوش كيشوفونا بنات كيبغيو ينتشو لحمنا ويديو لينا رزقنا حنا بياعات وشرايات فتوابات ومنادل لحرير ايوا اخر دوار وصلنا ليه وصانا واحد سيد الله يجازيه بالخير 🌸أصابتني لعنة هرة🌸 55-بالخير بهاد دوار خناتة:مزياان من هضرتكم كيبان ليا معندكم فين تكونو؟ نجمة:لا معندناش صراحة مكرهناش نلقاو شي بيت يقدنا انا وختي نكريوه وندفعو جارو ومن غدا نزلو لسوق ونخدمو فيه خناتة:شوفي ابنتي انا رتاحيت ليكم ودخلتو لخاطري وربي شاهد عليا انا بوحدي معندي لاحنين لارحيم اتسكنو معايا الى على لماكلة وشراب لي ناكلو انا تاكلوه انتوما نحسبكم بنياتي وربي شاهد اما على لبيعة فسوق خاصك تشري بلاصتك ولا تشوفي شيحد يخلي ليك لبلاصة ولكن انا عندي حل ان شاء الله انخلي ليك بلاصتي تولي تبيعي قدام المحل عندي كي تاتشوفي انا كنبيع سواك ولحنة وكاع لي كايخص لمرة من زينة وانت تبيعي تواب ولمنادل فالاول اتلقاي صعوبة مع نسا ورجال مالين لماحل ولكن متخافيش مك خناتة هنا نجمة:لهلا يخطيك امي خناتة ربي جابك لينا كي لميمون،نقزت سكينة سكينة:مي خناتة واخا نسولك؟ خناتة:أياه أبنتي مرحبا سكينة:فاش كنا جايين بان لينا واحد لبني كبير معرفتو قصر معرفتو قلعة واش مهجور ولا شي تمثال واقف تمر ولا شي معلمة أثرية؟ خناتة:كضحك)اويلي لا أبنتي هداك قصر سلطان لحاكم قاسم إييه أبنتي حكاية طويلة حتى لدار ونعاودها ليكم،داكشي لي كان سدات مي خناتة لمحل وجرينا حمارنا وتبعناها خرجنا من جيهت سوق ودخلنا مع واحد زنقة مشينا معاها نيشان كتبان لينا دار عالية وكبيرة تبارك الله حداها شجر ونخل كلها سراجم وبابها داير كبير عندو ايد من حديد فتحاتو مي خناتة وسمات الله ودخلات خناتة:دخلو مرحبا بيكم حماركم خليوه هنا فدخلة مرحبا،ربطت لحمار وتبعناها انا وسكينة داخلين وكترت لمحابق ديال لورد ولغرس معمرين دار لي شاف دار يكول بحال برا بحال لداخل وهيا لداخل كانت بخال شي جردة لخصة ديال لما لوسط ورواقات مدليين كانت دار مي خناتة كتحمق من 🌸أصابتني لعنة هرة🌸 56-من لداخل كتخليك معلي راسك ومنباهر دخلاتنا لواحد صالة مفرشة بسدادر بصفر ولكحل موبرة مي خناتة:هانتوما دار داركم رتاحو انا نمشي نرد لغدا لبنياتي ونجي،مشات خناتة وبقيت انا وسكينة كنبركو فدار سكينة:دارها فنة حمقاتني وكالسة بوحدها باز ليها والله أهياتا عندك اتكون هادي مامة غولة وتدبحنا انا وياك نجمة:الا مابيناش فيها وحسيت احساس انو ضريفة بزااف انا لي مكنرتاح ليه دغية كتنفر خاطري منو،حيدنا نكاب ديالنا وعرينا على وجهنا ورتاحينا فالكلسة حتى رجعات مي خناتة جايبة صينية فيها اتاي وشي حلوة بحال لفقاص وزيت وعسل ولخبز خناتة:تبارك الله على بنياتي سبحان من خلقكم غزلات ماشاء الله يلاه دوزو تاكلو شوية بينما طاب لغدا،شربنا اتاي مع تقرقيب ناب ورجعت سكينة لنفس سؤال سكينة:مي خناتة مكملتيش لينا حكاية لقصر لي لفوق خناتة:مكاينش لفوق ابنتي كاين عند البحيرة لكبيرة وبضبط حدا جنان حب لملوك سلطان قاسم الله يعمر ليه دار راجل حقاني كينصر المظلوم ويجازي ظالم عمرو ماظلم شي حد وكيعطي لكل واحد حقو كيصالح لمخاصمين ويرجع لمرة لمخاصمة راجلها لدارها كيتضرب بيه لمثل،سكينة كتاكول وعاطية ودنيها لمي خناتة صوتها فتعاويد زوين كتخليك تعطيها ودنيك وتمشي معاها خناتة:أما مراتو لالة بشرى الله يرحمها مسكينة،غير قالت سميت بشرى تبورش لحمي وشفت فسكينة وشافت فيا خناتة:كانت زينت دوار كولشي كيتباها بزين لي عطاها الله وبلطافتها ولسانها لحلو عمرها أدات شي حد موتها كان صدمة لينا كولها،وانا نسولها: نجمة:علاش امي خناتة باش ماتت؟ خناتة:كالو ماتت بحب لملوك كان مسموم صدمة كانت كبيرة حيت ماتت هيا ومرت ولدها سكينة:فمها عامر)علاش ولدها مزوج؟ خناتة:متشي مزوج ولكن كانو لوالدين قاريين لفاتحة ايوا من تما ومولاي سلطان قاسم 🌸أصابتني لعنة هرة🌸 57-حابس راسو عمرنا شفناه مسكين وكالو فينما ناض حب لملوك كيحيدوه ويحرقوه حيت كان سباب فموت مراتو ومرت ولدو ايوا مسكينة خلات جوج وليدات بحال لفرحات الله يرحمها نجمة:واش ماتت غير هاد ليام امي خناتة؟ خناتة:لالا أبنتي واراه شي 3سنين دابا،هنا تزيزنت لساني مابقاش قاد يهضر حسيت بلبرودة طلعات ليا مع رجليا وتنملو عليا شفت فسكينة لي كانت كتشوف فيا كيفاش هادشي كيفاش 3سنين بصح راضية مكالتش ليا من ايمتا وهيا ولات قطة ولكن 3سنين وهيا كتلاوح مابقيت فاهمة والو شفت فمي خناتة نجمة:وو سلطان عمرو زعمة فكر يتزوج؟ مي خناتة:حلف من بعد سلطانة عمر شي وحدة تكون ليه مرة ودابا سمعت راه مولاي هارون ايخلفو على لحكم،دورت راسي عندها سمية لي نطقات بيها معرفتش علاش دايزة من بالي نجمة:شكون هارون؟ خناتة:ولدو لكبير عندو ولد وبنت وردة هيا صغيرة يكون عندها شي 14سنة هكاك وهارون نكوليك ابنتي يكون فلعقد ديالو تلاثين ايوا مشات وخلاتهم كلهم فغبينة مساكن الله يكون فعونهم يما حاولو عيالات يطيحو بسلطان ولا بولدو ولكن والو داك لقصر تفنى ولفرحة مابغات ترجع ليه،هيا فعلا داكشي لي كاع كالتو بصح وكاين سكينة:ايوا ليهم الله مايدوم غير وجه الله،طاب لغدا تغدينا وانا عقلي غير طاير ياربي كي اندير نتلاقا بسلطان ونكوليه مو عايشة ويقدر مايتيقش بيا ويكول كدابة ويقدر يكول شي وحدة من دوك لي بغاو يتلاواو عليه الله يربي واش هاد لمكتوب كتاب عليا. "فلبيت لي عطاتنا خناتة" خناتة:انا عطيتكم جوج بيوت وانتونا راسكم قاصح نجمة:لا امي خناتة اخلينا فبيت واحد حسن لهلا يخطيك خناتة:والمهم دار داركم انا خاص نرجع لمحال لي بغيتوه راه فكوزينة رتاحو دوزو بخير،خرجات خناتة وخلاتنا لبيت لي عطاتنا كبير او واسع يقدنا ويفوتنا لهيه عندو طلة على 🌸أصابتني لعنة هرة🌸 58-على واحد لمنظر زوين بزااف مقابلة معاك غير لخضورية،سكينة ماوقفاتش غادية جايا نجمة:كلسي راه جبتي ليا دوخة انت مالك فيك طيكوك سكينة:أنا لي بغيت نفهم هادي لعقريشة ديال راضية،قالتها سكينة مجات فين تكمل تضربات رجليها مع لخبشة دنموسية نجمة:باش تعلمي تسكتي راه كاع لي نكولوه كتسمعو سكينة:كتلوى)أاااي دكرنا سمن ولعسل اااحح بغيت نكول ديك ضريفة دراضية احح نجمة:بغيتي تكولي كيفاش انشوف سلطان ونهضر معاه ونكوليه مك عايشة ومامتش وفين كانت هاد تلت سنين ولمشكيل ولات مشا والله حتى يسيفطوني لقلعة سراغنة لبويا عومار بالله مكاين لي ايتيقني سكينة:ولكن مزال عندك سنسلة لي عطاتك مو نجمة:يقدر يكول خونتها ليها مهم نفكرو من بعد دابا خاصنا نديرو بلاصتنا فدوار وسط لبياعةوشراية وديك ساع يحن الله،داكشي لي كان نيت من لغد فرشنا قدام محال مي خناتة وبدينا فلبيع وشرا كنسمعو هضرة من هنا ومن هنا ولكن مهامنة كل ليلة كنفكر كيفاش نوصل لسلطان ونسالي هادشي ونتهنا ونرجع نتفكر حنانة لي خاص نمزج دمي بدمها باش تفنا وتهد وترجع بحال ايتها ناس والله ياربي انجمة ومداز عليك وباقي يدوز خليها على الله وصافي..راجعة انا وسكينة ومعانا سلعتنا مي خناتة سبقتنا وحنا تلينا كانت غربت شمس جايين ومعانا رزقنا لي لي بعنا دزنا من واحد طريق حدا واحد لعرصة كلنا نبدلو طريق وحنا سيمانة باش جينا نفس طريق تدينا وتجيبنا علاش لا نكتاشفو طريق خرا جايين ونتفكرو واحد شارف جاي ياخود لمراتو توب وكيحنزز ف سكينة بلا حشمة سكينة:ناري كنت انعطيه بلغتي راس كونما مشا،وقفت ودرت سمعت حس لغاشي ورانا نجمة:سمعتي شيحاجة؟ سكينة:لا مسمعت والو اتلقاي غير مشة دايزة زيدي لا تخلع مي خناتة،دورت راسي وبالي مهاني وكملنا على طريقنا بلهضرة حتى حسينا بشي حد.. 🌸أصابتني لعنة هرة🌸 59-شي حد داز من ورانا تلفت دغية بان ليا بحال خيال كحل شفت فسكينة نجمة:حسيتي بشيحاجة ياك؟ سكينة:أه اختي حسيت زيدي اختي دغية لدار لا يتلقى لينا شي حد،مع درنا كيبان لينا جوج رجال واقفين لينا قدام وجهنا كيشوفو فينا مبسمين،شفت فسكينة وشافت فيا تمينا راجعين بالور نطق واحد فيهم "أهاء أهاء بلاما تحاولو تهربو الغزلات هاد لبلاصة ديالنا وحنا ماليها ولي كيدوز منها وفيها كايكون ديالنا بحالكم انتوما بجوج دابا ياك أ جعفر جعفر:كيمص فسنانو)ها أه دابا انتوما ديالنا انا وخويا انتوما وشاتكم وسلعتكم نجمة:شوف انت ولا هو ياتحيدومن قدامنا وتخلينا نكملو طريقنا يا والله مايعجبكم حال جعفر:بوسلهام سمعتيها شنو كالت كاتليك مايعجبناش حال يمكن مكتعرفوش شكون حنا ولا فين انتوما ودابا ازوينة اعينين لقطة اتعطينا كاع لي عندك وتجيو معانا بلخاطر ولا انت وصاحبتك لي مغادي يعجبكم حال،بلعت ريقي وكنشوف شنو اندير مع هاد لمساخط لي وقفو فطريقنا مدبت لساني وبديت نغوت ونصيح ونطلب لعوين سكينة شافتني كنهلل وكملات معايا تهلال وصياح تحرك كل واحد فيهم ورا وحدة فينا شادين على فامنا وكيجرو فينا واخا كنحس براسي كنتجر ولكن بقيت مشبتة وشادة على إيد سكينة مابغيتش نطلقها وليت كنكول ياربحة يادبحة المهم منخليهاش خصوصا لي شادها داك جعفر راسو قد سطل فلحظة كنحس بلي شادني رخف شدو ديالو وصوت لي هبط عليا بحال ما مثلج صوت كتسمعو كيترعدو أحاسيسك كلها كيخليك تجمدي فبلاصتك "غادي طلقها ولا ماغاديش تطلع عليك شمس طلقها كتليك طلقها تطلقات ليد لي كانت خانقاني وقدرت نفلت منها اول وحدة درت عنظها هيا سكينة ماتبان ليا فير حجرة هزيتها دمغت بيها داك جعفر خليتو ينين من دقة لي عطيتو رجعت لسيد لي هضر كايبان ليا كيوكل لعصا لداك بوسلهام 🌸أصابتني لعنة هرة🌸 60-متوضحاتش ليا شوفة مزيان بقيت واقفة انا وسكينة مقابلينو كيفاش ربطهم مع شجرة وهوما سخفانين من لعصا لي كلاو مع ظلام طاح وغير لكمرة لي مضوية متوضحاتش ليا شوفة مزيان بدا كيهضر معانا لي ميزت هو سنانو لي كانو بيضين وعينين كيبريو صافي "شنو كيديرو جوج بنات فهاد لوقت هدا وفهاد طريق واش عارفين هادي طريق مقطوعة ومخاصش تدوزو من هنا نجمة:ما ماكناش عارفين هادشي "هم انتوما ماشي من هنا حيت ناس دوار كولشي عارف هاد طريق خايبة نجمة:أه حنا جداد على دوار والله يجازيك بيخير حيت نقدتينا وحميتي علينا كونما جيتي عاونتينا علم الله اش أيكون وقع لينا "مرة خرى حضيو ريوسكم زيدو لقدام نوصلكم ونكمل طريقي نجمة:بلاما تعدب راس...،مخلاهاش تكمل هضرتها جر ليهم لحمار وسبقهم فطريق بقات نجمة غير كتشوف كان كيبان طويل وكتافو عراض تابعينو من لور بحال الى باهم نباتو نجمة نجمة:أسيدي غير هنا راه قربنا نوصلو وقف ودار شاف جيهتها واخا حتى هو مميزش وجها مزيان "غير نعتي ليا فين حيت انا ممحركش من هنا الما رجعتو في أمن وأمان نقزت سكينة سكينة:دور على ايدك ليمن دار لي على شوكة لكبيرة،كمل طريق وانا كنغز فسكينة علاش تكوليه نجمة:بهمس)ويلى كان شي شفار كتوريه باب بدار بساهل حماقيتي ولا؟ سكينة:سكتي كونما هو كوراه وا نهشونا دوك ضبوعة ديري نيا وباتي مع لحية نجمة:باتي مع لحيا باش لغد تصبحي ملوية مفضية مكملة وبازليك أختي باز،يلاه قربو لباب دار تفتح وخرجت خناتة هازة قنديل فيدها مضوية بيه شافتها نجمة سبقت عندها نجمة:مي خناتة تعطلنا عليك خناتة:مخلوعة)الله أكبر ابنياتي اش بغيتو عندي مت بالخلعة يحسابلي شيحاجة وقعات ليكم سكينة:مي خناتة تلقاو لينا شفارة كونماشي هاد سيد هدا مسكين لي عاونا او وصلنا حتى لباب دار علم الله اش 🌸أصابتني لعنة هرة🌸 61-أش يكون وقع لينا،هزات مي خناتة ديك لامبة وضوات عليها على وجه سيد لي وقف معانا وقف دم فعروقي قلبي كيضرب بجهد ورعدة شداتني من راسي لرجلي كنحس بسيلة ديال لعرق هابطة ليا مع ظهري نفس شوف نفس نظرة ديال لحزن نفس لملامح والله حتى هو هو مول لقهوة اويلي ولكن هدا شنو كيدير هنا كيفاش وعلاش وإيمتا،حسيت بسكينة كتمتم ضربتها بيدي ودرت نكابي على فمي دور وجهو لعند نجمة صغر عينيه وكيشوف نيشان فعينيها لي كانو كيخطفو روح نطقات مي خناتة: خناتة:مولاي سلطان هارون مرحبا أمولاي الله يكثر خيرك عدبناك سمح لينا،لا لا شدوني صافي بزاااف هادشي صدمة ورا صدمة قلبي مقادش يتحمل كنحس براسي دنيا كدور بيا ورجلي فشلو عليا عكزت على سكينة لي حتى هيا مسكينة وجها صفار ولات كتر مني هارون:لالة خناتة هدا واجب من إيمتا وانت عندك جوج بنات عاهدي غير ولد واحد لي عندك خناتة:هادو بناتي لي ولداتهم ليا دنيا أمولاي هارون:الله يخليهم ليك هاد لمرة متخليهمش يدوزو من شي طريق ماهياش رجليك برجليهم يلاه تصبحو على خير،مد لحبل لمي خناتة اما انا ليد لي كانت عندي تشلات برعدة،ستغرب هارون لنجمة لي مشكراتوش ومنطقات بكلمة دار لجيهتها كتبان ليه مزال واقفة فبلاصتها حرك راسو وكمل طريق ديالو.. خناتة:نجمة سكينة ويلاه اتباتو هنا دخلو خلاص من سمر ليل دخلو،فيقاتنا مي خناتة ودخلنا تبعناها خناتة:أنمشي نسخن ليكم لما دخلو تغسلو عليكم من لخلعة وتخفو عضيماتكم شوية اتلقاوني وجدت لعشا وأخر مرة دوزو من شي طريق كونماشي مولاي سلطان لي وقفو الله فطريقكم علم الله اش ايكون وقع ليكم الحمد لله على لطف الله،مشات مي خناتة وبقيت انا وسكينة سكينة:شفتي لي شفت هادشي كولو مفاجآت بزاف أختي نجمة:واش كنحلم ولا بصح ولي زاد كمل لي خاص هو مول لقهوة لي خدمنا 🌸أصابتني لعنة هرة🌸 62-خدمنا فيها زعمة يكون عقل علينا لالا ياك هو مشافش فوجهنا ياك غير زاد ومشا ياك؟ سكينة:وهداي عليا ماعرفت انا راه كاعما عقلت واش شاف جيهتنا ولالا حريرة هادي من لقهوة لهنا مغايتيقش بداكشي لي اتكولي ليه وحلة هادي،كلست لأرض نجمة:وحلة كبيرة،دخلان علينا مي خناتة كتشوف جيهتنا وجهنا صفر وساهيات خناتة:مالكم ياك لباس لونكم مخطوف تكولو شفتو عفريت سكينة:عفريت نيت امي خناتة خناتة:تف تف دكرنا سمن ولعسل ابنيتي بقيتو تحت لكمرة بزااف نوضو تغسلو ونبخركم هادشي ماحمان نوضو،نضنا دوشنا وحيدنا علينا ديك لخلعة خرجنا تلقات لينا مي خناتة بواحد لمبيخرة ودورها علينا خناتة:دوزو تعشاو لعشا راه واجد،حطات طاجين ليد كتاكول ولعقل ساهي مكاينش هنا كاع خناتة:لالا انتوما ماعجبتونيش ياك لباس أش واقع؟ نجمة:صمت سكينة:سرحان خناتة:راه زعمة كنهضر معاكم أش واقع ليكم منين جيتو وانتوما غير ساهيات،شفت فمي خناتة اش انكول ليها راه كنشوف مشاش لي مسكونين ولي لا ومت سلطان عايشة ولكن راها مشة راه متيقنيش واخا معرفت اش يكون وتقدر تجري علينا كاع نجمة:والو امي خناتة لخلعة اترت علينا ماشفتيش هادوك جوج رجال كيفاش دارو لينا خناتة:لطف الله ابنتي نوضو ترتاحو وانا مابقيتش نخليكم ورايا مزال رجلي برجلكم،كملنا لعشا ودخلت انا وسكينة لبيت نعسو ولا نحاولو نعسو مشيت جيهت سرجم كنطل لقمرة مضوية كيبانو ليا شي عيالات دايزات عيط لسكينة نجمة:سكينة اجي تشوفي ياختي هاد لعيالات مخافوش ليل هادا،جات سكينة طلات شافت فيهم وفيا نجمة:لا صافي من شوفتك عرفت ماشي عيالات ياك اوف اعباد الله انتسطى عمري كنت ضانة هادشي يكون مخبي ليا عمري سكينة:يكون خير نجمة:ان شاء الله،تكاو بجوج مزاديين ريوس وتكيرهم واحد وسلطان فبيتو وعينين نجمة كيجيو فبالو.... 🌸أصابتني لعنة هرة🌸 63-دازت أسبوع على أخر ماوقع لينا انا وسكينة دابا 15يوم وحنا فدوار خدمتنا غادية مزيان داع صيتنا ولا كولشي كيعرف نجمة مولات منادل لحرير وختها ولينا نمشيو بجوج ونجيو بجوج ناس ولاو عارفينا كبير وصغير يتقدة من عندنا. كنا كالسين انا وسكينة كنشربو فأتاي سكينة:نجيمة دوك منادل دلحرير سلاو بقاو اجويجات وتواب كوبو واحد لي بقى شنو انديرو ومنين انجيبوه ومنين انعيشو فكرتي فيها ولالا نجمة:فكارت فيها ومزال معارفة فين نعطي راس وشنو ندير ولي مزال محيرني هو كيفاش انعطي راس لسلطان ونخبرو بلي كان اسكينة اش اندير سكينة:وماشتيش داك سلطان منصور لي كان تابعنا لي كاليك سلطان ولد عمو عندك ايجي ويشوفنا ويعرفنا نجمة:لا لاتخافيش كنى مرمدين فالحموم اما دابا صعيب يعرفنا اسكتي اصكعة با ومي كوراه كيسونيو ليا وريزو مكاينش هنا سكينة:أودي أخليها على الله وصافي. "فهوارة" شافية:لالا البشير انا خاطري ممهنيني على بنتي البشير:الله يهديك يا هاد المرة البنت بفمها كالت ليا راه ريزو مغاديش يشكون عندهم معندك مناش تخافي انا بنتي عارفها شنو كتسوى انت لي حامية فيك لبيضة شافية:واخا واخا هاهيا اتسكت حتى نشوفو بلانتك فين ايوصلونا.. صبح جديد علينا نضنا جمعنا دار لمي خناتة حتى كتدخل علينا خناتة:لبنات ياك كلتو تواب سلاو ليكم ولمنادل شفت شواري عامر نجمة:مصدومة)عامر فين امي خناتة عامر؟ خناتة:خرجي على برا شوفي؟خرجت تبغاتني سكينة جيت نطل على شواري كتلقاه عامر بشلا تواب ومنادل شفت فسكينة وهيا شافت فيا نجمة:م ميمكنش خناتة:شنو لي ميمكنش ابنتي؟ سكينة:لا أمي خناتة وقيلة كانو تواب لداخل ومع زربة كيحساب لينا سلاو اه هههه خناتة:ودخلو دخلو راني جايبة ليكم خبار زينة وفميكتها مزال،دخلات مي خناتة وبقيت انا وسكينة سكينة:منين 🌸أصابتني لعنة هرة🌸 64-منين جاو هاد لمنادل وهاد كترت تواب؟ نجمة:علمي علمك هادشي كيخلع،تدق الباب سكينة:شكون ايكون عمر شي واحد دق علينا نجمة:الله اعلم فتحي شوفي،فتحات سكينة وشافت فيا وكتشير بيديه لتحت،طليت كتبان ليا مرة طويلة وعينيها شيبيين مبسمة وهي تهضر "لالة راضية كتبلغ ليك سلام وكتليك فينما سالة ليك توب ولمنادل اتلقاي بحالهم مدوبلين،مجاوبتهاش دغية مشات سكينة:مسكونة ياك؟ نجمة:شكون؟ سكينة:لقطة لي دقات نجمة:سدي داك لباب وكان ولفت انا مابقيتش كنخاف راضية هيا مولات لمنادل لي تزادو وتواب،بدات خناتة كتعيط علينا سدات سكينة لباب ودخلنا عند خناتة لقيناها كالسة ومبسمة نجمة:مي خناتة ياك لاباس شفناك مبسمة ومرسمة شي خبار زينة هادي خناتة:وياه ابنيتي جبت ليكم خبار زينة خبار تفرح وتلج لقلب اراو ليا لبشارة سكينة:ياكما ولدك جا؟ خناتة:لاواه ابنتي ماشي هاديك ايوا الالياتي قصر حب لملوك بغاكم،شفت فسكينة بستفهام ورجعت كنشوف فمي خناتة نجمة:مي خناتة شكون قصر حب لملوك مفهمتش أول مرة نسمع هاد سمية؟ خناتة:أويلي نسيت مكلتهاش ليكم قصر مولاي سلطان قاسم اسميتو قصر حب لملوك،هنا حسيت بنخصة فقلبي سكينة:وكيفاش طلبنا امي خناتة؟ خناتة:من بعد مع صيتكم داع فالبلاد او ولا لكبير وصغير يشكر سلعتكم وكيكولو توابكم ماكينش بحالهم قرر سلطان لكبير حوايجهم يكونو مصنوعين من تواب لي كتبيعو لبياعة وشراية فسوق جمالة معجبهمش الحال منين ساقو لخبار كيفاش جوج بنات يطيحو سوم عليهم ولقصر يتقدا من عندكم انتوما الخير ايجي ولوقت اتزوهر ونزيدكم اتقام ليلة فالقصر حيت بنت سلطان وردة ايحتافلو بنهار زيادتها معرفتش اش كيكولو ليه صحاب لمدينة نجمة:عيد ميلاد امي خناتة خناتة:ايااه هداك ايوا دابا اتنوضو تحزمو ليا وتشدو طريق لقصر،شافت فيا سكينة 🌸أصابتني لعنة هرة🌸 65-حسيت برعدة ولخلعة كولشي تخلط عليا خناتة:ويلاه طلقو ريوسكم خلاص مخاصكمش تعطلو،مشيت انا وسكينة لبيت نلبسو حايكنا سكينة:ناري يا نجمة شداتني لخلعة ولبولة ورعدة كولشي تخلط عليا خايفة لايكون داك ولد عمو ونحصلو نجمة:واسكينة راه مغاديش يعرفنا انا راه خايفة من سلطان خايفة نحصلو سكينة:انت باش انحصلو باش نجمة:ويلى عقل علينا من لقهوة ماشتيهاش سكينة:انت شكون كاليك ايشوف وجهنا راه منكبين يلاه خلاص نتوكلو على الله ولي دارها هي لي اتكون،تنكبنا وخرجنا جرينا حمارنا وخرجنا من لباب وحنا كنقراو فالقرآن وشدينا طريق لقصر غاديين فواحد طريق مستفة بحجيرات صغار بدا كيبان لينا لقصر عالي وشامخ كلما قربنا كيزيد يكبر حتى ولينا كنبانو كيف الاقزام تحت منو وقفنا قدام لباب لي كان كبييير سكينة:ودابا واش ندقو ولا أش انديرو؟ نجمة:زعمة ايسمعونا وهاد لباب جوج ايدين وشوف واش يسمعونا ولالا،يلاه جيت نكمل هضرتي تفتح الباب دورنا وجهنا بقينا واقفين بصدمة لا لا هادي هادي مدينة ملاهي ماشي قصر جرينا حمارنا وتمينا داخلين فوق واحد القنطرة كبيرة تحتها نهر كبير خضر محيط بيها كلها ربيع الارنب كينقز من بلاصة لبلاصة وكترت شجر على جهد صدمة سكتاتنا مقديناش نهضرو كندورو غير فعينينا حتى وصلنا لباب رئيسي ديال دار كتبان لينا مرة كبيرة فالعمر واقفة كتشوف فينا وعلى وجها ابتسامة كبيرة وقفنا قدامها شيرت لينا راسها وهي تكلم "مرحبا مرحبا بنجمةمولات لمنادل وختها مرحبا بيكم فقصر حب لملوك انا فضيلة دادهم دسلطان هارون او وردة تفضلو مرحبا خليو بهيمتكم هنا دخلو معايا،دخلنا تبعنا ديك فضيلة لقصر كيكان من لداخل شيحاجة بحال الف ليلة وليلة مع دخلنا كنسعو صوت ديال خطوات شيواحد جاي،دورنا ريوسنا لجيهت صوت كيبان لينا واحد راجل كبير 🌸أصابتني لعنة هرة🌸 66-فالعمر لابس واحد لبسة ديال سلاطين لحيتو طويلة فيها شيب وشعرو فيه شيب نظرة ديالو حادة وعينيها زرقين فضيلة:مولاي قاسم هادي نجمة مولات لحرير هيا وختها قاسم:بصوت غليض)أه مرحبا بيهم فضيلة ديها لبيت ضيافة وعيطي على وردة باش تختار تواب لي بغات هي تكوليهم رغبتها ولي عجبها فضيلة:وانت اسيدي؟ قاسم:فضيلة انت عارفة لباسي كانت تختارهم ليا سلطانة ومن نهار مشات حلفت عمري نلبس من غير ايدها،خلانا ومشا شفت فسكينة تفكرت سنسلة ديال مراتو لي علقت فعنقي باش مطيحش ليا شديت على قلبي وتبعت فضيلة لبيت ضيافة كلسنا كنشوفو فالحيوط ونقش لي منقوش تسل ايد لي قدات هاد لقصر،رجعت فضيلة عندنا هازة صينية ديال أتاي فيديها وهي تكلس فضيلة:شوية اتجي لالة وردة وسلطان هارون،وحل ليا اتاي فحلقي بديت كنكح كنكح عليت راسي بديت كنرمش شهقت وجغمة وقفات ليا سكينة تخلعات كتضرب على صدري حسيت بصالة دارت بيا تما مابقيتش عقلت على راسي..... 🌸أصابتني لعنة هرة🌸 67-كنسمع صوت بعيد كيعيط بسميتي وشي ايد كتضرب فوجهي وريحة غريبة داخلة مع نيفي شوية ديال شعا كيبالي بعيد بديت كنفتح فعينيا شوية بشوية كيبان ليا وجوه ضايرة بيا ميزت سكينة ولمرة لي ستقبلتنا او واحد لبنت شعرها مطلوق صفر وشخص رابع هو لي فيقني كليا من سخفةلي سخفت جمعت لوقفة أول حاجة درت مسيت وجهي لقيت نكابي طار باي باي نكابي صافي مشيت فيهاقفرتها ايعرفني ايكون شافني وعاق بيا نقزت فضيلة فضيلة:سمحيلينا أبنتي حيدنا نكابك ولكن هكا باش قدينا نشمو ليك شوية من ريحة باش تفيقي كيكاتحسي؟ سكينة:نجمة يكما مريضة اختي دابا كيكتحسي؟أنا غير ساكتة وكنشوف فيه مقدرتش نشوف جيهت سلطان هارون راسي تفيكسا على واحد جيه تسمع صوتو رنان لموزون داير بحال شي الة موسيقية هارون:لالة نجمة كيكتحسي الى كنت مريضة نعيطو على لحكيم يجي يشوفك كيبان ليا لونك مخطوف وصفر لبتيخ تكول غير شفتي قباض رواح ولا شي عفريت فضيلة:دكرنا سمن ولعسل أولدي مالك على هاد لهضرة لي كتقتل ماشفتي شاي لبنت مسكينة كيف عامرة لون دم مابقاش فوجها هارون:انا غير هضرت أدادا سيري جيبي شوية دلويزة لضيفتنا على وعسى تهدى أعصابها،وقتها بيدي نجمة:لالة ميحتاجش الله يكتر خيرك أنا دابا بيخير وعلى خير سمحوليا شطنتكم غير خرجت بلا فطور وصافي ماوقع والو هادشي لي وقع مايحتاج رميان لمعاني ولا ضريب لبندير امولاي،على راسو هارون هارون:مافراسيش كنضربو فالبنادر وطعارج هنا أمولات لمنادل نجمة:ضريب لمعاني بحالو بحال ضريب لبندير وطعارج أمولاي غير لي مابغا يفهم وكيف كيكولو لبهيمة بدبزة ولحر بالغمزة واناحرة غرة أمولاي سلطان هارون:وكتعرفي لمثلة لي كتكول سرج ولجم وعقد عقدة صحيحة لا تعود ليك بفضيحة نجمة:لالا أمولاي لساني الحمد لله ديما مسرج وملجم وعاقداه ميات 🌸أصابتني لعنة هرة🌸 68-ميات عقدة وعقدة غير كون هاني انت أمولاي،سكينة داخت كايبان ليها طرح حما وخاصها طفيه بالما سكينة:أحم مدام نضتي على خير أختي اجي نوريو تواب لالة وردة تعزل وتختار،بقا هارون كيشوف فعينين نجمة لي كانو بحال شي قطة متمردة تحدي باين فعينيها وطريق لخوف مكايناش عندها طلعها من ساسهاراسها دار وخرج من لبيت،خديت نفس طويل من بعد ما توترت وتعصبت صراحة مكنتش انجاوبو ولكن هضرتو ستفزاتني بزااف مايسحابليش هكا داير،كلمني صوت رقيق وعدب وردة:لالة نجمة لاباس عليك؟ نجمة:تبسمت)لا الحمد لله الى بغيتي نشوفو تواب دابا مرحبا قولي ليا لوان لي كيعجبوك وردة:كيعجبني الوردي ولبيض بحال ماما الله يرحمها كيكولو ليا كنشبه ليها بصح ادادة فضيلة فضيلة:اه ابنتي بصح،غير دكرات وردة مها وتقبط قلبي وتفكرت لي خلاني نطيح على بان ليا خيالها وعلاش شيرات ليا طلعت ادي لا إراديا لعنقي لقيت سنسلة فبلاصتها ناري عندم يكونو شافوها هدا ماشي وقتها شفت فسكينة شيرت ليا براسها بمعنى لا،عاد رتاحيت فضيلة:لالة نجمة الى كنت عيانة نخليوها لغدا حسن نجمة:أ لالا دابا نيت انوريو لالة وردة شنو بغات،وقفت ودرت لحايك على راسي ونكابي وخرجنا على برا هزينا تواب من شواري ورجعنا دخلنا كاع تواب عجبو وردة خدات 4ديال تواب لبيض وزهري وزرق بحال لون سما ولبنفسجي بارد فضيلة:صراحة كلشي عندكم غزاال توب ينسيك فتاني انا هدا بغيتو ليا نجمة:بصحة وراحة فضيلة:واناخود هاد لكحل ولخزي وزرق لون ليل لهارون نجمة:مرحبا،خداو لي بغاو من عندنا ومشات فضيلة تجيب لينا فلوسنا بقينا مع وردة وردة:خويا هارون من نهار ماتت ماما و رؤية وهو ولا عصبي وطبعو حاد سكينة:شكون رؤية؟ وردة:البنت لي كان مقرر ايتزوج بيها،نباها صوتو من بعيد هارون:وردة سيري لبيتك وتعلمي متبقايش 🌸أصابتني لعنة هرة🌸 69-تعاودي أسرار لقصر لشيواحد لي هو غريب،درت شفت فيه مخنزرة وشفت فسكينة كنبغم نجمة:كتعاود لينا أسرار دولة مثلا بنادم وجهو صحيح مكيحشمش هارون:شنو كلتي امولات لمنادل؟درت شفت فيه نجمة:كنهضر بيني وبين راسي أمولاي كنتسارو بيناتنا وأسراري مكنعاودهمش لمن والى، شفت فسكينة ونابيتها نجمة:يلاه نتسناو على برا لحيوط عندها ودنين بغينا نهضرو كولشي كيتسمع علينا بحال لغربال لي عينيه كبار متعرفي ايمتا يولي معاك الغاشي،سبقت سكينة لبرا تبعاتني وسلطان بقا واقف ختو اكتشوف فيه وجهو ولا حمر. سكينة:واش حنا جينا باش تكولي لسيد على مو ونتهناو ولا جينا نوضو لحرب ونكلسو وسطها غير كولي ليا مافهمتكش نجمة:هو لي كيتراض معايا بحال لولية وانا طبعي مكنسكتش وراكي عارفاني معرفتش ياختي كنقدش نسد فمي كايجيني بحال الى مستغل بلاصتو باش يهين ناس سكينة:متنيايش كونما هو داك نهار كون شفارة دارو مابغاو فينا نجمة:منكرتش هادشي ولكن معرفتش مالو كايجيني مقيت وباسل وحاسل وعاجبو راسو بزاايد سكينة:شفتي ختو شنو كالت ليك سيد مسكين راه مكروح جوج كرحات من مو وخطيبتو نجمة:ولكن هادشي مايخليهش يحشي لمعاني لناس بحال الى انا لي بغيت نسخف ونترما عند رجليه عند بالو انا من داك نوع دلبنات لي دير اي حاجة باش سلطان يشوف فيها مشا بالو بعيد وبززاف، 🌸أصابتني لعنة هرة🌸 70-سكينة:سكتي لمرة جايا عرفي أش كتكولي بعدا جاتني ختو ضريفة نجمة:ايوا لكرش كتولد صباغ ودباغ وهداك سلطان ماشبه لجوهر غير فسبيب لي كيتزلك فيه سكينة:سكتينا راه داداه جايا،جات عندنا لالة فضيلة فضيلة:بسم الله هادا رزقكم ومولاي قاسم معيط عليكم بجوج ليلة لالة وردة مرحبا بيكم نجمة:لا مكاين لاش الالة فضيلة ربي يخليك فضيلة:لالا كلمة سي قاسم مكتنزلش الارض وعمر شي واحد نزل بيها داكشي باش نهار جمعة ان شاء الله مرحبا بيكم توقيت لمغرب هكاك يلاه تهلاو فراسكم ابنياتي،خلاتنا لالة فضيلة ورجعات جرينا حمارنا وخرجنا من لقصر مع دورة خرجنا كيدوز عود من حدانا مطيرة لعجاجة خلانا كلنا غبابر وقف بالعود وكان سلطان هارون دار شافينا هاز حجبانو بقيت واقفة ممزحزحاش كنشوف فيه طلعني وهبطني ورجع ساك لعود ديالو بسرعة ومشا مخلي وراه غير لغبرة نجمة:تف يحساب راسو هو عنترة بن شداد على راجل كيداير ردنا كلنا غبرة بحال الى عبيد عندو سكينة:يلاه اختي راه عييت وشمس تبخات ليا قلقولتي،رجعنا لدار دخلنا غسلنا حالتنا وخرجنا مدينا رجلينا كالسين مجمعين كنهضرو على لعراضة سكينة:كيبان ليا نمشيو شحال هادي مفوجنا أختي مرابانا نلقاو شي سليطين تم متوتز نجمة:ربي واش من نيتك ناس فناس ولقرع فمشيط راس كولشي قامو خليفة بقاليه غير لبزق فوق لقطيفة سكينة:ومالنا أختي معليناش الله،تمت داخلة خناتة خناتة:هاواحد سلامو عليكم نجمة:مي خناتة جيتي مرحبا سكينة:وكلسي عندي ليك خبيرة خناتة:الله يسمعنا خبار الخير كيدازت الامور فالقصر، عاودات سكينة كولشي لخناتة خناتة:ايوا مكال عيب هادي خبار زينة واي بنت تحلم بيها ولي كال سلطان مخاصش ترفضوه ليه نجمة:الى بغات سكينة تمشي تمشي انا مغادياش خناتة:نجمة مالك على هاد قصوحية راس واش بغيتي تجبدي 🌸أصابتني لعنة هرة🌸 71-تجبدي علينا نحل ابنتي حشومة راجل قدو وقامة وسلطان لمدينة مدام أمر خاصو أمرو يتنفد والى على لباس انا انلبسكم أحسن مكاين باش تبانو كيف لبلارات،وقفت نجمة:انا اندير بكلامكم وغادي نمشي لهاد ليلة ولكن متعولوش عليا نلبس ونتقاد حوايجي لي عندي هوما باش غادي نمشي انمشي نتكا انرتاح شوية،خليتهم ونشيت. سكينة:فخبارك امي خناتة نجمة مخلات فسلطان هارون غير لي نسات كتراد هي وياه هاك بلاك لمعاني ولهضور محشم لاهو لا هيا خناتة:نجمة مكتسمحش فحقها هادشي زوين فيها حيت هاد زبان خاصك تكون سبع ولا ياكلوك دياب ابنتي نوضي نوضي نقلب ليك على شي لبسة دايزها لكلام باش تباني كيف لبلار،مشات سكينة مع خناتة ونجمة دخلات لبيت وقفات حدا سرجم مقابلة مع طبيعة وسارحة بخيالها بعيد سمعات صوت رجلينا ديال لعود كيبان ليها دايز بعيد لزنز متميز حيت كان فالكحل "علاش تعاملتي بديك طريقة؟" قفزت من بلاصتي ودرت بزربة شادة على قلبي ولخلعة راكباني نجمة:الله يعطيك ستر ماتبقايش طلعي ليا كل مرة هكا ماتفقناش على هكا واش بغيتي تركبي فيا سكر بشرى:مابقيتش انبان وزايدون كنبان غير فضرورة رفقي بولدي شوية انجمة خاطرو مضرورة وجاتو من جوج جوايه نجمة:ماشي انا لي جبدتو كنظن سمعتي كلشي بودنيك ولسان مافيه عظم وانا من طبعي مكنسكتش على حقي وحتى هو مخلاش من حقو،ضحكات بشرى وكلسات على نموسية نجمة:شفتك كضحكي؟ بشرى:ولدي عمري شفتو كيتراد بحال لعكوزة مع لعيالات نجمة:الحمد لله لي شهدتي فيه كيتراد بحال لعيالات بشرى:معرفتش علاش قلبي حاس اتكون شيحاجة بين ولدي وبين نجمة مولات لمنادل،درت شفت فيها مصدومة نجمة:أنا او ولدك لالة سلطانة غير راجعي عند راضية حسن والله يعطيك ستر متبقايش كلما شرباتك من داك لما متلقاي مديري وتجي تباني ليا أنا راه شي 🌸أصابتني لعنة هرة🌸 72-شي نهار تفضحينا بشرى:قبل منمشي بغيت نكوليك ردي بالك حيت حنانة ولات قريبة منك انا مشيت،فلمح لبصر غبر ليها الأثر دخلات سكينة عليا كتشوف فيا سكينة:معامن كنت كتهضري؟ نجمة:مع لالة سلطانة كانت هنا سكينة:الحمد لله لي مكنتش هنا دار ليا ربي تويل ديال لخير كوراه وسخفت تاني طحت اشنو دابا انمشيو ياك؟ نجمة:غادي نمشيو غادي نمشيو، "عند حنانة" الخادم:لالة واش بصح غادي تمشي؟ حنانة:وعلاش عندك شك غادي نمشي ونتزين ونرقص وفحبالي انطيح مولاي سلطان لخادم:ولكن الالة بسيفطك اش اتمشي تخافي مايقبلوش يدخلوك حنانة:بضحكة عالية)هاهاهاهاهاهاهاها أ هاهاهاهاهاها مزال مكتعرفينيش يمكن أش كنسوا وعلاش أنا قادة نهار جمعة أتشوفي كولشي بعينيك مزال مكتعرفينيش شنو كنسوى وشنو بيدي ممكن ندير، هزات قرعة حمرة فيديها كدور فراسها وتشوف فالقرعة وكترعد فمها ونيفها وكتضحك بشر بحال شي وحدة مجنونة حنانة:بهاد لما بهاد لما اتشوفي حنانة علاش قادة غير وقفي بعيد وتفرجي..... 🌸أصابتني لعنة هرة🌸 73-وصل نهار لموعود نص نسا ورجال فدوار تعرض لبنات مقاداهم فرحة اليوم يشوفو مولاي سلطان كل وحدة تلبس وتقاد لي عندها قفطان خرجاتو ولي عندها توب خيطاتو اما سكينة بحالها بحالهم كحلات لعوينات وسوكات وتقادات دخلات على نجمة لبيت لقات كالسة عاكفة بواحد لمنيدل صغير فالخرقومي شعرها ودايرة جوج ضفاير او واحد بيجامة بحال تحيتية فالبيج وفيها وريدات فلون لخرقومي وكالسة سكينة:اويلي شفتك مزال بحوايج دار انت مغاتلبسيش؟ نجمة:مال حوايجي كيف جاوك اشنو قلت ليك انا كتليك انمشي ولكن راه مغانلبس منقاد نلوح عليا حايكي وبلغتي وزايدون راه مغاديش نطول كونما جاتني عيب وحشومة أش داني انا لشي قرع نمشط ليه راسو مالي على حالتي سكينة:واش نسيتي علاش جينا من تلت لخالي غير باش توصلي لقصر وتوصلي لسلطان ولا نسيتي؟ خناتة:كيفاش توصل لقصر سلطان؟دارو بجوج عند خناتة لي سمعاتهم معرفو شنو يكولو ليها نجمة:مي خناتة انت فمقام منا وماعندنا منخبو عليك دخلي وأنا انعاود ليك كلشي واخا اتجيك حكايتي غريبة عجيبة ولكن معند لميت مايدير قدام غسالو،كلست مي خناتة كتشوف فينا بعينيها لي فيهم بزااف ديال الاسئلة ومكان عندي حتى حل من غير نعاود ليها حكايتي من لول لاخير،بديت من أول نهار جيت فيه من هوارة لمراكش حتى لفاش دخلت على راضية وفاش ضربت لقطة مي خناتة دايرة ايدها على حنكها وكتشوف فالارض وتسنط حتى ساليت نجمة:وهادي حجايتي امي خناتة وباش حكمتي علينا بيه حنى قابلينو خناتة:وعلاش ابنتي هادشي مكلتوهش من نهار لول نجمة:امي خناتة واش كاين شي واحد لي أيتيق لي وقع لينا راه ميمكنش صعيب يدخل لعقل واش انا وليت نهضر مع أشباح مكاينينش ايكولو غير طار ليا العقل وشكون يتيق سلطانة عايشة خناتة:وراه هادي لي مابغاتش دخل ليا لعقل ولكن منين كلت 🌸أصابتني لعنة هرة🌸 74-كلت شي حوايج على سلطانة مدكرتهمش ليك أنا وسلسلة لي وريتيني لي سلطانة كانت ديما لابساها فعنقها حيت كانت هدية من سلطان قاسم فعيد زواجهم الأول ولكن أبنتي لي متفهمش ليا كيفاش تمزجي دمك مع دم سحارة حنانة نجمة:مي خناتة واش بصح فهاد دوار كاينة هاد حنانة؟ خناتة:شنو نكوليك أبنتي هادشي مكنتش باغية نكولو ليكم نهار لول ولكن دابا جا لوقت فنواحي ديال هاد دوار كاينة واحد دار عمر شي مخلوق قرب ليها ولا حداها كيكولو أ حقا ما حقا راها مسكونة ولكن هادشي غير كدوب مكاين لا جن لا والو الله ينصرهم على الحق ديك دار ناس لي عسو عليها بليل صحاب لفضول كالو ليل كيسمعو ضحكت شي مرة وكل صباح كتخرج منها واحد لخادم كتنكب وتمشي تقدا وترجع من بعد أيام عرفو ناس انو لي ساكنة تما مرة سحارة خبيثة على مكايقولو قاطعة ليديها من رحمة الله الله ينجينا وينجيكم ومن تم مابقا كيدوز من ديك لبلاصة شي واحد وعمر شي واحد ماشافها من ناس لقبيلة لاكيدايرة لا لونها لا والو من غير واحد سيد مسكين كان عاس على ديك يحسابها خاوية ومشا يطل من تقبة الباب كاليك طلو عليه عينين بشر ديالهم مكاين حد مشركين ولونهم كحل غامق ودايرة بيهم لحمورية ولكن مسكين خرجات من تقبت الباب مسمار حامي خشاتو ليه فعينيه وعماتو سكينة:خايفة)ياربي سلامة امي خناتة خلعتيني وديك راضية قالت لنجمة خاص دمك يتمزج مع دمها باش ترجع بحال ايتها ناس وعمرها تقدر تأدي شي واحد خناتة:كون ابعدتي ابنتي من هادشي راه صعيب عليك وبزااف نحمة:تنهدت)صعيب امي خناتة الما درت هادشي لعنة اتبقا صليباني طول حياتي دابا راه مزال كنشوف شي حوايج ماهياش ولكن يقدر مع لمدة تزيد حتى من شوف ديالي نقدر نميز لي جاي من بعيد خناتة:كيفاش ابنتي؟ نجمة:أجي معايا،وقفات نجمة ومي خناتة داتها جنب 🌸أصابتني لعنة هرة🌸 75-جنب سرجم وقفاتها نجمة:دابا امي خناتة حدا داك لواد لي لهيه كيبان ليك شيحد؟ خناتة:لا ابنتي وحتى من لواد كيبان بعيد خلي نشوف شكون حداه سكينة:وحتى انا مكايبان ليا والو نجمة:ايوا انا كيبان ليا الواد بحال الى قدامي وحداه جوج عيلات حاطيت رزامي ديال صابون كيصبنو وراجل غادي فوق حمارو لابس جلابة فالقهوي ورزة صفرة،شافت فيا سكينة ومي خناتة مهضروش نجمة:شفاي امي خناتة علاش خاصني نقبل بهادشي خناتة:الله يعينك ابنيتي ويكون معاك وينصرك ياربي وانا معاك ابنتي فلي حتاجيتيها انا معاك سكينة:ويلته خلاص راه خاصنا نمشيو نجمة:زربانة على رزقك تقلي شوية راه لحجلة لخفيفة من نصيب صياد سكينة:انا ماشي خفيفة انا بغيت انبدل لجو صافي،قربت من سكينة عنقتها بيدي نجمة:واخا الالة يلاه،خرجنا انا وسكينة من دار لويت عليا حايكي ونكابي وشدينا طريق لقصر نجمة:يلاه رتاحيت وبردو ودنيا منين عاودت لي فقلبي لمي خناتة ومابقيتش نتسحب بحال شفارة ونخاف كل نهار لا تسمعني سكينة:وياه كتحسي بحال شي جبل نزاح على ظهرك شوفي شوفي لبنات غاديين كيتجراو ماكيات ومقادات بحال الى ايعرضو راسهم لبيع نجمة:ايوا الله يخرجنا من دار العيب بلا عيب حمدت الله وشكرتو ماكحلت ما سوكت زايد ناقص عندي سكينة:حتى انا ندمت حسيت براسي بحال الى زدت فيه شوية وقيلة نرجعو حسن لينا،وقفت كنشوف فيها نجمة:اوالله لا رجعت كترهطي بحال لبوية كل مرة راي وشوار زيدي قدامي براكة من لفشوش ولهبال دوالو،جريتها وكمنا طريقنا ولقصر سلطان دخلنا هاد لمرة غير لحراس واقفين ولخدامات كدلك بلباس كلو من لحرير كيبان لينا سلطان قاسم من بعيد بقامتو طويلة بواحد طربوش بيج عالي فيه واحد لخرصة ديال لجوهر واقف هو وفضيلة أشافتنا تبسمات لينا وجات كترحب بينا فضيلة:مرحبا بيكم كان 🌸أصابتني لعنة هرة🌸 76-كان يحسابلي أتحشمونة ولعرضاتنا اترفضونا سكينة:لالا الالة فضيلة ماشي من عادتنا انا وختي نرفضو عراضة ناس كبر منا ونحشمو بيهم ونطيحو بكلمتهم فضيلة:الى بانت لمعنى لافايدة فتكرار وكيف كيكولو سيماهم على وجوههم وكيكول واحد لمتلة تانية لحادكة كتبان من كبت لما وانتوما تبارك الله صواب والاداب وتباتة ورزانة الله يرحم من رباكم ويلاه دخلو متبقاوش على الباب،دخلنا لقاعة لي سبقنى فيها لمرة لي فات هاد لمرة عامرة كل وحدة تفايش على لوخرا هاد دهوبات هالفضة هانقرة وتكول مجاينش على قبل لالة وردة تكول واش جايين على قبل سلطان الله يستر لبنات هبلو وهترو نجمة:ياختي معنديش مع هاد الأجواء هادو،نباها صوت من لور هارون:معلوم معديش يكون عندك مع هاد لجو هادا لا لمكان يصلح ليك ولاناسو تصلح ليك نجمة:فخاطرها(بدينا تاني) درت شفت فيه كان سلطان ولا كل سلطان فحلة تسحر لغيان اش كنخرف انا كنتغزل فيه ولا شنو نجمة:كيكولو ناس زمان الزيت من الزيتونة و العاقل يفهم لغة الطير و اللي ما تخرج كلمتو موزونة يخليها عندو خير وكلامك امولاي سلطان بحال ريح كيدخل من عاظ لودن ويخرج من تانية هارون:كيضحك)بغيتي تفهميني بكلامك انك غير على هاد لبنات كلهم لي دايرين لعدر بوردة وجايين يعرضو ريوسهم نجمة: الراجل الساهل فحال سلعة دليلة يعيا البراح يكدب و ما يلقى ليها حيلة وانا مكيعجبنيش راجل ساهل وراجل راه بشانو وهمتو ورجولتو اما لحية راه حتى لعتروس مادها ودفولو هابط عليها،عقد غوباشتو يلاه ايرد عليها تحطت ايد على كتفو تقيلة وصوت تقيلة نداه منصور:ولد عمي عاش من شافك فين غابر علينا،سمعت صوت لي وتدكرت مولاها شفت فسكينة لقيتها هرجات عينيها وتيسعاتهم وجها ولا يصفار ويحمار هارون:منصور على سلامتك اولد عمي توحشناك وليك غيبة 🌸أصابتني لعنة هرة🌸 77-غيبة هادي،ستغليت الفرصة وجريت سكينة لواحد لقنت وقفنا فيه سكينة:ناري واش شفتي شكون؟ نجمة:انت مالك مرعودة غير بوحدك الله يحضر سلامة راه مكاينش لي ايفضحنا قدك واش شايفة راسك دابا وشايفة راسك قبل راه مكاين حتى تشابه يعني انعسي على جنب راحة مغاديش يعرفنا وخلينا واقفين هنا حسن لينا،هبطات وردة وكانت بحال لوردة نيت بقفطان من لحرير لي دات من عندنا تفرقات لحلاوي وأتاي فبرارد نحاسية وكيسان من نحاس وحنا اواقفين وكنشوفو بعويناتنا منقمشو منبشو كندور فعينيا يمين وشمال سلطان قاسم واقف هو وفضيلة وردة مع بنات قدها وانا تحصرت زبغيت نمشي لبيت لما عطيت كاسي ديال أتاي لسكينة وصيتها متحرك متململ حتى نجي لعندها،مشيت جيهت واحد لخادم سولتها دلاتني على لحمام فين جا وراتو ليا مشيت كنطير ليه دخلت وسديت عليا كان لحمام كلو نحاس فنحاس قضيت غراضي ورتاحيت قديت نكابي ويلاه سديت لباب كنلقى وجهي بوجه سلطان ستغفرت الله هبطت راسي ويلاه بغيت ندوز كنحس بيد وقفاتني عليت راسي شفت فيه بأشمن حق يمسني ويحط آيدو عليا نجمة:مولاي بأشمن حق تهز ايدك وتحطها عليا هارون:حيت هضرتنا مزال مسلات نجمة:هضرتنا سلات وفضات ولدار لقاضي وصلات هارون:لسانك طويل امولات لمنادل نكولها ونعاودها مدامك فداري داك لسان خاصك تبلعيه نجمة:شوف امولاي أنا حرة غرة وماشي من طبعي نسكت ونبلع فمي على لحق أمولاي،يلاه انفوتو رجعني هارون:نجمة مولات لمنادل من ليوم اتكوني تحت عيني وتحت جناحي رضي لبال لراسك،بقيت كنشوف فيه ماحسيت بنكابي حتى تحيد من على راسي وتعريت وليت كلي كنترعد،حسيت براسي تعريت واخا انا لابسة وشوفات سلطان ليا هيا لي جرداتني من لباسي ماحسيت براسي حتى دفعتو على الحيط جريت نكابي من ايديه وضربتها بجرية وحدة غادية غادية وكنشوف ورايا تلفت معرفاش راسي فين أنا كندور حتى كنخرج فشي حد عليت راسي كتبان ليا مرة لابسة بحال لخيمار غير لعينين لي باينين فيها عينيها كيخلعو نجمة:سمحيليا الالة سمحيليا،تخطيتها وكملت طريقي ندخل من بيت نخرج لتاني توترت وتلفت وعرفتش اشنو درت الله يربي انا دفعتو دفعت سلطان بقدو وقامتو عاد بانو لي دروج هبطت كنجري منهم ونطل واش جاي ورايا باينة ليوم يعلقني ماشفتش فين وطيت حتى كنحس براسي رجعت بلور من درجة تالتة وشي حاجة طحت عليها سكينة جات كتجري كولشي كيشوف فنجمة لي طاحت على سلطان قاسم وطار ليه كاس دأتاي من ايدو واتيلي فيه طار لفاز لكبير ديال لورد لي زارعو سلطان بيديه وشعلات فيه العافية كلشي تخلع كيسول اش واقع ومبهوض وقفو نجمة او وقفو سلطان هارون جا كيجري ومنصور واقف ماحيلتهم لطيحة ولا لعافية لي شعلات فنبتة كلشي كيسول شنو واقع قاسم:فضيلة شنو واقع كيفاش أتاي لي فكاسي حرق نبتة بغيت لي وجداتو تحضر عندي هنا نجمة تزيزنات كترعد وسكينة حداها معنقاها قاسم:بغيت كلشي يبقا مايخرج حد،مع تكالت كلمتو تحل شرجم وبزربة شي حد لابس لكحل تعلى وتلاح كولشي تبعو كيطل ملاقاو غير الما وريح،كلسو نجمة ترتاح جابو ليها تشرب وهيا مكتهضر مكتكلم حتى واحد معرف اش واقع سولو لخادم لي طيبات وقلبوها وحيت ناس كيعرفوها تاقو بيها وعرفو مامنها والو مسكينة وقفات نجمة وسكينة باش يمشيو قاسم:خليكم ترتاحو نجمة:لا غير عفينا خلينا نمشيو وسمحليا مكنتش قاصدة قاسم:بالعكس كونما ديك طيحة كون نار لي شعلت فنبتة شعلت فيا نجمة:مقدر ومكتوب امولاي خلينا ليكم راحة خرجت انا وسكينة مع وقفنا فلباب كنحس بهوا بارد كيسوط فودني وصوت ميخفاش عليا كيردد: "هيا أنجمة هيا مولاتها ردي لبال انجمة حنانة ولات قريبة منك ردي لبال لراسك ولناسك ولقصر". 🌸أصابتني لعنة هرة🌸 78-من بعد مارجعنا من لحفلة دخلت نيشان لبيت مهضرت مع حتى واحد كنت بغيت غير نعس ونرتاح كولشي تخلط عليا دقة وحدة حتى من سكينة ومي خناتة ماجبدوش معايا لموضوع بحال الى حسيت بصدمة وكلام سلطانة كيتردد فودني مابغاش يتنسى ليا أما دوار شاعت فيه لخبار كبير وصغير كيهضر على لي وقع فقصر سلطان وكبكولو شي واحد كان ناوي يقتلو فينما دزتي كتسمعي لعيالات كيلغطو ويهضرو مكيسكتوش نهار تالت كنت كالسة انا وسكينة ومي ختاتة على طبلة كنتغداو حتى نقزت خناتة:نجمة مالك ابنتي ياك لباس شنو عندك؟ نجمة:هي هي وانا كنكول فين شفتها علاش انا حمارة فين كان عقلي فين سكينة:شنو واقع هضري خلاص خلعتيني نجمة:داك نهار فاش مشيت لحمام وخليتك فقصر سلطان عقلتي سكينة:أه عقلت نجمة:فاش كنت راجعة عطرت فواحد سيدة كانت لابسة خمار كحل وغير عينينها لي كايبانو شوفاتها كيخلعو ومكيطمنوش سكينة:تقدر تكون غير وحدة من الخدم نجمة:الا فاش أمر سلطان باش حتى واحد مايخرج من لقصر نفس مولات لبسة نقزات من سرجم سكينة:حطات خبز من ايديها)لا انجيمة متكوليهاش متموليش ليا نجمة:أه حنانة هيا هيا لي شفت مكاينش من غيرها انا شفتها براسي شفتها سكينة:باش عرفتيها هيا تقدر شي حد باغي يقتل سلطان بصح خناتة:لا ابنتي عمر بحال لي وقع ماوقع شي مرة اول مرة ايطرا سلطان معروف جيد الله يعمرها دار وعمر شي واحد فكر يأديه نجمة:السلطانة كالتها ليا وءكدات ليا هادشي لي كلت ليك هي مولاتها وانا متأكدة.. "وجه حمر عينين حمرين لعروق ديال الاعصاب باينين" الخادم:لالة مم... حنانة:كتغوت)خرجي علي خرجي منشوفش وجهك مزال بعدي مني كيفاش كيفاش كنت فدقيقة انقتل داك شارف ونتبعو لبرهوشة دبنتو ويبقا ليا حبيبي هارون ولكن ولكن عندو زهر لي وقف ليه ديك نص بلاصة فطريقو علاش ملقات 🌸أصابتني لعنة هرة🌸 79-وقتاش طيح عليه أفديك لوقت اش هاد زهر علاش كلشي ولا معكس معايا علاش لا خاصني نبخر راسي عاوتاني من جديد وترجع ليا طاقتي مافيهاش... مي خناتة بدات كتعلمني لخياطة وفهمتني بي أنو صنعة الى مغناتك تعيشك خناتة:نجمة اتمشي عند دار المعطي العطار مراتو حاملة وبغات تخيط تشامير تاخدي قياسها وتعطيك العربون سكينة:نمشي معاها؟ خناتة:وشكون ايقابل سلعة نسيتي سكينة:اووف واخا واخا،مشيت لعند دار المعطي دقيت حلات ليا مراتو نجمة:سلامو عليكم انا نجمة من طرف مي خناتة مرت لمعطي:اه مرحبا دخلي،دخلت حطات اتاي درت صواب خديت قياسها بواحد الخيط كتعبري شحال طول ولعرض ماشي بحال لمدينة عطاتني لعربون خرجت وتميت راجعة دورت راسي ليمن ديالي كاتبان ليا واحد بحيرة صغيرة وداير بيها لورد بزاااف محسيت براسي حتى كنت واقفة حداها ماها كيبري كاع طيور واقفين حداها او واحد الارنب كينقز جا حدا رجلي وقف تم شداتني ضحكة نجمة:ههههه مخايفش مني زعمة هههه،تحنيت على رجليا كلعب ليها بوديناتها نجمة:عمر شي واحد قاليك انت زوينة وعويناتك زوينة وا كبيدة وزوينة اش بان ليك نغني ليك أ أ تسمعي صوتي وتقبلي بيا يلاه سمعي وحكمي،رحمي يارحم لعقل ترحامي فسماك طال سقامي كيف نبقا حاير وانت مسنية روحي ياغزال فاطمة،بديت كنغني ليها ونسيت راسي "صوتك زوين بحال عينيك"طرقت الارنب وقفت دغية مخلوعة درت دغية ورايا كيبان ليا سلطان هارون داير ايديه وراه وكيشوف فيا قديت نكابي وبغيت ندور باش نمشي حتى وقفني كلامو هارون:نجمة،رنة سميتي بصوتو كان ليها طعم خاص خلاتني نوقف ومنتمشاش هارون:واخا نهضرو شوية،درت كنشوف فيه نجمة:نهضرو فاش انهضرو غير غادي نتخاصمو تاني فينما تلاقينا كنوضوها وشفتي اخر مرة شنو وقع هارون:القد قد الفولة ولفعايل فعايل لغولة 🌸أصابتني لعنة هرة🌸 80-نجمة:هانتا بديتي تاني هارون:مقصديش نعايرك ولكن قصدي زعمة لي شافك مايقولش راك حارة وقادة انا مابغيتش نتخاصم هاد لمرة امولات لمنادل بغيت غير نعتادر على ماوقع فالقصر ماشي من طبعي ندير هكاك ولكن حتى انت مخليتي من جهدك واخا زين وجهك مكايدلش على طول لسانك نجمة:لا يغرك نوار دفلة فالواد داير ظلايل ولا يغرك زين طفلة حتى تشوف لفعايل هارون:صدق لسانك امولات لمنادل نجمة:وحتى انا امولاي سمحليا على موقع حتى انا ماشي من عادتي نتجابد فالهضرة ولكن مكنصبرش على حقي هادشي لي علموني والديا هارون:دابا لقلوب صافية ولجروح مداوية نجمة:لي فات مات حنا ولاد ليوم واخا كلامك بحال لموس هارون:وانت ماخليتيش من جهدك نجمة:لعين بلعين وسن بسن امولاي مهم نخليك دابا تعطلت على مي خناتة، حدرت عيني ودرت هارون:نجمة، درت نجمة:نعام امولاي،بقا شحال وهو واقف كيشوف فيا وانا كنشوف فيه كنحس بعينيه كيديرو ليا تنويم بقا ساكت منطقش غير كيشوف فيا هارون:سلمي على مي خناتة نجمة:تبسمت)يوصل،درت وكملت طريقي بقا هارون كيشوف فيها حتى دارت ورا شجرة وغبرات هارون:تنهد)صوتها بحال صوت طير الى صاح وعينيها بحال المهر لي عاد تزاد شنو واقع ليك اهارون مع مولات لمنادل..طريق كولها وانا مبسمة معرفتش علاش زعمة غير حيت لخواطر تصفاو بيني وبين سلطان وصلت لدار دخلت وهي تنقز عليا سكينة سكينة:فين كنتي هادا كامل وقت كنت عند مرات لمعطي انت باين كنت عند المعطي براسو نجمة:الله يمسخك خليني احتى ندخل بعدا،دخلت كلست نجمة:فين مي خناتة؟ سكينة:خرجات تقدا شعير وشوية دلخضرا نجمة:وكلسي نعاود ليك،بديت كنعاود ليها كولشي من طاق طاق لسلامو عليكم سكينة:هاي هاي على كاجول وشاروخان خاصكم اشي فيلم هيندي نجمة:شفتي انا هبيلة لي كالسة كنعاود ليك كالقيت شغل 🌸أصابتني لعنة هرة🌸 81-سكينة:كلسي لارض راه غير كنضحك معاك،جات مي خناتة عطيتها العربون ولقياس وبدينا فالخدمة على تشامير بديت نشد صنعة فيدي ونتخالط مع ناس ولحركة غادية مزيان ومزال مقدمت ولا وخرت ومعرفت اشمن خطة اندير دخلات عليا سكينة لقاتني غادية جايا فالبيت وكنحك فراسي سكينة:مالك تاني بحال لمرة لي شادها لوجع بغات تولد نجمة:كنضيعو فالوقت وليام اكتجري ومعرفت كيفاش ندير نكسب قلب سلطان ونعاود ليه لي كاين ونخبرو بلي مو حيا وماميتة خايفة ومعارفة مندير سكينة:كون انا منك غادي نطيحو فشباكي ونخليه يبغيني ونكسبو جيهتي نجمة:غير اجي وطيحيه فشباكي ايكول انا بحالي بحال دوك لبنات ولهضرة لي قال هيا لي كاينة وانا مصدقت تسامحنا وحيد ديك لفكرة من بالو سكينة:وراه مكاين حتى حل من غيرو واخا ديري لي درتي مايتيقش لعيالات كيتيقو هاد مسايل اما رجال مكيأمنوش بهادشي ديال لعنة يا يكول حمقة يا باغية منو شيحاجة واحد فجوج نجنة:وشنو معمول؟،تفتك لباب ودخلات مي خناتة خناتة:انتوما مخشيات هنا وانا ساير نقلب عليكم يلاه لبسو حوايجكم وديو سلعة لقصر طالبينكم تماك،شفت فمي خنانة نجمة:علاش امي خناتة؟ خناتة:تبيعو لغلالة لاش ابنتي اتمشيو باغيين توابات جداد ويلاه يلاه متعطلوشاي يلاه،خرجات مي وبقيت كنشوف فسكينة سكينة:هانتي لوجيبة جابتو حتى ليديك نجمة:أش كتقصدي؟ سكينة:ستغلي لفرصة ديال رجوعك لقصر وهاد لمرة ضبطي لسانك وحليه وكيف كيكولو لمرة لحلاحة غلبت سحارة مخاصك تخرجي من لقصر إلا وتكوني خطويتي خطو لقدام واوريني حنت ايديك ودرديك رجليك انجيمة بنت عمي لبشير.... 🌸أصابتني لعنة هرة🌸 82-نجمة:شوفي ديك لقضية ديال الافلام تركية نلوحو فشباكي يبغيني مخاصنيش بيها ناخود معاه اختي دنوب الله ينجيني وزايدون ضميري عارفاه ديما مأنبني سكينة:وأنا غير قلت ليك وانت تعرفي غير هو داك لسان طويل عندك نقصيه سكينة:واخا انجيب مهراز وندكو مزيان يلاه خلاص انتعطلو،لبسنا حوايجنا وجرينا حمارنا عمرنا سلعتنا وحسبنا خطواتنا لقصر مع وصلنا كيبانو لينا جوج عودان واحد بيض وتاني كحل خرجات عندنا فضيلة بضحكتها لي عوداتنا عليها فضيلة:مرحبا مرحبا بناتي داك نهار مشيتو متليتو رجعتو والله حتى رتاحيت ليكم بزاااف،حسيت بالبرد تاني عند ودنيا عرفت كاين معايا زايد سلطانة وشكون غيرها لبرد تساط حدا ودني بحال الى كتكولي راني هنا وغانهضر متخلعيش داكشي لي كان صوتها تسلل لودنيا قالت: سلطانة:نجمة انا معاك والى بغيتي تقربي من مالين لقصر تبعي هضرة لي كنقول ليك فضيلة معانا من نهار جيت لقصر مرة طيبة الله يعمرها دار وكنت كنكوليها ديما فضيلة لسانك من فضة وكلامك يتزون بدهب. نجمة:لهلا يخطيك الالة فضيلة لسانك من فضة وكلامك يتوزن بدهب،كنشوف فضيلة لونها تبدلها وكتبلع فريقها مشات بيها دنيا وجات كونما ايد سكينة لي شداتها سكينة:لالة فضيلة مالك ياك لباس؟ نجمة:خالتي فضيلة أشنو بيك؟شافت فيا وعينيها مغرغرين بدموع فضيلة:كلامك ابنتي انجمة فكرني فلمرحومة هيا لي كانت كتعيط عليا خالتي عمرها عيطات عليا بسميتي وهي لي كانت كتكول هاد لهضرة لي كلتي دابا سمحيليا ابنتي نجمة:سمحيليا انت لي فكرتك بيها مكانش قصدي خرجات مني هكاك،سمعنا خطوات جايين حتى خرج سلكطان هارون ومعاه منصور دورت وجهي لسكينة كتبان ليا تلونات هارون:أهلا وسهلا مرحبا بيكم دادا فضيلة أش وقفكم هنا فضيلة:أ لا اولدي نجمة:عاد وصلنا أمولاي،منصور كيشوف فيا 🌸أصابتني لعنة هرة🌸 83-وفسكينة وخصوصاً فسكينة كيصغر فعينيه ويحقق فيها دار شاف فيه هارون هارون:منصور نقدم ليك نجمة مولات منادل لحرير وختها سكينة(شاف فينا وكمل هضرتو)منصور ولد عمي نجمة:مشرفين امولاي منصور:سبحان الله معرفتش ولكن بحال الى جابليا الله فايت سامع بهاد سميات فضيلة:مغتبقاو شاي فالباب دخلو نعيط على وردة تجي تختار يلاه دخلو،ستغلينا الفرصة وتبعنا لالة فضيلة خلينا هارون ومنصور متبعينا من لور. هارون:ولد العم شفت عينيك حوالو ياك لاباس تبت شوية منصور:ماشي هكاك ولكن هاد جوج بنات فايت شايفهم معرفتش ولكن جاوني بحال ديك سيدة لي دارت براسها مرة كبيرة هيا وديك خيتي لي قالت بنتها لفرق هادوك كانو موسخات وكلهم حموم بحال لعبيد وهادو فنقاوة متختار غير هوما لبيوضة وحروف زينة خصوصا لي لونها خمري وعيونها ضحكة فيهم لي كلتي سميتها سكينة ياك؟ هارون:هادشي كاع لاحظتيه دغية زيد زيد وكان اولد العم ياك كلتي نتسابقو برق ورعد منصور:بغيت ناخود تواب حرير ومنادل لازميني امي جري بين لويدان خليه من بعد،ضرب على كتف هارون ورجع دخل. "فصالون لكبير" سكينة:كضرب فجنابها وتولول)قفرتها قفرتها شفتيه كيف كان كيشوف فيا بحال الى شك نجمة:شوفي غير جمعي لسانك ديري راسك زيزونة انت كاع باش مايشك حيت سكينة ديال ديك نهار لسانها مضا من الموس شش شي واحد جاي،تمات داخلة فضيلة بترحاب أتاي ودواز اتاي ومعاها وردة لي كانت لابسة واحد تشامير لونو خضر طويل حسيت بالبرد تاني حدا ودني سمعت: سلطانة:هاد لقفطان مكنتش كنحملو على بنتي كايجي معاها لون لخوخي غزال ولون لوردي نجمة:لالة وردة صراحة ومديرهاش مني قلت صواب هاد لقفطان لخضر مجاش معاك ومعجبنيش من لونك ولون شعرك يجي معاك لوردي ولخوخي،شافت فيا فضيلة وشافت ليها وردة وردة:دادا فضيلة حتى 🌸أصابتني لعنة هرة🌸 84-ماما كانت هكا ياك عقلتي؟ فضيلة:عقلت ابنتي لالة بشرى مكانتش كتحمل هاد لون وهاد قفطان مكتحملش لالة وردة تلبسو وكانت كتحماق على لون لخوخي ولوردي وكتلبسو لوردة بيديها سبحان الله اليوم تفكرناها وانت لفضل ليك ابنتي نجمة وردة:عرفتي شنو انجمة انت اتكوني لوزيرة ديالي تلبسيني على دوقك شنو بان ليك فضيلة:وهادي فكرة مزيانة نجمة:ولكن انا كنبيع غير المنادل اش جابني لوزيرة وردة:بالعكس انت كتفهمي فكولشي انا انخبر مولاي سلطان مكايرفضش ليا حتى طلب انا جايا، 🌸أصابتني لعنة هرة🌸 85-مشات وردة شوية دخل منصور،نقزت حدا سكينة نجمة:هاديك هاه تبتي ورزني وبقاي تفتفي فضيلة:ولدي منصور يكما حتى انت بغيتي شي توب؟ منصور:عينو على سكينة)مكرهنا شاي شي توب من دوقك ادادا فضيلة،رجعت وردة شادة فدراع سلطان قاسم وردة:نجمة انا كلتها لسلطان او وافق شنو كلتي قاسم:وردة كاتليا بغاتك تكوني وزيرة ديالها وانا معندي حتى مشكيل نجمة:شنو انكوليك امولاي أوامرك مايترفضوش ولكن انا حرفتي منقدرش نبدلها ومع ختي منقدرش نفرقها ولفت نبيع لمنادل وهاد لمنصب لي عطيتيني منقدرس عليه وردة:وعلاش انجمة انت كتعرفي حسن مني فشحال من حاجة بغيت نبقى نسنتاشر معاك فشحال من حاجة،حسيت بالبرودة حدا ودني وسلطانة وشوشات فودني نجمة: الحق مر ما يرضى بيه غير الحر الالة وردة،على سلطان قاسم فيا راسو شاف فيا صغر عينيه وشاف فبنتو قاسم:وردة خلي نجمة على خاطرها وهيا اتولي تجي عندك فينما حتاجيتيها ستاشريها وخليها على خاطرها وردة:تواعديني الى حتاجيتك نصيبك؟ نجمة:مرحبا وعلاش انا نقدر نرفض طلب لوردة لورود،رجع شاف فيا سلطان قاسم قاسم:سمحوليا،خلانا وخرج طلع سلطان لبيتو سد عليه وتقابل مع صورة مراتو لي كانت مرسومة تحت ايظين رسام معروف قاسم:لالة بشرى علاش حسيت انو اليوم كاينة معانا نفس كلامك كالتو مولات لمنادل فكراتني فهضرتك وكلامك بحال الى انت لي كنت كتهضري مزال لدابا منسيتك وكلامك محفور فقلبي،دخل هو قوي من سرجم وبرودة دازت من حداه خلات لحمو يبورش دار يشوف وراه مكاين والو... "فصالة" نجمة:خليناكم على خير إلى حتاجيتو شيحاجة مرحبا فضيلة:لهلا يخطيك ابنتي كلسو تغداو معانا نجمة:لا انخليو مي خناتة بوحديتها مرة خرى ان شاء الله،جمعنا الوقفة حتى دخل هارون كيشوف فينا هارون:دادا فضيلة شديتي ضيافنا يتغداو فضيلة:شديتهم 🌸أصابتني لعنة هرة🌸 86-ولكن مابغاو شاي يكلسو هارون:لالة نجمة بصح هاد الهضرة؟ نجمة:اه امولاي منقدروش نخليو مي خناتة بوحدها مالفين كناكلو مجموعين منصور:مافيها باس الى تغديتو مرة وحدة معانا كنحس بحال الى هاد سبب ماشي بوحدو لي مخليكم متكلسوش نجمة:بحالاش اسي منصور منصور:معرفتش كنكول غير باش حاس وصافي ولسان مافيه عظم نجمة:أه لسان مافيه عظم ولكن لسان لي يكول زمر يكول تمر اسي منصور ولالا هارون:سمحولينا ولكن منصور كيبغي يضحك مرة مرة ياك أ منصور،نقزت سكينة من تحت نكابها وبالهمس كالت: سكينة:منصور خاصو قطيع لسان من بلاصتو ويدار كديد،شاف فيها منصور منصور:كلتي شيحاجة الالة،شافت فيه سكينة سكينة:لا امولاي علاش انا هضرت ولا نطق فمي بكلمة نجمة:يلاه نخليوك هارون:الا اتغداو معانا وكلامي ايتنفد يلاه امنصور أجي معايا،خرجو رجال وبقيت انا وسكينة كنشوفو فبعضياتنا ولايني حصلة هادي كلسنا ورضخنا لمكتابنا لي ممنو هروب،تسنينا لغدا حتى وجد وفصالة غير هاديك طبلة كبيرة بكراسها كلسنا سلطان قاسم فراس طبلة وحنا مجموعين عليه ومعانا حتى لالة فضيلة كناكلو فسكات وسكوت سيد الموقف حسيت بنفس الاحساس نفس البرودة لالة سلطانة هنا نجمة:عرفتو لي ناقص فهاد طبلة هو ورد بالعمان كيخلي لبال مرتاح وكيهدن نفس،على سلطان فيا عينو طول فيا شوفة ورجع حدر عينو حتى واحد مرجع هضر من غير وردة لي نطقات وردة:بالعمان كانت كتبغيها ماما الله يرحمها كان عزيز عليها بزاااف نجمة:اه مايسحابش ليا سمحوليا،جات لخادم بطبسيل ديال لفكيع حطاتو قدام سلطان بشرى:فودن نجمة)عنداك الفكيع كيهلك جلد سلطان وكينوض فيه بحال ريال نجمة:مولاي مخاصكش تاكول لفكيع كيهلك جلد وكيخليه يحمار ويعمر ريال،حط دغمة من ايدو غوبش وشاف فيها قاسم:وباش عرفتي لفكيع كيدير ليا هكا الالة 🌸أصابتني لعنة هرة🌸 87-الالة نجمة نجمة:أنا انا غير كلت وصافي حيتاش هو من عوايدو كيدير هادشي،ساليت ماكلة بسكات حتى سالينا جمعت حايكي وكدمت سكينة قدامي شكرناهم على لغدا وخرجنا بحالنا عاد تنفست ورتاحيت سكينة:أصعب نهار داز عليا هو هدا ماخرجت من داك القصر حتى غفر ليا ربي دنوب وناري اما داك منصور الله يستر منين كلسنا ماسكتش من الهضرة وانت مالكي شفت كولشي عارفاه مافهمت فيك والو نجمة:سلطانة كانت حدايا طول الوقت هي لي كانت كتوشوش ليا فودني بكولشي كنت بين نارين الخلعة قتلاتني ودبحاتني،رجعنا لدار وعاودنا لمي خناتة شنو طرا من الاول خناتة:واشنو انكوليك ابنتي هاد الخبار هادو مافهمت فيهم والو الله يدير شي تويل ديال الخير وخلاص،دخلنا لبيت انا وسكينة توسدت لوسادة وعطيت وجهي لسرجم مقابل الغاشي وسارحة بخيالي هبطت عيني كيبان ليا سلطان هارون فوق العود ديالو واقف ومقابل مع سرجم وكيشوف فيا من ايمتا وهو هنا معرفتش مقدرتش نبعد ناضري عليه لبرودة ركباتني دور العود ديالو وقطع لواد غادي حتى مابقاش بان أتارو تنهدت تنهيدة طويلة ونضت لبلاصتي.. "بعد مرور يومين" خناتة:نجمة نجمة نجمة:نعام امي خناتة ياك لاباس خناتة:جري تكلمي لسلطان قاسم نجمة:كتعجب)سلطان قاسم؟فين وشنو بغاني؟ خناتة:الله أعلم أبنتي راه بقدو وقامتو جا لعندك وفصالة كيتسناك سربي خلاص،تعجبت من قدوم سلطان هزيت واحد درة طويلة شال ودرتو على راسي وخرجت عندو دخلت لقيتو كالس بهيبتو نجمة:سلام امولاي قاسم:نجمة كلسي ابنتي بغيت نهضر معاك نجمة:ياه امولاي مرحبا أش حب لخاطر قاسم:بغيت نسولك وجاوبيني ومتخافي من حتى حاجة نجمة:مرحبا امولاي،سكت قاسم ورجع شاف فيا قاسم:شكون انت واش كتعرفي سلطانة بشرى؟ نجمة:مولاي مفهمتش مقصودك قاسم:كيفاش عرفتي عندي حساسية من الفكيع؟.... 🌸أصابتني لعنة هرة🌸 88-بقيت كنشوف ونبلع فريقي واش هدا هو لوقت لي انكول فيه الحقيقة ليه قاسم:نجمة انا كنسمع نجمة:مولاي انت راك غالط هادي جات غير صدفة قاسم:اهاه ولون بنتي وردة لي كتبغي جا صدفة ولون لي مها مكتبغي جا صدفة كلامك لفضيلة لي مكتعرفو من غير سلطانة جا صدفة نجمة متحاوليش تقنعيني انا ديت زجبتفزمان وعاشرت اجيال واشكال واجناس وعارف لي كيهضر بصراحة وليكيكدب ويتحجج وباين فعينيه داكشي باش لي كتخبيه ممنوش هروب من الاحسن تكولي شنوكاين وتريحي بالك وتريحيني معاك،حدرت راسي كنلعب بصباع ايدي متوترة معارفة شنو نكول باش نبدا عليت راسي فيه عينيه لي بحال زاج كيشوفو فيابحزم مترقبين مني نهضر نجمة:ولكن امولاي كلامي وحكايتي ميصدقوهاش لعقال نخاف نهضر ونتكلم ونتسما هبيلة وغشيمة ويقدر نتسما موسوسة وعقلي ممعايا نخاف لكلام لي يخرج من فمي يعودلي بندامة وياويلي الى متاقش بيا مولاي سلطان انولي شفاية لعديان وكيف قالو سيادنا لوالة ياويح من طاح فالبير وصعب عليه طلوعو فرفرمصاب جنحين بكا وسالو دموعو قاسم:هضري انجمة وانا غادي نتيقك من عينيك وكلامك الموزون وحكامك ومثالك عارف ممحزماش بلكدوب محزمة بالحكمة غير توكلي على الله وبداي وانا مجيت غير باش نسمعك ماشي باش نحكم عليك نجمة:خبيرتي اسي سلطان اتولي تحكيها لحجايز لصبيان وانا عارفة اتولي خبير بين ديور ولي سمعها ايكول موحال واش وقعات هادي غير خرافة من لخرافات امولاي انا جيت من لمدينة من هوارة بنت البشير العطار ولالة شافية..... مي خناتة:سكينة هادو سوارت ديال المحال اتمشي وتحلي وتجيبي ليا صندوقة اتلقايها على دخلة جيهت ليمن الله يرضي عليك أبنتي سكينة:زعمة متخليش حتى يمشي سلطان ضرني راسي وبغيت نعرف شنو واقع لداخل خناتة:ياهاد البنت اتمشي ولا نقرصك حتى تجي وتعرفي 🌸أصابتني لعنة هرة🌸 89-سكينة:واخا امي خناتة واخا وهاهيا مشات،هزات سكينة حايكة وقصدات حانوت مي خناتة فتحات وهزات صندوق ورجعت طرقتالمحال وتمت راجعة يلاه فاتت الحانوت بشوية وقف ليها منصور وقفت هازة صندوق بيد ونكاب شاداه بيد منصور:سلامو عليكم لالة سكينة لباس عليك شفتك زربانة ولونك مخطوف يكما كاين باس سكينة:ماشي من عادتي كنهضر مع الغراب اسي منصور منصور:وهانتي عارفة سميتي ومسمياني غريب ماغريب غير شيطان الالة سكينة سكينة:سي منصور انا معنديش مع دخول ولخروج فالهضرة كوليا شنو بغيتي وخليني نقصد خيمتنا حسن ليا وليك منصور:هاد صوت مغريبش عليا ونبصم عليها بالعشرة حتى انت وديك نجمة مولات لمنادل لي زاعمة راه ختك انتوما نفس لعيالات لي كانو عندي وهربو من يدي وقولبوني،سكينة طلع ليها دم وتجنات زولت لحايك وخرجات فيه عينيها سكينة:ونكونو كاع حنا هوما يكما كلينا ليك رزقك ولا سرقناك ومتنساش اسي منصور شكون لي خلصك من شفارة لي شدوك وضربوك كونما دوك جوج وليات لي عتقوك حمد الله وشكرو منصور:هاه خادو انتوما يالفعات سكينة:كون كنا لفعات كون تلوينا على عنقك وقجيناك ولكن طلعنا بنات الأصل والمفصل مكنكروش الخير ومكنعضوش الايد لي تمدات لينا ماسرقناك مادينا ليك مالك انت لي تابعنا من لور وتشمشم خلاوها ناس زمان سيدي زين وزادتو حبة فالعين ودابا خليت ليك راحة اه وراه واخا تكولها لدوار كامل انكر وديها فكلامي وفوحدة بحالي انا راه غير حمقة وقالو ليها زغرتي وكلامي مكيدي عليه حد وخليت ليك راحة،دارت نكابها وكملات طريقها خلاتو غير تالف وكيشوف بعينيه وحدة قدها قداش سكتاتو ومخلاتو ينطق بحرف واحد من وراها شهماتو وخرجات ليه من جنب... وقف سلطان قاسم ايديه وراه دار وشاف فنجمة قاسم:هاد لكلام مكيتصدقش باش باش انعرف انا هاد لكلام 🌸أصابتني لعنة هرة🌸 90-صحيح وماشي كدوب هادشي لي كتعاودي فيه خبيرة ميمكنش لشي حد يتيقها،وقفات نجمة نجمة:داكشي بي كتليك امولاي ميمكنش تيقني ولكن انا عندي ليك برهان صغير تسناني انا اجايا خرجت من صالة فين كنا كالسين مشيت لبيتي تحت مخدة لي كنعس فوقها هزيتها وجبدت سنسلة لي عطاتني سلطانة هزيتها فيدي ورجعت عند سلطان حطيتها قدامو شاف فيا ورجع شاف فسنسلة بالخف هزها كيقلب فيها ويفليها شاف فيا مغوبش قاسم:ميمكنش منين جاتك هاد سلسلة هادي ديال سلطانة كانت هدية عيد زواجنا نجمة:باش تيق بكلامي اني مكنكدبش امولاي وكلامي صحيح فصيح مافيه لاكدوب لاتزوير وربي على ما أقول شهيد قاسم:صغر عينيه)ولكن يمكن ليك تلقاي وحدة بحالها لي صنعها صنع ألف وحدة بحالها باش انعرف انوكلامك كاين حقيقي،تمنيت بشرى تبان تمنيتها تكون معايا دابا باش يزيد يتيقني سلطان اشمن برهان كتر من هدا ممكن نعطيه قاسم:برهانك ضعيف الالة نجمة وانا ميمكمش لي نتيق بشيحاجة مملوماساش نجمة:وسلسلة انا أكثر واحد كيعرف مراتك واتلمس سلسلة واش مزورة ولا حقيقية،يأست من صباح وانا نعاود وفالاخير حد مايتيق بكلامك تفتح سرجم على غفلة ودخل ريح بارد حسيت بشي واحد كاين معانا زايد مزيود الحمد لله جات فوقتها نجمة:لالة سلطانة معانا هنا ودابا كتسمع كلامنا قاسم:وعلاش انا مكنشوفهاش واش كتضحكي عليا دايراني مونيكة بين ايديك نجمة:حاشا أمولاي انا كنكوليك لي كاين قاسم:الى كان كلامك صح كولي ليا حوايج كنعرفهم غير انا وسلطانة؟ بشرى:لوشام لي تحت باطو غير انا وهو لي كنعرفوه نجمة:لوشام لي تحت باطك امولاي،شاف فيها مخرج عينيه بشرى:نهار طاح من فوق العود ديالو وامر لحكيم ميتحركش من لفراش مدة أسبوع ودادا فضيلة مكانتش وانا بوحدي لي كنت ومكانتش والودة ديك ساع تما فين انعرف راسي 🌸أصابتني لعنة هرة🌸 91-حاملة بهارون نجمة:نهار لي طحتي من فوق العود ولحكيم طلب منك متنوضش من لفراش مدة اسبوع ومكان حد فالقصر حيت سلطانة مكانتش والدة ديك ساع وفداك نهار اتعرف راسها حاملة بسي هارون،رجع قاسم خطوة لور وطاح كالس على سداري عينيه كيدورو وكيبريو بدموع لي تجمعو فعينيه شاف فنجمة نجمة:وو وتوحيمة لي على رجلك ليمنة تحت الهمصة ديال رجلك،وقفها بيديه سكتات ونطق قاسم:وو و واش هي معانا دابا؟ نجمة:براسها)أه معانا قاسم:واش تقدر دير شيحاجة نحس بيها؟شوية بانت ليا سلطانة واقفة قدامي شيرات ليا براسها بمعنى أه كنشوف فيها حتى تمشات بخطوات تقيلة جيهت سلطات وحطات ايدها على ايدو وساطة صوطةعلى وجهو تبسم وساحو دموع ديالو شاف فيا وهو كيبكي قاسم:حسيت بيها حسيت توحشتك توحشتك بزااف الالات لعيالات توحشتك بزااف اوردة قلبي وروحي توحشتك بزااف انور عياني دنيا بلا بيك خاوية :'( وليت مضيوم ولا ونيس يداوي وحدة ديالي ليلي بحال نهاري واش تسوى دنيا بلا بيك ابشرتي مقادش نتيق لي وقع ليك فين كنت علاش مكنتش معاك علاش علاش :'( ،بدا كيبكي وهمسات بشرى لنجمة بشرى:كولي ليه انا معاه بروحي وكنتسنى نهار لي نتجمع معاه ونرجع لعائلتي،نجمة ساحت ليها دمعة كلست حداه وقالت: نجمة:مولاي سلطانة عمرها مانساتك ديما مفكراك هادشي كامل دارتو باش ترجع ليك وكتسنا نهار لي يتقادة فيه هاد لكابوس لمقيت ترجع ليك ولقصر وعائلتها لي توحشاتها،هز ايدو كيمسح فدموعو وشاف فيا بجدية قاسم:شنو الحل انجمة؟ شنو خاصني ندير باش ترجع لي مراتي؟ نجمة:الحل صعيب امولاي ولحل بيدي أنا انا لي مكان عندي فيد هادشي صدقت داخلة فهاد لمعماعة كلها قاسم:سمعيني مزيان انا انوقف جنبك ونديرلي فجهدي منخليش شيحاجة تأديك ولكن خاث نعرف شنو كاين وشنو الحل نجمة:الحل أمولاي هو أمولاي هو دمي خاصو يتخلط بدم حنانة قاسم:بستغراب)كيفاش دمك يتخلط بدم ديك سحارة نجمة:دادا منانة نهار لي عضاتني فيه القطة المسعورة فبلصت جرح لي كان محلول خلطتدمها مع دمي حيت كنت على شوية ونموت وقرات عليا شيحاجة وكتبات فيدي شي حاجة لي تخلي حتى حاجة متقيسني ولا تأديني داكشي باش الى نقطة من دمي تخلطات مع دم حنانة اتولي بحالها بحال اي انسان عادي ومتقدرش تأدي حتى شي واحد وسلطانة ترجع كيف كانت وانا نتخلص من لعنة لي صابتني قاسم:دابا فهمت ولكن معرفتش كيفاش خاص دمك يتخلط مع دمها نجمة:حتى انا معرفتش كيفاش قاسم:لي خاصك ديري دابا هو تهزي حوايجك وتمشي معايا لقصر نجمة:منقدش ومي خناتة وسكينة هادوك هوما لي مغاديش نفرق قاسم:اتمشيو معايا بتلاتة بيكم وتكونو تحت جناحي وحمايتي واخا ديك لبلة متقدش تأديك ولكن تقد تأديك لي معاك،همسات سلطانة فودن نجمة بشرى:قاسم عندوالحق معاه اتكونو محميين كثر نجمة:مولاي حاجة خرى بغيت نكولها ليك نهار ليلةلالة وردة لي دار ديك لفعلة هيا حنانة انا شفت واحد سيدة فالقصر عينيها مكيبشروش بالخير هيا نفسها لي نقزات من سرجم ولكن معرفتش شكلها كيف داير قاسم:منين عاودتي ليا لحكاية حسيت دابا اتهزي حوايجك وخبري لالة خناتة وصاحبتك اما ديك لمشعودة سحارة انا عارف كيفاش أنجبدوها وكيفاش انخليوها تدخل لقصر من جديد نجمة:كيفاش؟ قاسم:حتى لقصر وغادي تعرفي.... شنو مزال مخبي لنجمة وشنو جاي فطريق واش اتحل لعنة واش اتقدر تواجه حنانة وسحورها هادشي انعرفوه فالاحداث جايا دمتم في رعاية الله تصبحون على خير #سناء_الصنهاجي 🌸أصابتني لعنة هرة🌸 92-مي خناتة ماقبلات تمشي مهانا غير بزز وتخلي دارها خفت عليها من حنانة وفعايلها خصوصاً عزيزة عليا من نهار جينا حلات لينا بابها دخلنا لقصر وخرجات فضيلة شافتنا وقفات كتشوف مستغربة نباها سلطان قاسم قاسم:فضيلة وجدي 3ديال لبيوت لنجمة وسكينة ولالة خناتة،نقزت انا نجمة:مولاي بغيت نبقا مع ختي فبيت واحد عفاك،تافقت مع مولاي قاسم باش نجي معاه بشرط حتى واحد مايعرف لي طرا حتى نكسب تقة سلطان هارون ونعاود ليه بنفسي. قاسم:واخا لي بغيتي فضيلة وجدي جوج بيوت مجمة وعائلتها ايبقاو معانا فضيلة:واخا مفاهمة والو)واخا أمولاي أنا انوجدهم على راسي وعيني مشات تعلم الخادم تفتح لباب ودخل هارون ومعاه منصور مع درت شاف فيا بستغراب وغوبش بعدم الفهم هارون:مولاي ياكما كاين باس؟ قاسم:نجمة وعائلتها ايبقاو معانا هنا لشي يامات عندهم مشكيل فدار وعرضت عليهم يجيو لهنا هارون:أيبقاو هنا فالقصر؟ قاسم:أه عندك شي مانع؟ نجمة:مولاي قاسم كتليك مكاين لاش كيف كتشوف مولاي هارون معجبوش الحال قاسم:هادي داري وانا عندي فيها لكلمة وانا لي نكول شكون يبقى وشكون يمشي أو لا هارون؟ هارون:لا أمولاي انا معندي حتى عتراض غير جاتني غريبة وصافي بالعكس مرحبا بيهم،جات فضيلة كتخبر سي قاسم انو لبيوت واجدين قاسم:مزيان ديهم يشوفو لبيوت ديالهم ونتلاقاو عند العشا خليت ليكم راحة وحسبو دار داركم نجمة:لهلا يخطيك أمولاي فضيلة:لالة خناتة مرحبا بيك عندنا زارتنا لبراكة خناتة:ربي يخليك اختي فضيلة فضيلة:يلاه اجيو معايا،خلينا حمارنا فجردة وتبعناها طلعنا مع دروج لفوق وراتنا جوج بيوت ملاصقين فتحات باب مي خناتة وفتحات باب بيتي انا وسكينة دخل كل واحد لبيتو يشوفو فضيلة اوراتنا لبيوت وهبطات سكينة:أكولي ليا علاش وافقتي نجيو نكلسو هنا محملتش نشوف داك 🌸أصابتني لعنة هرة🌸 93-داك بوراس ديال منصور ونزيدك عرف كولشي وعرف شكون حنا،درت شفت فيها نجمة:هازة حاجبي)بطبيعة لحال انت لي كلتيها ليه عارفاك واكلة بزط دجاجة متقديش تسكتي الله يستر سكينة:متخافيش حتا انت كتليه لي فجهدك ديرو كتليه حتى واحد مغادي يتيقك ويسولوني انكول ليهم لكدوب نجمة:ناري ياختي انت شواوة الله يستر سكينة:معرفتيش سلطان قاسم فاش كيفكر كيفاش حتى بغا يدخل حنانة لقصر؟ نجمة:والله معرفت هاحنا تابعينو حتى نشوفو عودو فين ايخرجنا غير سكتي كوراه عمك البشير ايتصطا حبت مهضرت معاه داك نهار طلعت فوق ديك لكدبة لي فوق جبل ويلاه شوية ديال ريزو اما دابا مشا فخطرة خاصني نشوف ورا لعشا نشوف شي طلعة نطلعها مرابانا يشد ليا غير شوية نطمنهم عليا سكينة:فيا جوع نيت فكرتيني فالعشا زعمة يديرو لينا دجاج بلدي كيكون معلك ياختي نجمة:لا حول ياختي معاك لي ضاربك ضاربك على كرشك الله يستر السريط والمريط وشي مايشيط سكينة:والى ماعشت لكرشي لمن انعيش ها؟.. "فالمكتبة ديال القصر" منصور:ولد العم من صباح وانا داير ايديك وراك ومقابل سرجم ومبسم ماهضرتي متكلمتي ولا حبيبت قلبك جات أ،دار شاف فيه هارون هارون:حبيبة قلبي انت علامن كتهضر؟ منصور:هم على أساس انا معرفكش راني حافظك ما ومربي معاك وعارفك من صغر وشوفات ديالك لنجمة مولات لمنادل حافظهم ما وعارف مكيتنظروش غير لشي وحدة لي عاجبة شي شخص او واخدة ليه عقلو هارون:بديتي كتخربق بزااف اولد عمي وداكشي لي بيك انت قلبايه عليا انا معرفتش شكون لي عينيه بغاو ياكلوسكينة وأجي شنو لحاجة لي كنت باغي تكول ليا فاش كنا جايين كلتي لبا على دوك لعيالات لي قصدوك منصور:اه لا والو مديرش فبالك ماشي شيحاجة لي هيا مهمة لي مهم دابا هو بغيت نعرف واش نجمة دات عقلك ولالا،شوية تسمع صوت خفيف ورقيق 🌸أصابتني لعنة هرة🌸 94-وحنين بحال طير الى كان كيغني،مشا هارون جيهت سرجم لمشبك كيطل كتبان ليه نجمة جنب نافورة لي على برا كالسة ومقابلة مع لحضورة وكتغني واحد الأغنية لي قلبات ليه دماغو وقلبو علاش لا وهي كانت أجمل أغنية كتبغي مو نجمة:"طير ليل هاجر عااد لوكارو تاني مممم طير ليل هاجر عاد لوكارو تاني وكل مسافر عاد لديارو وضو الربيع كيف العيد طل على بابي طل على بابي من جديد دقات على بابي ريح دقات على بابيي ريح هزات قلبي من لقاع طليت على دنيا من جديد وليالي لاحت لياليها وضو ربيع كيف لعييد طلل على بابي من جديد"سكات نجمة وعلات راسها لسمها كتبان ليها واحد نجمة كتبري وهارون مزال واقف كيشوف فيها يلاه بغا يدور راسو ويرجع عند منصور رجعو صوتها من جديد نجمة:"البااارح وانا كالس حزين الباارح وانا كالس حزين طلت على بابي نجمة كالتلي مالك فاين هي ديك البسمة نجمة صغيرة بانت لي فسما ردات قلبي لزمان كان عاااامر بالألحان"سكتات ورجعت كتلعب برجليها ودير ايدها فالما دنافورة وتهزو بين ايدها هارون فهاد لحظة معرفش واش مبهور من صوتها ولا جمالها ولا من الاغاني لي غنات وكلهم كان سمعهم لأول مرة من سلطانة بشرى حط منصور ايدو على كتف هارون وكال: منصور:من حقك تفتن بيها صوت وجمال وحتى دكاء نصحك تفوز بيها أهارون قبل ميفوزو بيها القومان هارون:وعينو عليها)ميمكنش منصور:علاش ميمكنش شنو لي فيها يتعاب ولا حيت هيا مولات لمنادل فين عمرك كانو كيهموك لمظاهر أولد عمي هارون:شاف فيه)مكنهضرش عليها ولكن معرفتش واحد الاحساس فشكل علاش كتفكرني فسلطانة الله يرحمها رددات نفس الاغاني لي كانت كتغني سلطامة نفس نفس فكراتني فيها هكا كانت كتكلس وهكا كانت كتصرف بحال هكا فاش كانت كتغني،خلى منصور لي يلاه ايجاوبو وخرج لعندها مع وصل مكيلقاهاش بان 🌸أصابتني لعنة هرة🌸 95-ليه نص فجلايلها خرج من الباب تعجب فين غادية خلاه الفضول يتبعها خرج وراها بانت ليه طالعة مع طلعةلي كتدي لجبل وفهاد لوقت شنو غادية دير غادي وراها وبخفت رجلها سبقاتو بشحال نجمة:باش نشد ريزو خاصني نطلع لهاد لكدية كلها ناري مالي عليها ولكن كولشي في سبيل أمي وأبي هههه باين اليوم يسمعوني مم لمنقي خياري،وصلات نجمة لجبل يلاه ايقرب ليها هارون حتى تلقى ليه واحد سيد من أهل دوار بغاه فشي موضوع كيحاول يتملص منو هارون ولكن شدو شدة لعما فظلمة. نجمة:لا حول وامي راه ريزو لي مكاين داكشي باش مكايشدش ليكم دابا راني طلعت افوق واحد جبل باش نهضر راه با كاليك دار سكينة خرجين على مكناس واصلا مكنساليوش شافية:ايااه غير تبتيني بهاد الهضرة هادي اش داني نخليك تمشي لشي مراكش ولا شي قنت اللهم حدايا وشايفاك نجمة:ومي وبراكة راني كبرت أ الو راه مكنسمعش مزيان الريزو كيتقطع ألو مي وشوفي سلمي على با وخويا وتهلاز فراسكم ايكون ريزو تاني ونهضرو أأ ماسمعت والو،مشا ريزو بمرة المهم بعدا سمعت صوتها وتهنيت يلاه خشيت تيليفون وسط تحتيةديالي كنسمع صوت ورايا هارون:شنو كنتي كديري؟،طرت من بلاصتي بالخلعة نجمة:تف تف دكرنا سمن والعسل بسم الله الرحمن الرحيم أخويا منين خرجتي؟ هارون:خوك هههه خرجت من شجرة لي حداك انت لي اش كديري فجبل وهاد وقت وبوحدك ومعامن كتهضري وشنوخبيتي؟ نجمة:وبزااف شوية شوية سؤال تابع تاني مراناش عند باب القاضي امولاي سلطان هارون:واخا تحيدي ديك مولاي كتجيني تقيلة على لسان نجمة:وشنو لحاجة لي كتجيك خفيفة؟ هارون:هارون حسن وانت نجمة "نجمة هارون" نجمة:كيفاش نجمة هارون انا نجمة فسما مبسمة منجمة حتى ناس امولاي هارون:مزال مكلتيش ليا شنو كديري هنا؟ نجمة:والو بغيت نتمشى ولا مامنحقيشاي هارون:لالا 🌸أصابتني لعنة هرة🌸 96-لالا من حقك علاش لا واخا تسمح وتتكرم لالهم نجمة نتمشى معاها؟ نجمة:مرحبا،دار سلطان ايدو وراه ورافق نجمة غاديين بجوج كيهضرو بحال اي جوج عاديين سلطان مافيهش لفيوش كيحسب راسو بحال انسان عادي ونجمة عجبها الحال نجمة:دابا أنت عندك مقهى فالمدينة هارون:أياه الالة لي شافني يكول واش عمري فت باب دوار ولكن لقراية وكتشافي للعلم خلاني نزور بلدان عربية كثيرة مصر الامارات دبي بزاااف اما لمدن ديالنا زايرهم وحدة بوحدها حبي للقهوة خلاني نفتح مقهى عربي أصيل فمراكش مخلي ناس مسيرينو ومرة مرة كنزورو فخبارك مواخران خدمو عندي جوج بنات منكدبش عليك ماشفتهمش بزااف مجرد لمحة اولى كاين شبه بينك واختك ليهم نجمة:سرطات ريقها)لعجب يخلق الله من الشبه أربعين،ماحسيناش براسنا حتى وصلنا لقصر هارون:صراحة الهضرة معاك فيها حلاوة ومكتسخاش بيها،تمت جايا فراشة فلون زهري بحال الى فيها ضو طايرة تحطات على خصلة خارجة من شعر نجمة،بقا هارون كيشوف فيها هز ايدو وعلاهم لخصلة ديالها باش يزول الفراشة وفنفس اللحظة هزات نجمة ايدها تزول الفراشة مكتلقى غير ايدو لي تلقات ليديها شافت فيه وبقات حاطة ايدها على ايدو لي كانت رطبة وشعر مغطيها رطب عينو كتفحصها وعينيها حتىهيا منزلتش من عليه حسات بالموقف دغية بعدات ايديها وخلاتو واقف ودخلات لقصر كتجري نيشان لبيتها. هارون تبعها بالعين او وجهو مبين على ابتسامة كبيرة وعاض على شفايفو حدر راسو ودخل حتى لقصر. "على طبلة ديال لعشا مجموعين" نجمة مرة مرة كتجي عينها فعينين سلطان دغية كتحدر راسها ولحمورة كتكسي وجها لي بيض بحال ضو ديال لقمر اما منصور لي وتر سكينة ومخلاهاش تاكول بشوفات ديالو نقز قاسم قاسم:ايوا منصور مزال منويش تكمل دينك قدك اولدي تزوجو وعندهم ولد دابا لي يخلفهم،حركت 🌸أصابتني لعنة هرة🌸 97-سكينة راسها يمين وشمال وضحكت بالهمس بستخفاف ب منصور شاف فيها ورجع عطا اهتمامو لعمو منصور:فكرت أعمي وقررت صراحة انا حاط عيني من ليلة حفلة وردة على واحد البنت كانت فالحفلة عجباتني وبغيتها ان شاء الله لحلال قاسم:ايوا اولدي كيف كالو ناس زمان لي هرب لزواج هرب لطاعة وانت أشر عليها وحنا نتكلفو منصور:كنتمناو ان شاء الله تقبل ومترفضش حيت باين عليها لعناد وراس ليابس قاسم:كاع لبنات ميكونو هكاك نهار لول بحالك ابشرى عقلتي،كلشي دار شاف فيه شاف فيهم وعرف اش قال حيت برودة لي كان حاس بيها ورا عنقو سببها سلطانة لي كانت وراه قاسم:احم بغيت نكول بحال سلطانة نهار الاول هكاك كانت منصور:أه ويلى كانت هكاك كنتمناو يكون خير كنتمنا من لالة نجمة تعاونا،انا كنت كنفكر فكلام سلطان قاسم ليا قبل لعشا ولحيلة لي ناوي يخبرني بيها ورا العشا فقت من سهوتي وشفت فهارون لي شاف فيا وشاف فيه لي سخونية دمو خلاتو يجاوب هارون:عاقد حجبانو)وشنو بينك وبين نجمة واشنو دخلها هيا قاسم:هارون منصور غير كيهضر مالك طرتي اولدي هارون:مولاي انا مطرت ماوالو ولكن نجمةضيفة ديالنا أولا اشبينها وبين كلام منصور منصور:غير رخف اولد العم نجمة هي لي اتوسط ليا بيني وبين لعروس،نقزت سكينة سكينة:ومال ختي خطابة؟شاف فيها منصور مبسم منصور:لا ولكن هيا واسطة خير بيني وبين ليبغيت نخطبها سكينة:نجمة مكتعرف حد فدوار ومصاحبة حد غيري أنا ومي خناتة ياكما باغي تخطب مي خناتة ههههه،كلشي تفرشخ بضحك خناتة:الله يقلل حياك أهاد البنت سكينة:أكانضحك امي خناتة نبسطو معاك شوية وراه هيا هادي نجمة مكتعرف غيرنا نجمة:انا مكنعرف حد من غير ختي ومي خناتة منصور:وراك كلتيها نجمة:شكون؟ منصور:بدن تردد) سكينة سكينة:بصدمة طاح الخبز من ايدها)شنوو😳أنا😨 ؟؟؟ 🌸أصابتني لعنة هرة🌸 98-منصور:كيشوف فيها)أه انت الالة سكينة علاش عندك شي مانع لاسمح الله سكينة:هو مانع بحد داتو سمح ليا مقابلاش قاسم:وعلاش ابنتي ولد خويا سلطان قاري واعي من أطيب خلق الله مغاديش نفضلو قدامك نقرة صافية فاش يغبر نحاسك سكينة:سمح ليا امولاي انا مابغياش نتزوج ومكنفكرش فيه كاع سمحوليا الله يخلف،وقفات ومشات لبيتها نيشان قاسم:اجيتيها على غفلة وصافي خليها تفكر نجمة:مولاي واخا نهضرو شوية،أشر ليها براسو ناض من على طبلة وتبعاتو من لور دخل لمكتبة ديالو دخلت وراه وسدت الباب نجمة:سي قاسم انت عارف انو رحلتنا فهاد لبلاد قصيرة ومديماش ومسيرنا انرجعو فحالنا نهار لاخر ادا فكرة زواج سكينة وسي منصور ملغية خصوصا عاودت ليك شنو وقع فدوار قبل منوصلو وشنو وقع فقصر سي منصور قاسم:عارف وفاهم ولكن قلت علاش لا الى بغاها وعجباتو يتلاقاوجوج ريوس فلحلال مكاين باس نجمة:من الاحسن بلاش سكينة مكتلاقاش هيا وسي منصور وانا خايفة يكون واخدها تحدي بنسبة ليه قاسم:لالا منظنش منصور انا لي مربيه وعارفو بحال صباع ايدي على العموم لي مقدر ومكتوب ضروري انشوفوه واخا نهربو منو حتى نعياو هو لي ايكون نجمة:داكشي لي كاين امولاي كنت بغيت نسولك قاسم:عارفك علاش انسوليني على لحيلة لي باغي نجيب بيها ديك منانة لقصر ياك؟ نجمة:اه مكرهتش نعرف غلبني فضولي،دار قاسم وعطا بظهرو لنجمة داير ايدو وراه وكيشوف فسقف رجع شاف فيها قاسم:اندير براح يبرح فدوار بلي اتقام بحال فوازير يعني كيف كتكولو انتوما ناس مدينة مسابقة يكونو فيها شروط كثيرة وكل مرة اتنقص وحدة واخر وحدة اتبقى اتكون عروسة ولدي هارون،بلعات ريقها نجمة وسقلات كتفكر نجمة:فهمت مقصودك باش حنانة طيح فشبكة وتقدر تخل لقصر قاسم:اه انت فهمتيني ومعرفتي شاي هارون يلقى لبنت لي يميل قلبو 🌸أصابتني لعنة هرة🌸 99-ليها،نجمة حسات بتبوريشة طلعات معاها عقلها الباطني متقبلش علاش كيفاش الله أعلم نجمة:أه علاش لا حتى هادي فكرة ءمولاي المهم سمحليا خليت ليك راحة،خرجات نجمة من عند سلطان وهيا فحيرة غادية بلا تفكير حادرة راسها علاين مارسها يتضرب مع لحيط كونما إيد هارون لي كلاتها قفزت وعلات راسها بزربة كتشوف فيه بقات مدة ساهية فعينيه غوبش كيشوف فيها هارون:نجمة بيك شيحاجة لونك مخطوف؟ نجمة:شش شكون أنا لا غير كنت كنفكر وصافي هارون:فاش كتفكري؟ نجمة:فيك،خرج هارون عينيه فيها مستغرب نجمة:لا بغيت نكول غير فشيحاجة افشيحاجة أه مهم تصبح على خير خاصني نرتاح،خلاتو ومشات دار كيشوف فيها حتى دخلات لبيتها لقات سكينة غادية جايا وكضرب فيديها سكينة:الحمد لله جيتي شفتي داك سيهم منصور أش دار شفتي،كلسات نجمة على طرف نموسية وكتجاوب بلى عقل نجمة:ياك انت كنت باغية تزوجي سكينة:اه منكرش ولكن ماشي بيه مكنتحاملوش خلي الى ديتو نجمة:ياك فالاول عجبك سكينة:صراحة اه ولكن معرفتش نجمة:انت من نهار جينا وباغية تزوجي بسلطان هاهو جا حتى لبين يديك سكينة:اجي كيجاك؟زعمة واش بصح كيهضر من قلبو نجمة:كولشي ممكن كولشي توقعيه،شافت سكينة فنجمة بانت ليها لعقل محاضرش جات حداها سكينة:انت بعدا كاعما معايا الالة هيه فيقي فيقي،شافت فيهانجمة نجمة:مالكي شنو؟ سكينة:انت لي مالكي،رجعات نجمة لور تكات كتشوف فسقف وبدات كتعاود لسكينة على ماطرا مع سلطان سكينة:نوضي ابنيتي طحتي فحبال سلطان هادي مافيها شك طحتي ودبتي فغرامو نجمة:من نيتك العشق المزروب حبالو قصيرة وهدا ماهو حب ماوالو غير يمكن متوقعتش ويمكن خوف من قدري وشنومخبيلي مع حنانة سكينة:انعلي شيطان ياهاد البنت وخلي داك لقلب يدق وشنو فيها نجمة:انا وسلطان هارون باش تبت عليا تهمة باغة نغويه 🌸أصابتني لعنة هرة🌸 100-ونطيحو فشباكي لالة واش داني انا جايا لهنا نخلص راسي ونخلص سلطانة بشرى من لعنة لي مليوحة عليها ونتهنى حتى انا من لعداب لي عايشة ونسالي ونمشي بحالي نرجع لداري ونشوف مستقبلي مجاياش اسكينة باش نبغي ونعيش الحب وانا معارفاش حتى كيفاش انخلط دمي بدم حنانة باش ترجع سلطانة لدارها سكينة:حدرت راسها)بصح عندك الحق حنا نسينا راسنا ولينا نشوفو الفوق اش دانا لعش بلارج اما بلارج هاديك رحبتو جينا على حاجة نقضيوها ونمشيو بحالنا اختي كنتمنى تعجل هاد لمدة حيت بغيت نرجع بحال مابغيتش نتعلق بشيحاجة مالياش،وحنا كنهضرو سمعنا بحال شي باب تسد بجهد ضرت شفت فسكينة سكينة:يكما شيواحد سمعنا؟ نجمة:طلي دغية،ناضت سكينة حلات الباب كطل مبان ليها حتى واحد رجعات سدات لباب سكينة:مكاين حتى واحد نجمة:يمكن غير البرد سكينة:يلاه تصبحي على خير،نعسات سكينة وانا ضو لقمر سهرني فكرة تديني وفكرة تجيبني نتقلب من هاد جيه لهاد جيه حتى صبح الحال عاد غمضت،لغدليه عطى سلطان قاسم الأمر باش خبار المسابقة ديع فدوار ولي بغات تشارك تبدا من دابا سيفط ليا مولاي قاسم نشوفو وانا غادية عندو حسيت بلبرودة من جديد عرفت لالة بشرى معايا همسات ليا فودني وقالت بشرى:ولدي سمع كولشي،مع قالتها وقفت وفشلو عليا ركابي ديالي نجمة:كيفاش؟ بشرى:كيف كتسمعي سمعك انت وسكينة كان جاي عندك يخبرك بخبار لي كاليه باه على لخطبة لمزعومة وسمع كلامك احسن حاجة منين تخرجي من عند قاسم تعاودي ليه كولشي نجمة:والى متاقش؟ بشرى:انا معاك غادي يتيق من الأحسن تجي من عندك،من بعد ماوقفت كملت طريق لبيت سلطان قاسم دقيت تفتح الباب ودخلت قاسم:نجمة دخلي بغيت نهضر معاك نجمة:الله يسمعنا خبار الخير امولاي انا كنسمعك قاسم:فكرت مزيان لبارح وبغيت منك دخلي حتى انت لمسابقة 🌸أصابتني لعنة هرة🌸 101-نجمة:مبهوضة)أنا وعلاش امولاي متنساش إلى عرفو أهل دوار سكنتي عندك ايشكو فمصدقية كلامك ونزاهتك امولاي قاسم:متفكريش فهاد الحالة انت اتباني اوقت مسابقة بحال لبنات لي جايين لهنا والأسئلة لي اتطرح خاصة بالمعاني وانا عارفك حافظة معاني المغرب كلو خصوصا شعبية وعارفك اتربحي نجمة:بحال الى بغيتي تكول انك انت قاصد نربح والى ربحت حنانة اتبغي تمحيني من طريقها وهنا فين يمكن ليا نمزج دمي بدمها قاسم:هانتي فهمتي دابا شنو بان ليك فهاد الحل؟ "وأنا مموفاقش"ضارو بجوج دقة وحدة ايمتا دخل ايمتا سمع الهضرة الله أعلم لي كتشوف نجمة انسان غضب دنيا وبركان دنيا كلها فعينيه قاسم:ولدي من قلت صواب دخل بلا ادن هارون:وسمحليا امولاي ولكن من قلت صواب تخيط وتفصل فحياتي وانا مكاينش قاسم:ولكن.. هارون:أنا سمعت كولشي، شاف فنجمة وعينيه فيهم بحال أسف هارون:كنت حسابلي انت نية ولي فقلبك على لسانك طلع ضني غالط نجمة:النية مسكينة ماتت وخلات ولد سميتو ردبالك امولاي وانا من لي داز عليا تعلمت نرد بالي ونسرج لساني ونلجمو ومانهضر حتى نقيس ولي داز عليا مافيه مايتعاود هارون:كان عليك تيقي وكان عليك تعاوديلي من نهار الاول نجمة:كنت اتيق بيا امولاي،قاسم خلاهم وخرج. هارون:كان خاصك تجربي واش ممكن نتيق بيك ولالا نجمة:تيق بلي سلطانة عايشة وبلي مامتت وبلي وحدة قاطعة ايدها من رحمان هيا لي مارست عليها سحر ديالها ورجعاتها حيوان تيق انو بسباب تهور مني وليت نشوف لي ميتشاف هادشي مايتقبلوش لعقل أمولاي هارون:بغيت نعرف كولشي لي واقع منبقاش بحال لبهيمة وفدار غفلون كولشي انجمة.. "عند حنانة" لخادم جايا كتجري لخادم:لالة لالة عتقي جايبة ليك خبار سخونة من دوار حنانة:سنو واقع اديك لخليقة لي من نهار شفتها ماشفت ربح لخادم:مولاي قاسم 🌸أصابتني لعنة هرة🌸 102-عازم وغانم كاع بنات دوار يشاركو فواحد لعبة خاصة بالحجايات يمكن ولي ربحات فيهم اتكون عروسة لسلطان هارون،جمعت حنانة لوقفة وخرجات عينيها كدور فراسها حنانة:مخرجة لسانها كدوزو على فمها)هاااا واش هادشي بصح امسعودة ايكون كدوب ندبحك ونشرب من دمك ولحمك نلوحو للغربان ينقبوه مسعودة:لالا الالة هاد لخبار بصح ودوار داير بم حنانة:هههه هيا غير نوجد لكحل ونكحل عويناتي ونسوك سنيناتي ونضفر شعري ونتعطر حيت عرسي قرب هاهاهاها ولي جات فطريقي من مشروب سم اتشرب ولتراب اتوسد هاهاها زواجي بسلطاني قرب قرب... "فالقصر" هارون:شاد راسو وغير ساهي ومصدوم نجمة:وهادشي لي كاين الى بغيتي تأكيد على كلامي سلطانة معانا هنا اي حاجة متعلقة بيك ومعارفها غير انت وهيا ممكن نكولها ليك،على هارون راسو فيها كيشوف فعينيها هارون:عينيك واضح فيهم كولشي مايحتاجش ولكن باش ضحي براسك انو تنقدي الأم سلطانة منقبلهاش،دخل باه مغوبش قاسم:وعلاش هيا الحل الوحيد باش ترجع لينا سلطانة واش نسيتي شحال قصينا وتعدبنا فغياب ألام ديالك وردة محتاجة مها فجنبها أ هارون:وانا محتاج مي بجنبي ولكن هاد الانسانة لي قدامك الى مشات طرات ليها شيحاجة مغاديش يألمك ضميرك متكونش اناني وتغاضا على بزااف ديال الحوايج قاسم:نجمة مغايطرا ليها والو ومغانسمحش يطرا ليها شيحاجة هارون:فيك تضمن ليا قاسم:وانت علاش مهتم لهاد درجة وخايف على نجمة بحال الى كتعنيك(كيغوت) هارون:كيغوت(حيت بصح كتعنيني)... 🌸أصابتني لعنة هرة🌸 103-شاف فيه قاسم ونجمة هارون:قبلو كيطلع وكيهبط)منكرش انو بغيت سلطامة تكون بيناتنا وترجع لينا ولكن حتى هاد البنت لي واقفة قدامك يمكن وراها والدين كيتسناوها والى ضاعت ليهم ضاعت حياتهم سي قاسم الي ديما كيحكم بالعدل شنو وقع ليك شنو جرا ليك فين مشا راجل لي كينصر المظلوم ويعطيه حقو عمري كنت كنعقل عليك أناني لهاد درجة لي متفكرش فانسانة من لحم ودم الى تأدات شنو يوقع ليها بغيتيها تمشي كيفما مشات زهرة فين هيا دابا أه ياك حنانة قتلاتها بدم بارد ونتاقمات من مي حتى هيا بغيتي حتى نجمة يطرا ليها كيف لي طرا ليهم كتخمم ولالا،حدر سلطان قاسم راسو ورجع بلور وكلس على واحد لكرسي شد راسو كيفكر فكلام ولدو لي كان عندو الحق فكل كلمة كال رجع شاف فيهم قاسم:عندك الحق اولدي باش نرجع مراتي مافكرتش شنو ممكن يوقع لنجنة سمحيليا أبنتي نجمة:واقيلة هضرتو وجا دوري نهضر هاد المهمة لي تعطات ليا غادي نديرها،شاف فيها هارون وقفاتو بيدها نجمة:خليني نكمل عفاك متنساش ماشي غير انتوما لي مضرورين حتى انا مضرورة وانا بزااف لي تصبت بهاد لعنة والى ماعالجت راسي هادشي ايطور داكشي باش خاصنا نتعاونو جميع وايد وحدة مكتصفقش داكشي باش نوقفو هاد لغوات ونديرو ايدينا فيد بعضياتنا باش سلطانة ترجع لدارها وانا رجع فحالي هارون:اه نسيت انو لالاهم نجمة زربانة ترجع بحالها واخا الالة واخ انا قابل الى معندك انت حتى اشكال انا قابل،خلاهم وخرج بقا باه متبعو بلعين كيشوف فيه ويشوف فنجمة لي تبعات هارون بعينها تنهدات شافت فسلطان قاسم وخرجات،الخبار وصلات لكبير وصغير وبداو البنات اي حجاية موجودة يتعلمو ليها ويحفظوها حرف حرف لي عندها توب خيطاتو ولي عندها دهب خرجاتو ولي عمرها كحلت ولا سوكت عند العطار وصلت ايوا خلاوها ناس زمان كونما 🌸أصابتني لعنة هرة🌸 104-حوايج العطار مافنسا متختار. نجمة كانت كالسة فجريدة مسرحة رجليها حتى وقف عليها هارون:ولفتي هنا كيبان ليا ولا هادشي غير تمثيل،شافا فيه عاقدة غوباشتها نجمة:مولاي هارون يمكن اليوم مفطرتيشاي ولا مرشقاش ليك هارون:هاه)كتبدلي الموضوع أصلا انا علاش كنسول وانا عارف الجواب من الأول نجمة:اشمن سؤال واشمن جواب كتدوي وتجاوب راسك طلع جيب لكرموس نزل شكون كالها ليك هيا هادي هارون:بغيت غير نعرف ولا عرفتي شنو بلاش نجمة:عرفتي مايجيك مليح انا انمشي فحالاتي حتى ترشق ليك حيت كيبان ليا واقيلة هرب ليك لفرخ هاد نهار وباغي فيمن تشد،جات نايضة رجعها بجهد بيدو كلسها وقرب منها بقات مبنجة كتشوف فيه شنو ناوي يدير نجمة:أحم شو شو شوف أمولاي راه هادشي لي كدير ماهواش هارون:علاش انجمة علاش؟ نجمة:شنو لي علاش وكيفاش شوف اسيدي انا انا مفهمت فيك والو والله هانتا راه حتى نعاس الى طار بليل كيدير هكا والله هارون:نعاسي طار بيك انجمة،كتشوف فيه وتشوف فجيهة لوخرا وترجع تشوفيه وتشوف فجيهةاوخرا باغية تهضر ومعارفة متكول نجمة:احم مولاي نخليك خاصني ندخل هارون:علاش كتهربي علاش متواجهينيش وتكولي باش كتحسي الحب عمرو مكان لا جريمة ولا حرام نجمة:كتبلع ريقها ضحكت)مولاي هادا شي دور فشي مسرحية اشمن حب علاش كتهضر وباش انعتارف،طلق منها دفعها هارون:اه نسيت انو عندك مشاغيلك وحياتك فالمدينة وكوراه عندك حبيب يساينك سمحيليا تجاوزت حدودي معاك،ضرب فيها وداز خلى قلبها كيضرب 180درجة وجها ولا حمر بزاااف وسخون هزات ايدها كتمس فوجها وتمس فقلبها سمعات صوت سلطانة فودنيها سلطانة:لي قلت ليك هاهو حصل نجمة:اووف خلعيتيني علاياش كتهضري تاني سلطانة:على ولدي مولاي هارون رجع كيف كان كيهضر ويضحك ويغير وينفاعل وهادشي بسبابك انت نجمة:بسبابي 🌸أصابتني لعنة هرة🌸 105-بسبابي انا؟وعلاش انا مالي؟ سلطانة:نجمة متغضايش وديري راسك مشايفة والو هارون من نهار شافك وصورتك فبالو اول حاجة ترصخات فدماغو عينيك وتاني حاجة وجهك ماسولتيش راسك علاش اول مرة دافع عليكم وكيف كانت موعاملتو زينة وعلاش تاني مرة تبدل ولا منفاعل وجوابو على طرف فمو وكلمتك بكلمتو باش يحارب قلبو لي ليك كيميل نجمة:اكتخربقي انت عارفاني علاش جيت لهنا وزايدون هو سلطان دوار ولاد داود وانا ابنت عادية ومن طبع سلاطين كياخدو غير لي من سهمهم الالة سلطانة سلطانة:الى بغاك القمر بكمالو أش همك فنجوم الى مالو هاد تقاليد كانت زمان ايلم جد جد سلطان قاسم اما دابا ولا غير انا الاب ديالي كان من عامت ناس وفاش شافني سلطان وقلبو مال مهموهش ناس فاش دواو وبقات هاد لقضية غادية او ولات دابا حاجة عادية متقسحيش قلبك وتعمي عينك وتسدي ودنك فكري وخمي ولراي وخري،خلاتها سلطانة وغبرات تاني نجمة:كتخليني فدوامة وتمشي هادشي هبال وحماق وحتى عاقل ميتقبلو وانا الى بقيت كنفكر فيه انهبال،دخلات لدار وهيا محيدة كاع لكلام لي تقال من عقلها قرب نهار لي اتبدا فيه اول مسابقة وتعزل فيه 10من بنات دوار جابت فضيلة واحد تحتية طويلة لنجمة بيضة وفيها وريدات فزرق ومخيطة بزرق باش تلبسها نهار يجيو لبنات وتكون معاهم هاد يوماين متلاقتش بهارون كتكون كالسة وتقلب عليه بعينيها مكتلقاهش كتكون ناعسة حتى كتسمع صوت رجلين العود ديالو كتجري. سكينة:تلاقيت بمنصور اليوم فجردة دالقصر نجمة:كتضفر شعرها قبل مايوصلو ناس)أهاه وهضر معاك؟ سكينة:أبدا ياختي تكول غير قاتلة ليه شي واحد مشاف فيا مارمى كلام ولا قال حتى سلام نجمة:ايوا راه من حقو انت قلتي كلمتك وهو جمع وطوا شنو بغيتيه يبقى كيجري وراك مابغيتيه كفى وا وفى سكينة:معرفتش ياختي والله 🌸أصابتني لعنة هرة🌸 106-المهم جيتي غزالة صلى على نبي،ضفرات نجمة شعرها ودارت طوينكات طوال مدهبين ولبسات تحيتية لي جابت ليها فضيلة مع شربيل وفوقهم الحايك نجمة:قلبي كيضرب على جهد اسكينة معرفتش علاش حاسة بشيحاجة اطرا وحاسة انشوف ديك لمخلوقة اليوم بدات ايمتا نتهنى منها خلاص سكينة:ان شاء الله ربي عوين ويكون معاك ولي كيجري فالخير عمرو يخيب يلاه اختي نهبطو يكونو ناس جاو،قريت القرآن وخرجت من البيت صوت ناس ولملحون مالي لمكان مع هبطت اول واحد جات عيني عليه هو سلطان لي كان لابس لبيض كيبان بحال قمى مضوي لمكان لحية ديال شعرو ضحكتو وسامتو لخلابة لي كتخلي لقلب يوقف وزمان يحبس الهيبة لي محاوطاه كتخلي عينيك عليه دار شاف فيا وطول شوفة رجع حدر راسو وكيهضر مع منصور ويضحك صالة عامرة بنات أشكال انواع البيضة سمرا الخمورية هالي عينيها سود وكبار ولي لخالة فجنب فمها زادتها اثارة او وقار هالمسيميمة هالي نية كل واحدة وهيا هبط سلطان قاسم تابعاه فضيلة وعطا أمر باش كاع لبنات يتجمعو فصف واحد وانا معاهم تجمعنا كلنا فصف وقبل مايدوز علينا ويعرف سمياتنا تفتح الباب درنا كاملات كتبان لينا سيدة فأواخر تلاتينات من عمرها لابسة تكشيطة فالحمر وشعرها طويل بزااف كحل مطلوق وراها كتمشى بحال مشية الاميرات عينيها كبار وكحلين جرأة باينة فوجها كيف تشوفها تحس بلحمك تبورش جناب مومو ديال عينها مافيهش بيوضة مزيج بيه عروق حمرة كتخليك تخاف منها رسمات على وجها ضحكة كانو سنانها بحال دراكولة ولكن بيوضة ديالهم ساطعة عينيها مخافيينش عليا نفس نظرة نفس شوفة ديال شر انا حاسة واحساسي ميكدبش خسبت بالبرودة قوية حدا ودني وصوت سلطانة وجوج كلمات لي قالت: سلطانة:حنانة جات،شفت جيهت سلطان قاسم شاف فيا أشرت ليه بحجباني وفهم لمعنى من شوفتي هضرات 🌸أصابتني لعنة هرة🌸 107-هضرت حنانة قدام سلطان وبصوتها لي كان بحال جبال قالت: حنانة:يسمح ليا مولاي سلطان على تعطال ماشي من عوايدي،تحدرات وقدمات ليه تحية علات راسها وركزات فيه شوفة قاسم:عدرك مقبول تفضلي ابنتي بين لبنات،دخلت وسط لبنات وقف قدامنا سلطان وكال: قاسم:شروط باينة او واضحة مرحبا بيكم بقصر حب الملوك ودابا انبدا بأول مثلة انا نكول اولها وعلى كل وحدة تكوليا أخرها على بركة الله بسم الله سميت وعلى نبي صليت نبداو بأول مثلة كالو ناس زمان"تلاثة عدياني...نقزت انا نجمة:عيني ودني ولساني كونماهوما ندخل لقبري هاني قاسم:سميتك ابنتي؟ نجمة:نجمة امولاي قاسم:جوابك صحيح انجمة صح لسانك ودابا ندوزو لمثلة تانية"راه راه،جاوبت واحد البنت"والغوت وراه"سميتها بالعمان بداو لبنات يجاوبو وشوية بدات حنانة تخطف الامثال وتجاوب بكل حرفية على كل مثلة قاسم:ندوزو للمثلة 10حط كلب.. نجمة:حط كلب يعس على دارك وقطوس ياكول فارك ولاتعطي لبنادم أسرارك قاسم:مزيان المثلة 11 هاد الوقت نجمة:هاد الوقت يعيش فيه التاجر والمهاجر والمرا بلا راجل"شافت جبهتي حنانة وصغرات عينيها جابتليا ضحكة وانا حاضياها بطرف عيني قاسم:تبارك الله المثلة 12الي متعرف.. نجمة:الي متعرف تشطح كتقول الأرض عوجة قاسم:هممم مزيان المثلة 13 والاخيرة،كولشي واقف كيتسنى ويتمنى وخايف هارون داير ايديه وراه وكيشوف فيا قاسم:"الفم... نجمة:الفم المسدود مايدخلو دبان والحوتة لي فمها مغلوق مايصيدها صياد سد فمك ودير ليه عتيبة قاسم:العز بيك انجمة وهكا اسيادنا انكونو سالينا نهار لول ولبنات لي انختار يدوزو لنهار جاي هوما(نجمة ياقوت بالعمان شميسة.....شاف فحنانة) شنو قلتي ليا سميتك ابنتي حنانة:ضحكات)حنانة لحنينة امولاي،دار هارون شاف فيها وغوبش سكينة حسات بالبرودة طلعات 🌸أصابتني لعنة هرة🌸 108-طلعات معاها اما مي خناتة شدات فوجها وكتشوف فيها قاسم:وحنانة)هكا ايكون كمل العدد المطلوب وكنتمنى رزق وتيسير لبنات لوخرين مرحبا بيكم،لبنات لي تقصاو كل وحدة خرجات مشات فحالها مغبونات اما لي ربحو فرحانات وناشطات تقنتات حنانة وتقابلات مع نجمة وكتقول فبالها حنانة:ياك هاد نص بلاصة كانت فحفلة بنت سلطان شنو جابها لهنا باينة فيها ماسهلاش خاصني نقلب على شي طريقة نغبرها من طريقي ولكن علاش قلبي ممرتاحش ليها علاش لي مقدراش نقرب ليها علاش بحال شيحاجة كدفعني بعيد عليها، دارت ديال سلهام لي على تكشيطة وفلحظة غبرات. سكينة:ناري شفتيها كيفاش دايرة بحال دوك سحرات لي على شطاطب ومحشمات كتغزل بسلطان يحسابليها معارفهاش نجمة:اتكون عرفاتني ودابا كتقلب على شيحاجة باش طيرني،وهيا كتهضر مع سكينة مكتحس حتى بيد هارون طيراتها وجراتها لبرها نجمة:لالالا امولاي راه هادشي ماشي هو هداك وطلق مني ولاش جارني بحال لبهيمة راه حشومة على سلطان قدو بقامتو يدير بحال هاد لفعايل،وقفها مغوبش ومخرج عينيه فيها هارون:من بعد ماشفتيها مزال باغية تكملي فهادشي انا لي كنت واقف وكنشوف شر لي خارج من عينيها كونما خفت هادشي يتفضح كون قتلتها بيدي وسط جماعة هادشي مخاصكش تكملي فيه نجمة:غادي نكمل فيه ولمخير فحميرها تركبو أهم حاجة عندي ترجع بحالها بحال غيرها هارون:بستهزاء)وترجعي انت لعاشق الولهان ديالك نجمة:بديتي تفوت حدودك امولاي ومامضراش نجاوبك،ضربات فيه ودازت جمع ايديه على شكل قبضة وضربها مع سارية حتى تجرحات وسال دمها مشا جيهت عودو فكو وركب عليه وخرج.... هادي أجزاءنا لليوم ترقبو غدا ان شاء الله الحلقات الأخيرة من قصتنا دمتم في رعاية الله حبيباتي #سناء_الصنهاجي 🌸أصابتني لعنة هرة🌸 109-"عند حنانة"غادية فبيتها وكتهضر غير مع راسها حنانة:شنو زعمة تاخود سلطان هههه والله لا كانت ليها حنانة وأجرك على الله هادي كيفما طرا لولة يطرا ليها ولغيرها ولي فكرات تدي سلطان من ايدي حسابها معايا طويل ولكن علاش علاش كنحس بشيحاجة فاش شفتها علاش مقاداش نقرب منها علاش حسيت براسي ضعيفة قدامها خاصني ندير شيحاجة شحال من تعويدة ولات كتبطل فيدي خاصني شي عتروس كحل تاني هاه هاه ونرجع كيف كنت وحسن من لول غير بلاتي.. سكينة:نجيمة مالكي حالك معاجبنيش؟ نجمة:مابيا والو توحشت امي وبا وخويا وداكشي لي كتليك اخر مرة برزط ليا راسي سكينة:انا والله حتى دخت ومابقيت عارفة شنو نكوليك نجمة:كلست على نموسية)وانا كثر منك والله خليها على الله وصافي.. "داز الأسبوع الثاني" نجمة:ليلة تاني انشوف ديك سحارة معرفتش علاش حاسة انو ليوم ادير شيحاجة ماهياش سكينة:ناري اختي حرام عليك كتخلعيني نجمة:الى المكتوب ممنو هروب وحتى عروسة مكتهرب من دار العرس غير دعي معايا وخلاص. . عند هارون" منصور:هادشي لي كلتي ليا مابغاش يدخل ليا لراسي عييت ندي فيه ونجيب مقديتش نفهمو وعقلي مقدش يستوعبو هارون:هاه وشنو انكول أنا فالاول فاش سمعت الهضرة متيقتش ودنيا ولي سمعات كنكول هادشي ماشي معقول ولكن من بعد ستوعبت كولشي وتقت بيه منصور:دابا بغيتي تكول ليا انو مرات عمي عايشة وبلي نجمة هيا لي بيدها ترجعها دخت دخت والله هارون:اه هيا لي بيدها ترجعها واخا انا مقابلش هادشي ولكن هيا بغات دير هادشي باش تهنا من هنا وترجع بحالها جاتها من لجناتي تهنا من كولشي ومني حتى انا بطبيعة الحال،بقا منصور كيشوف فيه حاضيه مافهم فيه والو منصور:هارون حنا خوت ومربيين من صغر يعني كثر من ولاد العم هارون:عرفت شنو بغيتي تكول وجوابي هو اه اه امنصور 🌸أصابتني لعنة هرة🌸 110-نجمة ملكات قلبي وعقلي كيفاش ايمتا علاش هيا بضبط بهاد زربة انا براسي معارفش ومباغيش نعرف لي كيهمني هو انو كنبغيها وبزاااف امنصور بزااف ولكن منصور:ولكن شنو علاش مقادش تواجها بلي فقلبك ولا لسانك تقال هارون:هاه تقال لساني واش نكول امنصور شنو نكول ولمن بعدا لوحدة مكتحسش من جيهتي بحتى حاجة علاش لا وهيا عندها حياة فالمدينة وشريك منصور:هيا لي كالتها ليك؟ هارون:مكالتش ولكن منفاتش على لعمون بغيت هاد الموضوع يتسد ومتليتيش تجبدو معايا انا عاودت ليك حيت مكنقدش نخبي عليك والو وهانتا عرفتي منصور:ولكن.. هارون:منصور هاد لموضوع تسد،سكت منصور حيت عارف الى هارون مشا حتى سد على شي موضوع غير عرف الحوار تقفل،وصل لمسا ولبنات بداو كيوصلو 10منهم 5ايتختارو ولا ومن دوك 5 اتختار جوج وحدة فيهم اتكون عروسة السلطان هبطات نجمة وسكينة ومعاهم خناتة تجمعات نجمة مع لبنات فصف واحد سلطان هارون مع منصور مكيشوفش جيهت نجمها بالكل وهيا مع راسها نجمة:مابغا يشوف فيا حتى شوفة وحدة دافع كبير زعمة وانا علاش أصلا مشغول بالي معاه ديها اتجمة فلي جايا على قبلو عمرك متكوني ليه ولا غايكون ليك،ديتها فراسي وتشغلت مع لبنات مع هبط سلطان قاسم تفتح لباب ودخلات حنانة لي كل مرة كتجي بلبسة بحال عبد الشياطين كحلة ومنقطة بالحمر دازت قدامي وعينيها غير عليا محيدتهم وقف قدامنا سلطان بحال لمرة لي فات وبدا فتسوال قاسم:المثلة لولة كتكول"العنبة مع الوقت...." نجمة:العنبة مع الوقت كتولي زبيبة وزبيبة عمرها مكترجع عنبة الى مشا الشباب والصحة لحبيبة ماينفعوك صحاب وتوسد العتبة،خنزرت فيها حنانة وفخاطرها كتكول حنانة:ليوم مغايروحش عليك ليل غير صبري وزيدي صبري قاسم:تبارك الله عليك ندوزو المثلة تانية"كنت حاسبك حجر نجمة:كنت حاسبك حجر 🌸أصابتني لعنة هرة🌸 111-حجر المرجان يصنو منك لبرايم طلعتي حجر الوديان يمشيو فوقك لبهايم قاسم:الله يرضي عليك،بقات مسابقة هكا غادية ولغالب عليها نجمة وراها حنانة وتابعينهم شي بنات رسا الاختيار فالاخر على 5 منهم حنانة ونجمة لي غير سالات ومشات لحمام دخلت وسدات عليها غسلت وجها ومسحت على عنقها هنا حنانة لي كانت مراقباها شافت فشمال وليمين وتبعاتها غير قربت لحمام حلت تنية ديال حزامها وجبدت منها برا فيها ما حمر بقات كتشوف فيه وضحك وتهضر فخاطرها حنانة:دابا نشوفوك اليوم انجمة لفهايمية واش ايبقى ليك لسان لي تنطقي بيه تفتح لباب وقفات نجمة عينها فعين حنانة كتشوف فيها نجمة:تصنعت لغباء)واش بغيتي شيحاجة كتقلبي على لحمام حنانة:اه بحال الى علمك الله داكشي لي بغيتيه انت بغيتو انا نجمة:علاش انا شنو بغيت؟ضحكت حنانة حنانة:لحمام انت كنتي فيه ودابا انا بغيتو يعني لي كنتي بغيتيه حتى انا بغيتو نجمة:اهاه تفضلي لحمام هاهو قدامك خاوي دخلي ليه قبل لايدخلو لغاشي،يلاه عطاتها نجمة بضهر هزات حنانة ايدها لسما وراها وبغات تنزل عليها لعنقها تدخل فيها لبرة لي فيها مر كيشلل مولاه ولكن هنا طرا لي مكنتش حاسبة ليه حنانة حساب، حنانة كتشوف فيدها ونجمة حنانة:علاش علاش ايدي مقاداش تحرك علاش شنو واقع علاش ايدي تشلات علاش،ايد حنانة تشلات وبقات واقفة فالخوى حتى طاحت ليها لبرة من ايدها وتهرست وماها سال كتشوف حنانة فيدها لي واقفة بلا حراك وفنجنة لي بعدات عليها غير غبرت على عينها وهيا طيح ايدها بقات معجبة واول مرة تخلع ومتعرف مدير من غير تهز جلايلها وترجع فحالها. رجعات نجمة حدا سكينة لقاتها كتقلب عليها والخوف فوجها غير شافتها تنهدات وجات عندها سكينة:الله اختي تخلعت عليك فين كنتي؟ نجمة:فالحمام مالك وجهك صفر بحال الاستيدعة؟ 🌸أصابتني لعنة هرة🌸 112-مجاتش تكمل هضرتها جرتها ايد سلطان وخرجتها على برا دغية دورها ودارها بين دراعو عنقها هنا نجمة خىجو عينيها كتبلق فعينيها مافهمت والو سقلت شوية وسعات عينيها وبعدات عليه بقا واقف كيشوف فيها هو براسو مافهمش كيفاش حتى حضنها ولكن خوفو عليها هو لي تحكم فيه نجمة:مولاي.. هارون:سمحيليا مكنتش قاصد ولكن خفت عليك فاش درت ومالقيتكش قدام عيني خفت تكون ديك سحارة دارت ليك شيحاجة كنطلب سماحة نجمة:انا مشيت غير لحمام امولاي ومكاين علاش تخاف ولا تخلع غير الله يخليك بحال هاد تصرفات مخاصش شي واحد بحالك يديرهم هارون:أه بصح عندك الحق امولات لمنادل لحرير مخاصش واحد قدي قامتي ينزل لهاد المستوى ويتصرف هكا،، خلاها ودخل بحالو بقات معجبة ليه كلامو لي حسات بيه بحال لموس لحافي جرح قلبها ودماه كلست على حافة لكرسي لي فجردة ناسو خرجو ولقصر خوا وهيا مزال على حالها كالسة وحانية راس حتى ليمتا هادشي ايبقى هادشي طوال وزاد على حدو حتى ليمتا اتبقا على حالتها اتحماق قلبها يكول هضرة وعقلها ينفي هضرت قلبها وقفات وشافت فالقصر ودخلات نيشان لبيتها سكينة جات تهضر وقفاتها بيديها نجمة:سكينة بغيت غير نعس مابغيت والو،تكات على نموسيتها وكلبات وجها لحيط تخمم الف تخميمة تفصل وتخيط راسها وموصلات لحتى بلاصة بتفكيرها حتى داها نعاس من ديك ليلة ولات كتحاول تفادا تلاقا بهارون وحتى الى لقاتو قدامها ياكتخطاه يا كترجع لبيتها مابقاتش باغية شي بلاصة تلاقيها بيه.. "عند حنانة" حنانة:كضحك بشر)ههههههه دابا مكاين حتى واحد لي ايخلصها من بين ايدي مسعودة:مخلوعة)ولكن الالة كلتي غير كتشوفيها مكتقدي ديري والو،خنزرات فيها حنانة حنانة:شي نهار اندبحك ونتهنا منك هاد لخنجر ايهنيني منها بمرة ومع هاد لما لي انشرب اي حاجة دايراها مغاديش 🌸أصابتني لعنة هرة🌸 113-تأتر عليا انا متيقنة ديك لفعة دايرة حجاب باش حتى حاجة متقيسها ولكن ماشي معايا أنا هادي حنانة وأجرك على الله قبل من أخر نهار فلمسابقة مغاديش يبقى أثار لديك نجمة مسعودة:لالة انا جبت لخبار بلي هيا لي كانت كتبيع لمنادل فدوار هيا وختها وبلي بلي حنانة:غوتات)بلي شنو دوي مسعودة:بلي سلطان قاسم عرض عليها تولي وزيرة بنتو وردة حنانة:غوبشات)دابا ديك نص بلاصة ساكنة فالقصر وقريبة من سلطاني هارون كتشوفو ليل ونهار كالت أشنو ندير نشارك مع لبنات ونربح قلبو دكية وبزاااف ولكن تلاقات مع لالها حنانة لي اتمحي ليها الآثار دابا انفكر مزيان كيفاش ندخل لقصر وكيفاش نغرس هادلخنجر لمسموم فكرشها ونخلي سمي يسرح معاها ومايجي فين يصبح عليها صباح حتى يكولو نجمة الله يرحمها مسكينة أ هاهاهاها أهاهاهاها أهاهاهاها... داز أسبوع أخور نجمة هازة كتابها ديال الأمثال فيديها وكالسة فجردها كتقرا فيه حتى وقف عليها سلطان قاسم علات فيه نجمة عينيها شافتو وقفات قاسم:شير بيديه)غير كلسي،رجعات كلسات وكلس حداها قاسم:بشرى شحال هادي مابقيت حسيت بيها معايا نجمة:اح بصح حتى انا من لبارح ماسمعت صوتها،شاف فيها قاسم وشاف فسما صغر عينيه وغوبش شافت فيه نجمة ونطقات نجمة:مال مولاي ماعجبو حال ياك لاباس؟ قاسم:سما غضبانة نجمة:بحالاش مافهمتش قاسم:منين كنحسو بشيحاجة قريبة توقع ولا شيحاجة اطرا كتبان لينا سما قيها ضبابة وشمس مطالعاش نجمة:كتيق بداكشي امولاي اي حاجة بن الله وحدو قاسم:عندك الحق ولكن ناس دوار كيتيقو بهاد لحوايج شنو داك لكتاب لكبير لي فيديك؟ نجمة:عنقات كتابها)هدا كنز ديالي كتاب لمثال من صغير وانا كنجمع فيه أي مثلة سمعتها كنسجلها عليه تاريخ متورخ امولاي قاسم:مزيان ابنتي بعد غدا ان شاء الله أخر نهار فالمسابقة مزال 🌸أصابتني لعنة هرة🌸 114-مزال ملقيت حتى حل لي يخليك دمك يجري فدمها نجمة:بضحك)يمكن هاد لحل هو ياتقتلني يانقتلها واحد فزوج ههههه قاسم:برات الباس عليك ابنتي يلاه نوضي من هنا راه حسيت بالبرد تحرك دخلي نجمة:واخا غير نقيد شي مثال كالتهم ليا خالتي فضيلة وندخل،سلطان وقف شاف فنجمة وتحنا على راسها باسو طبطب على ظهرها ودار ايديه ورا ظهرو ودخل بقات نجمة متبعاه كتشوف فيه حتى غبر بقات كالسة كتقيد فالكتاب ديالها جا لبالها صورة هارون عنقات كتابها وسهات فصورتو لي ترسمات بين عينيها ضحكتو حفرات زين لي عندو شعرو عينيه رموشو طوال معرفاتش علاش حسات انو باغية تعنقو فهاد اللحظة تنهدات تنهيدة طويلة،شوية تسمع باب لقصر تفتح دورت وجهي كيبان ليا لحراس حلو لباب على تيساع ودخلات منو مرة كتبان كبيرة فالعمر وغليضة بواحد تحتية او واحد شال جايا بشوية عليها كتمشى جمعت غوباشتي بستفهام اول مرة نشوف هاد سيدة هنا شعرها بيض تحت شال قربات ليا وتبسمات وبلكنة ماغريباش سولاتني "سلام ابنتي انت هيا بنت سلطان ولا مرات ولدو ياك انا خالتك ريحانة طباخة جديدة نجمة:مرحبا لا انا ماشي بنت سلطان انا غير ضيفة ريحانة:اه ايوا مزيان مزيان ابنتي زوينة تبارك الله وفين هيا لالة فضيلة حيت كالو ليا خاصكم شي طباخة نجمة:اه يمكن انا نعيط على خالتي فضيلة ونجي ريحانة:فخاطرها)قريب اتمشي مغاترجعي،رجعات نجمة نجمة:هاهيا جايا،رجعات نجمة كلسات وريحانة لي هيا حنانة غير مقابلاها حتى جات فضيلة هضرات معاها ودخلاتها لداخل باش تفاهم معاها،بقات نجنة كالسة حتى تفتح الباب ودخل هارون على لعود ديالو وقفو عند رجليها ونزل طلعات عينها فيه ورجعات حدراتهم قلبها كيضرب فتسعين وحسات بالبرودة وتوترات وجها حمر نطق بكلام لي زاد وترها هارون:كيزيد جمالك فاش كتزنكي ولحشمة 🌸أصابتني لعنة هرة🌸 115-كتكسي وجهك كتباني بحال تفاحة حمرة وسط شجرة بهاد لحشمة ديالك كتخلي قلبي يضرب وعيني كتغيب مكنقدش نزيح عيني عليك وشنو درتي لقلبي انجمة هارون،علات عينها فيه منطقاتش وقفات وبغات تزيد ولكن ايدو رجعاتها لحظانو وحبسها هارون:كيقلب فوجها)علاش كتنكري بلي كتحسي بيه من جيهتي كولشي باين انجمة فعينيك غير الى بغيتي تنكري نجمة:كتملص منو)انا مكنحس بوالو غير كيبان ليك وهادشي مخاصوش يكون امولاي طلق مني عفاك طلق هارون:مغاديش نطلق حتى نسمع لي باغي نسمع واش كاين شيواحد كيتسناك جاوبيني انجمة جاوبي،شافت فيه ونيشان فعينيه اومات ليه بأه ونطقات نجمة:أه كاين، دغية دفعها شوية مطيح عقد حجبانو او وقف ايدو فوجها هارون:هادشي كافي مابغيت نسمع والو مزال،يلاه بغات تهضر خلاها او ودخل كلسات على لكرسي ساهية حسات بكلشي تجمع عليها كانت بغات تكوليه اه كيتسناوني والديا ولكن مخلاش ليها فرصة لي تهضر فيها هزات كتابها ودهلات حتى هيا مشات لبيتها سدات عليها فيه جات عندعا سكينة تهبط تغدا ولكن رفضات بغات تبقى بوحدها،وصل ليل سمعات صوت رجلين لعود ديال هارون عرفاتو خرج فين غادي فهاد ليل ستغربات دخلات سكينة عندها وكلسو مجمعين نجمة:شدني جوع سكينة:وراه من فطورك اختي نجمة:انوض نشوف ليا مناكول قتلني اختي جوع،خلاتها نجنة وناضت خرجات من لبيت لابسة غير واحد بيجامة طويلة كحلو وجامعة شعرها بانضة كحلة ومخلياه مطلوق نزلات بلا حس للكوزينة دخلات وهيا تغوت بشوية نجمة:ههه سمحيليا الالة يحسابلي كوزينة خاوية ريحانة:لالا مزال كاينة هنا بغيتي شيحاجة نجمة:شدني جوع وكلت نلقى مناكول ريحانة:اهاه انا نجيب ليك،مشات حنانة لواحد طبسيل حطاتو لنجمة لي بالواقفية وقفات كتاكول حنانة ستغلات لفرصة وردات لباب عليهم مشات لساك ديالها وهزات 🌸أصابتني لعنة هرة🌸 116-خنجر من ساك لي جابت معاها وكتسلت نجمة تقبط قلبها وحسات بنخصة نغزاتها حطات لقمة من ايديها ودارت كتبان ليها حنانة هازة خنجر فيديها نجمة:صغرات عينيها) لالة اش هازة فيديك؟ حنانة:هاهاها خنجر خنجر لي ايتغرس فقلبك ويخلي دمك يسيل بحال شي واد غزير نجمة:بلعت ريقها)شكون انت؟ حنانة:شكون انا انا حنانة منانة لي اتسرق عمرك منك وتديه وتخلي سلطان ليها بوحدها ومتسمح لشي وحدة تديه كيف طرا لمرا لولة وكيف طرا لمرت سلطان،تسمع صوت لبرق دوا بجهد ورعد صوتو بحال شي سبع زئر نجمة:شوفي نتفاهمو غير بالعقل ابشوية عليك متخافي مدهشي هانتي انا مابغيا والو عرفتي حتى داك سلطان ديه مابغيتوش حنانة:غوتت)واش يحسابليك انا درية صغيرة اضحكي عليا حنانة هادي حنانة لي كترد لخضر يابس ولي كترد لما صحرا قاحلة تخلي لبنت شابة مرة عجوز مزال مكتعرفينيش ولكن مزيان اليوم اتعرفيني وتندمي ميات مرة حيت وقفتي فطريقي لمرة لولة فلتي منها ولكن تانية تابتة ليوم ايكون اخر نهار ليك فهاد دنيا ومتحلميش بشي حد يعتقك عرفتي علاش حيت كولشي تعطا ليها منوم حتى واحد مايقد يعتقك واخا تغوتي ليل ونهار قرب أجالك انجيمة أهاهاها أهاهاها. هارون:رعد زيد خلاص مالك وقفتي اوووف وشتا مالقات فين تصب غير دابا وزيد تحرك زيد،عود هارون حلف واش يتحرك ليه وقف ليه فنص طريق حلف لا يزيد غادي بلورانية شاف حتى عيا ورجع بيه وشد طريق لقصر عاد تحرك ليه. جات حنانة كتجري بغات ترشك فنجمة لخنجر شداتها نجمة من ايديها كضارب معاها واخا حنانة قويو وطويلة على نجمة قدرت حنانة تغلبها طار لحنانة لخنجر من ايديها وقفات نجمة وسبقاتها لخنجر هزاتو فيديها كتلهت نجمة:بعدي لهيه متقربيش(كتغوت وتعيط بسميت سكينة ولا مجيب) حنانة:مكاينش لي أيسمعك ههههه مكاينش لي ايعتقك مني 🌸أصابتني لعنة هرة🌸 117-بغيتي تاخدي ليا سلطاني كتبغيه ياك ياك جاوبي هضري نجمة:بستفزاز)أه كنموت عليه وغادي نديه حنانة:غوتات على حر جهدها غوتة لي وصلات لهارون لي قرب لقصر غوتة خلات رعد عود هارون يصهل ويوقف على رجليه لورانيين) هارون مافهم والو حس بشيحاجة ماشي حتى لتم واقعة ورك بالعود كيجري بيه باش يوصل،نجمة ولات كتسمع من ودن او ودن لا بحر لغوتة هزات حنانة كاس وهرساتو بيديها حتى دماياتها ولات كتقطر حنانة:انقتلك انشرب من دمك من دمك(ولات بحال مجنونة)،نجمة شافت فيها وفيديها لي كولها كتقطر مع راسها نجمة:هادي لحظة لي كنتي كتسناي انجمة لحظة باش تخلصي من لعنة جات شنو اندير شنو اندير،شافت فيديها وفخنجر حنانة لي هازة بين ايديها بلعات ريقها قلبها كيضرب مزادتش فكرات كتر هزات ايدها وهزات لخنجر دوزات خط واحد خط لي خلا لحمها يتفتح وفيضان من دمها يشرش،شافت فيها حنانة كضحك حنانة:أهاهاها حنانة حنانة مكاينش لي مكايخافش منها هاهاها سلطان ديالي ديالي أنا غمضات عينيها وكتغوت بالفرحة حلات عينيها كتلقا نجمة قدام وجها كتشوف فيها بملامح باردة نجمة لي شدات فيد حنانة بيدها لمجروحة حنانة كتشوف فيها مخرجة عينيها الأرض ولات كلها غارقة دمايات حنانة كتحاول تملص ايدها منها مقداتش نجمة شدات فيدعا شدا وحدة كلما حاولت تملص ايدها غير مكتزيد تخلي دم نجمة يتمزج بدمها شوية بشوية بدات حنانة كتحس بقلبها كيضرب وكضعف فمها نشف وحسات بسخفة كتصرق ريقها نطقات حنانة:ش ش شنو كديري شنو درتي ش ش شكون انت شكون أنت،مع قالت جملة ديالها طاحت سخفات نجمة بدات كتحس بضبابة غشات عينيها تمت راجعة بالور دخلت فطبلة وكراسة طاحو هارون لي دهل سمع صداع فكوزينة جا كيجري مع دخل مع جات نجمة بين ايديه معرف باش تبلى دمايات مغرقة كوزينة نجمة وجها صفر 🌸أصابتني لعنة هرة🌸 118-صفر كيحرك فيها ويدوز على راسها هارون:نجمة نجمة روحي نجمة شنو واقع نجمة حبيبتي نجمة عفاك شنو واقع نجمة:لسانها تقال)صافي حنانة رجعات كأيها ناس كان واحد فينا خاص يضحي وانا وفيت بكلمتي ودابا سلطانة اترجع لبلاصتها طبيعية وانا أنا معرفتش فين انرجع هههه كنت باغة نكوليك واحد لمثلة كتبتها وتفكرتك هارون:صافي شتت شتتت(كيغوت)دادا سكينة منصور شي واحد يعتقني حراااااس لحرااااس نجمة:بصوت تقيل)شش خليني نكوليك لمثلة ههه كنت بغيت نكوليك سيدي زين وزادتو حبة فالعين ههه جات معاك حيت انت كتكون زين وفاش كتعصب غير مكتزيد تزيان ههه،اخر هضرة كالتها قبل متغيب هارون:كيغوت)نجمة نجمة نجممممممممممة.. "بعد مرور أسبوع" سكينة:جاتني لبكية فخبارك ماسخيتش بدوار وبني خناتة بناس لقصر ماسخيتش بيهم كاملين نجمة:كطوي حوايجها)ايوا كيكولو ناس زمان لغادي غادي ولكالس كالس وحنا كان لابد ايجي نهار ونمشيو فيه غير منين تهنينة من ديك سوسة الحمد لله سكينة:متفكرينيش نهار فقت ولقيتك بين لحياة ولموت طنت انهبال ونتسطى ولكن الحمد لله لي كان دمك مكيتشد فيه سم بزاااف وكونما كان سم لي مغلف بالخنجر قوي مكانش طرا ليك لي طرا كون تشوفي هارون كيف كان داير عليك ايهبال مسكين نجمة:سكينة عاوداي ليا هاد لهضرة على هارون مليون مرة ايوا الحمد لله انا نضت على خير ولعقريشة مشدودة وجابو ليا خبار دادا فضيلة كالت ليا ولات بحال لعود لكارم مكتاكل مكتشرب فقدت قوتها كامل سكينة:ايوا جزاءها داتو وسلطانة رجعات لمحالها وانت الحمد لله تخلصتي من لعنة لي كانت صايباك ورجعتي نجمة قديمة نجمة:الحمد لله ولكن تعلمت بزاااف ديال الحوايج ويلاه دابا حيدي عليا ويلاه نهبطو بالزنا يلاه نشدو طريق توحشت مراكش ودار وتوحشت مي وبا وخويا سكينة:حتى انا والله 🌸أصابتني لعنة هرة🌸 119-هبطما بالزنا لتحت كانت قضيلة وسلطان وسلطانة ومي خناتة اووردة واقفين وقفنا قدامهم سلطانة:زعمة مصرين تمشيو؟ نجمة:صافي الله يجعل البركة درنا لي علينا وكمل دورنا قاسم:خيركم عمري مغادي نساه وداري اتبقى مفتوحة ليكم فأي وقت وقتما بغيتوني انا موجود،قربات سلطانة من نجمة وحيدات سلسلة من عنقها ولبساتها لنجمة نجمة:ولكن هادي.. بشرى:مكاين ما ولكن تستاهليها وتستاهلي كتر منها وانت عارفاني علاياش كنهضر المهم تهلاي فراسك وأخر مرة ضربي لقطوط نجمة:كضحك)لا دابا انولي نربيهم يلاه نشوفكم على خير،عنقات نجمة سلطانة باست ايد سلطان عنقات فشيلة اووردة وصلت عند مي خناتة لي كانت كتبكي نجمة:مي خناتة مرة مرة زورينا ولا حنا انجيو نزوروك خناتة:ولفتكم كنتو بحال بنياتي انرجع لوحدانية من جديد سكينة:كتعنق فيها)حتى انت كنتي بحال منا وحضنتينا،شفت فالقصر وأرجاؤو ولي كنقلب عليه بعينيا مبانش من نهار نضت من ضربة لي خديت تبسمت لناسو وهزيت باليزتي فيدي ومعايا سكينة وخرجت شفت جيهت لحمار لقيتو مكاين هنا عرفت بلي دورو حتى هو سالة وسالة دور مولات لمنادل ورجعت نجمة بنت با البشير سلطان قاسم وصا علينا انا وسكينة حراسو باش يوصلنا حتا لمراكش خرجنا من باب لقصر وقلوبنا مخليينهم ورانا ركبنا على واحد لكوتشي مغطي مخصص لسلطان تفتحات بولبة قصر حب الملوك لي رجعات ليها سلطانة وزهرات ورودها شجارها تفتحو وخضوريتهم بانت ورجع لقصر لعهدو كيف كان دوار ولاد داود عمار ورجع كيف كان فاول عاهدو اما لخادم مسعودة مسكينة تحرات من بطش حنانة ورجعات لبلادها سديت كتابي لي كتبت فيه حكايتي. سكينة:انت كالسة هنا سربي خلاص راه كليان على جهد نجمة: غير انت لي أصريتي نرجعو لهاد القهوة اما انا مكنتش باغية نرجع لهاد لقهوة كاع سكينة:على أساس 🌸أصابتني لعنة هرة🌸 120-أساس لقينا البديل شهر هدا باش رجعنا ومالقينا نجمة:انت كتلصقي بحال لحم راس الله يستر متفاكيتي معايا حتى جبتني من هوارة هههه معرفتش كيفاش حتى خلاتني مي وستسلمات ليك ههههه سكينة:منقدش نفرقك أبدا ويلاه راه عادل ايدو بوحدها،رجعت لخدمتي فالقهوة أه قهوة هارون مكاينش حتى بديل هادي شهر باش رجعنا فحالنا ولكن لحياة تبدلات مابقاتش كيف كانت حاسة بشيحاجة ناقصة المخبأ ديالي هي دار راضية أه راضية مع لقطوط ولاو عزاز عليا وبزاااف والى شي نهار مجيت كنلقاوه فبيت نعاسي محاوطيني دارنا لي شافوني مي تقلب فيا وتشوف ومرة مرة طول فيا شوفة وتكولي شافية:ايوا كيداز عرسكم شفتك سماريتي نجمة:ايوا مع شقا راكي عارفة ومكناس كانت سخونة داكشي باش شافية:وديك ضربة لي فيدك؟ نجمة:وامي ميات مرة سولتيني كتليك كنا كنغسلو فالماعن وتهرس كاس فيدي،لهلى يوريك امي فين كنت بنتك جات من دوار ولاد داود وخرجات من قصر حب لملوك وضيعت قلبها فيه قلبها لي سكنو سلطان بشهامتو او وسامتو وكبريائو احح اقلبي وشكون حاس بيك.. جا عندنا عادل: عادل:لبنات غدا ان شاء انحتافلو بوصول قهوة ديالنا ل5نجوم كونو واجدات تافقنا سكينة:بحماس)ناري متحمسة بزاااف لهاد لحفلة اتعمر دنيا هنا وطايح كتر من نايض نجمة:كنجمع فواحد طبلة)هههه الله يعطيك عقل وخلاص داكشي لي قاتلك،رجعنا مسخسخين لدار لقيت مشاشي مجموعين على نموسيتي غير وصلت بدلت حوايجي توضيت وصليت وطحت كاو حيت عييت،فيقاتني سكينة كتغوت عند راسي فتحت عين وسديت تانية نجمة:سكينة سكينة اش بغيتي عندي فهاد نبيري سكينة:ونوضي خلاص اشمن راه 12 هادي اليوم الحفلة اش انلبس هاد كسوة ولا هادي سربي خلاص ختاري نجمة:لخضرا لخضرا كتجيك واعرة،قلبت وجهي لجهة لوخرا حلات سكينة شراجم وخدمت تلفازة على حر جهدها 🌸أصابتني لعنة هرة🌸 121-حيدت عليا لغطا وربعت كنشوف فهاد لفعايل ديال هاد شنيولة نضت كنجر فرجليا دخلت لدوش غسلت وجهي وحالتي وخرجت لقيت سكينة وجدات لفطور وكولشي على حقو وطريقو نجمة:منين كيمون تابعك شيحاجة كتحداكي سكينة:هههه واشنو لقضية فيها حفلة نجمة:انا واحد راس كيكول ليا كاع مانحضر سكينة:والله ومتزيدي قدامي حتى نقجك حتى تخرج روحك نجمة:ديريها وتفوتيها لهيه سكينة:ويلاه خلاص لبسي باش نمشيو نعاونو عادل فالقهوة،ساليت فطوري ونضت لبست سروال توب كحل مع شوميزة فالخضيضر مزوقة وكولي ديال العقيق وجمعت شعري على شكل سفنجة هزيت ساكي وخرجت عند سكينة شافت فيا سكينة:اتمشي هكا؟ نجمة:راه والله لا بدلت اكوني هانية انا سبقتك،سبقت سكينة حتى لحقات عليا شدينا طاكسي لقهوة لقينا عادل واقف كيقاد فالورد وسينتات على باب القهوة نجمة:عادل بديتي بلا بينا؟ عادل:اكوني هانية لخدمة كتسناكم لداخل دخلنا لقهوة وبدينا نقادو طبالي ونزينوهوم بالورد وستفنا لبوفي حتى هو موسيقى خدامة بداو ضياف كيوصلو واحد بواحد الاجواء زوينة سخنات القهوة من لداخل ولجو بدا كيزمت نجمة:سكينة انخرج شوية على برا يضربني البرد واخا سكينة:عنداك تهربي وتخليني نجمة:لالا متخافيش عارفاك دايرة بحال داك لقط ديال ام سيسي دغية تلقايني وليلتي مغادوزش بيخير انا غير هنا،غادية خارجة وكنتبسم لناس لي داخلين خرجت على برا ورا القهوة كان واحد المنظر زوين جردة كبيرة فيها الألعاب كيلعبو فيها دراري صغار وقفت تما مقابلاهم مكرهتش نلعب معاهم نرجع لأيام طفولة تاني سهيت ونسيت لعالم كلو "بغيتي تلعبي حتى انت معاهم؟"دورت وجهي بزربة لمصدر صوت كيبان ليا لوجه لي متفرقنيش من نهار جيت نفس شوفة نفس ضحكة لي مبدل هو الحوايج كان لابس سروال كحل وتريكو ديال صوف بالكول بيض وكيشوف فيا 🌸أصابتني لعنة هرة🌸 122-نضراتو بيا فيهم ألف معنى فيهم شوف وحب لي لعما ممكن يحس بيه واخا ميشوفو حسيت يشيحاجة كدغدغ الحواس ديالي من الداخل مكرهتش نوض ونعنقو ونكوليه قداش توحشتو حمار وجهي وحدرت راسي تبسمت ورجعت كنشوف فولوليدات نجمة:صراحة مكرهتش نكون فبلاصتهم هارون:وشنو مانعك؟ نجمة:الجرأة،بقا ساكت وقف ومد ليا ايديه بقيت كنشوف فيه شحال عقلي كيكولي متشديش وقلبي كيقول شدي ولكن لقلب كيغلب عطيتو ايدي نوضني وجرني معاه لجردة وقفنا قدام تزحليقة طلع هو الاول ولوليدات كيشوفو فيه قداش وكيلعب شداتني ضحكة من وراه زعمت وطلعت كنتزحلق كيسالي نوبتو كتجي نوبتي عجبني لحال ضحكة ترسمات على وجهي نسيت راسي أهم حاجة اني معاه بدا ضلام كيطيح سخفنا وعيينا رجعنا لكرسي نرتاحو بقا هارون ساهي فنجمة لي عينيها كيبريو وكضحك من بعد سكاتو نطق هارون:كنفرح فاش كنشوف الفرحة فعينيك،شفت فيه شحال وفعينيه خرج لكلام بوحدو نجمة:أنت سباب هاد الفرحة،هارون تبسم وشاف فسما هارون:مشيتي ودرتي وراك عمرك فكرتي فيا ولو غير شوية كنت كنتمنى تبقاي ومتمشيش تسنطي لقلبك ولو مرة وحدة ولكن تفكرت بلي كاين لي كيتسناك حسن مني نجمة:بصح كنت متوحشة والديا وهوما أغلى ناس عندي ولكن قلبي مملكوش غير والديا هارون:سكينة والديك وشريك حياتك ياك شدتي فضول نتعرف عليه نجمة:ضحكت)طول حياتي عمرها دخليها شي واحد،شاف فيا وحاسة بيه بغاني نكمل منسكت نجمة:حتى شفتك بطبيعة الحال كولشي تبدل واخا كنت كنحارب هاد شعور ولكن فالاخير تغلب القلب على العقل كلت الى جيت وبعدت انسى ولكن طرا العكس صةرة شخص لي ملكني مافرقاتنيش،وقف قدامي وعينيه كيبريو هارون:واش فهمت مزيان ولا فاهم غلط؟ نجمة:انت ديما كتفهم صح عمرك فهمتي غلط هارون:نجمة نجمة هارون أنا كنبغيك نجمة:ونجمة كتبغي هارون، 🌸 خطف ايديا وقفني وفحضنو خبعني هاد لحضن لي كنت كنتسناه هادي شحال عنقتو بكل قوتي وفحضنو تخبيت ولقيت راحة ماليها متيل،سمعت تصفاق ورايا ضرنا بجوج كتبان ليا سلطانة بشرى بجلابة دالحرير وسلطان قاسم حداها لابس بدلة رسمية او وردة بكسوة زهرية منصور بوقفتو معنق سكينة بيد وحدة خرجت فيها عيني ونباتني سكينة:ماشي غير انت لي لقيتي حب حياتك كيف خلاتها راضية قدري مرتابط بقدرك انجيمتي، ضحكت وشفت فهارون لي كانت ضحكتو عريضة معنقني وكيشوف فيهم خرجو ضيوف القهوة وحتى عادل واقف معاهم هزو كلهم ايد وحدة كيصفقو لينا والفرحة باينة فعينيهم وسط تصفيقات كنشوف كل قط خارج من قنت فالالوان تجمعو عليا انا وهارون وكانو مشكلين شكل قلب علينا عليت راسي كتبان ليا راضية واقفة بعيد شيرات ليا بيديها وشيرت ليها براسي عطاتني بضهرها ومشات تكيت راسي على صدر هارون كنشوف فحبابي وناس لي كسبت دايرين بيا وفرحانين معايا وأهم حاجة هارون حبيبي وسلطاني لي ربحت من اللعنة لي صابتني وهادي هيا حكايتي لي مشات من واد لواد وانا بقيت مع سلطاني ولد لجواد.... #النهاية حبيباتي كانت هادي هيا قصتنا #أصابتني_لعنة_هرة كنتننى نكون خفيفة ضريفة عليكم وعشتو معايا رحلة مليئة بالمغامرات وتشويق والخيال كنعتادر الى قصرت فحقكم وانكوليكم كنبغيكم وبزاااااف دمتم في رعاية الله والى الملتقى إن شاء الله مع قصة أخرى في أماني الله ورعايته #سناء_الصنهاجي