قصة أحببت متزوجا

زهراتي - كاملة 🌸🌸 قصة زوينة غتعجبكم قصيرة مطويلاش بزاف ... قصة بعنوان: #أحببت_متزوجا ✨ كاتبة: #Saloua_nasour قصة واعرة بزاف انا شخصيا حمقاتني واعرا ومتأكدة غتعجبكوم ... بتوفيق لكاتبة 😘❤ الجزء :1 اليوم أول يوم لي في الخدمة ، الحمد لله فرحت و فرحت ميمتي و باباتي ههههه من بعد شوماج 3 سنين مابين سطاجات و دوران و صابون و جفاف و مسلسلات و غلض و ضعف و زيد و زيد ، المهم خدمت في عمل زوين و بمرتب زوين ، و هادشي لي كنت كنتمنى من الدنيا، ايوااااا ككل بنت راه غادين تكونوا مجربين الخلعة ديال النهار الأول ، أشششش نقول لكم ما غمضتش الليل كامل و انا نفكر أش غادة نلبس اش نقول معامن غادة نتلاقى ؟ واش ناس مزيانين ولا خايبين ؟ و انا من النوع لي كيبغي كلشي ما كناخدش الحظر من بنادم و ملي كنبدا نعاود كنعاود المخبي و الباين ههههه سرسارة بما في الكلمة من معنى هههههه، المهم صبح الصباح فقت مع 6 صافي ما بقاش جاني النعاس نضت توضيت صليت و فطرت ، لبست حويجاتي و خرجت نشد طاكسي، وصلت للخدمة دخلت نقلب تالفة و مخلوعة و حشمانة ههه سولت على رئيس الموظفين باش يوريني بلاصتي، استقبلني و رحب بيا زيدي ابنتي تفضلي ابنتي ،قالي ضروري يشوفك السيد المدير عاد يمكن لك تستلمي البوست ديالك ، اووه ضروري يشوفني قالي وي ضروري حيت هو لي غادي يقرر في اشمن مصلحة يحطك ، ايوا قالي تفظلي نمشيوا للمكتب عنده مشينا دخلنا للمكتب الاول ما فيه حتى حد ، و في قلبه كاين المكتب ديال المدير ، السيد هز التيلفون عيط : " ألو سي عمر ممكن نشوفك جات السيدة الجديدة – واخة سي عمر "ايوااااا أنا سمعت السي عمر سي عمر و الطريقة و الصوت كيفاش هضر معاه شدتني الرعــدة مييييييمتي ، و انا نقول مع راسي مالي علاش غادة نخاف مالو شنو كاع يكون بنادم بحالنا بحالو ، غير قرا شوية حسن مني هو مدير و انا محاسبة هههههه مالو كاع مالو غيخلعني ههههه .ضحكت شوية مع راسي و شجعت راسي ، و جلست نتسنى باش ندخلوا ، شوية خرج شخص من عنده و دخلنا . أول حاجة أثارت انتباهي من أول ما دخلت هي الرائحة رهيييييييبة واعرة واعرة واعرة ، والمدير و لي يقول مدير ، اشمن جلسة و اشمن وقار و اشمن زين و اشمن طول و اشمن نقاء و اشمن لوين و اشمن سنينات و اشمن عينين خضرين و اشمن حجبان سبحان لي خلقو و جمع فيه كلشي غزاااااال غزاااااال غزاااااال ما عمرني شفت انا شي حد سمر و عينيه خضرين كي دار ليها بغيت غي نعرف ، و ملي نقول سمر ماشي اسمر ديال الغاسول ، سميمر خمري ، هاااااديك لي كنت نقلب عليهاااا خمري . ملي دخلت و انا مزيزنة ، كنقول اواه كاين بحال هاد المخلوق في مدينتنا ، ما كايبانوش في الزنقة كاع، ما كيخرجوش كايخافو من العين واقيلة ههههه. نحن : " السلام عليكم " المدير: " و عليكم السلام " لا تفضلوا لا مرحبا هههههه طلع و هبط فيا و تيشوف في الوراق ديالي و قاليه : " اوكيه تشد بلاصة زكية ". رئيس الموظفين : " ان شاء الله سي عمر " و دار لي براسه نخرجوا زعمة. و حنا خارجين سمعته السيد لي جالس مع المدير قال : " الزين و العلو" زهر هو عندك ، و هو يقوله اسكت ابنادم غتدصر علينا البراهش. ما حملتتتتتتتتتتش راسي ، طلع لي الدم و بقى في الحااااال تفو معامن غادة نخدم ، بقى في الحال من النظرة لي شاف فيا السيد و بقا في الحال لأني بنت للقمقوم لاخر برهوشة رغم الطول و لاطاي و الشعر بنت ليه برهووووووووشة اااااااااااااا غنتفركع عليه.يتبع..... الجزء 2 المهم خرجنا للمكتب لي لقينا في الأول خاوي ، قالي غادة تكوني الكاتبة تاع المدير مؤقتا لأن الكاتبة ديالو عندها رخصة للولادة ، بحال إلا صرفقني و خوا عليها سطل ماء بارد ، و مكتااااااااااااب هو كتاب عليا ، ماشي مشكل ملي مؤقتا ماشي مشكل، مشيت جلس بعدا نتساراح رجليا ما بقاوش قادين يهزوني من هول ما شفت و من هول ما سمعت ، المهم بديت نشوف شنو خاصني ندير ، المكتب مرون و كلشي خاصوا يتسجل و يدخل للمدير و لي خاصوا يمشي فاكس و لي يمشي عبر البريد، المهم سلكت راسي كيف كيقولوا بحكم دوزت شي تدريبات في هاد المجال. ساليت جلست نكتب شي رسائل في الحاسوب طالبهم المدير ، شوية صونا التيليفون ، ههههه هزيت "ألو السلام عليكم " اختكم زعمة الواجهة ديال الشركة ههههه ، "الو السلام عليكم " ،" الو وي" ايوا ملي الو السلام ما عجبتهمش نجربوا الو وي ههههههه ، شكون معايا " وااالو البرد كيتسمع هههه ، اااالطيف اول مكالمة ليا ههههه خاوية ، صونا ثاني مرة نفس المشكل قلت او واقيلة الفاكس ، جربت وركت على استقبال الواردات و هما يدخلوا الفاكسات لي في الانتظار ، خديتهم ، و انا كنسجل فيهم صونا الهاتف، " الو وي " نسمع شي حد كيقول "دابة تكوني قدامي" ، "شكون معايا اسيدي راه شركة محترمة هادي" كيجاوبني " انا عمر" ، في خاطري قلت هاناري شكون عمر ، و هو يبدى يغوت " دخلي عندي أنا في البيرو " و خبط السماعة . الله يكتب السلامة هو مالو ، ما بقاوا عندي لا يدين لا رجلين كلي وليت فيبرور ، ما حليت الباب تاع بيروه غير بزز بكثرة ما كنترعد، وقفت عليه لقيته داوي مع شي حد و كيغوت " واش انت كتفلى ، ياك ما يحسابلك كتصاوب في الشفنج راه طريق رئيسية هاديك، شنو داك الزفت لي داير ، راني كنت اليوم سير تيراه لي هي بالفرانساوية « sur terrain » و شفت داك العجب لي كتقولوا ليه انتم زفت ، راه شريكتكم لي زفت ، انا بان لي هداك غير طحين زايدين ليه اللون ، و الله حتى نقاضيك راك كتعرفني ، غير خدم معيا نيشان و لا اعطيني التيقار راه كاينين ناس لي باغين يخدموا بشرف" و خبط عليه السماعة حتى هو ههههههه، و جااااااااااااااء دوري، بقى كيشوووف فيا ، ما عرف ينوض يضربني ما عرف واقيلة ، كيقول هاد البنية جايبينها تلعب معايا ولاشنو ههههه . هو : " في كنتي ؟ " أنا : "فين كنت ؟ " هو: " فين كنتي ملي كنت كنصوني علي ؟ " أنا : " ما كنت فين ، وملي صونيتي جاوبتك ؟ " هو : " صونيت عليك شحال من مرة ، يا أنا كذاب يا انت صمكة " أنا : " حاشا سي عمر ، لكن انا ما سمعت والو ، و ملي صونا التيليفون جاوبتك ،" و هو ينوض معصب جرني من دراعي و خرجني حتى للمكتب ديالي و نعت لي بيديه واحد اللعيبة في الحائط ، هي لي كتصوني ، برك هو على واحد تيليكوموند عنده و هو يصوني ، و قالي بالنفخة : ها هو ابنادم لي كان كيصوني ، عينيا عمرو بالدموع و طاح عليا الضيم ،و هو شافني و حس بلي زاد فيه ، بقى كيشوووف فيا و ساكت و مازال شاد لي في دراعي ، قلت لو سمح لي اسي عمر راك ضريتيني في يدي ، طلقني ومشيت جلست في المكتب و كنتخيل داكشي لي وقع ما حسيت بدموعي حتى لقيت الرسالة لي طبعت كاملة طلق الحبر في بعضه و توسخات ، نضت نجري مشيت للحمام غسلت وجهي باش نبرد و هكاك عينيا حمرييين و عامرين دموع وخنونتي دايزة ههههه ، مازال ما نشفتش وجهي جا البواب يجري قالي المدير صونا عليك.دخلت عندو نجري قلت له سمح لي راه كنت في الحمام ، شاف فيا تاني و حسيييت بيه باغي يقولي صافي باراكة عينيه بان فيهم الحزن ، قالي خدي هادي عاوديها و صيفتيها فاكس مستعجل. درت داكشي لي قالي و جلست نتسنى الوقت يوصل باش نخرج، خرج سي عمر من قدامي لقاني مازال غارقة في دموعي اش جا ما سكتني حتى نمشي لدارنا نعاود ليهم هههههه، غير هو خرج جمع المكتب و خرجت ، قلت غادة نلقاه مشى فحالو، ما جيت فين نهبط نجري نشد طاكسي، لقاني واقفة في الطروطوار، داز من قدامي بالطونوبيل شاف فيا و زاد ، ما حملتش راسي ، " تفوووو على متكبر...... تفو كون بقيت غير جالسة شوية في بلاصتي، كون ما شافني ما شفت كمارته...... تفوو تفوو تفوو" ، بقيت مقابلة الطونوبيل دخلات في واحد الكراج عير قريب لمقر العمل تقريبا لاصق فيه ، و انا نشمممت ههه قلت غزا فيه الله غيكون جاه شي اتصال مستعجل و لا شي خدمة ، ما جيت فين نكمل تحنصزيز حتى وقف عليا واحد من السائقين ديال الخدمة قالي طلعي ا مادموزيل راه سي عمر قالي نوصلك للدار، بقيت حالة فمي فيه، ما عاودتش معاه الهدرة ، ركبت و طريق كاملة و هو يسول و انا نجاوب و غيبة بحال إلى دار ليا التنويم الطغطاطيسي هههههه ، السائق : "فين ساكنة ؟ أنا : " ساكنة في إقامة الأخضر...." السائق : " لي حدا الزيتونة ؟ " أنا : " اييييه هادييك ". السائق : " انت غي من هنا ؟ " انا : " اه ". السائق : " كنتي كتقراي فشي مدينة اخرى؟ " أنا : " لا ما عمرني خرجت كاع " . و في خاطري كنقول أو كيفاش ؟ سيفط ليا الشيفور؟ وبارك يسول فيا هاد الأسئلة ؟ زعمة يكون هو قاليه سولها؟ ما يمكنش ، السيد راجل بعقله وحاس براسه بـــاينة و البنات دارين عليه كيفاش و مامعبرهمش ،علاش ما يمكنش ؟الحب راه دائما كيبدا بالعداوة .....، لا لا ما يمكنش ديري عقلك.... ، علاش مايمكنش مالني اش خاصني .....، الزين زوينة ..... و هبطت المراية ديال السيارة نشوف الزين هههه طلع لي الجوكير ، و انا عارفة راسي زوينة كلشي كيقولها ليا ، شفت في المراية الشوفة الأولى لااااحول و لا قوة الا بالله شداتني البكية دفلت على راسي يعطيني حبة، اشمنك يا شعر مشنتف لفوق لتحت الجناب ما كينش شي بلاصة خليتها مقادة مع زغبتي رقيقة كتكهرب ، وعينيا حمرين منفوخين و موسخين بالكحل (مع نسيت راني مكحلة حيت أصلا ما كنديرش الماكياج غير اختي لصقاتني قالت لي باش تباني شوية بعقلك ) : ، نيفي حمر و مخنن و طايب مع قوة المسيح ، و شعري معلك واقيلة كنت نمسح نيفي و ندوز على راسي مع درني راسي بالبكا ، جاتني البكية و الصدمة كنقول او واش انا العشية كاملة و انا كنبان في هاد الحالة ، ناااااااااااااري باش حسيت فشلت فشلت. ما نقولكمش إحساسي فديك اللحظة، بغيت الأرض تشق و نغبر، رجعت المرايا لبلاصتها و الشيفور مازال غير يسول ، قالي شحا عندك من عام ابنيتي كتباني باقة صغيورة ، قلت ليه في خاطري زيد عليا زيد، قالي : " شحال ؟ " ، قلت ليه :" 23 عام " و مفقوصة ، قالي : " بصاح كتباني قد بنتي عندها 16 عام ، ما جاوبتوش طلع لي الدم ، قلت ليه صافي هبطني هنا نكمل على رجلي ولا هضرتك الزينة، يتبع.. نزلت كملت شوية على رجلي و وصلت للدار ، دخلت كل واحد يسول فيا بوحدو مالكي مالكي قلت ليهم جيت نهبط شي ملف و طلح عليا كلشي باش يهنيوني ، دخلت ندوش نرتاح شوية و نحيد ديك الخنونة لي في شعري لي دايرة بحال لالاك هههه، خرجت لقيت اختي موجدة ليا الكوتي و موجدة لي حوايجي و كتسناني نعاود ليها و حابسة الضحكة حيت عارفة ما كيضلمني حد انا كنقلب على الكوارث بوحدي، ايوا خرجت لبست جلست حداها نشف شعري ، كبات لي اتاي و صوبات لي خبيزي . جمعت شعري بالفوطة باش ينشف و هزيت الخبيز ياله غناكل و هي تغلبني البكية ، و هي تعنقني " صافي ا خنينة بديتي تاني صافي انا غدا نمشي معاك نويرهم الخانزين لوخرين يبكيوا ليا اختي ، شكون بعدا شكون لي ضربك"، و هي تجيني ضحكة فكرتني فاش كان كيضرني شي حد في المدرسة كنديها ليه ، رغم أنني صح منها و أطول منها ما كنبغيش الصداع و ما نبغيش نتعاير و لا نتخاصم ، المهم جمعت راسي و بديت الفيلم ديال الصباح ، عاودت ليها كلشي ، ملي دخلت و شاف فيا بعجرفة ملي قال عليا برهوشة ، ملي صونا هداك الزبل و ما عرفتوش ملي جرني ، المهم كلشي ، انا نعاود و هي تضحك ...... انا نعاود و هي تضحك، طلعات لي الدم و هي تشرح لي و فهماتني و قراتني او وراتني راني برهوشة نيت و ان العالم ديال العمل ماشي هو الدار ولا المدرسة ، المهم قالت لي اليوم غادة تخلي راسك ليا غادة ندير ليك "الميطاموغفوز" قالت لي كولي و ياله نخرجوا ، قلت لها فين قالت لي حتى نخرجوا. هزاتني بالالاوطو وصلنا لواحد مركز التجميل ، قلت لها :"واش احنا مسالين لهاد التخربيق دابة ؟ زيدي فين باغة تمشي " قالت لي :" هاد التخربيق راني جايباك انت ليه ،" بقيت كنشوف فيها و قلت ليها : "مالكي ياك لاباس " ، قالت لي: " انت لي خاصك تكوني لاباس ، واش بغيتي تخدمي مرتاحة ولا يبقاوا يشوفوك بعلوكة لي جا يدي ويجيب فيك ، خاصك تباني بعقلك ، خاصك تباني في عمرك ماشي اصغر ، غادة نبدلك و غادة انت يعجبك الحال و غادة تفرحي" قلت لها : " و غادة نعجبوا ؟ " و طلعت حاجب و هبط لاخر و جاتني الضحكة. قالت لي : " صافي هادشي لي همك انت ههههه ها ما نحملوش ها حاس براسو ها واش غنعجبوا وااااا العجب هادا" بديت نضحك زعمة حشماتني الصراحة، شفت حتى عييت و قلت لها ولكن راه زوين ولد الحرام ههههههه. ايوا دخلنا و اختكم ما عندهاااااااش مع هادشي و أمية من هاد الناحية ، المهم اختي قالت ليهم شنو يديروا ، انا غمضت عينيا و خليتهم خدامين ، شي كيصاوب لي يديا شي كهرني في رجليا ووحدة كتنقي ليا في وجهي و الماساج و جابت النتاف بغات تقاد لي الحجبااان و انا جااااااامي جاااامي قستهم ، قلت لها نو نو نونو والو واش تقربي ليهم ، عيات في اختي راه ساهلين راه الا ما نقيتيهمش ما يبانوش عويناتك ، وااالو انا مصمة ما نقربش ليهم ، قلت لها صافي باركة ها ليميش ها هداك المانيكير ها لاخر تاع الرجلين ماعرفت اش سميته ، و هي تقولي شوفي ا سلوى الا ما صاوبتيهمش راه ما غاداش تعجبيه و ما غاديش يشوفيك و غادي نضربو كلشي في الزيرو، سقلت و تكمشت في بلاصتي. و سديت عينيا و قلت ليها ياله بداي و سربينا، أول ساعة في الجحيم دوزتها في حياتي ، ما عرفتش واش حتى أنتما و لا لا ، أول مرة ينقيوا الحجبان كتكون صعيييبة ، كل زغبة بحال إلا كيجبدوها من عينيك. المهم شوية سالات و قالت لي بالصحة الزين ما تغبريش علينا ، بغينا نولفوك السونطر باش تولي دايما جاية مع اختك ، واخا انتم تبارك الله زينات و ما تحتاجوش ، غير مرة مرة الوحدة خاصها تدور براسها و صافي ، قلت لها إن شاء الله أختي شكرا ، لا لا ما عندي فين نغبر ، و في خاطري قلت لها إذا باقة شفتيني عكري ليا ، ايوا الصراااحة ملي شفت راسي في المراية ما تيقتش ، كنقول او واش انا و لا ما اناش هههه اواه فين كنت مخبية. كنشوف في يديا ، وااااو رجلياااا وااااو الصباغة كحلة و مع رجليا بيضين مساكن ما كيشوفوش الشمس ديما التقاشر و السبرديلة كي الدري ، ودابة عاااد وليتي بنت ، و تحمست نمشي للخدمة و يشوفوني بداك التغيير السحري ، و بالصح سحري بحال دوك الرسوم تاع ساندريلا كيفاش بداوها بحاااااااالي تماما غير هي الامير تاع ساندريلا ماشي حاس بمخو بحال هذا. يتبع... الجزء 5 ايوا مشيت فرحااااانة للدار واقيلة حتى أنا غادة نحس براسي، دخلنا ، ماما و بابا و خويا قالوا السلام وبقاوا حالين فمهم ، اوا واش هي ولا ماشي هي ، كيفاش هادي أختي ، الواليدة تي راني كنقولكم راني كنولد غا الزين ما عنديش الخيب، بقاوا يضحكو معايا اينا الناس كبروا و زيانوا و زعمة أنا حشمانة و مزنكة ، ايوا اختي دخلا للبيت و بدات تعيط اجي ما اجي دخلي ما دخلي ، دابة نجيوا للمرحلة الثانية لي هي اللباس ، خوات لي بلاكاري كامل ، قالت لي حوايجك سيري ديري بيهم السبور ولا لوحيهم راهم ماشي ديال الخدمة و عطاتني حوايجها بينما نشري الحوايج. المهم قادات لي السراول مع القوامج مع السبابط مع شي لعيبات اخرين ، قالت لي جاب الله كتلبسي قدي كون زدتيني تاني حتى بمصاريف اللبس ، و اختكم مقابلة غير يديا مع رجليا و ما متيقاش واش يديا ولا ملصقينهم لي ، ما عمرني كان يحسابلي الصباغة الكحلة غتجيني في ضفيراتي ، اختي مقابلاني و تقولي شوفي راه الى حواليتي ما غنديكش للطبيب ، راك سيزيتيني اليوم ، و انا نجري عندها عنـــــقتها حتى عينيا غرغروا بالدموع و قلت لها شكرا اختي بزاف بزاف لهلا يخطيك عليا، قالت لي احبيبتي راك بنتي ماشي اختي الهبيلة راني كنت كنبدل ليك ليكوش ، قلت لها ايوا صاااافي فينما تدوي عليا تفكري ليكوش ما كاينش شي سوفونير ريحتو زوينة احسن من هذا ؟ ياله سيري تنعسي باش تفيقي مرتاحة ، وسيري كولي بعدا راه صيفطت احمد يجيب ليك بيتزا راه جابها واقيلة. مشيت تعشيت و نعست فرحـــانة لدرجة أنني نعست و أنا مبتاسمة ، شوية بديت كنحلم براسي في المكتب و عيط لي المدير بغيت ندخل عنده ملي حليت الباب كيبان لي بحال شي واد دايز و ما عنديش منين ندوز عييت بغيت نحاول نقز نمد رجلي والو ما كينش منين ، شوية كنت غادة نتلاح ياله غنقز و هو يجي واحد كيجري و شدني و عنقني بجهد و قالي مالكي حمقة تلوحي راسك في الواد على ود واحد خواف ، قفزت مخلوعة فقت كنلهت من الخلعة ، قلت يا ربي السلامة شنو هاد الحلم ، واش غير حيت راسي عامر ولا شي رسالة هادي، نضت شربت شوية دالماء و رجعت نعست و بالي مامهنينيش. فقت الحمد لله الصباح ، ناشطة نسيت شوية الحلمة ، فطرت و لبست كيف ما وراتني اختي ههههه. خرجت شديت طاكسي باش نمشي للخدمة. وصلت دخلت لقيتو حاط ليا شي حاجة نكتبها بديت خدامة نكتب و نشوف داكشي لي جا جديد نسجلو ، و هو يجي عندي رئيس الموظفين ، غير شافني بدا يظحك يظحك و يشد فيا اينا الناس كبروا اينا اينا ، تبارك الله ، و حشمني ، و هو يقولي دابة عاد وليتي تشبهي مزيان لبنتي حتى هي دايرة داكشي في شعرها ، و مشا شوية جا يجري قاليا نسيتيني كاع كنت جاي نقولك تسيفطي داك الإرسالية ضروري اليوم راه جا خدم السبت و الاحد موحال يجي اليوم يالله خدم اعمو على خاطرك، قلت فخاطري اوااااااااااااااه ضربت تمارة على والووووو، قلت ليه واخة اعمو ، مع أنا مازال كندوي ، وقف علينا المدير ، قال السلام و دخل لكن شاف فيا مزيااااااان عاد دخل،قلت اواه بان ليه التغيير ، شوية جا رئيس الموظفين يجري دخل عنده ، خلعني قلت تفوو ديمة يجيب غير الصداع ما يدخلش شي مرة فرحان و لا ضاحك ، شوية خرج من عنده كيضحك بالتخبية، جا قدامي و كيعوج فيه ، قاليه بعصبية :" شوف اسي فلان الكتابة راه ماشي أي بيرو الا بغيتي تجيب شي بنادم يجلس تماك على الأقل علمني "، قاليه هو:" اسي عمر راني ما جبت حتى حد"، جاوبو هو :" واخة نسولك بعدا على البنية ديال البارح عاد ندويو على المادموزيل لي زرعتيها لي تما ، ما جاتش ولا شنو ؟ ياكمة باقة مقلقة ؟" قالو هو : "علاش مقلقة اسي عمر و هي جاية مبدلة الحالة، هي راه ياله بادية في الدنيا ما عندها ما مقلقها ماشفتيهاش كيف تبدلات من البارح لليوم ، الله يعمرها دار ديك البنية عزات عليا بلا قياس ، والله الا غير من البارح لليوم دخلات لي لخاطري ، المدير ما عاود شدوا معاه . قالي و انا نحدر راسي و نخرج. بقيت شادة من كرشي و نضحك نضحك نضحك حتى دموعي سالوا ، على شوية كنت غادة نسى راني دايرة الماكياج و نبدا نمسح و نقلبها بيلياتشو ، قلبت في الصاك لقيت اختي نسات ما دارتش لي مراية ، ما فكراتش في انني ..... ايوا نضت على وعدي هزيت كلينيكس و مشيت نجري للحمام نمسح في المراية ، شوية صونا المدير و ما سمعتوش ، صونا مرة اخرى جا عمو مسكين يجري عندي قالي راه كيصوني (المهم عمو هو رئيس الموظفين ) وقفت عند البيرو حطيت يدي باش نحل و انا نتفكر شنو طرا البارح و جاتني البكية و الخلعة و رجع لي كلشي و خفت ثاني يبدا يغوت ،كنت غادة نمشي ندير راسي داخلة للتواليت و نخلي عمو هو يجي يدخل عنده. شجعت راسي و قلت صافي نحل بلا ما نفكر في حتى حاجة ،حليت و دخلت وقفت قدامو كنتسناه يبدا يغوت ، شاف فيا و بقا ساااااكت و انا في خاطري كنقول واش كيتأكد مني واش انا و لا كيوجد لي شي معيورة ما دايراش ولا شنو ، شوية قالي :" فين كنتي ؟ " ، قلت ليه : " في الحمام " يتبع... قالي : " واخة هاكي فاكسي لي هادي ضروري للوزارة " ، فنضركم نفرح ولا نبكي ولا شنو ندير اعيباد الله طاح مني النص ملي حل فمو باش يدوي اصلا فشلوا عليا رجليا ، قلت له : "واخة اسي عمر" صافي و مشيت باش نفاكسيها ، ياله وصلت عند الباب نخرج و هو يقولي تسناي امدموزيل ، تبلوكيت في بلاصتي اش بغا يا ربي السلامة و مادموزيل من الفوقي ياله البارح كنت برهوشة ، ضرت نشوف واش بغا ، قالي : "هاكي حتى لاكارت ديري بها كوبي و فاكسيها هي و الباسبور" ، قلت : مزييااااااان نيت نشوف شحال عنده من عام ضرني راسي من جيهتو ههههه"، قالي : " جلسي راني كنسكاني فيها بلا ما منبقى ندي و نجيب فيك " اواه آش كنسمع جلست ما عاودتهاش معاه هههه ، جالسة و ما متيقاش راسي ، جلست و مكمشة في بلاصتي و كنتسنى فيه يقولي نوضي تكعدي لبيروك ، منين جاب هاد الظرافة منين طاحت عليه اسيدي ربي ، شوية جبدها ومدها لي قالي هاكي عافاك ، نبغيها توصل دابة إن شاء الله ، خديتها و مشيت ، وصلت عند الباب عيطلي مادموزيل عافاك عافاك اجي قراي لي هاد النمرة راه خاصني نعمر واحد المطبوع تاع الفيزا باش تفاكسيه حتى هو، و ما جبتش معايا النضاضر ديال القرب ، اول حاجة تارت انتباهي هي النضاضر ديال القرب أو مازال صغير كيفاش مشاو ليه العينين ، وثاني حاجة هي انه ما مدش لي الورقة بقا حاطها فوق البيرو يعني خاصني نضور و نجي من حداه باش نقراها ليه و هو حاطلي صبعو على الورقة زعمة ها فين واحل أنا، ايوا اش غندير ضرت وفقت حداه ، اليوم اول مرة نشوفو مزيان.... البارح مع دخلت حشمانة وهو شوية كان معصب و عينيا كانو مضبين بالدموع ما شفتش فيه مزيان ، جاني واحد الإحساس غريب ، حسيت بالدفئ و بالأمن ، ما عرفتش كيفاش....لكن بصح ملي قربت منو ما كيخلعش كيف ملي كتشوفو من البعد، ملي كتقرب كتحس بيه هادئ و دافي و حنين وملي كتبعد كيبان ليك غير الطشاش ههههههه ، غير هو عينيه دائما فيهم واحد الحزن ما فهمتوش ، كي البارح كي اليوم كي معصب كي فرحان عينيه طاغي عليهم الحزن فاضحينوا ، المهم مشيت من جيهته نشوف شنو باغي يقرا هو حاط صبعو فوق الكتابة ماشي تحتها ، ما خلاش لي منين نشوف و هو حال فمو في الكمبيوتر كيتسنا في نملي عليه ، نقوليه حيد صبعك ابنادم راه ما كتنشوفش حتى انا ؟ و لا نهز ليه صبو؟ ما جاتش نقرب ليه ليديه، تكيت باش نطل على الكتبة من ورا صبعو ، ياله غنبدا نملي عليه نشوف بالنمرة بالنمرة " 1 ....7.." و عيني ما تشوف إلا النووووور، ما عرفتش اش طرا و ما حسيت بالنتفة منين جاتني، ماحيلتي نبكي ولا نفك شعري و لا نتفكر اش طرا ،ميييمتي المشاكيل دائما تابعينني ، و دائما أنا السباب ، تحنيت نقرا الزمر نسيت راه شعري مطلوق مع انا مولفة يا الظفرة يا الشفنجة ما عمرني طلقتو الا لا بغيت نمشطو، اش داني لشي ميش و لا صالون ، المهم هو ما شاف والو غير بغا يدور يكتب داكشي لي كنملي عليه تخبل ليه شعري فيديه مع الخاتم و جرني واااااااحد الجرة ، واااااااحد الجرة، واااااااحد الجرة لي ما نساهاش المهم هو حالف يجرجرني و صافي ، انا ما حسيتش مع الحر ديال النتفة تبعت شعري لقيت راسي قربت ليه لوجهو حشمت حشمت حشمت و بقالي شوية ونطيح ليه فوق الكرسي مشكيييييلة ، جريت ليه يديه بالزربة باش تبقى قريبة لراسي باش نقد نوقف ، وقفت و تبعني ، جريتو بلا ما نحس حتى بعدت على البيرو باش ما نبقاوش مزاحمين و قراب بزاف لبعضياتنا ، وعينيا ما سكتوش دموعي سايلين بلا ما نحس، و كنشوفيه عن قرب و هو كيحاول يفك يديه بالزربة و طوالت عليا ديك اللحظة و انا كنشوف ليه في عينيه وهو كيشوف لي في عينيا و انا كنبكي باقة ما برداتش النتفة ، فك يديه اخييييرا و انا غادة نقوليه سمحلي لقيته مد يديه كيحك لي في البلاصة لي كنحك فيها وباين فيه متأثر وقالي : ضريتك آ بابا ضريتك آ بابا"، " بابا ! اش كنسمع ؟ ماهذا يا هذا ؟ " ، و أنا بالخلعة و الصدمة قلت : " ليه سمح لي اسي عمر راني ما مولفاش نطلق شعري اخر مرة نطلقه " ، قالي :" لا لا جاك زوين هاكا غير خليه " ، ما تيقتش راسي بغيت نتأكد ، قلت ليه : " نعم اسي عمر؟ "، قالي بالزربة و بحال الى مصدوم من داكشي لي خرج من فمه : " كلشي مزيان كلشي مزيان خاص غير الواحد يكون مرتاح ......" و شي هضرة مخربقة، و هزيت دوك الوراق لي خاصهم يمشيوا فاكس لقيت كل وحدة لحتها فقنت، يتبع.... خرجت مشيت حطيت دوك الوريقات و جلست نستوعب الأمر، و نجمع راسي و أفكاري ، ونرجع الفيلم من الأول ، ماعرفت واش نضحك ولا نبكي ، نفرح ولا نتفقس ، اش ندير ، قلبي فرحان و راسي ضارني ، قلبي فرحان حيت تعامل معايا مزيان و شفت فيه الجانب الانساني و شفته عن قرب وحسيت بيه ماشي هو الشخص ديال البارح، و راسي ضارني ، ضرتني النتفة و ضرتني ديك بابا ، واش واحد يقولي عمو ولاخر يقولي بابا ، هداك اذا قال لي عمو راه عمو نيت راه راجل كبير و انا قد وليداتوا ، و انت مالك أش دخلك مع مالين الدراري ، خلاص عليا كلي خدمتك و رجعي ليه وراقيه خلاص دابة يوريك الوجه لاخر ، فاكسيت دوك الوراقك و نضت دقيت باش ندخل نعطيهم ليه ، لويت شعري للجنب و شديته بيديا لا ندير شي شوهة اخرى، دخلت حطيتهم ليه فوق المكتب و هو كيشوفيا و يضحك كنقول مالو هادا تسطى ولا مالو ، تفكر شي حاجة ولا كيهروه ، الحمد لله المهم يكون ضاحك ماشي مغوبش ، أنا غادة نحل الباب و هو يقول لي غير طلقي شعرك ، درت نشوف واش هو لي هضر ولا كنحلم ، لقيته كيوريني في يديه قالي راه حيدت الخاتم ، ٍ " اووووه ما هذا قلبي الصغير لا يحتمل" درت جيهت الباب ويدي ما قدرتش نحركها ما قدرتش نطلقوا ما تقيقتش راه قالها لي ، حليت الباب و خرجت عاد طلقته ما قدرتش نطلقه قدامو ،خرجت نجري مشيت جلست في بلاصتي ، كنترعد بالفرحة لا لا واقيلة خلعة ، شوية تفكرت ويييلي رجعت ليه الوراق بلا ما نشوف فوقاش زايد ، وأنا نبدا نقلب في الكمبيوتر و في البكية نقلب و نحك في بلاصت النتفة و سااهية ، ما حسيت بيه حتى وقف عليا ، ما سمعتو لا ايمتا خرج و خبط الباب لا ايمتا وقف لا اشنو قال ،بدا يكحب زعمة انا هنا ، درت عنده و يدي فوق راسي و نحك بحال القردة ههههه ،و هو حابس الضحكة بحال الا كيشوف فشي كلون دخلني الشك قلت ياكما رون وجهي ثاني ، ما حسيتش حتى قلت ليه: " اش بغيتي ؟" قالي هاكي هادو صيفتيهم بالبريد دابة " ، و مشا ، خديتهم نجيرهم في ظرف باش نعطيهم للسيد لي مكلف ، بانو ليا وريقات ديال الفيزا، قلت مع راسي جااااابهم الله حتى لعندي ، جبدت نقرا فوقاش تزااااد ، و الصدمة كانت قوية كـــــانت قوية ، السيد عنده 42 سنة ، ما بايناش فيه ولد الحرام ، بيني و بينه 19 سنة بسيف ما يقولك بابا انت راه يقولك ماما ماشي بابا ، وسديتهم و رجعتهم. و بعثهم للسيد لي مسؤول على البريد ، وبقيت في بلاصتي لاوية و مصدومة و عينيا نصفهم مسدود و نصفهم محلول ،بقيت جالسة نتسنى الوقت يوصل باش نخرج في حالي ،خرجت عند الباب لقيت الشيفور كيتسناني وصلني للدار ، قلت ليه حطني غير قريب قالي لا راه سي عمر قالي وصلها حتى للدار، و سولها معاش كتخرج الصباح با تجي ليها ، تصدمت اواه ما جا فين يخرج فكر ووصى الشيفور باش يديني و يجيبني و منها يعرفني في كنسكن ، ايوا دخلت للدار دوشت و تكيت باش نتساراح ، لقيت ماما وجدات لي الماكلة ، جالسة و كنفكر في ديك 42 سنة ما تسرطاتش لي، لنفرض عنده هاد العمر خاصو يكون مزوج ، اذا كان ما مزوجش كاين مشكل ، يا عندو مشكل يا عندو مشكل، و هو ما باينش فيه كبير ، اه فيه شوية الشيب في اللحية و جاه غزاااااال ، لكن ماشي لدرجة 42 ، تكون عنده حتى 37 و نصرطها لكن 42 بزاف عليه ، كليت ديك الماكلة و انا مرفوعة باغة غير وقتاش تدخل اختي و نعاود ليها ، غير دخلات تلاحيت نجري عندها ، هههههه هي حتى هي هربات و سدات عليها عرفات راسها ما كاين لا كوتي لا تدواش لا مشيت حتى شديتها ، قالت لي من ورا الباب راه فيا الجوع ناكل و نهضروا سيري حطي ليا الماكلة بينما نبدل ، انا مشيت للكوزينة نوجد ليها و هي تحل الباب و خرجات تجري للحمام و سدات عليها ، بقيت نضحك عرفت راسي قجرت عليها ، المهم تسنيتها حتى دوشات وحطيت ليها تاكل، وجلست نعاود ليها و هي تضحك نعاود و هي تضحك ،المهم خاصك تبكي و صافي ، وحدة كتبكي كل شوية اش بغيتيه يعيط ليك مادام ، راه تصاوب معاك ملي قاليك بابا ، خاصو يقولك بيبي ...... و عصباتني و انا نضربها بمخدة حتى وحلات ليها هههه ، وليت نجري نعتق في المصيبة دابة تموت ههههه ، و بقينا داوين ، و جاتها عادي عنده 42 ، قالت لي راه هما هكاك هادو لي لاباس عليهم ما كيبغيوش العلاقات الجدية كيبغيوا غير يدوزوا الوقت و يمشيوا ، ما باغين مسؤولية تاع بيت و ولاد و الصداع لاش منو ، ولكن ما دخلاتش لي لراسي هاد الهضرة . انا قلبي كيحس بالواحد اذا كان خايب و كنحس بالواحد اذا كان طيب و هداك سي عمر انا متأكدة من انه إنسان طيب و بزاف ، المهم حاولت باش ما ندخلوش لراسي و ما نعمرش بيه وقتي ، انا دخلت نخدم ما دخلتش نربط العلاقات، بقينا هاكاك ، خدامين مدير و كاتبة ، واخة انا عاجبني لكن خفت نتعلق بشي وهم و انا القلبي ساااهل باش يدخل ليه الواحد و صعييييب باش نخرجه، دازت تقريبا شي شهر هكاك ، واحنا في النظرات ههه و اذا شاف عندي شي راجل و هو خارج ولا داخل ما يرتاح حتى يصيفطه فحاله ، سوى يسوله شكون انت و لا يقوله اش بغيتي و لا ما عندك خدمة ولا أي حاجة المهم يجري عليه و يخنزر فيا يتبع... و حتى انا بلا ما نحس ملي تدخل عنده شي وحدة كنبقى داخلة خارجة عنده بالوراق حتى تمشي في حالها و هو كيضحك حاس بشي حاجة ما شي هي هاديك بحال لا فيا سريسرة هههه . واحد النهار في العشية لبست سيرفيت و سبرديلة و درت كاسكيت و الكيت في ودنيا درت يديا في جيبي وخرجت شوية ندور قريب البحر، أنا مولفة نمشي للبحر حيت قريب للدار،و كنرتاح نفسيا فاش كنشوف البحر و السما و كنشوف الناس كيلعبوا مع وليداتهم، و أنا غادة في الطريق لمحت بطرف عيني سي عمر ، وبديت نضحك قلت او بديتي تخيليه كاع ، ضرت شفت مزيان بانت لي ماشي الالاوطو دياله ، كملت الطريق غادة و كنسمع في اغاني كيعجبوني و كنشوف في الناس و هو يضحكني واحد الولد كيلعب مع خوه ولا ما عرفت ولده ، كيعلم فيه فنون القتال و جلست و بقيت نتفرج فيهم ، شوية كنحس بشي حد كمسني في كتفي ، هزيت عينيا كيبان لي السيد ما كنعرفوش ، حيدت الكيت ، قلت ليه: " نعام اسيدي باش من حق تحط عليا يديك "، قالي:" من قبيلة و انا كنهضر و ما جاوبتينيش "، أنا :" إذا ما جاوبتكش سير فحالك لا داعي لأنك تمسني "، وهو يجاوبني : " أولا سمحي لي على التصرف ، و ثانيا انا بغيت غير نتعرف عليه " ، انا : " سمح لي اسيدي بغيت نجلس بوحدي و ما مستعداش نتعرف على شي حد " ، هو : " غير سمعيني و ما تفهيمين غلط و ما تحكميش عليا من خطأ واحد " ، ياله غادة نجاوبوا وقف عليا واحد قاله :" سمعتي اشنو قالت ليك ياله ديكاج "، وانا حيت اصلا ما كنتش كنشوف في الولد لي كان داوي معيا حادرة راسي حتى يبانوا لي رجلين تاع كلب واقفين ، هزيت عيني بالزربة لقيت سي عمر واقف و كيخنزر في الولد و هضر معاه باش يمشي في حاله، ودار عندي : اش خرجك انت في هاد الوقت؟" ، انا : "اشمن وقت راه ياله 6 دالعشية ياله اذن المغرب " ، هو: " بحالك راه خاصهم يكونوا في الدار مخشيين في المانطة و كيتفرجوا ،اذا تلقى ليك شي حد هنا شنو ديري غتبداي تبكي عليه ؟" ، عصبني عصبني ، ما عرفت باش نجاوبوا كنت غادة نعايروا حتى تفكرت راه المدير ديالي ، ما جاوبتوش عطيته بظهري و مشيت ، قالي : اتسناي نوصلك" ، جاوبته : " كنعرف الطريق " ، ماحسيت بيه حتى جرني من يدي وقفني ، وقالي : هضرت معاك كوني تسمعي ،ياله نوصلك " ، قلت ليه : " مازال باغة ندور ياله جيت انا " ، قالي : اجي نتمشاوا في الرملة حيت باغي نطلق الكلب باغي يلعب "، ايوا هبطت انا وياه للرملة و بقينا حاجة تجبد حاجة ، فين قريتي، فين مشيتي ، شحال عندك ديال الخوت ، نعاود ليه على القراية المشاغبات ديالي والضحك و كلشي و هو كيسمـــع ليا،واحد اللحظة و هو يقولي : " عاودتي لي على كلشي و حياتك العاطفية شنو خبارها ؟" بديت نضحك و قلت له : لاباس عليها كتسلم عليك " بقا كيضحااااك و هو كيضحك و انا ســـاهية فيه ، ما عرفتش واش نتيق قلبي ولا نتيق احساس اختي و تجاربها كونها اكبر مني و انضج مني، و قلبي كيقولي ضحكته فيها البراءة وعينيه فيهم واحد الحنان إذا أمكن نقول ما شفتوش إلا عند ماما، و هو يسكــــت وقالي : باركة ضريتيني في كرشي ما بقيتش نسولك"، وهو كيضحك ما شافش واحد الحجرة هرب عليها البحر و هو يعفط عليها تلوات ليــــه رجليه، " جات الحزينة تـــفرح ما لقـــات لهااااااش مطرح " و و مسكين يغوت اييي و جلس في الأرض ، و أنا تخلعت و نسولو و نعاود مالك مالك ، حيت ما شفتش ااش طرا حتى طاح للأرض ، بزز باش قالي الحجرة الحجرة رجلي تلوات رجلي تلوات ،انا ما عقلتش على راسي ما بقيت عقت عليه لا راه مدير لا راه راجل لا حتى حاجة، ما حسيت حتى نترت ليه يديه و جريت ليه رجليه حيدت السبرديلة و التقاشر و بقيت كندلك ليه فيها و هو مقسح و ما راضيش يغوت بقيت ندلك ندلك و نحرك فيها ليمين و ليسر لفوق لتحت واحد الوقيتة سمعته سكـــت و كيشووووف فيا،و انا ندور عينيا في الجلسة لي جالسين لقيت راسي مربعة و حاطة ليه رجلو فوق فخدي وهو مسرح ليا على خاطرو، عاااطيني رجليه بحال الا انا الكسالة لي شاداها ليه ماماه ، و انا نوض دفعت ليه رجليه حتى قلبتو اللور ههههه ، قلت ليه : "نوض على سلامتك وليتي لاباس ياله بسلامة " ، وخليته و مشيت ، حشمت من ديك الجلسة لي جلست و لكن بصح تخلعت عليه بقات غير البكية لي ما بكيتش ما نقدرش نشوف شي حد كيتألم و كون كان شي حد في بلاصتو بامكاني نساعدو بشي حاجة ما نتعطلش عليه، يتبع.. و هو ينوض تبعني يجري و كيعيط على الكلب يتبعه ، قالي :" تسناي نوصلك " ، قلت ليه : "راني كنعرف الطريق"، قالي : " راه هضرت معاك ما كنبغيش نعاود الهضرة " ، قلت فخاطري هدا مالو تسطا و كملت طريقي و هو يجري الكلب و قف قدامي ما عاودتش معاه الهضرة، وقفت نتسنى سي عمر يكمل لبس سبرديلته ،و بقى سي الكلب واقف عليا حتى جا سي عمر و اختكم واقفة بحال الفار كتسنى ، و صل عليا و هو يشدني من دراعي و تم غادي بيا ، و فكرني في أول نهار ديال الخدمة و طلع لي الدم ، حيت يدي بالزربة - و قلت ليه: " عنداك يحساب ليه راك مدير ديالنا في الخدمة و في الزنقة حتى هي،راه حدك الخدمة" ، - قرب لي حتى لحدى و دني و جاوبني : " انا مدير ديالهم هما في الخدمة وديالك انت في الخدمة و في الزنقة و في أي بلاصة "، - انا : "علاه شكون عطاك الحق؟" ، و انا راه كون قرب شوية كون يسمع قلبي كيخبط بالخلعة. - هو "انتي " - انا : " فاش تعاقدوا معايا ما قالوش لي هاد الهضرة" - هو : " لا لا هاد التعاقد ابتداء من اليوم " - انا : " لالا ما متافقاش " - هو : " انا من هاد الناحية ديكتاتوري ما عندك فين تهضري" وصلنا قدام باب الدار جبدلي البورطابل من جيبي دوز نمرتو صونا على راسو و قالي هاي نمرتك عندي و من اليوم ما كاينش الخروج بوحدك، ياله الدار و مشى ، و هو غادي حتى غوت بالجهد قالي:" سجلي نمرتي انا سميتي عمر"، شوهني في الدرب ، طلعت للدار نضحك غير بوحدي ، و مخلطة في الدعوة ما عرفت نفرح و لا نخاف و لا كيفاش نفهم هاد التصرف ، من ناحية رتاحيت و فرحت و من ناحية خفت يكون مجرد استدراج ، حيت الطريقة باش كيهضر معايا بحال الا شي حد متأكد و حاس براسو راه حتى وحدة ما ترفضو. وانا من قلبي ما كرهتش تكون بصح شي حاجة بيني و بينه و ما كرهتش يكون يحس بصح بشي حاجة تجاهي . دخلت للدار لقيت اختي شاااااادة التيليفون مع خطيبها و كنتسنى فيهم يساليوا شش ندوي معاها و نعاود ليها هههه . جلست نتسنا فيها و كنسمع اش كيقولوا . جاني عااادي برود . و هضرة زايدة ناقصة صافي عارفة ديالو و عارفاه ديالها ما كاين حتى شي جديد و انا ما عنديش مع الركود في العلاقة عزييز عليا داكشي ديال الافلام ، مد و زجر في العلاقة . ايوا ملي سلات بسلامة بسلامة جوتيم ، جوتيم اوسي بحال داااائما نفس الهضرة . ايوا قلت ليها اااااااجي امك نعاود ليك اش طرا ، ملي خرجت رانيي تلاقيت بسي عمر، هي :" ايوا زيدي" ، انا :" ايوا تمشينا و دوينا و اختك معصكعة باقي السيد ياله جبد حياتي العاطفية و هو يتعكل بحجرة تلوات ليه رجليه وما حسيتش حتى لقيت راسي مربعة وباركة ندلك لسي السيد في رجيلتو و هو كيشوووف. و عاودت ليها كلشيي من النفخة لهاديك ديال مديرك للنمرة للغوتة." شااافت في و قتلت لي :" صااافي ابنتي غايجيبك يجيبك. ملي قالك هاكاك و تصرف هاكاك يعني قالك جمعي راسك راك ديالي بلا هضرة بلا صداع".و ناضت توجد العشا و خلاتني نخمم كي الهبيلة . لبست بيجامتي و خرجت جلست في البالكون يضربني البرد بكثر التفكير سخنت ههههه . ماجيت فين نقاد جلستي وصلني ميساج. " ياك قلت لك الزنقة بوحدك لا". ما عرفتش النمرة ديالمن . جاوبته: " شكون معايا عافاك" ، ما تعطلش هو يعيط :"الو" انا :"الو شكون معاييا " ، هو :" كيفاش شكون معايا هاديك النمرة قبيلة ما سجلتيهاش." قلت ليه:" اااا نسيت هههه سمح لي ". و هو يجاوبني مقلق :" نسيتي....!!! ولا خفتي نمرتي تزاحم شي نمرة عندك، ما تخافيش اذا ما بغيتيهاش مسحيها" قلت ليه و انا كنضحك : " لا لا و الله ما كاينة شي نمرة "، قالي : " اه باينة . ياله تصبحي على خير و سد الخط" و انا جاتني الدوخة ملي تقلق مني و بغيت نعيط ليه نقوليه راه ما كاين حتى حد وما رضييييتش. بقيت شحال وانا وافقة نطل من البالكون والو ما عرفتش واش هو لي شافني ولا سيفط شي حد يراقبني. عيت و قلبي ضرني وعرفت راسي ما غاداش نعس الا مادويتش معاه.وانا نسيفط ليه مسج قلت :" ليه فينك  ". و هو يجاوبني هاديك الساعة :" قلت لك سيري دخلي" و دخلت تكيت في بلاصتي حتى داني النعاس. فقت الصباح كيف العادة هبطت نتسنى الشيفور ما جاش . يتبع.... الجزء10 و انا نمشي نشد طاكسي بلا دصارة حتى حد. دخلت جلست في بلاصتي . قديت داكتي لي خاصني نقدي . شوية و هو يدخل سي عمر خنزر فيا و دخل و انا نخنز فيه حتى انا مال التخنزير بالفلوس. شوية و هو يصوني لي دخلت و هو يعطيني بزاف ديال الوراق شي يمشي فاكس ، شي فوطوكوبي هزيتهم و ما شفتش فيه ، مالو غير جوج كلمات حبس عليا الشيفور شلا ما عطاني. ياله غادة نحل الباب لقيته واقف حدايا دفع الباب بيديه سدو و دار دار جيهتي و قالي :" علاش ما تسنيتيش الشيفور؟" ، جاوبتو حتى انا ماتعطلتش :" نصف ساعة و انا كنتسنى بغيتي نتسناه عام؟ و لا حتى قلتي ليه ما تمشيش ليها و عاودتي بدلتي رأيك؟". هو بقا حال فمو :" كيفاش قلت ليه ما تمشيش ليها اش كتخربقي . قريتي المسج لي سيفت ليك ولا لا" ، انا :" اشمن مسج" ، و هو يطلع وااااحد نفس وقال لي :" راه بصح ما غتكونيش قريتيه . واش لي ما ممسجلاش نمرته تقراي ميساجو؟ ما بعيدش تكوني مسحتيه " و انا نجبد البورطابل. لقيته بصح الميسج مسيفطه وقالي ما تخرجيش حتى يقدي شي حاجة و يجي لك.بغيت نوريه المسج راني ما مسحتوش و نوريه راني سجلت نمرتو و و مارضيتش . غادي يحس براسو ولا يقول صافي درتها تحت باطي.انا شفتو مريض ما قدرتش حتى نقوليه ما يكون عندك باس. ولكن راه وليت كنخاف منو واش ياله عرفتو ياله شفتو كنفكر فيه النهار كامل و الليل كامل كنبغي نشوفو ولو ما يهضرش غير نشوفو و صافي و كيعجيني فاش كيغير عليا و فاش كيبغي يتحكم فيا كنفهم انه كيقولي انت ديالي ولكن رغم ذلك ما نقدرش نقوله شيي حاجة مادام ماقالي حتى حاجة نيشان. خرجت من المكتب ديالو و انا كنفكر فيه كيفاش ضربو البرد والباررح كان لاباس عليه. غير هي في الليل كانت الضبابة داكشي علاش ضربو البرد و تأكدت من أنه كان واقف قريب من دارنا و هو لي كان مراقبني . وبقىى فيا بزاف و بغيت ندخل نقوله سمح ليا ضنيت فيك سوء و ماقدرتش. شوية و هو يخرج شاد من راسو ، ما شافش فيا ما ضسرني. نضت طليت عليه من الشرجم حدايا كبيييير داز بالالاوطو هز عينيه شافني و دور وجهو .قلبي بغا يخرج من بلاصتو. تسنيتو يرجع في العشية و نقوله سمح لي .ما جاش و ما دواش معايا حتى في البورطابل. وصل الوقت خرجت لقيت الشيفور كيتسنى ركبت . قالي بنتي راني جيت الصباح و ما لقيتكش ولكن جيت معطل حيت مشيت قديت شي حاجة لسي عمر. قلت له ماشي مشكل وطولت عليا الطريق وليت خاصني غير ايمتا نوصل للدار . وصلت طلعت دوشت و جيت تخشيت في بلاصتي ما كليت ما شربت ، مرة نبكي مرة نضحك. جات اختي طلات عليا وبدات تضحك :"صافي جاتك الحالة" . ضرت للجيهة لاخرى و كملت بكيتي حتى داني النعاس . فقت الصباح فطرت و لبست بالزربة و هبطت نتسنى الشيفور بغيت غير ايمتا نوصل باش نشوفو و نقوله سمح لي ما قصدتش البارح غير مع تقلقت . دخلت جلست نسنى 9.30 .10 د الصباح وباقي ما جاش 11 شوية 12 او مالو ما جاش .مشيت عند عموا سولتو قالي راه عيط لي قالي رد البال راني ما جايش فيا السخانة من البارح ضاربو البرد . نااااااري حرام عليه و ما قالي والو ، علاش سيفط ليه هو و انا ما قالي والو،مشيت تكمشت في بلاصتي ما بقاتش الهضرة بغات تخرج لي ،حسيت بالخنقة و البكية و ما كرهتش كون كنت حداه نقابلو و نرد ليه البال، دوزت النهار غير بزز ، وكل مرة يدخل شي حد يحسابلي هو ، ناااااري على نهار ، وحتى تجيني البكية و نصبر راسي، نقول صافي راه الغد يدخل مالو شحال قدو يبقى مريض، يخ كون غير ما كانش مقلق مني، كون ما يبقاش فيا الحال ، وصل الوقت الخروج لقيت ، الشيفور كيتسناني ، ركبت معاه وصلني ، الطريق كاملة و انا ساكتة ، هو يسول و يدوي ويضحك و انا مغيبة كنفكر غير كيفاش نتصالح معاه بلا ما نهبط من كرامتي ، ما رضيتش نمشي نقوليه سمح لي ، قلت مع راسي يدخل غدا و نهضر معاه عادي ما نخنزر فيه ما والو. دخلت للدار دوشت كيف العادة ، كليت و جلست نتفرج، شوية طلباتني اختي نخرج معاها نتقداو للعرس و للداكشي لي غتدي معاها لدارها ، العام كامل و هي توجد كل مرة تتفكر حاجة عصباتني ، المهم لبسنا و خرجنا مشينا ندوروا ، دخل لهاد الحانوت خرج من هاد الحانوت ، دخل لهاد القيسارية خرج من هاد القيسارية ، قيسي هادي زوينة لا خايبة قيسي هادي لا طويلة لا مزيرة لا لونها خايب ما تختار لك الحاجة حتى تندمك ، ولكن كيعجبني الحال نشوفها فرحانة و متحمسة للعرس و ناشطة و كنخمم كيف غادة ندير ملي تخوي عليا الدار و تمشي عندو كتجيني الغيرة ههههه، بالحق غادة نبقى نبرزطها ديما نمشي ، المهم اختي بقات دور بيا حتى خرج خطيبها من الخدمة و وصل علينا هو واحد صاحبو ، وراتو اختي داكشي لي شرات و هو يبدى يضحك قالها بينو و بينها و فين داكشي يتبع. الجزء11 قالت ليه هي سكت غتسمعك سلوى لايمسخك ، صـــافي و انا نفهم ، درت راسي ما سمعت والو ، و هو يجي ليا كيضحك معايا و يخربق لي فشعري و يقوليها :"هاد سلوى هادي راه باااقة صغيورة ،ما تعرف وااالو " ،و هو عزيز عليا و مهلي في اختي و كيبغيها و صابر ليها على هبالها ، لكن اختي حتى هي وفية لواحد الدرجة ما كتصورش ، صبرات معاه حتى وقف على رجليه وما فرطاتش فيه ، و هو عارف بحقها ، هههه هي في الصراحة حنا سلعة وحدة كنبغيوا بصدق ما كاين التفلية ههههه،غير المشكل الوحيدة لي عند اختي انها وكاااالة وخا ما باينش فيها مع كتريني هههه ،غير بانت ليها واحد البيتزيريا و هي تعرص لينا قدامها في الجوع فيا الجوع ،قالها زيدي ندخل ونيت نتعشاوا عاد نمشيوا لكن غير بلاتي من بعد الزواج نخرج منك بيتزا بيتزا ، دخلنا جلسنا كل واحد خدا شنو بغا اختي مامسالياش ليا مشغولة مع راجلها هههه ، وانا لقيت راسي مجبرة انني نعطي وقت لعصام السيد لي خدام مع كريم راجل اختي، كناكلو و نهضروا كيف غادة مع الخدمة ، كيدايرين الناس لي معاك ، المهم حاجة تجبد حاجة ، شوية وصلني مسج ، خديت البورطابل كيبان لي عمر لي مسيفتو فرحت فرحت ، حليتو لقيته كاتب : " باقة تهزي عينيك فيه غادي نجي نخسر لمو وجهو،و هاداك كريم الا مازال يمسك غادي نحيد لمه يديه من الكتف " ، و انا نجاوبه :" ما يحسابليش المدير ديالي شمكار وجزار،زعمة راك راجل بعقلك ماشي باقي صغيور راه عنك 42 عام ، ماشي ديالك هادشي"، ما عاودش جاوبني، صافي حتى انا كملت الهضرة على خاطري، كلينا و سالينا و خرجنا وصلونا حتى الالاوطو ديال اختي ركبنا و رجعنا للدار. بدلت و تخشيت في بلاصتي ، حطيت راسي على المخدة و بديت نفكر كيفاش هو مريض و كيفاش تابعني و شافني و شنو هاد التصرف الصبياني و عنصري ماشي ديال مستواه ، ما تخرجيش بوحدك ما تهضريش بحال الى احنا مزجين و هو حتى كنبغيك ما قالهاش لي،شوية كنقول مع راسي شنو كنخربق شنو كيبغيني ما كيبغيني راه راجل بعقله هاداك ياكما يحسايليك ولد مدراستك قدك قده تفهميه و يفهمك راه بيناتكم زوج اجيال موحـــال واش تتفاهمي معاه ، و انا ياله بديت في الدنيا باغة نضحك و نلعب و نخرج وندير داكشي لي ما كنتش نديرو وقت القراية ،هو بان لي صافي شبع من هادشي بغا يسد البيبان و الشراجم، و بقيت نهضر مع راسي بحال الهبيلة حتى نعست ، وفقت تاني الصباح للروتين ههههه، فطرت و لبست و ماكيت مزيااان و شفرت لاختي واحد الصبيبيط ابيض ياله شارياه ، حيت ليوم غادي يدخل سي عمـــر هههه، هبطت كيف العادة لقيت السيد كيتسناني ركبت مشيت....،دخلت للمكتب ديالي كملت شي خدمة ما قدرتش نخدمها البارح لأن راسي كان مخربق و ما قدرتش كاع نكتب و لا نرتب شي حاجة،و كل مرة نطل على راسي في المراية : "زوينة لا زوينة ههههه" و نتسنى .....نتسنى ......نتسنى والو السيد ما بغا يجي ، شوية جاب لي رئيس الموظفين شي وراق خاصهم يتسناوا من طرف المدير اليوم ولا الصفقة ما تدوزش ،ضروري خاصهم يمشيوا اليوم للخزينة، ملي سولته مالو ماجاش قالي :" مازال مريض" ، قلت ليه : "اواه كيفاش مريض و البارح ...."، و شوية كنت غادة نبدى نتسرسب عليه و نقوليه :" اااااجي جلس نعاود ليك اش طاري و اش جاري ههههههههه"، قلت ليه :" ايوا شنو ندير عيط ليه قل ليه راه شي وراق ضروري خاصك تسنيهم ، قال لي : لا اهووووي انت الكاتبة انت دوي معاه ولا سيري عنده كيف كانت كتدير زكية " ، قلت ليه :"فين نمشي عنده " ، قال لي : "لداره راه لاسقة غير هنا دوزي من الجردة و راه العساس يدخلك ، عطي الوراق للخدامة وتعطيهم ليه " ، قلت ليه :" هي لي ما تعاودش نييييت باغة نشوفو توحشتو " هههه غير في خاطري ،ايوا ايواااا وراني منين ندوز و دخلت من الباب الخلفي لي منو كيدخل لمقر العمل ، لقيت العساس.... قلت ليه بغيت سي عمر... بقا غادي معايا يوريني منين ندوز ، و انا حادرة راسي مقابلة غير صباط اختي لا نوسخو ليها تشوهني ، مع بانوا ليا ياله راشين الما في الجردة دنيا فازكة ،غادة و العساس قدامي و انا حادرة راسي شوية حتى يبانوا لي رجيلااااااااات الكلب ، ايييييييه الكلب ، و انا نجري جرية وحدة تلاحيت عليه عنقته واحد التعنيقة ما طلقته و سديت عينيا و تخشيت فيه باغة نتخبى من الكلب و الكلب ولد الحرام ما سكتش، شوية كنحس بيديه كتحيد لي الشعر على عينيا و كيقولي "calme toi seloua " اويلي العساس كيقول كالم توا يتبع.....، الجزء12 مايمكنش ، شوية بديت نرجع للوعي و شميت الريحة ، ماااااااشي ريحة العساس ،هادي ريحة الاكسيجيييين ديالييي، اويلي شكون هدا.....؟ سي عمر...؟ ويلي على حشمة ويلي على شوهة ، حشمت مابقيت عارفة شنو ندير،ماكرهتش كون بقيت غير في المكتب ديالي ياك هو جاي جاي ، غادة نهز عيني فيه نشوف شكون ، واخة راني متأكدة شكون، و هو يقولي: "توحشتيني جاية تشوفيني؟ عرفتك غادة توحشيني داكشي علاش واخة باقي مريض قلت نمشي للمكتب " ، حشمني ما عرفت ما نقول و انا باقة معلقة بين السما و الأرض ، شفت وحدة مقابلانا من واحد التيراس و كتضحك ، و أنا ندفعو و هبطت قاديت حوايجي بالزربة ولكن ما قدرتش نخرج بقيت لاسقة حداه مع الكلب مازال واقف ، قلت ليه ياله خرجني للباب، قالي ياله ندخلوا للدار ما جاتش جيتي تشوفيني و ما تدخليش ، جاوبتو: "ما جيتش نشوفك، جبت ليك شي وراق يتسناوا " قالي: " بحال بحال اجي ندخلوا" ، قلت ليه:" لا بغيت نمشي وهادي آخر مرة باقة ندخل هنا "، قالي : " اوكي خرجي الى قدرتي "، ومشى غادي داخل و خلاني واقفة ، ما حملتش راسي ، وما حملتش كيفاش تصرف ، وجاتني البكية ... حسيت بالحكرة، تبعته دخل و مابقاش تلفت فيا ، قالي: جلسي نجيب ليك شي حاجة تشربيها " ، حطيت ليه الوراق و خرجت سديت عينيا و دزت نجري من قدام الكلب و كنتسنى فيه ينبح ولا يغوت ، والو لم يحرك ساكنا، وصلت عند الباب ، نــــاري على احساس و على شمتة و على عصاب جاني ، دخلت نجري للمكتب جلست نستجمع راسي ، حيت بصح تلفت و تخلعت تاع بصح ، شوية بدا تيليفوني كيصوني لقيت نمرته ، ما جاوبتوش ، راسي عمر عليا ، شكون هاديك المرا لي كانت كتشوف فينا ؟ تكون مرتو؟ ولا شي وحدة كانت بايتة عندو ؟ولا شنو ؟، لا كون كانت مرتو كون هبطات درباتها ليا شي نتفة فاعلة تاركة ماشي تضحك و تشوف ، و شكون هاديك ؟باينة شي وحدة كانت عندو ، لا لا موحـــــال بــــاينة السيدة نقية و بنت عائلة و زوينة ماشاء الله الشعر طويل و هي طويلة و كلااااااس ،جاتني كتشبه ليه غير هي بيضة اذن مراته ، ولااااااا اذا كانت مراته ما غاداش تضحك ، و علاش بغاني ندخل و ماخافنيش نشوفها و لا مامسوقش، اه مامسوقش هي هاديك ، حيت كون كان مسوق كون راه خاف على مشاعري و ما عاملنيش هاكاك و هو عارفني خايفة من الكلب و استغل هاد النقطة ، هذا لوكان يعرفني نبغيه شنو يدير؟ وبقيت فكرة تلوحني لفكرة و سؤال يلوحني لسؤال ، حتى وقف عليا واحد الولد غزال ، طويل و لابس مزيان و الوجه ماشاء الله عليه ،بلق بلق بلق بحال الى ما عمره شاف الشمس، - هو : " السلام عليكم " - انا : " وعليك السلام اسيدي" - هو : " مسيو عمر كاين عافاك ؟ " - انا : " لا سيدي مازال ما جاش ، كان مريض هاد الايام و مازال ما دخل " - هو : " وي جوسي كان مريض مي دار معايا اليوم الصباح نلقاه في المكتب ديالو" - انا : " ايوا صافي اسيدي جلس تسناه اذا دار معاك غادي يجي راه غادي يجي " و في خاطري قلت تفووو هو كان كان جاي لاش انا غادة نطرطا نطير عندو ، تفووو طيحت من راسي بلا قياس ، شنو غادي يقول عليا دابة ، و طلع لي الـــدم ، وقلت مع راسي صافي مالو يقول لي يقول انا عارفة راسي. هو ملي كيبغي يدير شي حاجة ما كيتسوقش ليا، حتى انا مابقيتش نتسوق ليه ، و انا في عز المفاوضات هههه لقيت السيد لي جالس يتسنى كيشووووف فيا ، ههههه خلعني قلت او يكما قلت شي حاجة بلا ما نحس ، حيت فاش كنبدا ندوي كنسى راسي ههههههه، و انا نشوف فيه و درت ليه بعينيا زعمة ياك ما كاين باس ، و هو يتهز بالضحك و قالي صــــافي ملي درتي لي بعينيك هاديك اللعبة تأكدت بلي سلوى هادي، وما تبدلتييييش باقة حمقة غير كبرتي و زدتي واقيلة في الحماق ، غير هو يقول سميتي و هو يحشمني عرفت راسي شي حد كنعرفو و مع الزهايمر نسيتو هههههه، لكن هاد الزين ما فايتش لي شفتو، قلت ليه :" والله ما عرفتك " ، قالي :"اويلي شوفي مزيان واش حتى الشوف مشا ليك ا لطيف الطيف "، شفت فيه مزيـــان : " فكرتيني بواحد الولد كان عزييييز عليا وما كنتش نتفرق معاه ، وملي غبر ما بقيتش سمعت عليه حتى حاجة "، و عينيا غرغرو ملي تفكرته ، بدا يضحك و قالي : " وديريه في مختفون مالكي ملي عزيز عليك "، انا:" ههههه ما كانتش مختفون ديك الساعة" ، قالي :"انا كنعرف شي حد في مختفون يدوز ليك النداء قولي شنو سميته " ، جاتني الضحكة بلا قياس ونساني فقستي و ضحكني ، قلت ليه : " سميتو احمد مروان ، ياله نعول عليك هههه" ، قالي :"كوني هانية " و انا مازال كنضحك وقف علينا بوعو ديال الخدمة ، شافني نضحك مع السيد ، لاح لي الوراق :" هاكي يمشيوا يتسجلوا دابة و يمشيوا للخزينة "، يتبع.... الجزء13 سلم عليه السيد :"اهلا عمر كي بقيتي ؟ لاباس عليك ؟" ، سي عمر : "لاباس تفضل "، انا هزيت الوراق نديهم ، و سي عمر مشا يحل الباب يدخل ، دار عندي السيد مد لي يديه يسلم عليا ، مديت يدي نسلم ، و هو يشد لي في يدي بزوج يدين و قالي : " مشرفين انسة سلوى" ، قلت ليه :" مشرفين مسيو ..." و حدرت راسي حشمت نسولو ، قالي: " احمد مروان " ، هزيت عيني بالزربة نشوفيه ، لقيته كيضحك معايا ، ما تيقتش راسي ، اه هو..... عينيه .... فمو ..... سنيناتو..... نفس الملامح الطفولية غير هو ولا راجل، تخلعت ما عرفت باش نجاوبو ، و سي عمر واقف مخنزر ما فاهم والو ، كنحس بيه بحال شي كلب باغي يعض شي حد خاصو غير شوية ويتلاح عليه ، جريت يدي و ضحكت معاه ، قالي: "لنا عودة "، و دخل مع سي عمر للمكتب، و خبط علي لاخر الباب واحد الخبطة حتى قلبي كان غادي يوقف ، تفو ..........عنيف الله يرزق السلامة ، شاعل غير بوحدو ، ديت الوراق سجلتهم . و عطيتهم للسيد يديهم للخزينة و رجعت جلست في بلاصتي، وفرحاااانة بزاف بزااااف ،حسيت بنفسي خفيفة وناشطة و رجعني لشحال من عام اللور، و تفكر أيام كان الرأس خاوي باغة غير نقرى نضحك و نأكل،وكنت انا و احمد ما نتفرقوش نحفظوا بجوج نخرجوا بجوج نلعبه بجوج، ما عرفتش علاش غبر و ما عمرو سول فيا ملي مشا عند باباه لفرانسا ، ما عاودش تفكرني، رغم أنني كنت عزيزة عليه بزاف. شوية و خرج هو سي عمر يضحكوا ، و شاد ليه من كتفوا و يقوليه : " صافي نعول عليك " ، و احمد كيضحـــاك: " صافي كون هاني تجي تلقاني سيزيت كلشي هههههه" و شاف فيا احمد و دار لي بيديه باي باي و مشا ، ما حسيتش حتى عيطت ليه وفيا الخلعة : " احمد " ، دار لعندي زعمة اشنو؟ ،درت ليه بيدي تيليوفك ، حيت الفم لي يهضر ما بقاش عندي ، وما حشمتش قدام سي عمر حيت في واحد اللحظة خفتو يغبر ثاني و ما نعاودش نشوفوا. ما بقيتش فكرت لا شنو ممكن يقول عليا ، لاحتى حاجة، قالي : " ااااوييي سمحي لي بزاف ، عطيني تيليفونك باش نعطيك رقمي الخاص ،حيث الكارت فيزيت فيها غير النماري ديال الخدمة"، عطيتو بورطابلي دخلها وصونا على راسو و رجعوا لي و قالي: ياله نبقاوا على اتصال"، وسي عمر واقف مصمك حال فمو ما فهم والو ، و ما عمروا شافني زعيمة لهاد الدرجة حيت عارفني كنحشم، جاتو بحال الصدمة ما عرف ما يدير، وهو يجر احمد باش يخرجوا، صافي ومشاوا . ورجعت جلست في بلاصتيييييي، و كنشوف في نمرة احمد و فرحااانة ، ههههههه كنشوف فيها بحال إلا كنشوف في تصويرته، و هو يجي رئيس الموظفين عندي - قالي: " شفتي تبارك الله الشباب " - قلت ليه :"شكون؟" - قالي: "سي احمد نائب المدير " - جاوبتو مبهوظة :"نائب المدير ؟" - قالي :" اه راه مشا معاه سي عمر يوريه المكتب دياله و هو لي غادي يشد الادارة الشهر الجاي ملي غادي يمشي سي عمر لفرنسا " - نقزت من بلاصتي مخلوعة : "شكون لي غادي لفرنسا " - هو : " و قلت ليك سي عمر " - أنا :" غادي يمشي فحالو بمرة ؟ " و كنتسنى فيه يقولي اه باش نسخف ههههه. - هو : " واااالا انت مالكي ، راه عنده شهر تكوين و يجي ، و سي احمد غيجلس في بلاصتو حتى يجي ، ويرجع للبوست ديالو ". شوية داز سي عمر مخنزر دخل للمكتب و صونا ليا ، قلت لعمو سمح لي نشوف شنو بغا....... ، دخلت عنده... سديت الباب، درت حادرة راسي ههههه ما عنديش الكمارة لي تشوف فيه ههههه ما حاملاش نشوفيه و خايفة ما عرفتوش اش غادي يقول و منين غادي يبدا خلاتها ماما " يخ منو عيني فيه " هي هادي ها انا باغاه ها انا ما حاملاهش، ما حسيتش بيه حتى وقف حدايا ، مد لي يديه : طلقكي داك المشقوف . انا : " اشمن مشقوف ؟" سي عمر : " راك عرفتيني علاش كنهضر " انا : " اش بغيتيه مالك ياك لاباس ، شفتك وليتي كتصرف بغرابة، شنو هاد التصرفات الصبيانية؟" سي عمر :"التصرفات الصبيانية هي لي غادة تشوفي دابة " و خدا لي التيليفون بزز يتبع... الجزء14 انا : " اش بغيتيه مالك ياك لاباس ، شفتك وليتي كتصرف بغرابة، شنو هاد التصرفات الصبيانية؟" سي عمر :"التصرفات الصبيانية هي لي غادة تشوفي دابة " و خدا لي التيليفون بزز يتبع..... شد لي يديا و لصقني مع الحيط بحال إلا شاد شفار و جبد التيليفون من الجيب و دورني لاحني فوق الفوتوي و قالي :" جلسي حتى نسالي ". جلست نشوف فيه و هو كيقلب و ما حملتش كيفاش تصرف معايا ، كمل على داكشي لي بداه الصباح، بقيت كنشووووف و هو كيبقشش و كيقرى و كشوف التصاور و كنفكر مع راسي ،قلت هدا ما كاين بيني و بينو والو وشوف شنو كيدير، من بعد غادي يولي يضربي و لا يشير بيا من السراجم ،تعصبت وصبرت حتى عييت و قلت ليه : " انا ما نقدرش لهادشي، خلي ليك هداك التيليفون ربح بيه" ، و نضت نخرج و هو يوقف حبسني بيديه و قالي بالنفخة :" جلسي حتى نكمل"، ترزعت ثاني فوق الفوتوي و حابسة البكية بين سناني،جلست شي ربع ساعة و هو يقلب و يبقشش و يرون ،شوية جا عندي ،عطاه لي وريح حدايا وما قادش يهز فيا عينيه ، قلت ليه :"صافي ساليتي اسيدي نمشي؟" ، جاوبني و هو كيشوف في الأرض :" شنو بغيتي نمرتو ؟"، بقيت ساكتة ما جاوبتوش، شاف فيا و قالي :" لوكان غير لقيت نماري تاع رجال ولا ميساجات و لاتصاور ولا أي حاجة على شي واحد كنت غادي نبرد ونقول راه مولفة تهضر ، وانتي عندك غير البنات ما كاين حتى راجل ، كيفاش زعمتي عليه و زعم عليك حتى بغيتي نمرتو ، شنو عجبك فيه من المرة الأولى؟"، و كيغوت و كيهضر بحال شي واحد كيبغي شي وحدة و حطمات الامال ديالو و انا عجني الحال واخة بقا فيا ،لكن كنفضل نشوفو قوي وراجل على انني نشوفو مهزوم ، حيت ملي بغيتو بغيت ديك الشخصية القوية ديالو ، الغلط لي فيه هو حب التملك الزائد و كينسى راني مازال صغيرة و مانقدرش نتحمل السجن ديالو، انا الثقة عندي من الأولويات ، اه يغير عليا لكن يثق بيا، إذا دويت معاه و قلت ليه شي حاجة يعرف راني ما كنكذبش ، خليتو كيغوت و ما بغييتش نعطيه راس الخيط حتى نشوف شكون لي غيتهرس ليه الراس فينا، ما غاداش نقوليه راه احمد صديق طفولتي، خليتو يغوت و نضت باش نخرج و هو يوصلني مسج جبدت نقراه لقيت احمد مسيفط لي "beauté ! jai une surprise a toi " بديت نضحك ، و هو يخطف لي التيليفون قرا المسج ، و هو يخبط لي التيليفون وااااااااااحد الخبطة حتى تشتت و بدا كيغوت : " ايمتا بديتو بغيت غير نعرف، شافك دقيقة ...... دقيـــقة شافك"،بقيت مصدومة حالة فمي ،وكنسول فراسي واش هادا كيبغيني ولا غير كيتخيل ليا ، ما فهمت والو ، زبلة تابعة زبلة ،كعية تابعة كعية ، غوات تابع غوات ، واش كيجرني عندو و لا كيجري عليا، ما دويتش بقيت غير كنشوف فيه و خرجت بحالي باش نهز قشي و نغبر لدارنا لأنني وصلت لحدي صافي ما قدرتش نزيد شي حاجة أكثر اليوم، تبعني يجري للمكتب ديالي ، لقاني كنشوف فواحد البوكي ديال الورد احمر محطوط حدا الصاك ديالي و معاه شكلاط و واحد الكادو مغلف ، فرحت فرحت فرحت و بقا فيا الحال ما فهمتوش ، قلت كان باغي يعترف لي بمشاعرو و انا لي استفزيتو، شنو فيها اذا قلت ليه راه احمد صديق قديم .... اشنو غادي يوقع ، درت ...ابتسم ليه و هزيت واحد البطاقة مع الورد لقيتو كاتب فيها " عيد ميلاد سعيد ياوردتي " ومكتوب للتحت (احمد) ، جبهتي بدات كتحرقني طلع لي الطونسيو ههههههه، واش أنا عيد ميلادي ناسياه و باقي احمد مفكرو، هزيت كلشي عنقته و خرجت ما تسوقت ليه و ما شفتش فيه.... ، و هو يهبط يجري تابعني في الدروج و كيغوت بشوية لا يسمعوه الموظفين : " وقفي سلوى .... تسناي سلوى "، وقفت نتسناه شنو باغي يقول ، و هو يهز ديك البطاقة قرا شنو مكتوب فيها و شافيا بحال شي مخلوع ولا مصدوم من شي خبر : " اليوم عيد ميلاك ؟ سمحي لي ما كنت عارفو اليو م " ، جاوبتو :"ماشي مشكل بحال عرفتي بحال ما عرفتيش، كادوك وصل "،كنتسنى فيه يرجع البطاقة لبلاصتها مع يدي عامري ما عنديش كيفاش ندير ، وهو يكمشها مزيــــان و رماها في الأرض وبقا كيخنز كيخنز ، حتى انا ما كنتش من العاكزين حطيت داكشي من يديا و هزيت الورقة وسرحتها مزيان ورجعتها لبلاصتها و هزيت داكشي و خرجت.......،تبعني تاني للباب : "تسناي يوصلك الشيفور"، ما درتش شفت فيه ، و بقا تابعني، وانا ما قدرتش ندور نشوف فيه ،حيت عينيا عامرين بالدموع واخة فرحانة للمفاجأة ديال احمد ، تمنيت لوكان عمر هو لي دارها لي ، كانت غادة تكون عندها طعم ااااااخر،غادي يزيد معايا شي كلمة غادة نبدا نبكي و ما بقيتش نرضى نبكي قدامه، و انا عند الباب و عمر مورايا ، لقيت احمد جاي داخل، قالي :" فين غادة دابة، "، قلت ليه:" للدار" وغير قلتها ليه والدموع هبطوا يجريوا بحال الا كان خاصني علامن نبكي، ما سولني لا علاش لا والو ،عارفني حمقة هههههه ، يتبع..... الجزء15 مسح لي دموعي بيديه بجوج وباس لي فوق راسي و قالي :" صافي انا جيت " ، و فكري فاش كنا صغار و كانت ماما ماكتخلينيش شي مرة نخرج و تقولي راه هو يجي عندك ، و ملي كيجي كيلقاني نبكي كيبوسلي راسي و كيقولي صافي انا جيت. و هز لي داكشي لي متقلة بيه ، وقالي :"ياله نوصلك " ، مشيت معاه حدا السيارة ديالو لاح لي داكشي فواحد الكارطونة في اللور فيها بزاف ديال الكادويات ن قلت ليه واش غادي و كتفرق في الكادويات انت باب نويل ، بدا كيضحك و فتح لي الباب ركبت و سد الباب و دار هو باش يركب ، قالي :" ياله نعتي ليا ، راني عرفتكم تحولتو ، مشيت للدار لقديمة لقيتكم بعتوها"، بديت نضحك و نعت ليه فين يمشي ، والطريق كاملة و هو يضحك فيا ، ما سكتش من الضحك، قلت ليه :" و الله انت الى هدية من عند ربي هاد العام ، عرفتيني مخنوقة داكشي لاش جيتي ياك ياك ياك......." ، قربنا للدورة ديال دارنا و انا نقشعت عمر تابعنا بالالاوطو، درنا... دار ورانا... وقف بعيد و بقا مقابلنا ، هبط انا و احمد باش يجبد لي شغلي ههههه،و انا نهز عيني و نعثت ليه البالكون ديالي ، وقلت ليه:" ياله دخل "، قالي:" ضروري "،قلت ليه ماما راه دائما كتقولي : "واحد احمد واش باقي عايش "، هز الكرطونة كاملة و قالي :"هادي كاملة ديالك حتى طلعي و شوفي اشنو فيها" ، وقفنا انا وياه صونيت على الدار باش تحل ماما و هو يهرب ههه ، قالي :"لا ما يمكنش نجيها على غفلة ، حتى نعيط ليك و نقولها ايمتا نجي راه مابقيناش دابة دراري صغار". حلات ماما الباب لقاتني وافقة انا و الكارطونة ، قالت لي :"ويييييلي فلوس الشهر طرطقتيهم "، بديت نضحــــاك قلت لها : "دخلي دخلي بعدا راه غير فابور هادشي غي صدقة ، ههههه "، دخلت انا وياها الكارطونة حتى للبيت و ربعت حداها و بديت نجبد كل كادو مكتوب فيه سنة ، بقيت نجبد نجبد نجبد ،لقيته مسكين كل عام كيشري كادو يكتب فيه السنة و يحطه ، كل عام يشري واحد يكتب فيه السنة و يحطه ، كان داير بحساب غادي يرجع شي نهار للمغرب ، مسكييين و انا لي كان يحساب لي نساني و مشا بحالو ، ولقيت معاه رسالة كاتب لي فيها انه ما نسانيش و اني صديقته المفضلة لي كنت دائما في جنبه و لي كتعرف نقط ضعفه وقوته وجميع اسرارو و لي ما كيحشمش يعاود ليها شي حاجة لي تهبط من قيمته و انه كيبغيني بزاف ،وفرحت و طرت في السما وشكرت ربي لي رجع لي اخي الثاني مرة اخرى لأنني بصح كنت مفتاقداه و هو لي غادي يعمر عليا حياتي من بعد ما تتزوج اختي و تمشي عند راجلها، نساني العصاب لي عصبني عمر و نساني الاساءات لي اساء لي بتصرفاتو ،شوية وانا نتفكرو كان تابعنا و انا نوض طليت ، لقيته متكي على الاوطو ديالو ، غير طليت دار لي بيديه هبطي، دخلت ما تسوقتش ليه ، شنو بغا ثاني، صافي من اليوم هو مدير و أنا كاتبته ما نعرفو ما يعرفني، جمعت دوك الكادويات كل حاجة حطيتها في بلاصة باش يبقاوا يبانوا ليا و حتى البابيي كادو طويتو و خزنتو هههه ، ما سخات عليا حتى حاجة من ريحتو فرحانة بيهم ، عاد نضت بدل حوايجي و حطيت صباط اختي مسحتو ورجعتو لبلاصتو،مسكين دوز معايا نهار طويل ، دخلت دوشت و خرجت لبست بيجامتي ، درت شي حاجة ناكلها و جلست نتفرج ،شوية كنسمع كلاكسون ، طوط طوط طوط طوط ، وحدة تابعة وحدة ،نضت نجري ،طليت لقيته عمر ، كيدير لي بيديه هبطي ، قلت ليه:" لا" ، قالي:" هبطي ولا نصوني في الدار "، قلت ليه:" صوني كاع هادشي فيك زعامة" ، وهو يجي يجري حدا الباب و انا نتخلع ههههه ، نــــاري يشوفو بابا اش نقوليه. خرجت نجري حفيانة خرجت، قلت ليه:" شنو بغيتي اسي عمر" ،قالي:" بغيت نهضر معاك "، و حسيت بيه مصمم يهضر ديك الساعة،ما عنديش فين نقوليه لا و لا نهرب، قلت ليه:" تسناني نبدل حوايجي و نجي" ، طلعت بدلت عليا البيجامة و لبست حوايجي و هبطت، لقيته مازال واقف في بلاصتو ،كيشوفيا و كيضحك ،قالي :" كون بقيتي غير بالبيجامة وداك الشعر فازك...كنت جاي طالع لي الزمر للراس ...شفتك تلفت ونسيت كلشي،" ، قلت ليه:" ما تبقاش تضحك معايا ، ما بيني و بينك والو ماسوقكش فيا نهبط باليجامة ولا بالجلابة ، غادة نهبط معاك تقول داكشي لي باغي تقولو و نساليوا من هاد الصداع،" و خنزرت و هبطت سبقتو، تبعني بالالاوطو ، ركبت معاه ومشينا ، الطريق كاملة و هو ساكت ، ما تسرطاتش ليه ندور فيه بهاد الطريقة ، مشى حتى وصل لواحد الريستو ، سكت الالاوطو و قالي ياله نهبطو، بقيت جالسة قلت ليه : " انا جاية نهضر ما جاياش نتسارى و لا ناكل ، جلس قولي داكشي لي باغي تقول " و انا كنهضر صونا ليه البورطابل ، شاف شكون و هو يلوحو ليا قالي هاد الكلب ملي ركبت لاكارت ديالك و هو كيعيط ،بقيت كنشوف بحال الحمقة ما فهمت والو ، اش جاب لاكارت ديالي هنا ، شديت الخط و جاوبت يتبع..... الجزء16 - احمد : "الو " - انا : " ألو احمد لاباس " - احمد : " الو سلوى فينك خلعتيني مالكي ما كتجاوبينيش، عيطت ليك حتى عييت" - انا : " سمح لي حمادة راه كان خاسر. - احمد : "ياك كلشي بيخير ، فينك انت بغيت نشوفك "و هو يسمعو عمر و دار ليا بيديه ندبحك. - انا : " انا خارجة دابة ما كايناش في الدار ملي نجي نعيط ليك اوكيه؟ " - احمد :" اوكيه ، واخة برزطتيني عليك ملي بكيتي قبيلة" - انا : " ما تخافش احمد ، كون هاني غير نسالي نعيط ليك" و قطعت . - عمر : " حمادة كيخاف مسكين ؟ شنو نفهم من هاد الهضرة ؟" وكيشووووف فيا ويخنز - انا : " ما عندك ما تفهم ، هاك بورطابلك و عطيني لاكارط ديالي " - عمر : " اه بو . الكادو ديال السيد لي ياله عرفتيه اليوم قبلتيه بدون نقاش و الكادو ديالي ، مرفوض مسبقا ؟" - انا : " انت ما قلتيش لي هاكي الكادو ، قلتي لي هاكي جاوبي الكلب ، كاين فرق، الا شفتي هو الكادو كيفاش اعطاه لي ، ماشي لاحو ليا و ما قال والو، الطريقة ديال التعامل كتفرق بزاااف و هي لي كتخلي الواحد يراتاح لانسان و ينفر انسان اخر" - عمر : " مافهمتش علاش كتقارني بينو و بيني و انا بزاف عليه البرهوش لي ياله تزاد غير البارح غادي يولي يتزاحم معايا ، بالحق انا لي درتها لراسي" - انا :" انا ما كنقارنش بيناتكم انا غير فسرت ليك علاش قبلت الكادو ، و حتى دابة راه مادرتي لراسك والو ، انا لي درت لراسي الصداع ، لي جاية معاك ، الا ما عندك ما تقول رجعني لدارنا " - عمر :" كيفاش درتي لراسك الصداع " - انا جاوبتو و ما كنشوفش فيه حيت اذا شفت فيه كيبقى فيا و ما كنقدرش نغوت و لا نقوليه شي حاجة ، حيت عنده واحد الوجه برئ ما تقولش هادوك الفعايل ديالو.... - انا: " اه الصداع ، ملي دخلت خدمت اذا لاحظت سيادتك كيفاش كتعاملني ، من أول نهار دخلت وانت الغوات و النفخة والصداع والتحكم ولكن كلشي ننساه الا التصرف ديال الصباح ما نسمحش ليك و ما ننساهش ليك نهائيا". - عمر : " فاش عنقتك ؟ راه انتي لي جيتي تجري و عنقتيني ماشي انا ، وانا ما قدرتش نطلقك بالأمارة خشيتي نيفك في الكول ديال الشوميز و لا ما عاقلاش على راسك" و هو يفكرني الزبلة لي درت و جاتني الضحكة و ما بغيتش نضحك معاك ، حيت بصح مع الخلعة بغيت نتخشى فيه لقيت نيفي في القاميجة هههه بحال الا غدة نحل الصدفة و نتخشى ، و جمعت الضحكة و جاوبتو - انا :" ماشي على التعناق و زيدون انا ما شفتكش انا مشيت نجري عند العساس" - عمر : " باركة باركة من العياقة ، انت غير غبرت عليك يومين جيتي تجري لعندي" - انا : " مسيو عمر باركة من التفلية ، انا كنهضر على كيفاش خليتيني واقفة و انت عارفني خايفة من الكلب و استغليتي خوفي و دخلتي ، و انا كيفاش غندخل عندك و انت بوحدك ، ما كنتش كنتسنى منك هاد التصرف خصوصا من راجل بعقلو بحالك ، اذا مولف الكاتبات يدخلو عندك انا راه ماشي بحالهم واخة نكون كنحماق عليك ما نطيحش من قيمتي لهذه الدرجة " - عمر: " اولا: ا مادمزيل سلوى ، انا كنت متأكد من أنك ما غاتدخليش لأنني عارفك ، واخة كيما كتقولي ما بيناتنا والو ، هاد اليومين لي دازو حفظتك و عرفتك ممكن اكثر من راسك ، ثانيا: انا عارف الكلب ما غادي يدير ليك والو مادام دزت انا وياك من قدامو غادي يشوفك في الزنقة يجي عندك، وانا درتها ليك اكسبري باش تحدايني و ترجي من قدامو وحدك ، ثالثا :انني ماكاينش في الدار بوحدي كاين معايا الحاج و الحاجة الوالدين ديالي الله يخليهم لي ، رابعا :و هو الأهم حيدي من بالك انه كيجيوا عندي الكاتبات للدار، زكية بوحدها و لأنها مرأة معقولة و مزوجة كانت الوحيدة لي كنقوليها اذا كانت شي حاجة مزروبة جيبيها لي ، و ممكن تسولي أي واحد على أي حاجة علي غادي يجاوبك نفس الأجوبة . بقيت كنشوف في الهضرة ديالو قنعاتني و ما خلا لي منقول ، و ما رضيتش يسكتني ههه دائما خاصني نقلب ليه على شي حاجة هههه ما لقيت ما نقول بقيت حادرة راسي وانا نقوليه . يتبع... الجزء17 - انا : "و علاش كتبقى تقولي جيتي حيت توحشتيني ما توحشتيني ؟" - عمر : " ما توحشتينيش ؟ ما خليتش بلاصتي كاع ؟ قولي الصراحة، ياله قلتيلي واخة نحماق عليك ، يعني قربتي هههههه" ضحكني و ما كنبغيش نضحك قدامو ، بزز حبستها ، حيت الخانز بالزربة كيقلبها معايا.. ما متنتيقش فيه... واحد الوقيتة بقا ســــاكت وكيحك في لحيتو مع داير شوية اللحية و هو يضور قالي - عمر : "سلوى سمعيني غادي نهضر معاك كود بلا تفلية بلا دوران بلا ضحك و ما تقاطعينيش ....، انا كنبغيك ... و بغيتك تكوني ديالي .... و ديالي بوحدي .... ما غاديش نقولك غادي نجي نخطبك غدا ولابعدو ، عندي ظروف خاصني نقادها و عاد ممكن تكون علاقتنا في العلن .... شحال و انا ما باغي نقولك والو...حتى تتيسر الأمور و نجي نيشان نخطبك من داركم ، لكن وليت مجبر انني نقولك اش كاين ، لأنني بصح واحد اللحظة خفتك تفلتي من يدي .هدشي علاش فكرت نصارحك. - انا :" مسيو عمر، صدمتيني ما كنت كنتسنى منك هاد الكلام " و انا راني فرحانة ربي لي عالم بيا شحال و انا كنسنى هاد اللحظة هههه و عمر كيشوووف فيا و مصدوم وهو يعطيني واااحد الدقة للكتف :" تي نوضي باركة من التفلية كلاك صدمتيني ، زعمة انت ما كتحسي بوالو تجاهي نسيتي نهار جات ديك نيهاد و لقيتيني حال فمي فيها كنتي غادة تهرسي لي رجلي". و هو يحشمني ما قدرت نقوليه والو فكرني فواحد النهار جات واحد البنت من شي شركة على قبل واحد المشروع ، و السيدة قرطاسة طويلة و زوينة و الشعورات و ضاربة و احد الدجين غادي يطرطق عليها ،ملي دخلات وعمر ما حيدش عينيه عليها و انا داخلة خارجة داخلة خارجة ، واحد الوقيتة بدات كتهضر و انا نبقى واقفة نشوف فيها و كنشوف في عمر حل فمو ، و هي تدور تشوفيا زعمة انا كنهضر معاه و انت لاش واقفة علينا و هو يقولي عمر سليتي سيري حتى نحتاجك و انا نعفط عليه بالطالون واحد العفطة حتى كنت كنتقب ليه سباطوههههه و بديت نضحك و قلت ليه : خليني حتى نفكر و نجابوك ، غادة تفكري واش تبغيني و لا لا هههه واخة ا الحمقة ياله ندخلو للداخل و فكري على خاطرك ، و شدني من يدي و جرني : ياله ندخلوا خلاص . هبطت من الالاوطو كيبان لي الدنيا خاوية ما كيان حتى حد قلت ليه راه مسدود هادا ولا مهجور ، ملقيتي فين تجيبني يا لطيف ، قالي قلت ليك زيدي و سكتي اشمن مهجور تانتي عايشة مع الاطلال.وصلنا للباب و هو يتحل غير بوحدو ،درت عندو نضحك ناااري مسكون كاع هههه..... و غير هو الباب يتحل و انا نحل فمي و بقيت مكوانسيا في بلاصتي بحال الروبو الصدمة كانت شديدة و المفاجأة كانت غير متوقعة من واحد كيجبد غير الصداع و المشاكيل مخاصم غير مع جنابو ، درت يديا على فمي و كنشوف في الدنيا مزوقة والشمع و عبارات iloveyou غير كتشتت ،ما بقيتش قدرت نتحرك ، فرحت و تصدمت وتخلطو عليا الاحاسيس، طلع السيد رومانسي اكثر مما كنت نتوقع ، مريزيرفي القاعة كاملة على قبلنا ، بكيت بالفرحة ما حسيتسش حتى دموعي هبطوا فرررر و انا ندور عندو عنقتو بجهد و قلت ليه كنبغييييييييك ، و هو انا نحس بيه فرح طلع وااااحد النفس حتى صدرو تنفخ ، بحال لا كان هاز شي هم و حيدو عليه، مشينا للطبلة لي موجدينها لينا ، الشميعااات.....و الحلوى... و العصييير... و الورد... و واحد الكادو ما عرفتش شنو فيه ، و انا نقوليه ياك خديتي لي تيليفون اش هادا ثاني و هو يقولي حلي بعدا هادا هو الكادو ديالك ، البواط ما كانتش مسدودة غير مغطية و انا نحلهااااا و انا نلقاااااااه ، وييييي جابلي كليب صغيور هههههه وينيييي واحد الكليب غزيييييول بيض و مزغب و رطب بحال شي نونوس ، قالي باش ما تبقايش تخافي هههه ، و انا نهزو و عنقتو حطيتو على صدري و كندوز عليه يدي و نبوس فيه ، رويحتو فنة فنة فنة ، و انا لقاه كيشووووف فيا و هو يقولي : "باركة و لا غنلوح بوه في الزبل " ، و انا ندور فيه :" حرام عليك مالك مجرم " ، و عنقتو مزيان و هو ياخدو ليا و حطو فالأرض و قالي : "ها بلاصتو خليه هنا " ، و انا يطلع لي الدم : " قلت ليه مالك جايب الكادو و كتحكم فيه دابة راه ديالي ماشي ديالك " و هو يجاوبني : "ندمتيني علاش فكرت في هاد الكادو يخ" العااااار كيغير من الكلب ههههه واعرة هادي ما تسنيتهاش . المهم فرحنا و نشطنا و كلينا الحلوى و غنينا سنة حلوة ، و تعاودنا داكشي لي كنا مخبينو و اتفقنا تبقى علاقتنا في السر لحين تتقاد الأمور لي ما سولتوش كاع عليها ، قلت مع راسي ملي غادي يبغي يقولها لي غادي يقولها ، يتبع..... الجزء18 ما كملاتش شهر عمر جا الوقت باش يمشي لفرانسا للين و ليت غير نخمم صباح و عشية ونهار لي غادي يسافر فيه مشيت بكري للخدمة ، جلس في المكتب ديالي كنفكر كيفاااااش غادي يدوز عندي هاد الشهر بلا ما نشوفو . وااااخة نهضر معاه يوميا ما غنشبعش خاصني نشوفو ضروري ، و احمد مسكين جا في وقتو غادي يخفف عليا شوية واخة ما غاديش يعمر بلاصتو ، بعدا غير يونسني في الخدمة و حتى برة الخدمة. بقيت كنفكر حتى عينيا غرغروا . واحد اللحظة خرج عمر من المكتب لقاني سااااهية وباكية . حتى قرب حدايا عاد شفتو . ما عقلت على راسي حتى نضت نجري عندو عنقتو و بديت نبكي . عرفني علاش ، عنقني و باسني في راسي و قالي : غنهضر معاك كل شوية ، نقول لك شنو كندير صافي؟ عافاك ما كنبغيش نشوفك هاكدا . قلت ليه :" عافاك انت ما تسافرش ، قلبي ما مرتاحش" . بدا كيضحك و قالي ياك كنقولك كتوحشيني ياك " ، سمعت شيي حد جاي بعدت منو بالزربة ، و مشيت جلست و هو خرج مشى للدار يكمل الجميع لي باقي ليه .داز شي ساعة و هو يعيط ، - جاوبتو : "الو ". - عمر : " الو حبيبتي الو روحي و عمري ، عرفتي ملي وصلت للمطار عاد حسيت بللي كنت كتحسي بيه قبيلة، ما كرهتش نرجع بحالي و نبقى معاك توحشتك قبل ما نمشي ." - انا :" رجع عافاك بلا ما تمشي والله قلبي ما مرتاح . عافاك ا حبيبة لاما رجع ، شوف خلي حتى لشي مرة اخرى و سير. " - عمر: " لا ا بنوتي الزوينة راه ضرووري . اما كون راني جـــالس نتخاصم معاك دابة " - انا :" عمر اذا رجعتي ما عمرني باقة نتخاصم معاك وعد " - عمر:" صافي خزني لي الوعد حتى نجي.... ياله عمري نخليك دابة . كنبغييييك و كنحماق عليك، ما تخرجيش بوحدك و ما تهضري حتى مع واحد ، بيزووووووووو" و قطع الخط . و بقيت نبكي بوحدي كي الهبيلة . حتى دخل احمد جايب معاه قشو باش يجلس في بلاصت عمر. شافني حط داكشي من يديه و جا عندي يجري . مالكي مالكي اش كاين ياك لاباس . ما لقيت ما نقوليه . قلت ليه غير شفت واحد الفيديو و بكاني . انا نمشي نغسل وجهي ونجي نعونك ترتب داكشي . مشيت غسلت و جيت دخلت عندو بدى كيضحك فيا كيف العادة . و انا ما باغاش نضحك زائد ما حملتش ندخل للمكتب ديال عمر و ما نلقاهش فيه........ و كنشوف في احمد جلس في البيرو و واخد راحته هههه و ما جااااش معاه . واخة زوين و طويل و مفورمي و لكن عمر عندو هيبة . مهما كتشوفو كيبان ليك همة و شخصية. بقيت مع احمد في البيرو حتى سالى وخرجت نجلس في المكتب ديالي. وراسي مشطون بعمر معاش يوصل و عنداك ما يعيطش ليا . المهم بقيت غير كنتلف راسي بالخدمة باش يدوز الوقت دغية . شوية صونا التيليفون فرحت قلت او دغية وصل .ساعة لقيت غير اختي عيطات باش تقولي ما تخرجيش راه غندوز عندك باش تمشي معايا نتقداوا . قلت لها انت ما غتقادايش ؟ العرس ما بقا ليه والو وانت مازال غير تشري و تعاودي . قالت لي : " دابة نشوفوك انت اش غادة ديري". وصل الوقت خرجت كيف العادة لقيت الشيفور كيتسناني قلت ليه غير سير راه اختي غتجي ليا.بقيت نتسنى فيها . خرج احمد لقاني واقفة، قالي:" مالكي " ،قلت ليه :" كنتسنى في سامية بغات تتقدى لعرسها و قالت لي ما تمشيش حتى نجي ليك." قالي:" صافي اجي جلسي معايا في الطونبيل حتى تجي" . قلت ليه : " لالا غير سير ". جاوبني و كيضحك :" فين نمشي انت حمقة . شوية غادة تقطع الرجل من هنا و تبقاي غير بوحدك". قلت ليه: " انا نعيط لها نشوفها فين واصلة باش بلا ماتبقى حاصل معايا ". عيطت لها قالت لي شدي طاكسي و جي عندي في القيسارية لي فيها الخياطة ليي كنخيط عندها . قلت ليه:" صافي غير سير انا نشد طاكسي". ما دواش معايا شدني من يدي و داني لاحني في الالاوطو :" زيدي نوصل بلا هضرة خاوية . فين عمر كانت بيناتنا الحسابات. ياكمة تبدلت عليك ؟ ولا بنت ليك راني مدير بصح . راه احمد باقي هو احمد . انا:" لا احمد ماشي هكاك اخويا . غير ما بغيتش نبرزطك ما عرفت اشنو تابعك. احمد :" العادي بيناتنا هو تسوليني واش عندي شي حاجة الا ما عنديش نوصلك ماشي تفكري و حلي غير بوحدك." المهم غادين في الطريق و نتناكرو فكرني غير في الصغر داااائما على اقل حاجة خاصنا نبقاوا نتناكروا ههههههه يتبع..... الجزء19 وصلني للقيسارية. قلت ليه اجي سلم على سامية راه ما شافتكش ملي جيتتي . دخلنا للقيسارية . غير شافتو اختي و هي تعرفو ماشي بحالي انا شحال و هو داوي معايا . اهلا حمادة كيف داير لاباس عليك . كبرتي تبارك الله و هو يبدا يضحك قالها انت راك عرفتيني اما اختك راه تسوطاوا ليها الفيزيبلات لا عينين لا عقل . قلت ليه شوف راني كنحتارمك غيرر حيت المدير ديالي. اما نوريك . المهم ما خلاتوش اختي يمشي قالت ليه تسنى حتى نسالي باش ندير ليك البحث على هاد المنفى لي كنتي فيه لا برية لا تيليفون ههههه. المهم اختاريت انا وياها التكاشط واحمد اختارلي تكاشطي حتى هو مزاحم زعمة ما نجيش غير هاكاك حتى انا مشارك. خديناهم و خرجنا من القيسارية . قلت لاختي فين طونوبيلتك قالت لي راه عند الميكانيسان داكشي علاش قلت لك شدي طاكسي راه طرا فيها شي مشكل في الطريق جاب الله كنت قريبة ليه. قالها : " احمد صافي احسن راه معايا الاوطو ديالي ، ياله انا عارض عليكم اليوم باش نتحتوا على خاطرنا ". و احنا في الطونوبيل و هو يعيط عمر شفتو وخزنت التيليفون . ما عرفتش كيفاش غنهضر معاه و هو ما باغي حتى حد يسيق الخبار . و حتى اذا هضرت معاه ما غداش نهضر على خاطري و غادي يسمع صوت احمد ما غادي يتقلق. الطريق كاملة و هو يصوني حتى وصلنا لواحد المقهى هبطنا خليتهم زادوا قدامي و جاوبتوا . - انا:" الو عمر على سلامتك احبيببي" - عمر :" مال صوتك مخلوع كنحس بيك ماشي هي هاديك ." - انا:" لا ماكاين والو غير مشطونة كنت كنتسنى فيك تعيط . كي وصلتي ". - عمر:" داكشي علاش جاوبتيني دغية .ديري اتصال فيديو نشوفك راني معيط ليك فيديو وانت اكسيبتيتي اوديو " نااااري اش غنقوليه هههه غير هو مشا و انا دايعة ههههه يا ربي دوزها على خير - انا :" واخة حبيبة ما شفتوش تسنا ندير الكيت " ، و انا راني شفتووووو و ما عندي كي نديييير . اكسيبتيت الفيديو و هو يشوفني في الزنقة و طاح الظلام . - عمر :" انت خارجة ؟ باينة مشطونة ، اش خارجة ديري؟" - انا: " بدينا عمر بدينا ياله وصلتي " - عمر : "اه بدينا حيت ملي وصيتك قلت ليك ما تخرجيش بوحدك" - انا :" ما خارجاش بوحدي ا عمر راني مع اختي كنت معاها عند الخياطة ." - عمر : " فيناهي ما بانتش ليا - " انا :" عمر ما كتيقش فيا ولا شنو الا ما كتيقش فييا غير نساليوا هاد الصداع احسن " - عمر:" واش دخول الحمام بحال خروجو .دوري نشوفف اختك" - انا:" شفتي نقولك واحد حاجة ما غاداش نوريها ليك و ادا بغيتي تيق تيق ما بغيتيش سوقك هداك. انا غندخل عندها نتعشاو عاد نمشيوا" . و قطعت عليه وليت كلي نترعد بالخلعة ناااري و يشوف احمد .تفو لاش لصقات عليه حتى هي ما لقات غير اليوم دخلت عندهم و عمر كيصوني كيصوني شي 10 مرات متابعين . ما جاوبتوش و هو يصيفط مسج: "سلوى شكون معاك انا عارف معاك اختك ما غتكذبيش عليا و لكن معاك شي حد اخر ما بغيتينيش نشوفو. سلوى انا ماشي دري صغير راه ما تدوزيهاش عليا . معاك هاداك الحمار لي خدام مع راجل اختك؟ غير ديري فيديو نشوف شكون ولا ما غايعجبك حال" ما حملتش راسي ملي قريتو ههههه عرفت راسي برهوشة نيت بغا يقولي داك الجامع ليي قريتي فيه راني ريبتو هههههه. عارفني كون كانت غير اختي بوحدها كنت غادة نوريها ليه بلا ما نبقى نتفلسف عليه..... ناااري معامن انااااا. ماعرفت باش نجاوبوا خليتو و احمد داها فيا ما مرتاحاش قالي مالكي مرفوعة قلت ليه غير ضاراني المعدة شوية و صافي ، و اختي ملي دخلنا و هي تبحث و تسول فيه. و انا كنضحك و كنسي في الخلعة . و هو يوصل مسج اخر قلت اش جاااا ما فرقو معيا اليوم . الحاجة لي زوينة فيه هو انه ما كيعياش . المهم عندو يوصل لداكشي لي بغا و السلام. ملي شفت المسج تصدمت و طلع لي الدم .صيفط لي تصويرة ديالو ماعرفت بار هداك ولا شنو او وراه وحدة لابسة واحد الميني قصيـــرة و صدرها كلو خارج برا. عصبني عصبني كون كان قدامي كون قتلتو، غير شفتها وهو يعيط و انا نخرج بالزربة جاوبتو. يتبع..... الجزء20 - انا:"شكون هاديك؟" - عمر:"شكون معاك ؟" - انا: "شكون غادي يكون معايا ا الموسخ ، بانتي على حقيقتك، خاصك غير السبة؟ واشتي حتى انا ما نقولش ليك شكون معايا باش يبقى ضارك راسك " - عمر:" هي في الصراحة قلبي لي ضارني ، باين لي غـــادي ندي معيا هاد الوسخ ندوز بيه الليل باش نترخى و نعس مرتــــاح" - انا :" اوكي احبيبي هههه سير بالصحة بان لي حتى انا غانمشي نشري بحال ديك اللبيسة نلبسها لهادا لي معايا باش نكونوا متعادلين " - عمر : :" تزيدي كلمة نجي لامك اليوم نخلي عشتك انت و الكلب ليي داوية عليه" - انا:" ايوا شنووو يحساب لك غير انت لي تعرف . على الاقل انا راه غادي يكون اول واحد . ما غاديش يتنسى لي . اما انت راك غير واحد من مليون موحال واش حتى تعقل عليك في الصباح " - جاوبني معصب معصب :" سلوى ماكنضحكش معاك والله ما نرحمك " - انا : " صافي سير خليني نمشي قبل ما يسدو الحوانت " قلتها ليه و جاتني الضحكة ، كيعجبني نفقصو هههه ، وانا راه عمر و كنحشم منو عاد نمشي مع واحد ما كنعرفوش. جاوبتو و سقلت بحال الا صافي ما بقيتش كنسمعو ، و هو يبدى يغوت ..... - عمر : "سلوى ....سلوى جاوبي ما تقطعيش ...... سلوى راه غير خدامة في القهوة ما كنعرفهاش ....سلوى جاوبي " و انا كنسمع و كندير راسي ما سمعتش و حابسة الضحكة ، واحد اللحظة سمعت شي حاجة تهرسات وشي حد كيغوت عمر اش كتخربق طلق الكاس، عمر صافي راك هرستيه حل يديك.و انا نبدا نغوت - انا : " عمر .... عمر جاوبني انا كنسمع ..... عمر مالك؟ ...... عمر جاوبني عافاك راه الخط باقي دايز...عمر.....عمر.....عمر " علا شحال عاد سمعني حتى قلبي بغا يسكت بالخلعة و انا ما زال كنسمع في السيد لي معاه كيغوت باش يديوه يديروا ليه الاسعافات - عمر :" الو....كتسمعيني ؟" - انا : " الو حبيبي انا معاك ، عمر دير فيديو نشوفك عافاك ، عمر اش هاد الفعايل واش حماقيتي" دار لي فيديو باش نشوفو.غيرشديتو و هو يقولي - عمر : " سلوى وريني شكون معاك " - انا : " عمر ما كاين حتى حد ، وريني يديك عافاك راه جاتني السخفة حرام عليك علاش هادشي علاش. - عمر : " سلوى وريني شكون معاك " و بدا كيغوت شكون معـــــاك . قلت لي ليها ليها نوريه و السلام و انا ندور الكاميرا عند اختي - انا : " ها شكون معايا ا...الحيوان ، وريني يديك نشوفها " ودورت الكاميرا لعند سامية ....حتى كتبان لي جالسة بوحدها، تصدمت و فرحت قلت الحمد الحمد لله (من زهري احمد ناض غير للتواليت و يرجع) و بديت نغوت عليه باش يوريني يديه حيت بصح تخلعت و جاتني الدوخة ، كنتخيل الكاس داخل ليه في يديه ما قدرتش نستوعبها. دور لي الكاميرا و شفت يديه كلها دم او واحد ما عرفت شكون شاد ليه يديه مورك ليه على العرق باش يكف ليه الدم. رجليا ما بقاوش قادين يهزوني ما كرهتش كون نطير و نوصل لعندو ، بقيت كنشوف فيه و كنبكي ..... كنبكي ..... كنبكي : - انا : "حرام عليك ا عمر... حرام عليك اش هادشي... اش هاد المستوى ...اش هاد الزمر... واش انت مريض في مخك ولا مالك... واش حماقيتي ؟ شنو وقع كاع . انا خارجة مع اختي درت شي ذنب انا " - عمركيضحك و كيهضر معايا بحال السخفان : "غير باش تعرفي راه كنبغيك " - انا : "اشمن حب ا عمر كتدوي عليه ، كون كنتي كتبغيني غادي تعرف راك بهاد الفعايل كتآذيني ما كتفرحنيش ، أنا ما كنبغيش نشوفك مريض ولا مهموم، كنبغي نشوفك دائما ضاحك و لاباس عليك" - عمر :" حتا انا حبيبتي ، كنموت عليك و ما كنتصوركش تكوني مع شي حد من غيري " - انا : " وشكون قالك انا غنكون مع شي حد ، انا غير استفزيتيني بديك التصويرة و ديك الهضرة لمسمومة بغيتيني نبقى ساكتة ، حتى انا جاوبتك" - عمر : " تسناي ا حبيبتي راه كيسولوا فيا ماعرفتش مالهم " - انا : " عمر ما تقطعش عافاك ، خليني معاك " يتبع..... الجزء21 - عمر : " انا معاك...... انا معاك عمر ديك الساعة كان وصل للكلينيك و كيديروا ليه في الاسعافات ، وسمعتهم كيسولوا فيه واش متبع شي دواء حيت الدم ما كبدش ليه ، و هو يقول للطبيب لا راني عندي السكر............ يـــاربي و غير انا نسمعها و هي تجيني الموت و بقا فيا الحال فشلت ، جلست في الأرض و كنقول علاش تعاملت معاه هكاك ، ولكن ما كنت نقدرش نقوليه راه معايا احمد ، كان غادي يتخاصم معايا...... اللهم نتخاصموا ولا هاد الحالة ..... - انا : " عمر ....الو عمر .... عمر فينك " - عمر: " ها انا حبي ... انا معاك " . - انا : " سمعتك قلتي للطبيب فيك السكر .... واش فيك السكر " - عمر : " اه ... ما فايتش قلتها ليك ؟" - انا : " لا ما عمرك قلتيها لي ..... علاش ما قلتيهاش ليا علاش" - عمر : " هههه بغيت نقولبك حتى نتزوجوا نقولها ليك " - انا : " من ايمتا و انت مريض ، علاش ما قلتيهاش ليا . سمح لي عمر والله ما كنت عارفة ، عافاك سمح لي" - عمر : " سلوى نخليك حتى لشوية و نهضر معاك بغاني الطبيب " - انا : " اوكي عمر انا كنتسنى تسالي و هضر معايا" مسحت دموعي و تسنيت شوية برة باش عينيا ما يبقاوش حمرين.و دخلت لقيتهم سالاوا الماكلة و سالاوا الهضرة قلت لهم ياله نمشيوا راني عييت و جاني البرد، صافي وصلنا احمد للدار، دخلات اختي و بقيت انا شدني احمد يسول فيا . - قالي : "مالكي اليوم ما عجبتينيش ، معامن كنتي كتهضري و وجهك كيتبدل لشحال من لون و لون ، شي امووغ هادا هههه " . - انا : " هههه اشمن اموغ حتى انت الله يهديك راه غير البنات صحاباتي شاديني بالهضرة ما خلاوني حتى نجلس على راحتي ، سير سير خليني نطلع ننعس راه الليل قصير " - احمد :" ياله نتمنى تكون هضرتك صحيحة ، تصبحي على خير " دخلت لقيت اختي كتسناني في الجردة ، قلت لها مالكي الجاسوسة ، قالت لي لايمسخك راني غير كنسنى فيك ما بغيتش ندخل و نخليك دخلنا و بالي مشطون كنستنى غير وقتاش يعيط ليا ، طلعنا وريناهم التكاشط …..نقيسوا و نعاودوا و كلشي فرحان و انا بحال المصدومة ما حلات لي حتى حاجة …..، وماما تبارك الله على بناتي….. تبارك الله على الزين…..، واحد اللحظة و هو يقولي بابا سلوى بنتي …خاصك تعرضي على المدير ديالك ..هو مكبر بيك و عاطيك الشيفور يديك و يجيبك ….خاصك واخة غير تجامليه بيها ، يجي و نتعرفوا عليه ....، و انا مرفوعة سمعت غير المدير ديالك و انا ندور بالزربة عند بابا قلت ليه : شنو عيط …؟ كيعيط ؟… و هي اختي تخرج فيا عينيها زعمة جمعي راسك، و انا نزرب عليه ، ااااه نعيط ليه ...نعرض عليه ... واخة راه في فرنسا دابة حتى يجي ... و موحال واش يجي في الوقت .. يقدر يلقى العرس فات ، و هي تقولي اختي لا على حساب القاعة اذا لقيناها عامرة راه نأجلوا العرس ، و هو ينوض ليها بابا يغوت اشمن قاعة ، عرس البنت كيكون في دار باها ، مال شكون كاين غير العائلة و الفيلا قد الخلا و الجردة كبيرة ، اختي تكمشات هههه ما عودتش جاوبت بابا. طلعت لبيتي و خليتهم، طويت تكاشطي و بدلت حوايجي و كنتسنى في عمر يعيط ليا....بغيت ندخل ندوش و خفتو يعيط و ما يلقانيش... مشيت جلست شوية في البالكون و كنفكر في داكشي لي داز هاد النهار . و قلت مع راسي حشومة ما خاصنيش نتعامل معاك بحال شي ولد في عمري خاصني نرد البال انه راجل دى و جاب في الزمان ، وماشي ولد غادي نشد انا وياه الضد و نفهمو و يفهمني . راه فرق العمر كيلعب دور في العلاقة . و مادام عندو السكر يعني انه كينفاعل بزاف و ردة الفعل ديالو كتكون قوية . وصلات 10 الليل ما عيطش و انا نصوني ليه . ما جاوبش، تخلعت خفت يكون جرات ليه شي حاجة ولا شدوه في الكلينيك، عيطت ليه ثاني والو ما كيجاوبش . بقيت جالسة حتى جاني البرد شوية و انا ندخل، تخشيت في بلاصتي نسخن . وصلات 12 و هو يعيط ، جابوتو دغيا يتبع.... الجزء22 - انا :" الو عمر فينك" - عمر :" الو ... ياله ساليت و دخلت لاشومبر" - انا : " ياله خرجتي من الكلينيك؟ علاش بقاوا شادينك ؟ ما حبسش ليك الدم ولا شنو؟" - عمر: " لا لا ويلي راه كنت مع عصمان في لابوات تحت الاوتيل ، قصرنا شوية و طلعنا . ما خلاونيش الدراري ندخل غير بزز" - انا :" كيفاش لابوات ، واش كتجبدني ولا كتهضر من نيتك" - عمر :" علاش احبيبة مالي ، راه كنت جالس غير مع الدراري هما لي معاهم البنات انا كنت غير بوحدي" . و كيهضر معايا و كنحس بلسانه ثقييييل عليه. عصبني حتى عصبني تاني و نسيت راه ياله كان اوسبيطاليزي. و انا نتفرقع عليه - انا : " مع الدراري !!!! هههه ياك ما يحساب ليك راك باقي دري ، جمع راسك راك راجل عند 42عام و فيك السكر بقى دايع حتى تزيد شي مرض اخر - عمر:" واخة ا سلوى كتعايري فيا ....شكرا شكرا.... انا عارف راسي اكبر منك" - انا : "و ب 19 عام " قاطعتو - عمر :"ملي بغيتك ما سولتش شحال عندك سمحي ليا " و هو يصرفقني ما خلا لي ما نقول كون كان حدايا كون عنقتوووووو، و كيهضر معايا بحال الا راه اكبر مني فيها شي نقص ليه ، حسيت براسي وضيعة و انا نبدل الهضرة، - انا:" عمر دير فيديو نشوفك " - عمر :" اش بغيتي بيا راني شايب ما فيا ما يتشاف" - انا :" عمر عافاك .انشوفك ، عافاك - " عمر :" تسناي نبدل و نجي " - انا : " عمر دابة دير الفيديو شكون معاك" - عمر :" ما معايا حتى حد تسناي نبدل " - انا : "دابة نشوفك دابة" - عمر :" غتغيري زعمة الا كان معايا شي حد" - انا:" ما غنغيرش الا كان معاك شي حد كندبحك و نتهنى منك" - عمر :" هههههه حمقة واخة اكسيبتي" وهو يبان لي مسيكين متكي في بلاصتو و فيه النعاس عينيه مسدودين و كيبان زوييييين. حطيت البورطابل فوق المخدة حدايا و تكيت و كنشوفيه . عينيه مقلوبين . و هو يشووووفيا و قالي :" كتخيليني دابة حداك" . و بدا يدخل و يخرج في الهضرة و انا نقول مع راسي هااادا شارب شي حاجة من غير الما بااااينة . بقيت كنشووووف فيه ما بغيتش نسولو خفت يكون غير فيه السخفة هههههه . قلت ليه وريني نشوف يديك . وراها لي و شفتها كلها لصقة و فاصمة . مسكين بقا فيا بزاف و ما حملتش راسي درت ليه مسرحية على والو و هو مسكين غير كيغير هادا ما كان و كل واحد و طريقته في حب الاخر و طريقتو في التعبير عن حبه ، بقيت كنشوفيه و هو فيه النعاس و انا نقوليه - انا : " عمر سمح لي عصبتك ما كانش يحسابلي غتوصل لهاد الدرجة" - عمر :" شنو يحساب ليك غنقوليك سيري معاه و نضحك معاك" - انا :" لا ماشي هكاك ولكن ما توصلش لانك تاذي راسك " - عمر:" الالم لي حسيت بيه ملي تجرحت اهون الف مرة من الالم لي حسيت بيه وانت كتقولي لي غتدوزي الليل مع واحد ....." - انا : " عمر واش انت عارفني نقدر نديرها !!! " - عمر : " انا عارفك ما ديريهاش ولكن ما نبغيكش تقولي بحال ديك الهضرة ما نبغيكش حتى تفكري في بحال هاد الفكرة ، و كتأكدي عليا من الفوق..... غادي يكون اول واحد..... " - انا : " عمر انت لي بديتي انت لي صورتي البنت و صيفتيها ..." - عمر : "دابة انا صيفت ليك صورة رجعتيها لي بفيديو هههه كون درتها بصح ؟" - أنا : " تخيل انت شنو ندير بلا ما نقولك " . وهو يحل عينيه و ناض كيطل عليا من الكاميرا بحال الا كيطل من السرجم ههههه و يخنزر و الينفخ بحال التنين " يتبع.. الجزء23 - عمر : " شنو ديري ، شنو حدك كاع ؟" - أنا : " غادي نتسلت بلا ما تشوفوني و غندور ليصانص بداك البيت و نشعل فيكم العافية و نخرج لا مين شاف ولا مين ديري " ، و هو يطيح فوق المخدة و بدا يضحك - عمر : " ههههههه حمقة انت و الله ، اوووف نسحابك غادة تقولي شي حاجة اخرى " - انا : " يديك كتضرك اعمر ؟" - عمر : "لا ما بقيتش كنحس بيها ، الحمد لله دابة احسن ، خصوصا ملي هضرت معاك ، جاني النعاس " - انا : " صافي نعس تصبح على خير ، كنبغيك بزاف ......" - عمر : " ياله حبيبتي غدا غير نفيق و نهضر معاك ، تصبح على الف خير حتى انا كنبغيك " و كانت غادي يسد الخط ، - و انا نقوليه: " عافـــاك خلي الخط دايز غير تنعس و نسدو ، غير نشوفك نعستي و نطفيه " وهو يبتاسم و بان لي عجبو الحال و ما بينش قالي اوكي بونوي. و سد عينيه ونعس و انا بقيت متكية كنشوفيه ، اول مرة نشوفو عن قرب وساد عينيه و ناعس ،كيبان زويييين و حنيييين و ضريف ، بقيت شحااال و انا كنشوووف فيه حتى جاني النعاس و حسيت بيه حتى هو داه النعاس ، و انا نقرب عند الشاشة بغيت نبوسو احم احم غير في حنكو ، ياله غنبوسو زعمة بلا ما يعيق ما حسيت بوجهو حتى لسق على البورطابل ههههههه ، طيرها مني خلعا ، - عمر : " حصلتيييي اش كنتي باغة ديري......." و انا يحشمني و قطعت الاتصال ههههههه ، خلعني ما عرفت اش نقوليه هههه صافي و نعست فرحانة واخة دائما مزبلاها هههه الحمد لله سالا النهار على خير الصباح فقت كيف العادة الروتين تاع الصباح و الروتين تاع الخدمة مشيت لقيت احمد بكري ماشي البيرو، دخلت يحسابلي راسي جاية انا الأولى لقيتو خدم و غادي خارج يشوف شي خدمة على برة جلست في المكتب ديالي ، واخة هاكاك الخدمة باردة بلا عمر، بقيت نحيد في الخدمة لي عليا . المهم دازت سمانة و حنا يعيط لي الصباح يعيط لي عشية . فينك فين مشيتي معامن مشيتي اش اخبارالخدمة كيف داير معاك احمد محتارم راسو ولا نجي ليه... شنو نجيب ليك شنو نشريي ليك .عااااد و انا نتفكر بابا قالي نعرض على المدير ديالي و انا نسولو - انا :" عمر بابا راه عارض عليك لغرس سامية عنداك ما تجيش . راه قالي ضروري عرضي عليه نتعرفوا عليه - " عمر :" اييييه الله يكمل بالخير .ان شاء الله على حساب وقتاش نرجع . ما كرهتش نحضر و نشوف عائلتك و نتعرف عليهم" - انا :" عمر اذا ما حيتيش في الوقت راه نعرض على احمد راه حتى هو دابة مدير - " عمر: "دابة بابك عارض عليا و على احمد " - انا :" بابا قالي المدير و صافي مالو فين كيعرفك" - عمر :" ايوا الى باغة احمد يحضر و عاجبك هادي هضرة اخرى ثاني" - انا :" مالي انا قلت لك عاجبني ، انا غير قلت لك اذا ما جيتيش " - عمر :" دابة علاش كتقلبي اش بغيتي ؟" - انا :" ههههه غير توحشتك و بغيت نتناكر معاك" - عمر:" قولي باغة طلعي لي السكر و صافي" - انا:" و اللهيلة توحشتك الزمر " و بصح خلا يلاصتو كبيرة واخة فيه الصداع و كان كيعصبني و كيبكيني ولكن كتحسس بلي شي حد معاك مونسك . داير لك الضجي. يتبع... الجزء24 كيعيط لي عمر في الليل كيلقاني كنشخر . كنفيق نجاوبوا ونرجع ننعس. داز الاثنين و الثلات كيجريوا . الاربع و الخميس دوزناهم فيي دار اختي . بقات غير الجمعة قلت مزيان ما عندي والو كنخرج من الخدمة ونمشي نتحمحم و نجي نتساراح حتى ليل و نهضر مع عمر نفقسو ههه مشيت للخدمة كيف العادة الصباح . لقيت داكشي بزاااااف كيتسنىاني ..... احمد دخل في مشروع جديد و خاص بزاااف ديال الوثائق و الاعدادات يتوجدوا . قلت مع راسي واش انا وجه الراحة .بديت نخدم باش نكمل كلشي بكري و نمشي بحالي للحمام . خدمت خدمت خدمت ....... حتى ضرني راسي وما كاينش حتى شكون يسنيهم .احمد صابح خارج على الصباح يشوف الموقع ديال المشروع . قلت ماشي مشكل ندخل نحطهم ليه حتى اذا جا و ما لقانيش يلقاهم واجدين ..حيت بعد المرات كييجي يخدم من بعد الوقت . دخلت للمكتب حطيتهم و انا جاية خارجة .... كنشوف كنشوف في عممممممر جاي للبيرو . انا تصدمت . و كون ما كان رئيس الموظفين جاي معاه كيقوليه على سلامتك كنت نصحاب راسي حماقيت. شفتو قلبي بدا يضرب يضرب يضرب. دخل عندي للبيرو .على سلامتك سي عمرر على سلامتك خرج الرئيس، ما حسيت بعمر حتى عنقني واحد التعنيقة و هزني من الارض - عمر :" ااااااه توحشتك و توحشت ريحتك .جيت عندك انت الاولى نشوفك مازال ما شفت حتى حد في الدار" - انا:" حتى انااااا حطني حطني دابة يجي شي حد " - عمر :" ويجي لي عندي شي حاجة ديالو ياخدها" - انا:" عمر شي حد شي حد جاي.. " خلعتو واخة ما جاي حد و هو يحطني بالزربة - عمر :" بدينا القوالب" - انا :" القوالب انت لي بديتي بيهم . البارح دوينا حتى عينا و ما قلتيش ليا جاي" - عمر:" بغيت نديرها لك مفاجأة . ونحضر معاك العرس" و شد لي من نيفي كيضحك و انا نشوف يديه بلاصة الجرح مخيطة و هو قالي غير جرحة صغيرة و جاتني البكية بقا فيا بزاف وانا نشد ليه يديه و بقيت كنشوف فيها وبست بلاصة الخياطة وما قدرت نقول والو. شاف فيا و عرف المسج لي بغيت نقول و هو يبوس لي على راسي. حنا باقين واقفين كنسمع شي حد كيدق في الباب قال هو شكووون .وهو يتحل الباب و هما يدخلوا جوج وليدات صغار بنت و ولد يجريوا عند عمر و كيعيطوا بابا بابا و معاهم البنت لي كانت كتطل نهار لي ديت ليه الوراق فاش كان مريض. دخلوا الوليدات و تبعتهم هي و كتضحك معايا و قالت لي غير عرفوه جا ما بغاوش يمشيوا للدار قالوا لي نشوفوا بابا هو الاول .... تصدمت و ما عرفت باش تبليت ...... وجهي حمار حمار حمار . ..... و تخنقت ...... و قلبي ولا كيضرب على الجهد ....و كنشوف في الوليدات كيعنقوا وكيبوسوا فيه و هو فرحااان بيهم و المرا واقفة حداه ....حسيت بالارض كتدور بيا ...... ما بقيتش كنشوف والو..... ما حسيتش براسي حتى حليت عينيا لقيت راسي في الكلينيك و عمر جالس حدايا شاد لي من يدي و كيقوللي :" سلوى سلوى كتسمعيني فقتي احبيبة ". مهما شفتو تفكرت اش طرا... ولكن باش نهضر ولا نغوت كنحس براسي فاشلة . حدي بديت كنقوليه:" حرام عليك حرام عليك..هادشي لاش ما بغيتي حتى حد يعرف...... احمد بغيت احمد عيط لاحمد " وهو كيسول فيا بحال الا ما داير والو . و السيد مزوج و والد و انا ما عمرني حسيت بشي حاجة ما عمرو جبدلي شي حاجة.- عمر:" سلوى مالكي شنو طرا لك علاش معصبة مالكي احبيبة " - " انا:" بعد مني . عطيني التيقار . حرام عليك اعمر حرام عليك" - عمر:" سلوى راني ما فاهم والوا مالككي قولي لي غير شنو درت" - انا:" عيط لي لاحمد . ماتقول لحتى حد انا هنا ....عرس سامية غدا .الله ينتاقم منك " - وهو يبدى يغوت :" سلوى شنوووو فهميني راني مافهمت والو، اش دخل احمد بيناتنا" - انا: " ما فاهمش هههه اناااا لي ما فاهماش و حمارة . ملي شفتك كبير ضروري.... نعرفك مزوج وضروري يكونوا عند الدراري" - عمر :" واش على ولادي علاش معصبة ؟شنو داروا ليك.علاقتي بك حاجة وباولادي حاجة" - انا:" عمر سير عند ولادك و خليني عليك.... بعد مني.... عطيني التيقار الله يرحم واليديك" يتبع.... الجزء25 - عمر:" كيفاش عطيني التيقار واش كتخربقي .سلوى راه كنبغيك " - انا :" ما باغة نسمع والو سير عند ولادك و بعد مني انا ماشي ديالك" و هي تدخل الفرملية تجري سمعاتني كنغوت . قالت ليه اخرج عافاك . بقات معايا قلت لها تعيط من تيليفوني لاحمد باش يجي عندي و جا مسكين يجري .قلت ليه يبقى معايا باش يخرجني ويوصلني للدار. عيا يسول فيا ما قدرش نقوله السبب غير كنكذب عليه طاح لي الطونسيو جاتني الدوخة .المهم بقا معايا حتى مشى مفعول المهدئ و جا الطبيب شافني و عطاني باش نخرج . خرجنا وصلني للدار. طلعت نيشان لبيتي.شافوني الدار عيانة قلت لهم غيرر طاح لي الطونسيو مع الخدمة اليوم كانت كثيرة . طلعت لبيتي تكيت في فراشي و حلفت ما نفكر ما نبكي حتى يفوت عرس اختي بخير و على خير غير نشد عينيا و يباموا دوك الوليدات يا ربي ، غزيولين ونقيين واخة نكون ماعرفت باش كنحس اتجاهو ما نقدرش ناخدوا ليهم ، العلاقة بين الأم و الأب اذا تنزعات الوليدات هما لي كيخلصوا الثمن ،و هما لي كيضيعوا بين الصراعات ، انا حلفت ما نبقى نعرفو ولا نشوفو و لا نفكر فيه ، ما بغاش يجيني النعاس و تيليفوني كيصوني و يعاود يصوني و يعاود فينما نشوف شكون نلقاه عمر، كنحطو واحد شوية صونا و انا نجاوب : شوف ا عمر كلمة وحدة نقولها ليك ، بعد مني و اعطيني التقار، انا ما عنديش مع الكذابين و العضارين ، و هو يجاوبني : " انا احمد ا سلوى ، شكون هاد عمر، لي دار فيك هاد الحالة انا مولفك قوية و مايديرها بك حد" انا : " احمد سمح لي ما شفتش النمرة" احمد : " باين كان مصدعك بالاتصالات هاد عمر ، و ملي كنسولك كتقولي لي ما كاين حتى حد " انا : " احمد ضروري نعاود ليك غير نرتاح شوية ونقولك لي كاين ...." احمد : " واخة ان شاء الله ، ياله سيري ارتاحي شوية باش نشطح انا وياك غدا ، وشربي الدوا باش تصبحي لاباس" انا : " هههه غدا واخة اسيدي واخة" شربت الدوا و نعست مزيااان ، و الصباح فقت معطلة ، هههههه حيت كلشي موجود ، فقت على خاطري ، حليت البورطابل ، كنلقى بزاف ديال الاتصالات من عند عمر و الراسائل ( سلوى راه كنبغيك /سلوى لي كيبغي شي حد كيبغيه بلي فيه/سلوى ما تحطميني شانا بغيتك بصح/سلوى ولادي راهم عزاز عليا و ما عنديش... عنديش كي ندير نفرط فيهم / سلوى راه ما عندي حتى حد من غيرك .......) مسحت كلشي و نضت دوشت مع راسي و بدلت و خرجت شوية برونو (الكلب لي جابلي عمر) ولفتو بزاف و ونسني مسيكين ، رجعت للدار وجدت الحوايج لي غادة نلبس، وصل الغدا مشيت تغديت على برى و دزت للسونطر نقاد حالتي عاد رجعت للدار ، و انا في السونطر قشعت عمر في الطونوبيل كيتسنى فيا عند الباب نخرج ، ما حملتش نشوفو ولا نهضر معاه ، عيطت لأحمد قلت ليه يدوز عندي ما حيت تقاديت مابغيتش نبقا واقفة في الزنقة ، المهم جا وقف يتسناني .و انا مازال نصاوب في شعري بغيت نكتب ليه راني قربت و هو يوصلني مسج من عند عمر : " عيطتي ليه باش تهربي " ، ساليت هبطت عند احمد ، ركبت معاه سلمت عليه في وجهو ، ودرت شفت عمر بان لي غادي يبخ الدم ، و هو يعجبنييي الحال ،قلت في خاطري هادشي لي باغي صااافي طحت ليك على لعبك، وصلني احمد للدار و بقا واقف حتى دخلت ، وقلت ليه:" باش ما يتعطلش عليا في العشية باش يستقبل معانا الضياف" و دخلت بالزربة مع عمر كان مازال تابعنا هههه. لبست تكشيطة زويينة متقلة بالحجر غير الخياطة عصرية شوية . جات قصيرة من القدام و طويلة من اللور كتجرجر وفي الاخر ديالها بحال مشموم ديال الورد بالشبكة، لونها وردي وجاتني زوينة مع لوني ابيض و شعري بليميش جاوا اسوغتي هههه . ماكيت مزيااان ودرت واحد الريحة كتعجب عمر . وقفنا انا و بابا و ماما نستقبلوا الضياف و بان لي احمد تعطل ما جاش . قلت تفووو غادي يخسر لي البلان واحد الشوية وصل عمر لابس واااااحد الكوستيم كحل كيحمق و جاه كلاااس و مرازي اللحية كيبان واااعر.شفتو وانا نولي كلي نفيبري بالعصاب و كون غير كان جاي بوحدو، جايب معاه مراتو ضاربة واااحد التكشيطة جاتها فنة، باينة هو لي شاريها ، ليها كنعرف دوقو و هي اصلا غزالة ما فهمتش انا هاد الحمار لاش باغي يوصل مزوج و والد و زايدها بالتفلية الله يلقيها ليه، .باغي يتحداني دابة نشوفو شكون لي غادي يتقادى الاول، وصل عندنا سلم على بابا و ماما وسلم عليا ما مديتش ليه حنكي و هو يجرني بزز سلم عليا و قال في ودني :"اش هاد اللبس " قلت ليه :"قلها للمونيكة لي جار معاك" ، يتبع... و انا نعرفهم بدارنا وهي تجي عندي سلمات عليا وباركات ليا و بدات تشكر فيا جيتي غزالة و جا معاك البلدي ما تقوليش هي انت لي شفتك في البيرو داكشي لاش عمر يضل يشكر فيك. وانا ندور شفت فيه و هو يقلب وجهو و رجعت كملت معاها الهضرة مسكينة كتبان ظريفة و كتيق فيه بزاف ، دخلتهم وصلتهم للبلاصة لي مخلي ليهم بابا ورجعت باش نوقف نستقبل الناس .انا راجعة و هو يدخل احمد ماااااشاء الله كي جا معاااه الكوستييييم .الطول و العرض و الشعر كون ما كان بحال خويا كون كانت هضرة اخرى..... لكن القلب ولد الحرام كيختار غير لي بغا.... احمد غير شافني جا يجري :"سمحي لي تعطلت عليك راه عمر تقلني بالخدمة ما خرجت حتى كملت كلشي اليوم السبت و بغاني نبقى خدام النهار كامل" و انا نعيق بيه علاش كان كيدير قبيلة ديك الضحكة ديال الشر زعمة رني خليتو ليك واحل. و انا نسلم عليه في وجهو و عنقتو و قلت ليه ماشي مشكل المهم جيتي . و انا نضرب طلة على عمر لقيت عينيه و ودنيه معانا هههه .احمد بلا عجز عليه شدني من يديا و بدى يدور فيا كي الطرومبيا اش هاد الزين اش هاد الزاز فين كنتي مخبية هادشي و هو يبان ليه عمر ،مسكين مع ما عارف والو قالي اجي معايا نسلم عليه و شدني من يد و قالي انا اليوم ما طالقك لحتى حد انا لي غنشطح معاك و مشيت معاه سلم عليه و قاليه : سي عمر راني كملت كلشي خاصك غير تراجعهم و هو عمر يدير ليه بيديه صافي و عينيه غياكلو احمد حيت شاد مني .ياله نخليك اسي عمر نمشي نشطح راني موحش العراس ديال المغرب. بدات الموسيقى و سخن الطرح و نضنا نشطحو كي الناس انا و احمد نشطحو و نتعانقوا و نضحكو ونتفكروا الذكريات تاع الصغر و الزبايل المهم محيحيين انا وياه دايرين الهبلة و الناس مقابلينا تبارك الله عليهم الله يحفظهم لشبابهم .ماعرفت كيفاش درت لقيت بابا جالس مع عمر و كيهضرو دو دو دو .عرفت الواليد حصل عمر ساكت بغا يدويه ههههه . - شوية عييت بالشطيح و انا نقول لاحمد اجي اخويا نتساراحوا شوية و نشربوا شي حاجة راني شحفت، راه ما غادي نلقاوا باش نكملوا العرس و انا من قبيلة و انا كنشطح بصندالة طالون... ماعرفت منين جاني هاد الجهد العجيب ، مشيت نجلس واحمد مشى يجيب لينا شي عصير نشربوه ، و انا نسمع بابا كيعيط ليا:" سلوى...سلوى... اجي ابنتي ، مشيت عندو و هو يقولي :" جلسي شوية مع ضيافك راه سي عمر بان لي غادي يجيه النعاس مايعرف حتى حد هنا و انتم ملي بدات الحفلة و انتم تنقزوا ما عيتوش....باين لي احمد موحش العراس مسكين كان محبوس" قلت ليه واخة ابابا انا نجلس نيت نتساراح شوية ،ناض بابا من كرسيه و قالي اجي هنا و المشكل ان الكرسي حدا كرسي عمر، مراتو في اليمين و انا في اليسارما حملتش نريح حداه ،جلست قريبة لعمر و هو يبدى يطلع و يهبط فيا ، وحتى انا ما نكونش من العاكزين ، درت رجل على رجل و التكشيطة ولات ميني و رجيلاتي كيبانوا فنين مع الصباغة حمرا و الصندالة سيور طالعين لي حتى لنصف ساقي ورغم انني كنبان زوينة لكن ما مرتاحاش لأنه ماشي لبسي غير ضد و صافي ، جرحني و ما كرهتش نردها ليه بالضوبل، و هو يتكى حدا ودني يتبع... الجزء27 - و قالي : " عاجباك هاد الشوهة لي دايرة " - ضرت شفت فيه : "اشمن شوهة؟" - عمر : " من الصباح و انت تنقزي كي الدراري الصغار انت و داك الطويل بلا عقل " - انا : " راه حنى دراري صغار علاه مالنا قدك " و هو يبقى يشووف فيا بدوك العينين لي ما خلاونيش نقدر نكرهو رغم انه اذاني بزاف و جرحني بلا قياس ، كان عليه يقولي راني مزوج في الأول شنو خسر و يشوفني واش نقدر نعيش معاه ولا لا ،ماشي يخليني حتى نتصدم بيها ،بقيت ساهية ليه في عينيه وقلبي كيتحرق ما كرهتش كون كان غير حلم و نفيق منو ونلقا راسي معاه مرة اخرى ولكن الحقيقة مرة.....و انا ساهية تفكرت راه مراتو معانا. و انا ندور شفت فيها لقيتها ما مسوقاش لينا ، ما كاتشوفيه... ما كتراقبو... ، واش ما كتغيرش عليه ؟ ملي جلست حداه ما هبطش عينيه عليا ، ممكن يكونوا ما كيبغيوش بعضياتهم ؟ ماعرفت المهم هو انه راجلها ماشي راجلي و هدا كافي باش نعطيه التيساع . شوية و انا نتفكر احمد و هو يبان لي هاز الكيسان و كيقلب عليا ما عرفنيش فين مشيت و انا نوقف باش نبان ليه و هو يجي يجري - احمد : "افين مشيتي ،شحال و انا نقلب عليك" - انا : " هانا احبيبي ، راه بابا قالي نريح حدا سي عمر راه جاه الملل" - احمد : " واسي عمر راه عرس هدا ، شفتك بارد ، تا نشط معانا شوية " - انا : "عطيني بعدا نشرب شوية راني شحفت بالشطيح " يتبع..... - احمد : " هههه هاكي راه حتى انا شحفت ، سخفتيني " - انا : " هههه انا لي سخفتك و لا انت لي غير بديتي و انت تسخن ما بقيتي بغيتي تجلس، دوختيني بالدوران ....." - احمد : "راه انت لي دوختيني اليوم بهاد التكشيطة " احمد غير كيشكر فيا ما ناوي حتى حاجة ، احنا كنضحكوا مع بعضنا هكدا طول الوقت ، عمر نواها كيف بغا هههه و انا نشوفو واحد الوقيتة ، تعصب و حمار و كيترعد و كيجمع في يديه بحال الا غادي يبوني شي حد ، ما عقلتش على راسي حتى خشيت يدي في يديه و حليتها ليه وحطيت يدي على الجرح و ضرت عندو كنشوف فيه بحنان و قلت ليه : " عمر احبيبة يديك باقة مريضة ، ما توركش عليها "، تصدم هو و حل فمو ما فهم والو ، و حتى انا ردة فعلي.... كانت غير متوقعة لا مني لا منو، بديت نقول في خاطري ناري مرتو... ناري احمد .اش غادين يقولوا ، ضرت نشوفهم ما لقيت حتى حد....، انا بكثرة ما كنت مركزة مع عمر خفت عليه ما شفتش اختي راه هزوووها في العمارية ،و احمد و مراة عمر واقفين كيصفقوا، واحد الشوية كنشوف احمد كيدير لي بيديه اجي ،وقفت باش نمشي وقف عمر معايا ما بغاش يطلق لي من يدي، مشيت و خليتو لقيت يديه مازال شادة فيا مشينا وقفنا حداهم ، كلشي كيشطح ما مسوق لينا حتى واحد ، و هو والو يدي ما بغا يطلقها، صافي بقينا واقفين هما كيصفقوا و كيشطحوا و انا كنتفرج ، صافي حطو اختي و لي بغا يرجع لبلاصتو لي بغا يبقى يشطح يبقى ، و هو يجرني عمر باش نجي نجلس حداه ثاني، مشينا جلسنا ، عاد طلق لي يدي ،جلست حداه ما كندوي ما كنشوف فيه مقابلة غير مراتو و احمد ناشطين و كيضحكوا ، و كيشطحوا ما شافيها عمر ما خنزر فيها ما تسوق ليها......،و انا ندور شفت فيه: "هي عادي تشطح معاه ؟" ، و هو يجاوبني : " سوقها هداك " شوية بانوا ليا جايين كيضحكوا سخفانين و هي كتقوليه صافي عييت ، جلسات هي من حدا عمر و احمد جاب كرسي تخبط حدايا، و هي تقولي : "هاد احمد نمرة و اشمن نمرة ، سخفني ... بالحق احنا ماشي قدكم انتم باقين شباب اختي ، و هو يدور عندها عمر و قالها : " علاه ما الحبيبة ديالي شحال عندها ، راني نعقل فيك ياله كتعلمي تمشي" و هي تقوليه : " ايييوا راه شرفوني دوك المشاش عندك بلا وقت " ، و انا نبدا نضحك وبديت نحيد لاحمد في شعرو طاح ليه على عينيه و وركت ليه على حنيكاتو بيدا بحال شي وليد صغير ولا يبان : " هاد الزين كامل غا نمرة " ، و انا نحس برجل ضرباتني من التحت ، تقسحت بزاف حتى جاتني البكية مع لابسة غير صندالة ، ضرت شفت في عمر و عينيا مغرغرين عرفتو هو... ما هضرتش معاه و تحنيت نشوف رجلي واش هرس لي شي صبع ولا شنو دار يتبع... الجزء28 انا كنحل في الصندالة لقيتو حتى هو محني معايا مخلوع : "سمحي لي سلوى ما قصدتش نقسحك نسيت راك لابسة صندالة" ، شفت فيه و ما جاوبتوش ، انا كنحل في الصندالة و حتى هو كيحل معايا و داوي ما ساكتش : " علاش كتعاملي مع احمد بديك الطريقة شنو بيناتكم ، اشنو طرا ملي سافرت ؟ ولا قريب منك بزاف" ما جاوبتوش ، جبدت رجلي من الصندالة وحطيتها فوق الكرسي لي حدايا ، واحمد ومراة سي عمر تبارك الله عليه ناضوا يشطحوا ثاني ، تساراحوا ههههه ، باين ليا حتى هي موحشة الشطيح كانت فشي منفى ، حطيت رجلي كنشوف فيها و صبعي الصغير احمر مسكين قسحني ولد الحرام فيه،لكن واخة قسحني فرحانة حيت قسحتو انا لداخل ،بقيت نفخ على رجلي باش تبرد و هم يبانوا ليا جايين ثاني راجعين يجلسوا يرتاحوا و انا يطيح لي بلان فراســي 2-0 ، غير بانلي احمد جاي و انا نخنزر فيــه ، حتى هو غير بنت ليه ناشرة رجلي و جا يجري عندي ، هو جاي و عمر كنسمع فيه كيقولي جمعي رجليك جمعي رجليك مع رجلي عريانة ، حتى انا ما تسوقتش ليه ، جا احمد عندي - احمد : " مالكي ياكما ضراتك الصندالة ، انا عارفك ما عندكش مع الطالون " - انا : " اه " و مخنزرة ما كنشوفش فيه ، وهو يبان ليه صبعي الصغير احمر و هو يشد لي منو وبدا ينفخ و كيضحك معايا زعمة عندي البركة غادة تصحي . - عمر كيوشوش لي : " جمعي رجليك و نوضي بدلي هاد الشوهة لي لابسة " - احمد : " سلوى واش تزيرات عليك، ولا غير عييتي بالطالون ... نوضي نشطحوا غير بلاش... حيديها انت كاع " وشد لي من يدي و جرني باش نوض . - و انا نقوليه بشوية باش يسمعو غير عمر ههه: " دابة عاد تفكرتيني ، ملي كنتي كل مرة غادي جاي معاها فين كنت انا " - احمد : " اوووو المغيارة .... بنتي ليا كتهضري مع سي عمر ما بغيتش نبرزطك .. ياله نوضي ما بقيت نشطح مع حتى وحدة من غيرك " يتبع.. الجزء29 غادة نوض نشطح شوية الا قديت ، ياله درت يدي فوق الكرسي باش نوض ، و هو عمر يخشي يديه من تحت الطبلة و حط يدي على يديه و كيشوف فيا و كيقولي بعينيه لا عافاك و كنحس بقلبو كيضر كضرب كيضرب بالجهد من يديه ... انا تحبست و ما قدرتش نبين لأحمد راه يد اخرى شاداني ، وانا ننثر يدي من احمد و درت راسي مقلقة و قلت ليه غير سير شوف معامن تشطح و هو يقولي غتنوضي و لا نهزك... وانا نخاف حيت عارفاه يديرها و ما عرفتش شنو ممكن تكون ردة فعل عمر، سليت يدي من عمر و غادة نوض ، شدني احمد من يديا بجوج ، وسيدهم عمر ما حسيت بيه حتى خوا لي كأس العصير فوق من حوايجي:"سمحي لي، باردون باردون" و قرب لي حدا ودني و قالي: "نوضي تبدلي على سلامتك " ، و انا تجيني الضحكة قلت ليه : "ما عجباتكش هاد التكشيطة ، تسنى تشوف الاخرى" . قلت لأحمد عاوني عافاك نطلع للفوق،قالي ياله نطلعك نيت باغي نمشي للحمام و نتسناك تلبسي، غير قالها لي و عمر حسيت بيه باغي يتيري فيا بالقرطاس هههههه، و انا داكشي لي باغة، طلعنا بدلت و مسحت كرشي حيت دوشت بالعصير الصراحة ،ماشي غير تخوا عليا ، وانا نجبد واحد التكشيطة كانت بغات تلبسها اختي و ما خلاتهاش ماما حيت كحلة ،قالت ليها العروسة ما تلبسش الكحل وراجلها ما خلاهاش حيت عريانة ما قدرش يخليها تلبسها ، قلت ليها اجي انت هي ديال هاد النهار... لبستها و شفت راسي في المراية جاتني غزالة ، القفطان ديالها من الفوق غير صمطة ، الكتاف عريانين و الفوق شبكة، عريانة من الصدر و طويييلة غير الفتحة تقريبا فوق الركبة ، لبست و قاديت حالتي و خرجت لقيت احمد متكي على الحيط كيتسناني ، شدلي من يدي و هابطين في الدروج بحال الاميرة، والدروج مقابلين مع البلاصة لي جالس فيها عمر، مهما عمر هز راسو كتبان ليه التكشيطة ما فيها ما يتشاف هههههه هي لابساني مشي انا لي لابساها،و مع هابطة في الدروج التكشيطة كاملة رجعات باللور ههههه ولات كتبان بحال الا لابسة غير الفوق هههه قلت ليه في خاطري قلبتي عليا تلقاني ، هابطة و هي تشوفني اختي وبدات تضحك و قالت لراجلها شوف شوف سلوى كي جاتها ، قلت لأحمد اجي نتصوروا مع العرسان ، مشينا تصورنا و بدا راجل اختي يضحك معايا قالي كتباني زوينة شوفي خزنيها لأختك راه غتلبسها في الدار هادي ماشي ديال الزنقة... غير تصونا و جاوا نوضوا العرسان يشطحوا شوية ، وهو يقولي احمد اجي نشطحوا ، وهوا يسكت الجوق و خدم الديدجي و داروا ليهم اغنية رومنسية و هو يجرني احمد عندو و هزلي يدي باسها و بديت في التمثيل هههه ، عنقتو من الفوق و هو عنقني من ضهري و بدينا كنشطحو و كنغنيوا معاه اغنية بالغرام ، و احمد مع طويل كنهز راسي باش نشوفيه و نغني ليه : " خلي ليلي بالحنان يطووول .. و خلي حالي بالهوى مشغووول ... كتبني كلمة للزمان بتقوووول ......" و طليت و بغيت نشوف عمر بلا ما نعيق ما لقيتوش لا هو لا مراتو،مشى تفووو خسر لي البلان، و انا نسمع احمد كيقول سي عمر، درت لقيت عمر عينيه غير على يدين احمد فين محطوطين مع شعري طويل ما بانش ليه منين شادني، و طلق مني و مشى يشطح مع مراة عمر ، و بقيت واقفة بحال الهبيلة ما فهمت والو ، و هو يجرني عمر عندو بالجهد حتى تخبطت على صدرو، شد لي من يدي دارهم على كتافو وعنقني من ضهري و بدينا نشطحو و الموسيقى خدامة ، كندور نشوف مرتو كنلقاها كتشطح مامسوقاش كتغــاني هي و احمد، و هو يقولي عمر : "شوفي فيا انا " هزيت فيه عيني و غرغرو جاتني البكية وتمنيت لوكان رجعنا للاول وما في خباري والو و الأغنية خدااامة "بالغرام عم غني انا و بالمنام عم شوفك انا... كثير بحبك مشتاق لك انا بالغراااااام،لوبتكون بسابع سما راه بتكون لوحة راسمها " و غلباتني البكية و تكيت حطيت حنكي على سدرو و بكييييت ، و هو يحط يبدى يدوز لي على شعري و قالي :" توحشتك ... كنحس بروحي غتخرج ... سلوى ما فهمتش مالكي ....يسالي العرس و نهضروا مزيان.....راه ماشي معقول هادشي " وبانت لي الاغنية قربات تسالي و انا نطلق منو وحدرت باش نمشي فحالي باش ما نبانش ليه باكية ، سالات الغنية و انا نحدر راسي و خليتو ومشيت و بقا هو واقف كيشوف ، طلعت في الدروج نجري و نكبكي باش مايديها فيا حتى حد ، دخلت لبيتي جلست في الأرض و كنكي و كنتفكر كيفاش كان كيتعامل معايا و كنتفكر شوفاتو ليا و غيرتو عليا وكيفاش كيكون فرحان فاش كيكون معايا ، وبديتك نقول مع راسي علاش واش ما نقدرش نعيش معاه و هو مزوج؟ ، لا لا ما نقدرش ، نهار معايا و نهار معاها ، ما نقدرش ، ما تقدريش تتقاسميه ؟ وتقدري تخليه ليها عادي؟ احسن ما تكونش عندي بيه علاقة على انه يكون قلبو معايا و مع وحدة اخرى ، و انا كنبكي و كندوي بوحدي لقيتو جالس في الأرض حدايا، قفزت من بلاصتي يتبع... الجزء30 - انا :" شنو كدير هنا .... حماقيتي ولا شنو.... جاي حتال بيتي" - عمر : " سلوى راه ما قدرتش نشوفك كتبكي و نخليك...سلوى غير قولي لي شنو كاين" - انا : " عمر سير فحالك عافاك بعد مني...." و كندفع فيه باش يخرج - عمر : " فين غنبعد منك فييين .... واش انا قدرت نبعد و قلت لك لا ...." و جرني عنقني حتى كنسمع فيه كيبكي ، تخلعت شفت فيه لقيت عويناتو عامرين دموع و قلبي حن ليه اكثر من الأول و عنقتو حتى انا، وبديت نبكي على زهري العوج ، نهار لي بغيت من قلبي طحت في واحد بولادو - عمر : " سلوى راه ما نقدرش نعيش بعيد عليك ... راك رجعتيني للدنيا بعدما كنت ميت...ما تقتلينش ثاني..... ولادي راه ما عندهم حتى ذنب و اذا عرفيته غتبغيهم .... ما نظنش ممكن ما تكونش ليهم بلاصة في قلبك ..... كيفما بغيتيني انا غادة تبغي ولادي " و انا نتفكر الصورة تاع وليداتو لي دايرين بحال شي ملائكة وتفكرت ديك الفرحة لي شفتها في عينيهم ملي رجع باهم من السفر بقاوا فيا و حتى مراتو ضريفة و كتبان نية بزاف ، بقا فيا الحال و قلت ما يمكنش نكون وسط منهم حيت الا خربت علاقتو بمرتو وليداتو هما لي غادين يخلصوا و انا ندفعو و قلت ليه - انا : " شكون قالك انا كنبغيك ، انا كنكرهك " - عمر : " سلوى ما تقوليهاش ، انا عارفك كتبغيني " و كيجر فيا باش يعاود يعنقني و كيبوس ليا في راسي - انا : " عمر خرج فحالك دابة يجي شي حد يلقاك هنا " - عمر : "سلوى ما عمرني باقي نقلقك ، سلوى انا عارفك قلتيها من فوق قلبك " - انا : " عمر كلمة وحدة قلتها ليك ، اخرج قبل ما يجي شي حد يشوفك هنا " و هو يحدر راسو و خرج في حالو وانا نخرج وراه باش نكمل العرس ، غير هبط دار لمراتو بيديه ياله نمشيوا ن سلم على بابا و ماما و بارك ليهم و قالهم راني عيان شوية و غدا عندي الخدمة و دار شاف فيا لقاني رجعت جلس حدى احمد في الطبلة ، و كمل طريقو و مشى. كملنا العرس في امان الله واخة مابقيت عرف شكون ناض ولا شكون جلس ، جالسة مرفوعة بالي غير مع قصتي وفقستي و ما راضية نقولها لحتى حد و ما كرهتش شي حد لي نعاود ليه و نقسم معاه عذابي، يا ربي كيف غادة ندير ما كرهتش كون كانت حتى حنا عندنا شي ( option de formatage) نقيوا بيها... قلوبنا ، ولكن الحمد لله ربي كبير و انا بغيتو حب نقي ما فيه لا خديعة لا طمع و نيتي صافية ، لوكان غير ما كاينش دوك الوليدات ، كنت نفكر انني نكون الثانية في حياتو ، حيت لوكان هو مرتاح معاها ما كانش يجي عندي ، و لكن دوك الوليداااااات كيبلوكيوني. كمل العرس ودعنا الناس و مشينا مع اختي حتى وصلناها و رجعنا ، طلعت لبيتي شرب الدوا و طحت كومة ، فقت الصباح مرتاااحة شفت في المكانة لقيتها 1 ، اواه ما عمرني درتها ههههه؟ نضت مشيت دوشت و بدلت و هبط نفطر ، قالت لي ماما ياله فطري بالزربة باش نمشيوا عند اختك، قلت ليها اويلي ياله مشات يلاتي غي حتى تسخن بلاصتها ، وهي تضربني للراس ، نوضي يا الهبيلة راه خاصنا نديوا الفطور للعرسان،فطرت بالزربة و نضت بدلت و مشينا... دخلنا عند اختي لقيناها تهرنن ، "امالكي ياك لاباس"، "لا غير توحشتكم و تبدلات عليا البلاصة و فقت ما لقيتكمش و طاح عليا الضيم" ، و هي تعنقها ماما : " دابة تولفي دابو تولفي" حطينا داكشي ، واحد شوية دخلوا نسابها حتى هما جايين عندها ، و هي دير ليا اختي بعينيها نوضي عندي و مشات للبيت ، تبعتها دخلت و سديت الباب ، جلسنا و هي تقولي شكون هاديك لي كانت مع عمر البارح : و انا نبدى نبكييي و عاودت ليها كلشي، قلت ليها غير ما بغيتش نشطنك مع العرس راه انا سقت الخبار قبل و راه والد معاها و تفلى عليا ، و هي تضور فيا : "جمعي راسك ، مالك راه باقة صغير و الف واحد يتمناك الحمد لله ملي عرفتيه و انتم باقين في البر ، كون حتى تزوجتوا و كاع الناس يسيقوا الخبار"،و انا نقولها في خاطري بصح الحمد لله ،واخة انا ماكرهتوش غير هو من دوك الألف ، ما عرفتش كيفاش ولا علاش بغيتو،كون غير كنت نقدر نلغيه من حياتي كون لغيتو ما نتعطلش،صافي بقات توصي فيا و تقولي راك باقة صغيرة و انها اصلا ما عجبهاش الحال في الاول ملي قلت لها السن ديالو وبلي يحسابلها غادي يكون غير نزوة وتدوز حتى نتلاقى بشاب في سني ويعجبني و غادة ننساه،و لكن تمشي الرياح بما لا تشتهي السفن. يتبع... الجزء31 شوية نسمع ماما ، سلوى ياله نمشيوا ابنتي و انا نجمع دموعي و خنونتي هههه ، و نضت حليت الباب و خرجنا سلمنا على الناس و مشينا رجعنا للدار، وهو بان لي مسكين برونو ، داك النونوس لي عطاني عمر جالس بوحدو و بقا فيا و انا نقول نخرجوا يدور شوية،طلعت بدلت لبست حوايج المشي و درت ليه السمطة و خرجتو مشينا حدا البحر، غادة و كنتفكر اول لقاء لينا و اول كلام و اول ضحك كان في البحر،وطلقت برونو يجري في الما فرحان وبقيت سااارحة كنتفكر هضرتو و شوفاتو و غيرتو و كنقول واش داكشي كامل كان تمثيل ، واش ممثل لدرجة انه يبكي، واش لدرجة انه يخيط يديه ، ما تفهمش لي هادشي و دماغي ما بغاش يحلل لي كنشوف،علاش مراتو ما كتخنزرش فيا ملي كتشوفو معايا و كتشوفو كيفاش كيتعامل معايا،حاجة غريبة، شوية و انا نوقف وقلت باركة من هاد التخربيق ،نفهم و لا ما نفهمش ماشي مشكل ، يبغي مرتو ولا ما يبغيهاش و لا يخونها و لا..... سوقو هاداك ،الحقيقة الوحيدة لي كنعرف هو انه كاينين وليدات وسط هاد الصداع ما خصهمش يتأذاوا ، هادا هو المهم عندي، و ثاني حاجة هو انه خاصني نقلب على خدمة و نخرج من عندو بأسرع وقت.... ، بان لي الوقت بدا كيضلام و انا نقول نرجع للدار ، رجع للدار ، حطيت حبوبي في بلاصتو ودخلت بدلت وكليت و تخشيت نقلب نتفرج فشي فيلم ،حتى يديني نعاس و هو يبدى the vow ،و تمنيت كون كنت في بلاصة بيدج ، و ما نعقل على حتى حد من غير والديا و خوتي هههه ، و رتاااح انا و نفقسو هو... ههههه ، وداني النعاس قبل ما يكمل الفيلم ، فقت الصباح و انا في بالي ديك الكلمة تاع نفقسو ، و (هي تضرب في دماغي)هههه و قلت انا غادة غادة نبدل الخدمة و نبعد ، اجي نفقسو شوية قبل ما نمشي تشيكت مزييااااان و فطرت و هزيت الاوطو تاع اختي مشيت بيها ، شحال من مرة بابا كيقولي هزي ديالي و ما كنبغيش كنخافو يحتاجها ،واخة هو تقاعد من الخدمة لكن كنخاف يحتاجها فشي خرجة و لا يبغي غير يجيب شي حاجة ، خرجت من الكاراج و تسنيت شوية يجي الشيفور باش نقوليه غير يمشي، بصح جا في الوقت و قلت ليه صافي شكرا بارك الله فيك ما تبقاش تجي ليا ، غنبدى ندي الاوطو ديالي، واخة غادة نتوحش نشد الحتيت معاك هههه.... مشيت وصلت للخدمة ، دخلت للمكتب ديالي، جلست نرتب و نشوف المواعيد ديال هاد السيمانة و شنو خاص يمشي هنا و شنو خاص يمشي هنا،و هو يدوز عمر من قدامي شاف فيا ما قال لا سلام لا كلام، شاف فيا حدر راسو ، و هو يعاود هز راسو بالزربة شاف فيا ،خرج فيا عينيه و خنزر و دخل خبط الباب ، وانا نعرفو علااااش ههه 3-0 ، جبدت المراية من الصاك شفت فيها لقيت العكر باقي في بلاصتووو ههه ، اول مرة نعكر عكر احمر في الخدمة ، واخة كنماكي ما كنعكرش كندير غير كريم للشفاه ولا شي لون ما باينش ،وانا يعجبني الحـــال ، ما جيت فين نرجع المراية لبلاصتها حتى صونا عليا ، نضت بالزربة ، قاديت شعري و حليت الباب و دخلت ، لقيت السيد داير رجل على رجل في البيرو، ومخنزر و كيهضر برسمية ، وانا نتفكر اول نهار شفتو، نفس الشكل نفس الجلسة نفس الهضرة ، وعرفت بلي كيتقن التمثيل،عطاني شي وراق وقالي هادو يسنيهم احمد عطيهم لبا اسماعيل يديهم ليه،خديتهم وعطيتو بضهري و غادة خارجة و هو يقولي : " علاش ما ما غتبقايش تجي مع الشيفور انا ما حبستوش عليك " و انا نجاوبو: " لا لا ا سي عمر ماشي هاكاك ، راني انا قلت ليه ما يبقاش يجي حيت غنولي نجي بالاوطو ديال اختي ، شكرا بزاف وسمح لي كنت كنشطنك معايا" و هو يبقى حال فمو ما عرف واش يقول ههه ، خرجت من عندو و مشيت نشوف با اسماعيل لقيته كيصلي الضحا وانا نمشي الراسي عند احمد...واصلا با اسماعيل مسكين بقا ليه والو ويخرج تقاعد، واحمد بيروه في الجهة الاخرى من الادارة ، لاحو ولد الحرام واحد اللوحة هههه، المهم درت 10 دقايق باش وصلت ، المكتب لي دزت عليه خاصني نسلم ههههه ، وصلت عطيتو الوراق كيف صبحتي كيف بقتيتي تساراحتي شوية المهم 10 دقايق اختى تسوال ، سناهم و رجعت درت 5 دقايق هههه ، جلس في بلاصتي و هو يصوني بوعو، دخلت لقيتو شاعل يتبع.. الجزء32 عمر:" فين كنتي ؟ " انا : " كنت عند احمد ديت ليه يسني هادشي لي عطيتيني " و هو يبد يعض في فمو عمر : " علاش با اسماعيل ما كيانش ؟ " انا : "لقيتو كيصلي " يتبع..... عمر : " لقيتيه كيصلي تسنايه ، انا ما قلتش لك زربان بيهم" انا : " و حتى ولو كون ليقتو ما نقدرش نسخرو راه كبير مسكين كنحشم نقوليه شي حاجة " عمر : " و لقيتيها سبة تمشي توريه العكر،ولا توريه ديك السوميز " و هي تجيني الضحكة عرفتو تزير و ما بغيتش نضحك انا : " شوف اسي عمر ، كاينة شي حاجة في الخدمة مرحبا ، شي حاجة كتعلق بحياتي الشخصية ما نسمح لكش" عمر : " شوفي ا انسة سلوى ، هاديك الكتابة ما نبغيهاش تبقى خاوية بأي شكل من الأشكال ، نعيطلك نلقاك في بلاصتك " و انا نخنز فيه و خرجت غير سديت الباب و انا نشوف في قاميجتي لقيت جنابي عريانين ، وييييلي على شوهتي ، قفز لي الديباردور كنت خاشياه في السروال وبقاوا جنابي فينما نتحنى يبانوا ، وايني شوهة هادي، بالحق ما شافني حد غير عمر و احمد. جلست في المكتب ديالي كنوجد واحد المناقصة،وصل وقت الغدا تسنيت عمر يخرج شفتو تعطل جاني الجوع و انا نخرج تغديت و رجعت دغيا مشيت كليت غير قريب مامشيتش للدار،رجعت لقيت بيرو اخر تزاد في المكتب ، اذا جيت نوصف المكتب كبير و مقسوم بحيط قسير جيها فيها انا و الجيها الاخرى خاوية فيها غير البلاكارات ، هاديك الجهة لقيت زدات فيها بيرو وجالسة فيه قرطــاسة ما نقولكمش ملي شفتها ، نسيت الزبايل ديال عمر ، ولات كتبان لي غير اش كدير هنا اش جابها هنا ، باغي يرجع لي لعبي ، سلمت عليها السلام سلام لاباس بيخير مرحبا ، خدامة معانا ؟ ما عمرني شفتك . اه كنتي في المصلحة الاخرى. واخة مرحبا اختي جلست في بيرويا كتغدد ، وانا نوض عند عمو سولتو قالي راه جابها سي عمر تفرق الكوريي، اه و بانت ليه غير هي في الخدمة كاملة واخة و رجعت جلست ، كيبان لي بيرويا تهز منو الملفات و الكتب و بزاف ديال الحوايج ناقسين ، وانا يطلع لي الدم و دخلت نشوف عمر واش كاين ، حليت الباب و دخلت ليقتو و انا نبدى نعطيه. انا : " شكون هاديك " يتبع... الجزء33 عمر : " موظفة ؟ هههه ما عجباتكش و لا زاحماتك " انا : "علاش غادة تزاحمني ؟المكتب ما ديالي ما ديالها حنى غير خدامين " عمر : " ايوا مالكي شنو المشكل" انا : " ما عندي حتى مشكل غير ملي بغيتي تجيب شي وحدة في بلاصتي علمني على الاقل ، اما باش نمشي نتغدا بالزربة و نجي نكمل الخدمة نلقى البيرو مرون هادشي ماشي معقول ، ولاش جايب ليها بيرو اخر جلسها في بلاصتي و قولها ملي نجي تعطيني صاكي" عمر : " اش كتروني.....؟ اش كتخربقي " انا : " عنداك يحسا بلك راني محتاجة خدمتك،راه كون ماقالي رئيس الموظفين راه زكية مازال ما دخلتش حيت عندها مشكل راه ما تلقانيش هنا و حتى دابة بسلامة الله يعاونك " و هو ينوض خلاني واقفة في بلاصتي ما دواش معايا ضرب الكرسي لي قدامو برجليه و حل الباب و خرج كيعيط مصطفى مصطفى ، و هو يجي يجري الولد مسكين عمر : " شنو قلت لك انا ؟ جيب المكتب و حطو في ديك البلاصة " مصطفى : " اه اسي عمر فين جالسة الانسة " عمر : " و علاش قربتي لبيرو سلوى ، شكون قالك هز الملفات حولهم ؟ واش سوقك " وكيخبط في البيرو ديالي . مصطفى : " لا سي عمر ، ما هزيت حتى حاجة ، حطيت البيرو و عيطت للانسة و مشيت " و هي تنقز من بلاصتها هدى :" لا سي عمر انا لي هزيتهم " عمر : " قالها لك شي حد ؟" هدى : " لا سي عمر ، لكن رئيس الموظفين قالي غادة نعاونها ننقس عليها البريد و نشوفها اش بغات" و هو يدور كيشوف فيا و كيدوي معاها. عمر : " قالك تاعونيها ، ما تزيديش من راسك " وبدا كيغوت نبغي كل واحد يلزم حدودو و يعرف خدمتو فين كتبدى و فين كتسالي ، ياله كل واحد يمشي لخدمتو. و دار ليا بعينيه دخلي ندويوا ، دخل للمكتب ديالو تبعتو و حادرة راسي ما عرفت ما نقوليه سديت الباب و دخلت و هو يشوفيا يتبع..... عمر :" سمعتيني اش قلت ليها قدامك ؟ " انا : " اه ولكن ما كانش عليك تبدى تغوت " عمر: " علاش انت ملي دخلتي تغوتي عجبك الحال؟" انا :" ماشي هاكاك ولكن كلشي بقا كيشوف فيا ، شنو غادين يقولوا دابة " عمر : " يقولوا ليي يقولوا مابقاش كيهمني " خرجت من عندو مشيت نيشان عند البنت ناخد من عندها الاوراق لي ما خاصهاش تاخدهم، و هي مسكينة تبدى تقولي سمحي ليا سمحي ليا و مخلوعة، بقات فيا وانا نقولها ما تديش عليه راه مريض ديمة هادي حالتو، كيغوت و يعاود يبرد. و جلست في المكتب ديالي نكمل الخدمة ، خرج عمر من قدامنا مشى واقيلة يتغدى حيت بان لي ما خرجش وقت الغدا،غير هو خرج و هي توقف مسكينة زعمة احترام للمدير و اختكم جالسة خدامة مامسوقاش باغة غير ايمتا نخرج خاصني نمشي عند واحد مول الحوايج موصياه يجيب لي شي سراول، مشى عمر ما رجعش ، وصل وقت الخروج و انا نخرج،مشيت نركب و هو يبان لي احمد كيسنى شكون يوصلو ،مشيت عندو قلت ليه مالك ، قالي راني اومبان ههه ، قلت ليه ياله نوصلك قالي لا اختي ما نتيقكش فيك تخرجينا فشي دار ولا شي حاجة ، قلت ليه يالة سوق انت حتى توصل و عطيني نكمل طريقي المهم ما غاداش نخليك هنا يتبسلوا عليك البنات هههه بدا يضحـــاك و خطف لي الساروت و مشى ركب و هو يقولي ولكن راني ما غاديش للدار غتمشي معايا نهز شي حاويج غادي يجبهم لي واحد السيد ، بديت نضحك قلت ليه غير سير حتى انا غادة ناخد شي حوايج، ركبنا ومشينا و السيد لي غادي عندو قريب للسيد لي غادة عندو انا ، هبط و خلاني وانا نقول مع راسي اجي نشري لبابا شي حاجة ، فرصة نيت هو معايا يعرف طاي ديال الرجال، قلت ليه تسناني و مشينا دخلنا خدا داكشي لي موصيه عليه و خديت حتى انا لبابا، و مشينا على رجلينا حتى لعند السيد لي موصياه انا خديت حوايجي و خرجت و رجعنا للاوطو ركبنا وصل للدار هبط و قالي بلا ما نقوليك تفضلي و تقوليلي لا شكرا عارفاني بوحدي هههه ، يتبع..... الجزء34 المهم رجعت للدار،دوشت كليت و تخشيت كيف العادة نقلب على شي فيلم ندوز بيه ههه ، هزيت بغيت نعيط لسامية نعاود ليا الجيست لي وقع اليوم في الخدمة ، لقيت عمر معيط شي 30 مرة و ما سمعتوش و ميساجات، اراك هو كان تابعنا وانا ما شفتوش ، ياك هو خرج من الخدمة ومشى، فين شافني ملي خرجت.؟ ما تسوقتش ليه ، عيطت لأختي بقيت كنعاود ليها اش طرا شوية كنسمع فاتصال اخر في الانتضار لقيته عمر قلتها تسناي ، جاوبتة : "الو سي عمر" عمر:" الو، على سلامتنا ، كتصماكي ملي كتكوني معاه، ولا كتديري ليه سيلونسيو،" انا :" عندك شي مشكل سي عمر محتاجني فشي حاجة؟ لقيت بزاف ديال الاتصالات " و هو يبدى يغوت عمر : " اشمن سي عمر و لا سي زمر واش ما بغيتيش ديري عقلك؟ الصباح مخلياني خارج نغوت على عباد الله و دابة خارجة دوري انت وياه" درت براسي ما في خباري والو انا : " كيفاش خارجة ندور انا وياه " عمر : " عنداك يحسابلك ما شفتكم راه شفتك ملي خرجتي حتى دخلتي للدار" انا : " اااه ملي مشيت مع احمد على قبل الحوايج "... عمر : " اه مشى يختار معاك السراول و لا بحال ديك الشوميز لي كنتي لابسة اليوم ، كتلبسي و كتخرجي توريه واش جا معاك ولا كيفاش درتو ليها " و هو يطلع لي الدم و انا نسد عليه، بقى يصوني يصوني و انا نسكت ليه الحس و قلبت على شي فيلم رومنسي يطلع شوية المورال. فقت الصباااح ثاني مع الروتين فطرت و جبدت واحد الاونسوبل ديال اختي ، ميني جيب و فيست ديالها و ضربت معاه واحد ميني بوت طالون ، صرعت اللبسة فيقت ماما على الصباح دارت لي لشعري السبولة مرخوفة شوية حيت ما نعرفش نديرها ، تظفر و تقوليا ما عرفتك ابني غادة للخدمة ولا غادة للمدرسة ، واش حتى تهنيت منك بديتي تفيقني ثاني، المهم خرجت حتى فتت الدار وقفت الاوطو وضربتها ثاني بتعكيرة ، حيت كنحشم يشوفني بابا معكرة و خارجة و هو ما مولفني ندير حتى الفلايل ديمة غيرالباندات هههه . يتبع..... دخلت للمكتب لقيت البنت سابقاني، سولتها واش جا المدير قالت ليا اه، مسكينة واخة غرت منها حيت زوينة ولكن عزات عليا حيت ضريفة و باغة غير تاكل طرف ديال الخبز، صونا عمر و انا نقولها نوضي هاكي دخلي ليه هاد الخدمة و هاد البريد ، دخلات شوية خرجات قالت لي تكلمي ليه راه بغات ، نضت دخلت عندو ، يتبع.... الجزء35 مهما دخلت عندو .طلعوو هبط فيا و كيعض في فمو. باقة قلت حتى كلمة لقيتو طار وقف حدايا كيعبر فيا يعني كيشوف من الفوق للتحت، عمر " امممم امممم هاد الشوهة اختارها لك احمد البارح؟" انا :"نعم سي عمر ؟ "و هو يبدى يغوت عمر:" ما تبقايش تقولي لي سي عمر "و دار عندي شد لي من كتافي و يدي و يجيب فيا عمر : انا عمر ا سلوى حلي عينيك اش طرا ليك، عمر لي كتيغي " انا:" هاديك الصفحة طويتها و سالت منها" عمر:" باركة من التمثيل ما عيتيش " انا:" التمثيل انت لي بدديتي بيه من الاول اما انا كنت غادة بنيتي ربي بينك ليا قبل ما يفوت الوقت" عمر: " انا ما كنمثل انا بغيتك ومازال كنبغيك .ماشي حيت خبييت عليك حاجة راني كنمثل" انا:" المهم دابة فات الوقت على الشرح عيطتي لي بغيتيني فشي حاجة؟" عمر: " كيفاش فات الوقت .واش انا درت جريمة بلا ما نحس ولا شنو" خليتو كيدوي وعطيتو بضهري وخرجت. ياله جلست في بلاصتي و هو يصوني نضت رجعت عندو عطاني ثاني شي وراق يسنيهم احمد خديتهم و غادة خارجة وهو يقولي هاديك اخر مرة تدخل عندي نعيط جي انت. المهم خرجت ما دويتش .مشيت نيشان عند احمد مالو اش غادي يدير يجري عليا من الخدمة انا حالفة حتى نكحلها ونرجع ليه دقتو عاد نمشي بحالي ...... دخلت عن احمد عطيتو الوريقات و ريحت نتسنى فيه يكملهم . سالاهم و هو يقولي اجي نوريك تصيوراتي ديال القراية .مشيت حداه ما لقيتش فين نوقف وقفت موراه و متكية كنتفرج. وانا نسمع رجلين جايين في الكولوار و كنعرف مول المشية عرفتو عمر جاي يشوفني اشك ندير . وانا طيح عليا بلان 4-0 واخة كنت شاكة وخفت يكون ماشي هو و نتفرش .قلت نغامر ما خاسرة والو و انا نتكى على كرسي احمد من اللور و عنقتو و كنتفرجوا و كنضحك و هو يحل الباب ما دق ما والو مع ضحكتي واصلة للباب... غير حل الباب و هو يتصدم بالمنظر و كنشوف في عينيه بياضو و وجهو حمار و سدرو كيتهز حتى للفوق و يتفش ما قدرش يهضر حسيت بيه تزير. رد الباب و مشى و احمد وهو يشوفيا وقالي درتيها اكسبري حشومة .بقيت كنشوفيه.... شوية كنسمعو واحد كيغوت سي عمر سي عمر وحنا نخرجوا نجريوا، لقيت عمر طايح في الدروج .جريت عندو ما حسيتش حتى لقيت راسي جلست ليه عند رجليه و نسول فيه مالك عمر مالك و هو ما مسوقش ليا ما كيهضرش معايا، و الناس فوق منو يتغاوتو طاح ليه السكر جيبو ليه شي حاجة حلوة، و انا مازال نسول فيه ما بغاش يهضر، و شي حد قال تفدع في رجليه و انا نسولو رجليك ا عمر؟ رجليك؟ و هو بحال الا مخاصم معايا كيدوي معاهم وشرب الماء من عندهم و انا ما تسوقتش ليا ، حتى انا ما تسوقتش ليه ،وركت ليه على رجليه حسيت قال اي و انا نحيد ليه الصباط و حيدت التقشيرة و بديت نحرك ليه فيها شمال يمين يمين شمال و هو كيشوووفيا و عرفتو تفكر داك النهار شفت فيه و هو يقولي ماشي بحال بحال اسلوى ديك الساعة كنت مقسح غير من برة دابة مقسح من الداخل خاصني نرتاح. و هو يعاونوه الرجال حتى وقف و وصلوه للدار .وهو غادي و انا كنشوفيه ما حسيتش حتى دموعي طاحو و انا حلفت ننساه لاش كنبكي . ما بغاتش ادخل ليا لراسي راه كيمثل عليا .كنحس بيه كنحس بشي حاجة ديالي فقلبو .قلبي ما عمرو غلطني رجعنا كل واحد للمكتب ديالو..... وصل وقت الخروج .خرجنا كيف العادة مشيت نيشان للدار .بدلت و كليت و مشيت نقلب على بورطابلي نعيط لعمر نشوفو كيف بقى . كنعيط كنعيط كنعيط والو. قلت واقيلة ناعس صافي خليه يرتاح شوية صافي وصل الليل نعست نرتاح شوية . فقت الصباح كيف كل صباح قلبت التيليفون ما لقيت حتى اتصال . فطرت لبست خرجت . مشيت للخدمة .وجدت داكشي ل خاصني نوجدو و جالسة كنضحك انا وهدى حتى وقفت علينا مراة عمر. يتبع... الجزء36 لبنى:" السلام عليكم" انا : "و عليكم السلام لبنى " لبنى :" سلوى لاباس اختي" انا : الحمد لله مادام لبنى وانت" لبنى : ما لباس والو اجي ندخلز لبيرو عمر ونهضرو على راحتنا انا : "واخة لي بغيتي" لبنى:" سلوى غنهضر معاك بصراحة وونبغيك تجاوبيني بصراحة " انا : "وي لبنى هضري شطنتيني " و هي تبدى تبكي لبني : "مالكي مع عمر اختي" انا: شكون عمر (تخلعت ما عرفت ما نقوليها) لبنى : " شوفي ا سلوى انا غنهضر معاك نيشان باين لي ما تقتيش فيا و جاتك غريبة تكون في راسي الخبار و هو قالك ما يبغي حتى حد يسيق الخبار" انا : درت ليها براسي اه ما قدرت نهضر لبنى : "بغيت غير نعرف واش المشكل في عمر ولا في ولادو . اذا كانوا الدراري لي ما بغيتيهمش انا مستعدة نديهم معيا الا خلاهم لي عمر، هادوك راهم وليداتي و ماغاديش يتقلوا عليا. اما عمر راه ما يخصك معاه حتى خير راه يدديرك في عينيه انت راك ما عارفاش شحال كيبغيك انا : انا ماعنديش مشكل مع الدراري انا عندي المشكل معاك واش كتهضر من نيتك عندك عادي هاد الهضرة؟ " لبنى : "مالي اختي شنو درت ليك . انا صابرة غيرر على قبل الدراري و ما بغيتش نتزوج حتى نشوف شكون لي غتجي تشدهم من ورايا" انا: "تتزوجي ؟ على انت مطلقة من عمر؟ " لبنى : "كيفاش مطلقة الحمقة راني اختو" انا: "اختوووووو و ماقالهاش ليا علاش" لبنى : "كيفاش علاش على انت ماعارفاش راه مرتو ميتة؟" انا: ما عارفاش اختي انا ملي شفتك داخلة بالوليدات تصدمت وجاني انهيار عصبي. ما صدقتش يتفلىى عليا. و ما قدرتش نشتت شمل دوك الوليدات وقلت نبعد منو احسن" لبنى : هو ما عارفش هادشي. عند بالو راك انت ما بغيتيش ولادو و دابة اصلا هو متأكد من انك درتي علاقة مع احمد و هو مسافر خصوصا ملي لقاك معنقاه في البيرو " و انا نقاطعها انا : "" لا اختي والله ما كاينة حاجة من هادشي . انا لي اذاني هو انني نصحابو مازال مزوج و مابغيتش ندي دنوب دوك الوليدات لبنى :" انا متاكدة. و متقيقة كل كلمة قليتها و لكن افعالك كيبينوا ليه العكس انا :" اه انا كنت كنتصرف هاكداك ا اكسبري باش يقول راني مع احمد و يبعد مني" لبنى :" لا اختي عافاك راه الدقة الاولى هرساتو ما خرج منها غير بزز بالسكر و العصاب ما عندوش ا سلوى فين يهز دقة اخرى غادي يموت ولا يحماق " انا : "كيفاش اختي ؟!!! انا ماعمرني اذيتو فشي حاجة " لبنى : "لا كنهضر على مرتو الاولى . حصلها مع واحد في الطونوبيل . وكان كيموت عليها .ما تشوفي كيفاش كانو عايشين و شنو كان داير عليها و اذا شفتيها ما تقوليش تخونو. المهم شافها هي و واحد في بالطوموبيل تبعهم يجري بالطوموبيلتو هما خرجو من المدينة و توضروا عليه .بقى شحال ووهو يقلب والو .رجع للدار لقى البوليس واقفين يتسناوا فيه. قالوا ليه ياله تشوف الجثة واش ديال مراتك راه دارت كسيدا" . يتبع.... الجزء37 انا: "اوااااه يااا ربي السلامة .باااز ليه مسكييين .داكشي علاش ديمة كنشوف في عينيه واحد الحزن كيف فرحان كيف ما فرحانش كيكون عينيه غارقين بالهم" لبنى: " و مشى لقاها هي . و بدا يدير في الاجراؤات باش يستالم الجثة .قالوا ليه راه دارت الكسيدة هي و راجل .حلوا ليه حتى هو شافوا لكن ما عرفوش شكون" انا: "مسكييين" و ما حسيتش حتى ما بقيتش قدرت نسكت من البكا وليت كنقول حرام علييا نزيد عليه و هو ما دار والو انا:" لبنى كون صارحني في الاول كون ما طراش هادشي " لبنى : "عمر راه ما كيبغيش يجبد مراتو الاولى و كان خايف يقولك راه فايت مزوج و عندو الولاد لا ماتقبليش " انا : "من حقي نعرف و من حقي يخليلي قرار القبول ولا الرفض" لبنى : "من حقك اختي تختاري و لكن هو خاف يخسرك ما بقاش كيفكر في حقك ولا حقو المهم عندو هو ما مايخسركش ، على حساب لي كيعاود لي كيبان لي كيبغيك بزاف و كيغير عليك بزاف. و العقدة لي عندو معاك هي ان اصغر منو و كيخاف الا شي نهار ما تبقايش تبغيه ويولي يبان ليك راه كبير عليك انا:" لا اختي لبنى والله حتى كنبغيه و بزاف و هو عارف هادشي كنحماق عليه و بغيتو و انا عارفاه اكبر مني و كان عليه يصارحني بكلشي .كنا غنتفاداوا بزاف ديال المشاكل و بزاف ديال الخصومات." لبنى : "هو ملي وقع ليه المشكل تبدل بزاف ولا غير معصب وما بقى كيتيق فحتى حد و ما بقى يقدر يعاود لحتى حد من غيري.لدرجة انه واخة ماتت مراتو بقى داير الخاتم ديال الزواج و لي دوات معاه اولا حس بيها باغة تدور بيه سوى معقولة ولا دوك خياتي، راك كشوفيه كيتعامل مع العيالات اشكال و الوان كيببن ليها الخاتم بلا ما يهضر كتجمع راسها كتقول بلا ما نضيع وقتي... ما حيدو حتى نهار نتفك في داك النهار جا عندي و قالي ااااختي راني طحت و ما عرفت شنو ندير. و خاف منك و ما حملش راسو. كل مرة يجي يقولي راه باقة صغيرة كيف غادي ندير ليها و كيف غادي نقولها ليها راها صغر مني بزاف راها قدك ا لبنى، مرة اخرى يجي يقولي لا لا صافي ما عندي ماندير بيها. و يعاود الغد يجي يقولي : لبنى راه غير كتشوفيا كنسا كلشي حتى كنبغي نقولها كنبغيك و نعاود نسكت راه غتسطيني كل مرة نلقاها مجمعة مع واحد . انا : "ههههه والله ما كذب عليك فينما يلقى عندي شي حد ما يهنى حتى يصيفطو فحالو " لبنى :" ههععه و مالكي اختي ما كيجيك لحتيت غير في الخدمة" انا : "ههههه ولاال راه غير لي خدامين معايا .كيجي شي حد كيجلس ما نقدرش نجري عليه ..... ولد الحرام و دايرر عليا صع صع .كيدفع عليا كبير. اجي بعدا عاود ليك شنو دار ليا النهار الاول" لبنى: "هههه لا لا خويا ما كاينش حن منو في الدنيا.عافاك اختي ياله معايا و هضريي معاه و شرحي ليه راه باغي يديي ليا الدراري و يمشي لبلجيكا في مرة. و ما نقدرش اختي نبقى تابعاهم حتى انا خاصني نعيش حياتي " انا:" اويلي مال بلجيكا غير محطوطة .بين ليلة ونهار غادي يمشي " لبنى : "لا راه عندو الاقامة خاصو غير يقطع البيي ديال الطيارة " انا: "و ايمتا باغي يمشي ياله ديني عندو" لبني : مازال ما قاليش .ياله نمشيوا غادين نلقاوه ياله فاق مع شارب الدوا " مشيت معاها وصلنا للدار دخلنا و هي تقولي عقلتي نهار جيتي و ما دخلتيش .عيط لي عمرباش نشوفك و لقيتك مشيتي. وانا نبدى نضحك قلت لها غير سكتي خليها ع الله راه شاداني الخلعة . وصلاتني لبيتو دخلنا لقناه نعاس و هما يبانوا لي ثلاثة شانطات محطوطين . و قلبي بدا يضرب قلت ليها صافي جمع الحوايج قالت لي لا راه هادوك جابهم لك ملي كان في التكوين و ما لقاش كيفاش يعطيهم ليك .وحنا كنهضروا بدا يكحب و هي تخرج تجري قالت لي نخليه تهضري معاه. دخلت جلست حداه و هو يدور لقاني . يتبع... الجزء38 انا :" صباح الخير حبيبي" تصدم بقا كيشوف عمر :" انا ما حبيب حد" انا :" كيف صبحتي .كيف بقات الرجيلة؟" عمر :" كنت بيخير قبل ما نشوفك" و انا نشد ليه من يديه انا :" عمر سمح لي ما كنتش عارفة مراتك ميتة عمر:" وملي عرفتيها شنو لي تبدل ؟ " يتبع....... انا:" عمر انا كنت نصحابك مازال مزوج " عمر:" داكشي لاش جريتي عند احمد " انا :" عمر احمد ما بيني و بينو والو والله ما كاينة حاجة من لي في بالك " عمر :" ههههه ياكمة بنت ليك داير سكاتة، كلكم سلعة وحدة موجودين خاصكم غير الفرصة" انا :" شنو كنقصد ؟" عمر : كلامي واضح .وسلات الهضرة " عرفتو شنو قصد و شداتني البكية و كنت غادة نمشي فحالي ولكن بغيت نشرح ليه شنو واقع ونخليه في مرة انا:" لا ما سلاتش ا عمر . انت لي بديتي انت لي ما صارحتينيش من الاول بلي كنتي مزوج و عندك وليدات مادام كتبغيني و باغيني نكون مراتك ،كان عليك تصارحني بكلشي كان عليك ثيق فيا " عمر:" بان ليك انت دابة انت اهل للثقة؟" انا:" اه انا اهل للثقة كون ما كنتش نقية و بغيتك بصح كان بامكاني نتقبل انك خبيتي عليا وكنت نكمل معاك عادي ولكن انا ما قدرتش نتقاسمك مع لي كنت كيحسابلي انها مراتك وصدقات اختك و قررت نخليك لوليداتك ملي شفتهم جايين يجريوا عندك و فرحانين .شنو كان غيطرا كون صارحتيني؟" عمر :" ما كنتيش غتديري علاقة مع سي احمد" و انا نبدى نبكي و نغوت انا : " ما كاين حتى حاجة بيني و بين احمد ما كاين والو " عمر :" ما تقوليش ليا ما كاين والو ، شفتك كيفاش كنتي كنشوفي فيه ، نفس الشوفة لي شفتي فيا اول نهار جيتي للخدمة ما تتنساش لي ، نفس النظرة و نفس العطف لي شفت في عينيك فاش طحت في البحر و تخلعتي .ما تقوليش لي ما كاين والو" انا:" ما كاين والو اعمر و الله ما كاين حاجة .كلشي درتو باش نعصبك و نرجع ليك الصرف"... عمر :" ياله سيري في حالك خلاصك وصل واخر مرة تجبدي شي حاجة سميتها عمر " و انا نبتاسم ليه انا :" حتى انا نتمنى تكون اخر مرة نشوفك " و خرجت كنبكي مشيت نجري هزيت الاوطو ما رجعت لا للمكتب لا والو مشيت نيشان للدار دخلت سديت عليا البيت وجلست نبكي نبكي نبكي .علاش هاد الزهر عندي حتى بديت نكرهو لاش جيتي ا لبنى و شرحتي لي شنو واقع.... لاش؟ خليني كنت غنخرج من الخدمة و ما نبقاش نشوفو و ننساه.... بكيت حنى سخفت و ما بردش قلبي .النار شاعلة.... من بعد ما سمعت القصة زادت معزتو ....حرام عليك ا لبنى و انا كنبكي صونا عمر جاوبت انا :" الو عمر" و هي تجاوبني لبنى :" سلوى اختي راه غادي يدي ليا ولادي و يمشي ،اختي الله يرحم لك الوالدين لما هضري معاه ،سلوى راني انا لي كبرتهم راه خلاتهم مهم عنده ست شهور، راه كبدتي هادوك باغي يمشي اليوم راه مقطع خليتو كيجمع في الحوايج و كيهضر مع راسو، كيقول ما بقيتيش باغة تشوفيني هانا غنضرق زلافتي ،.شنو قلتي ليه اختي انا : "ما قلت ليه والو واذا بغا يمشي يمشي" لبنى :" عافاك اختي راه والله ما ساخي بك ما تشوفيش حالتو كيدوي بحال الحمق" انا: " سخـــا بيا " لبنى :"عافاك اختي لما ديري بوجهي غير على قبلي " انا :" لبنى راني حاولت معاه ما نقدرش نطيح من راسي اكثر من هاكدا " و سديت الخط وجلست كنفكر و دموعي دايزين بحال الواد . و كنسول في راسي واش غنقدر نكمل بلا بيه.غننساه نقدر نبغي شي حد اخر منظنش ،.كون بقيت غالطة فيه كان ممكن ننساه اما ملي عرفت راسي انا ظلمتو ما نضنش ،علاش ما نحاولش محاولة اخيرة ،هو شحال حاول معايا ،ما نظنش تنجح و هو اصلا كنبان ليه بحالي بحال مراتو الاولى، فكرت عيطت ليها قلت ليها وقتاش غادي يمشي قالت لي ما في راسها والو ما بغاش يقول ليها حتى حاجة عرفها غادة توصلها ليا . قالت لي غير ييغي يخرج نعيط لك. وصلات 9 دليل و هي تعيط ليا قالت لي راه كيسلم على الحاج والحاجة راه الجنازة عندنا قي الدار قطعت لبست الحوايج بالزربة وخرجت نهز الاوطو .حليت باب الكاراج لقيت احمد واقف بالطونوبيل . قلت ليه اش كدير هنا . قالي ركبي بعدا راه غايوصل و ما نشدوهش يتبع... الجزء39 و الاخير او اش هادشي ركبت حداه بحال المصدومة انا: احمد شكون قالك جي" احمد :" قالتها لي لي قالت ليك راه كيسلم على الحاج والحاجة" انا:" لبنى !!؟ فين ؟؟ كتهضر معاها ؟" احمد:" لبنى راه تعتبر خطيبتي كنا كنتسناو غير في عمر يتزوج ساعة قربلتوها قبل الوقت" انا:" هههه ايمتا تعرفتي عليها نااااري عليكم" احمد :" انا جيت نخدم هنا على قبلها" انا:" نارييي درتوها بيا نتم تزوجوا و انا خليتوني نوضتها معاه، انت من ايمتا عرفتيني مع عمر" احمد :" ملي بديتو ههههه " انا: "و ما قلتي والو" احمد: "وانت ملي سولتك قلتي لي ما كاين والو وانا نسكت في حالي" ايوا بقيت كنضحك على راسي على هاد الاسرار لي بدات طيح عليا كيف الشتا و لقيت راسي الوحيدة لي ما سايقة لخبار لحتى حاجة و ما فاهمة حتى حاجة.وبداو دقات قلبي كيتسارعوا ملي قربنا للمطار وصلنا دخلت نجري و خليت احمد يتسناني دخلت كنقلب بحال الحمقة نجري و نشوف في الناس كلهم كيبانوا لي عمر.... ، شوية وهو يبان لي غادي كيعرج وشاد نسمة و ايدا في يديه وقرب يدخل في الممر لي ما نقدرش ندخل فيه ، بديت نجري و نعيط عمر..... عمر.... سمعني و عرف صوتي و ما بغاش يوقف و الوليدات كيدوروا و كيقولوا ليه بابا بابا زعمة كيعيط ليك شي حد ، جريت فوق من جهدي حتى وصلت قدامو وقفتو و عنقتو من ضهرو و تكيت عليه و بديت نبكي : "عافاك عمر ما تمشيش ، انت عارف ما كاين والو غير بغيتي ديرها سبة" . و هو سااكت كنسمع غير قلبو كيخبط بالجهد و سدرو كيطلع و كيهبط ما عرفتو واش فرحان ولا معصب،طلق من الدراري و حيد لي يديا و حيدني من قدامو و عاود شد منهم و كمل الطريق ، عاودت تبعتو نجري ، وقفت قدامو و كنمشي باللور حيت ما بغاش يوقف ،و هو حادر راسو ما باغيش يشوف فيا قفت وحطيت يدي على سدرو باش يوقف وهو يقولي عمر: " سلوى مشى الحال ما بقى ما يتصلح عيشي حياتك " انا :" بالله عليك عمر ما نقدرش نعيش بلا بيك ، واش بصح شاك فيا" عمر :" واش هادشي فيه اللعب" ، وانا نجبد ليه البوم التصاور ديالي انا و احمد ديال الصغر وريتو ليه انا : "عمر شكون هادا ؟ شوف مزيان " و هو يطلق من الدراري وشد الالبوم وبدى كيتفرج عمر : " كيشبه لاحمد !!! " انا : "هذا احمد ماشي كيشبه لأحمد ، انا و احمد صحاب من الصغر ماشي عرفتو ملي جا يخدم كنعرفو سينين هادي." عمر : " ما كيمنعش انكم تكونوا على علاقة ، شحال من صداقة ولات حب"... انا : " واش غير كذبتي الكظبة و بغيتي تيقها ولا شنو ؟ عمر ، احمد راه كيبغي اختك و كيتسناوك غير انت تتزوج باش يتزوجوا " و هو يتصدم و بقى حال فمو عمر : " لبنى ؟" انا : " اه لبنى و جى على قبلها باش يخدم هنا " و هو يسد الالبوم ومدو ليا و قالي عمر : " مزيان قولهم يوجدو للعرس ملي نرجع " انا : " عمر باقي باغي تمشي ؟" عمر : " اه " انا : " و انا ؟" عمر : " عيشي حياتك و شوفي شي واحد باقي في عمرك تفهميه و يفهمك ، علاقتنا ما متكافأش ، نتمنى لك الخير" انا : " انا ما بغيت حتى حد بغيتك انت " عمر :" اذا كنتي باغاني تسنايني " انا : " نتسناك عمري كلو غير رجع " وهو يشد من وليداتو و مشا و بقيت انا واقفة نبكي بوحدي بحال الهبيلة ما عرفت واش نمشي في حالي ولا نتسناه ولا شنو ندير ،خرجت عند احمد كنبكي : "عمر مشى ...عمر مشى ... " عنقتو و كنبكي كنبكي على زهري : "انا عارفاه ما غاديش يرجع ملي دا معاه الدراري " و احمد كيسكت فيا و يجر فيا نركبو في الطونوبيل و انا ما باغاش نمشي ، ما كرهتش نسد عيني نحلها نلقى الوقت فات و عمر قدامي، ما قدرتش نتحرك من بلاصتي، كنقوليه ما نمشيش ما نرجعش ، متكية عليه و نغوت ما بقيتش نمشي لديك الخدمة ،رجلية فشلوا عليا ، و ما حسيت حتى شي حد عطاني دقة للقفا :"واش انا قلت لك تسناي و لا خرجي عندو.... مشيت نجيب الشانطات ستغليتي الفرصة، ما كتعطليش" ههههههه درت لقيتو عمر ، جرني عندو و عنقني وقالي:" هادي هي نتسناك عمري كلو ، حتى 10 دقايق ما كملتيها " ، عنقتو و بديتك نضحك و دموعي دايزين ، ودار عند احمد دفعو بيديه :" زيد قدامي نتا نديروا لكم العرس و دي عليا عروستك و رجع بلادك ما باغي زحام انا ....." ورجعنا للدار فرحانين ، تزوجت انا و عمر واحمد و لبنى في نفس النهار باش يجري عليهم عمر من الدار هههههههه . ورجعت المياه لمجاريها النهــــــــــــــــــــــــــــــــــــــاية... #الحباب كيف العادة ارائكم فالقصة؟؟.