قصة اليتيمة والشرطي

☆☆ ☆☆ هااااي كيماا واعدتككم قصة بعنواان 《اليتيمة والشرطي 》 قراءة ممتعه #loula pretty ﻣﻦ ﻛﺘﺎﺍﺑﺔ 《اليتبمه والشرطي》الى عجباتكم ديرو جيم وتعليق كنتمنا تعجبكم♡ الجزئ الاول: سلااام نعرفكم على راسي انا سميتي عائشة عندي 19 لعام بالنسبة لمواصفاتي انا طولي متوسط و فرمتي زوينه ما غليظة مارقيقة شعري قهوي وطويل شويا وعيني عسليين ولون بشرتي بيضة..قريت حد الباك وحبست...كنسكن انا ومراات با بعد مامت الواليد ديالي 8 شهور دبا و ماما ماتت فاش كانت عندي 5 سنين... فاش كان بابا عايش مرات با (السعدية) كانت كتعاملني عادي على الاقل قداام الواليد اما بعد مامات تقلباات عليا 180 درجه مابقيتش عرفتها كضل نهار كاامل خارجه وفاش كتجي كتبقا على سبه خصها غير تغووت حتى لواحد النهار..جات عندي فالصباح..)...السعدية: نووضي تكعدي شوفي فين تمشي (فقت مصدومه مافهمت والو) عائشة: خالتي صبااح الخير... السعدية: انا ما خالت حد جمعي شطايطك وشوفي فين تمشي عائشة: خالتي شكاتقولي فين غنمشي...السعدية: مشي فين ما بغيتي غير خرجي عليا انا راه بعت الداار وفالعشية غايجيو مواليها عائشة: اويلي خالتي علاش بعتي دارناا..وفين غنمشيو...السعدية: ااااشنوو..دااارناااا؟؟؟؟ هادي دااري الاله باك كتبلي كلشي قبل مايمووت. وانا غنتزوج شنوو ياك ما بغيتي ندييك معايا عائشة: اويييلي اشكتقولي با ميقدرش يدير هادشي(صدماااتني ماافهمت واللو تمنييت اوكونت غبر كنحلم وهادشي مامنو والو ولكن كان داكشي بصح ) السعدية: ايوا رااه داارها الاله دباا جمعي شطايطك وخرجي يالاه( شفتها جمعات حوايجها وشويا جاو شي رجال جمعو فراش الداار بقااو غير حواايجي شفت حتى عييت وانا نجمعهم فواحد شانطا عييت نتسنا تقولي شي حاجه. باش تفيقني من هاذ الصدمه واالو شويا جاو داك موالين الدار خرجات هي وتبعتها هي ركبات مع واحد فاللوطو وانا بقييت تااالفة ياربي اش غندير.. فيين غنمشي لا فلوس لاوالو وحتا العائلة كلشي بعيد..جاتني الفكرة نبيع الحلقات لي فودني ونشد الكاار ونمشي عند عائلتي للحسيمه داكشي لي درت بعتهم ومشي للمحطة بقيت كنتسنا شويا جاتني البكية على حياتي لي تقلبات ف دقيق وعاد اول مراا نجي للمحطة بوحدي ونسافر بوحدي ماموالفاش نخرج شويا وهي تجي حدايا واحد المرا كبيرة تكون عندها ديك خمسين عام....) يتبع جلسات حدايا ديك المرا وقاتلي مالكي أبنتي على هاد البكاوات خويت عليها قلبي بلا منفكر حيت كان قلبي عامر و كالت ليا سمعي أبنتي أنا ديت و جبت فزمان من أحسن ليك ماتمشيش عند عائلتك لي فالحسيمة حيت غاتبقاي تلاوحي من دار لدار فكرت لقيت بيلا بصح المرا لي سنين و هي معانا ماحناتش فيا مور الموت ديال بابا عاااد الناس لي بعاد ... عائشة: بصح كاينة ولكن شغاندير راه لي كنت كانكساب داتو ليا مرت با . زهرة{سمية ديك المرا}: إلا قبلتي عليا مرحبا لي كاينة نقسموها ( لقيت ماعندي. حل واخا مكنعرفهاش غنغامر ونمشي ولكن واخا هكاك رتاحيتليها ، وافقت مشيت معاها دخلنا للدار دارها بسيطة ولكن زوينه ومتيييولة دوشت توضبت وصلبت خرجت لقيتها موجدا كاسكروط كليت وبقيت كنعاودليها بالتفاصيل على حياتي ورتاحيت بزززاف شويا قاتلي..)...زهرة:سمعي ابنيتي الى بغيتي تخدمي مرحبا ولكن الى مابغيتيش هانتي جاالسة معايا بحال بنتي عائشة: خالتي ولكن انا فاش غنخدم مامكملا قرايتي ماعندي شي صنعه ولا والو... زهرة: سمعي ابنتي انا خدامه فواحد الدار عند شي نااس هادي 12 لعام ودباا عييت مابقا فيا لي يخدم عند شي حد ومكرهتش نصيفطك فبلاصتي ماتصورتيش شحاال رتاحيتلييك وراه غايتهلاو فيك عائشة: مااكرهتش اخاالتي انا مستعده. زهرة: ههه ايوا بنيتي واش حادكة شويا؟ عائشة-:هههه متخاافيش اخاالتي اصلا انا لي كنت كندير شغل الدار بوحدي فدارنا زهرة: ايوا صافي ابنيتي غدا ان شاء الله تمشي معايا ونعرفك على النااس (بقينا كنتحدتو انا وخااتي زهرة جا الليل مشيت ننعس بقيت كنفكر من جهة حسيت براسي فرحااانة لي تلاقيت بخالتي زهرة ولكن حسيت بالشمته من جهة السعدية ومنجهة فرحااانه حيت انخدم حيت اول مرا نجرب نخدم ونشد االفلوس تقول غنخدم وزيرة هههه صبح الصباح ففت بكري صاوبت الفطور منبعد فااقت خالتي فطرات لبست جلابيتي الكحلة جمعت شعرري ذيل حضان وخرجنا ركبنا فالطوبيس وبقات كتعااودلي شويا على العائلة لي خدامه عندهم قاتلي بليي...يتبع) زهرة: سمعي اببنتي هاد الناس الله يعمرها دار والدار مافيهاش بززاف ديال الناس كاينه لاله حبيبه وراجلها سي عزيز وعندهم 2 ولاد وبنيته هما الله يعمرها داار غير كوني معقولة مايخصك معاهم خير. عائشة: كوني هانيا اخالتي مايكون غير الخير (وصلنا ودخلنا لواحد على مزيناتها عهههه ماكببرااش بزاااف ولكن غزاالة دخلنا فتحاتليننا واحد المرا مبشورة وعلى حساب ما وصفاتليا خالتي زهرة باينا هي مولات الدار سلمات علينا ودخلنا..)زهرة: لالة حبيبة هادي هي البنت لي غاانولي فبلاصتي وراها بحال بنتي. . حبيبة: مرحبا بيك ابنتي ايوا ا زهرة صافي سخيتي بينا زهرة:حاشا ولايني راكي عارفا بديت نعيا وحتى شغال الدار صعاب عليا حبيبة: وخاا الاله مايكون غير خاطرك ايوا عرفينا على البنية. زهرة:هادي زهرة وراها بحال بنتي حبيبة؛ مرحبا بك ابنتي زهرة: انا غنبقا معاها شويا نوريها دار وكل حاجه فين كنحطها.. حبيبة: وخاا نخليكم دباا الله يعاونككم( بقات كتوريني شنو نبقا ندير..شويا وهما يدخلو بنت و ولد اابنت الولد باقي صغير يمكن عنددو شي 16 لعام لبنت كبيرة تكون ديك 25 هكاك جااو ومشاو كيعنقو لالة زهرة) زهرة: ولداتي هانا كنقدمليكم عائشة هي غتبقى معاكم دبا وانا غنبقا نجي مرا مرا عائشة كنقدمليك ريان و صوفيا هادو وليدات لاله حبيبة وعااد كااين سي رضى باقي ماجاا...(داك ريان مسكين بقااا فيه الحال بززاف حيت متبقاش معاهم ولكن بسيف لاله زهره لي شافها تدخليه الخاطر وحتى صوفيا باينه بقا فيها الحال هالتي زهره مشات بحالها وبقيت بوحدي فالداار طلعت بقيت كنجمع فالبيوتا ييت ضوفيا كانت فيه و حتى دريان قلت حتى يخرجو ونجمعو مشيت لللبيت ديال رضى جمعتو يالااه جييت نخرج واما نتساطح مع بنادم طوييل وعاامر الله يستر سدرو تقول ديال الحديد هههه طلعت عيني بانلي شاب زويين بيض وشعرو رطب كحل و عينيه عسليين...يتبع الكاتبة: الى عجباتكم القصة لحد هنا متنساوش ديرو جيم ♡ الجزئ الرابع: رضى: شكون نتي واش كديري فبيتي ؟؟ (اويلي تخلعت معرفت مانقول ولا باش نبدا بقيت كنتمتم وهي تجي صوفيا الحمد لله جاات فالوقت ) صوفيا: اهلا خويا هادي عائشة جابتها خالتي زهرة حيت مغاتبقاش معانا :( رضى: كيفاش مغاتبقااش ياك ماشي حد خصرليها خاطرها 😡 صوفيا: لا اخويا غير قالت بلي عياات وبغاات ترتاح (خرج معصب بززاف وبانلي بلي مشا عندها مشيت انا كملت الشقا ودخلت للبيت ريااان لقيتو كيبكي غير دخلت مسح دموعو بقا فيا مسكين مشيت عندو..)عائشة: ريااان؟ شوف فالدنيا ضروري نبعدو شي مرااات على الناس لي كنبغييو ولكن نتا راه تقدر تشوف هالتي زهره ريان: وعلااش ؟ وخا نكونو كنبغيوهم! عائشة: ااه وخاا نكونو كنبغيوهم كيجي شي نهار كيتدخل القدر وكيفارقنا ولكن دايما خاصنا نبقااو قويين حيت الحيااة كتستمر..رياان:واش نقدر نبقا نمشي معاك عند خالتي زهرا؟؟ عائشة: اممم الى مابقيتش مقللق غانبقا نديك عندها ريان: صافي وخاا (الحمد لله بان بلي كلامي اتر فيه ومابقاش مقلق نضت كملت شقايا و لاله حبيية هي لي طيبات الغذا حمدت الله حيت مكنعرفش دوقهوم وكنت خايفه انا نطيب وميعجبهومش شويا دخل رضى وبدينا نحطو الغذا بداو كياكلو وانا نسمعو قاليهم بلي مشا عند خالتي زهرة و عيا يقنعها مابغاتش صافي داز شي اسبوع وانا معاهم عادي كنخدم بالنهار بالليل كنرجع عند خالتي زهرة كنت مرتااااحه بززاف حيت كاملين ضريفين اما بالنسبة لرضى معرفتش طبعو كيداير حيت كيتلاقا معاهم غير فوقت الغذا والعشا وباباهم لحد الان ماشفتوش حيت كان مساافر اما واحد رياان ولينا انا وياه صحاب طلع عندو 14 لعام ولفتو دغياا...اليوم الاحد فقت توضيت صليت ولبست حوايجي وخرجت كنتسنا الطوبيس بقيت كنتسنا شويا وهي تبدا طيح الشتا دازت شي 20 دقيقة وانا فيها كنتسناه جاا مشيت لقيت الفيلا خاوية وانا نتفكر بلي لاله حبيبة قاتلي غايخرجو يمشيو للفيرما دخلت بديت بالتحت كنجمعو دخلت للكوزينه جمعتها..يتبع الكاتبه :البنات شجعوونا شويااا عههههه 😍 وعابليييز التعليق فالرد ماشي على برااا♡... الجزئ الخامس《بديت كنجمع ف الكوزينه شويا وانا نحس بالسخانه وجاتني البرودة بديت كنترعد كاملة باينه داك الشتا د الصباح هي لي دارت لي هاكا ما حسيت براسي حتى طحت ماعقلتش..》(فداك اللحظة رضى كان نازل باش يفطر شافها فداك الحاله كترعد كلها هزها داها للبيت وبدا كيدرليها الفوطة باردة على راسها وغطاها بقا حداها كانت كتباان بريئة وهي ناعسه حتى هو محيدش عينو عليها بقا معاها حتى فاقت..)..《فقت لقيت راسي فالبيت مغطية وحدايا رضى》 عائشة: سي رضى ؟ رضى: نزلت للكوزينه ولقيتك طايحه تما وجبتك لهنا باينه ضاربك البرد فيك السخانه. عائشة: ااه سمحلي بزااف(بديت كنتكعد باش نوض وهو يقولي..)رضى: فين غذا؟؟ عائشة: غانوض نسالي الشقا. رضى: وااش حماقيتي ماكاتشوفيش حاالتك رتاحي شويا غير تولي لاباس نديك عند خالتي زهرة 《عطاني كاس ديال الدوا شربتو ورتاحيت شويا الصراحه عجبني الاهتمام ديال وخا كيبان ممسوقش المهم نضت كملت داكشي هو كان فبيتو ساليت مشيت لبست جلابيتي وهو يوقف عليا》 رضى: رااسك قااصح وخاا فهاد الحاله كملتي الشغل. عائشة: لا راه وليت لاباس رضى: يالاهي زيدي نوصلك. عائشة: لا شكرا انا غنشد طوبيس. رضى: لا حتى انا غنمشي نشوف خالتي زهرة عائشة: وخاا 《وصلني عند خالتي زهرة هو بقا معاها كيبانو مفاهمين تقوول ماماه واصلا كلهم كيبغيوها دخلت للبيت نبدل خرجت لقيت خالتي زهرة كتهضر عليا باينه عليها سرسرات ليه كلشي عههه داك ساعه رضى بقا كيسولني على شي معلومات كتخص السعديه مافهمت والو شويا مشا بحالو غير خرج سولت خالتي زهرة علاش كان كيسولني قالت بلي هي عودات ليه كلشي حيت يقدر يعاونني حيت هو بوليسي صافي رتاحيت لغد ليه مشيت للخدمه كنت كنجفف الداار شويا وهو يبانلي ريان معصب..مشيت عندو ..》عائشة: رياان ماالك؟ رياان: لا والو عائشة: ريان ياك حنا صحااب وعاودلي. ريان:غنقوليك ولكن ماتقوليش لرضى. عائشة: مغاانقول والو غير تهنى ريان:ااففف عندي واحد دوفوار فالماط وماعرفت منين نبدااه عائشة:شوف انا غنسالي تجفاف وغنجي نعااونك فيه ولكن سير دبا نتا قراه وحاول معاه حتى نجي ريان: بصح اختي! شكراا بزززاف عائشة:ههه يالاه سير شويا ونلحق عليك 《داكشي لي درت ساليت مشيت عندو عاونتو حيت وخا مكملتش القرايا ولككن كنت مجتهدة خرجت معاه داكشي ونضت نكمل هبطت لتحت لقيت رضى خدام فالبيسي وقالي نمشي نجيبلو القهوة و معرفت شكون عيطلو فالتلفون خرج وريان دخل الدار بالكورة ماجاتو غي فالبيسي ديال رضى جيت نحط القهوة حتى كيبان ليا ريان غادي يسخف بالخلعة بان ليا خايف من خوه بزاااف ريان بقى فيا قلت ليه صافي غير طلع انا غادي نقول ليه انا لي طيحتو. الجزئ السادس: جاا رضى جلس وانا بقيت واقفه كنتسنا شنو غيدير كنت مخلووعه بزااف..غير شاافو وهو يعيط على ريان..》رضى: ريااااان 😡 عائشة: غيير سمحلي اسي رضى راه ماشي ريان انا لي طيحتو بغيت نمسح على الطبلة طيحتو بالغلط رضى:اااش درتي دباا 😡من الصباح وانا نخدم مشا داكشي كااامل《صوتو كان وااصل لراس الشارع ناري كانت شي حاجه مهمه هاد المسخوط دريياان مالقا فين العب》رضى: سيري دركي عليا كماارتك عائشة:(كتبكي) هئ هئ غير سمحلي مدرتهاش بلعاني رضى:ودباا علاش كتبكي 😡 صافي سيري ما وقع واالو 《اهيااا ناري كيكايولي مني كيتعصب من عوذروم مايخافو من..مشيت كملت شغلي شويا وهي تجي عندي صوفيا للكوزينه...》صوفيا: عائشة !!.. عائشة: نعام اختي صوفيا: واش بصح نتي لي عاونتي رياان فلي دوفوار عائشة:ااه علاش. صوفيا: عيطاتلي الاستاذة ديالو وقالت لي بلي جاب معدل زوين فالماط فشي تمرين شكات بلي نقل من عند شي حد وفاش سولتو قالي بلي عاونتيه. عائشة: ااه اختي ولكن انا ما درت والو ريان تبارك الله عقلو خفيف. صوفيا: شكراا بززاف اجي علاش مكملتيش قرايتك عائشة: الضروف وصافي اختي صوفيا: شوفي راه تقدري تسجلي فلافاك الى بغيتي وخا بالباك قديمه واصلا مزاال يالاه بدينا فلافاك. عائشة: مكرهتش اختي ولكن والخدمه صوفيا: تقدري تسالي بكري وتمشي واصلا الحضور ماشي اجباري يعني قليل المواد لي خصك تحضري وراه متلقايش مشكل مع ماما بالعكس ايعجبها الحال عائشة: بصح اختي والله ماكرهت صوفيا: صافي من غذا نمشي معاك نتسجلو اش بانليك عائشة: 《فرحت منقلبي وتحمسست بززااف》ااه اختي غذا نجي نسالي شغلي بكري ونمشيو..لغذ ليه فقت بكري واضلا منعستش بالفرحه هههه جيت للخدمه و ...يتبع الجزئ السابع: جيت للخدمه ساليت دغيا وخرجنا انا وصوفيا تسجلنا وكنت فرحااانه بزززاف ساليت الخدمه لي بقاتلي وجات عندي لاله حبيية قاتلي غنبقا معااهم نبات حيت رجلها غيرجع من السفر وربح شي صفقة وغيديرولو الحغلة بالليل المهم عيطت لخالتي زهرة علمتها و وجددنا كلشي للحفله دالليل...وصل الليل وجا السي عزيز كيبان ضريف...شويا بداو كيجيو الناس انا ساليت ما عرفت ماندير بقيت جالسا فالكوزينه حتى جات صوفيا..》صوفيا: عائشة كيجيتك؟ عائشة: وااو جيتي زوينه بززاف ماشاء الله صوفيا:بصااح شكرااا ولكن تانتي خصك تلبسي. عائشة: اويلي على نلبس ويلا لبست انا شكون غيقابل الكوزينه صوفيا: ااش غاديري سربايا وتريتور غايديرو كلشي يالااه. 《ماخلاتني تانهضر تاجرااتني وداتني لبيتها..》 عائشة: عفااك اختي غير بلاش صوفيا: هاد الكسوه كحله غتجي معااك تسنى نشوفليك شي صبااط..《انا فالغرب وهي فالشرق هههه. لبساتني وصاوباتلي شعري ديل حصان و دارتلي مكياج خفيف عجبني راسي هههه سالات ليا و..》 صوفيا: واااو جيتي فنه واايالااه ننزلو. عائشة: افف ختي حشمت والله صوفيا:زيديي قالا حشمتي متخافيش هانتي معايا نزلنا دخلنا لجرده حيت تما دارو الحفلة وانااا حشمت بززاف....》يتبع قراءة ممتعه♡... الجزئ الثامن: دخلنا للجردة وبانولي ضوااو والزواقات وداكشي كلاس..بقاات كتعرفني صوفيا على الناس على اساس انا صحبتها شويا وهو يجي رضى فاللول معقلنيش..》رضى:عائشة 😳؟ 《بقاا كيشووف فياا ومحيدش عينو عليا حتى قاطعاتو صوفيا》صوفيا: كيجااتك اخوياا فنه يااك!! رضى: جيتي زوييننه 😍《تزنكت وحشمت وجهي تخلطو فيه اللوان..》عائشة:شكرا《اماا هو لا هضرة عليه جاا غزاال كان لابس قميجه بيضه وسروال بلو ماري مع هو طويل وعامر جاا زويين الكدوب عالله حراام عجبني هه بقينا تما غاديين جايين ومكاين غير الشخصيات بالنسا بالرجاال شويا ضرني الطالون مشيت جلست فجنب لابيسين حتى كنحس بشي حد جا مورايا..》الشخص: تفضلي《درت لقيتو واحد مكنعرفوش ولكن باينا عليه شخصية المهم هو مابيهش الصراحه مكلي كاس ديال العصير..》 عائشة:شكراا الشخص:معاك سعد كنتعامل مع سي عزيز وانتي 《 ناري مالقيت مانقوول بقيت متلووفه..》عائشة: متشرفين اخويا سمحلي خاصني نمشي 《نضت مشيت شويا وهو يبانلي تابعني طلعلي الزعاف وانا ندخل للدار دخلت للكوزينه بقيت تما شي 10 دق وهو يدخل صدمني مال هذاا》سعد: واش هربتي مني ؟ عائشة: لا مهربتش 《قرب عندب وماحدو كيقرب وانا ركابيا كيفشلو كتر》 سعد: سولت رياان قالي بلي نتي خدامه هنا عائشة: ااه اخويا انا غير خدامه 《بغيت نخرج ونو يجرني من يدك 》سعد: شبانليك ندوزو هاد الليله بجوج 《طلعاات معاايا سخااننه تعصصصببت بلا قياس على هااد الهضرة محسيتش براسي حتا صرفقتو..هو تعصب ومارضاش دفعني فوق الطبلة طيت ناعسة قرب لوجهي بحال شي وحش يعوو 》سعد: انا غنوريك التصريق كيداير نتي تصرفقيني《بقيت كنبكي وكنغوت وكنطلبو يطلق مني وبلا فايده حتى سمعت الباب تفتح..》يتبع الجزئ التاسع《بقيت كنبكي وكنغوت وكنطلبو يطلق مني وبلا فايده حتى سمعت الباب تفتح..سعد ناض من فوق مني كيبانلي مخلوع مني نضت لقيتو رضى..شافني كنبكي و ..حس بشي حاجه》رضى: شواقع هناا 😡《انا بالخلعه بقيت غير كنبكي شااف الجرحة لي عندي فعقني وفهم اش وااقع دااك السااع نزل عليه بقتله ديال العصا انا بقيت غير كنبكي حتى باش نفارقهم مقدرتش..》 رضى: نوض الحيواان خرج علياااا وراه مزاال مسالينا《سعد دار فينا شي نضرات شريرة وقال ل ررضى..》سعد:مزاال غندمكم على هادشي 《مشا بحالو وانا حمدت الله لي حتى حد ماسمع الصداع حيت كانو طالقين الموسيقى..جاا عندي رضى ومسحلي دموعي وقالي》رضى: صافي بلا متبكي دبا ما وقع والو قوليلي شنو وقع بالضبط وبلا ماتكدبي 《 وخاا حشمت نقولو والكن عاودتلو كلشي..تعصب بزززاف وحلف حتى يوريه شغلو..دازت داك ليلة بت معا صوفيا لغد ليه ساليت شغلي بكري ومنبعد جاات عندي وقاتلي عندي كوور مع الوحده خصني نوجد راسي..ساليت كلشي وطلب الاذن من لاله حبيبة مشيت للدار تغذيت انا ولاله زهرة وجدت راسي لبست كسوة طويلة فالمارون وسباط وصاك ف لبيج ..مشيت دخلت الحصة الاولى والتانية..خرجت ف 4 وكنت غاذا باش نسالي شغل لي بقالي باش نعوض السوايع لي مخدمتش مشيت ساليت مع ديك 9 لليل وفاش كنت غاذا بحالي جا عندي ريان..》 رياان: عاائشااا. عائشة: نعاام يااك ماظرتي شي مصيبة عاود ريان: هههه واللاا راه رضى لي قاالي نقوولك طلعي عندو بغااك ضرووري عائشة: وماعرفتيش اش بغاا رياان:لاا《 افف تخلعتت فاش بغااني هادا يااك ما الموضووع دسعد..المهم طلعت عندو ودقيت الباب..》يتتبع. قراءة ممتعه الجزئ العاشر: رضى: دخلي 《دخلت بقيت واقفة هو مشغول فشي وراق..شويا وهو يقولي..》رضى: جلسي 《جلست وما فهمت حتى وزة..》رضى: كنتي قلتيلي بلي باباك كتب كلشي لمرت باك ياك؟ عائشة: ااه علاش. رضى: بحثت فالموضوع لقيت بلي الاب دياالك عمرو ما كتب شي حاجه اذا غالبا غيكون داكشي مزور عائشة: انا عررفا بابا ميمكنش يديرها ولكن شنو غندير انا اصلا ماعرفتش فين كاينه دبا رضى: من خلال البحث تبين بلي مشاات للصويرة بعد ما طلقاات عائشة : اويلي مكاملاش حتى شهر طلقاات رضى:ااه حييت كانت باغا تسرق راجلها وهادشي لي خلاني نشك فالتزوير دبا وججدي راسك باش نمشيو لتما نتأكدو من هااذ الشي عائشة: فييين؟ رضى: للصويرة الاحد منكونش خدام ونمشيو عائشة: صافي وخاا شكراا اسي رضى بززاف رضى: كندير ه خدمتي وصافي 《تميت خارجه وهو يعيطلي ..》رضى: واش غادا بحاالك عائشة:ااه غنمشي رضى تسنااي نوصلك عائشة: لا بلاش شكرا 《 خنزر فيا وقالي جيبيلي سوواارت مالصالون ..هههه خفت مشيت جبتهم وصلني لللدار دخل سلم على خالتي زهرة...وصل نهاار الاحد مشيت للدار بقيت كنتسنااه نزل وقالي يالاه نمشيو..ركبنا الطريق كاامله وانا كل شوبا نوقفو باش نرد ههه حيث الطريق كدوخني..شوياا وهي تخصرليه الطوموبيل و عااد فوااحد الخللااا مافيه لا رريحت بنادم ولا ديوور بقاا رضى كيحااول مع طوموبيل واالو مابغاات تصاايب حتى وصل اللييل...》رضى:افففف اش هاادشي 《اناا حشمت حسيت راسي بسبابي وقع هادشي ...》 رضى: يالاهي نمشيو على رجلينا تانلقاااو شي مياكانيسان..《بقيناا غاديين شحااال عااد بان لينا واحد الدواار دخلنا لييه و ...يتبع بقينا غاديين تاوصلنا لواحد الددوار سول رضى واحد البقاال على شي ميكانيسان ورانا داارو مشينا ليها دق الباب وخرج ليه واحد الراجل شيباني》الرجل: السلام عليكم اولدي رضى: وعليكم السلام ا الحااج عفااك واش نتا هو الميكانيسيان الشخص: لا ولدي هو الميكانيسيان علاش اولدي رضى: عفااك الحااج الى ما كلمو كنا مسافرين وقفات لينا الطوموبيل فالطريق الحاج: وهو ولدي هااد الساعه مكااينش تالغذاا عااد ايجي ان شاء الله رضى: افف واش مكاينش شي ميكانيسان اخر الحاج: لا اولدي هنا مكااينش كااين فدواار اخر بعييييد. رضى: وخاا شكرا الحااج《 صافي سلم عليه و مشينا..》عائشة: سي رضى شغانديرو دباا رضى: اش غنديرو غنبااتو فالطومبيل تايصبح الحاال عائشة: اااويلييي وفهااد الخلااا. رضى: اشنووو باانلك شي حل اخخر سكتيني الله يرحم بااك《 بقينا غاديين وحناا تنسمعو الحاج جا مورانا..》الحاج:اولديي فين اتباتو رضى: غنباتو فالطوموبيل الحااج. الحاج: الله ياوليدي حشوومه يالهو تباتو عندي الى قبلتو بيا مرحبا بكم رضى: شكرا ا الحاج بلا منعذبوك. الحاج: والله اسيدي حتى تباتو عندي فينن غتبات فالخلا ومعاك مراتك《 فاش قال هكااك شفنا انا ورضى فبعضياتنا انا حسيت بشي حاجه فشيشكل سكتنا ماقلنا والو اصلا حتى الى بغينا نشرحولو منين غنبداو وصلنا للدار استقبلتنا مراتو رحبو بينا وضايفونا مسااكن الصراحه النااس د الباديه ضريفيين وكرمااء تعشينا وجلسنا كتتحدتو..》الحاج: ايواا وليدي عندكم شي وليدات 《رضى مااالقا مايقول شاف فيا وانا تزنكت..》رضى: لا الحاج باقي .زوجة الحاج: راه باينين مساكن يالااه تزوجو باقين صغاار. 《 اربي الحبيب اش كيقولو هاذو تحشمت كااع كنشوف فرضى كنلقااه كتر مني..》 الحاج: ايواا اوليدي الزواج كيبغي الصبر من الرااجل والمرا وتيسااع الخااطر وتهلا اولدي راه المرا الى تهليتي فيها تعطيك كلشي ..رضى غالبااه لضحكه وجاتو الحشمه وانا كتر منو هههه الله يا الحااااج اش هادشي درتي 》 رضى: ااه ان شاء الله ا الحااج 《بقينا مجمعين شويا ناضو عطاونا بيت لجوج بينا اااربي شهاد الحصلة افف دخلنا انا ورضى للبيت بقينا جالسين شوف فيا نشوف فيك اطاحين الحوت البيت كان صغير فيه واحد الحصيرة وواحد المانطا و جوج مخايد حتى وحتى حد فينا ما زعم ينعس...شوياا و...》يتبع. بقينا جالسين شوف فيا نشوف فيك اطاجين الحوت البيت كان صغير فيه واحد الحصيرة وواحد المانطا و جوج مخايد وحتى حد فينا ما زعم ينعس..نضنا وقفنا و قفنا فدقه وحده بقينا عاود شوف فيا نشوف فيك بغيت نزعم نهز المانطا يالاه قربت ورضى قرب افففف اشش هادشي كيوقع..》رضى: نعسي عائشة: نعس نتا رضى: لااغير نعسي. عائشة: لا لا غير نعس نتا. رضى: واانعسي بلا ماتزايدي فالهضرة عائشة: ونتاا رضى: ماشي مشكل غير نعسي نتي عائشة: ميمكنش ننعس ونتا نهار كامل ونتا كاتصووك عييتي رضى: كاين حل وااحد عائشة: شنو هوا رضى:نتغطااو بجوج بهاد المانطا《بقيت كنشوف فيه بحال الى مترددة..ولكن انا عاارفااه عياان مسكين ولكن جاتني فشكل..》رضى:صافي صافي نساي نعسي. عائشة: لا رااه عندك الحق هاذا هو الحل《نعسنا عطينا بالضهر لبعضياتنا بقييت كنفكرر فحياتي غاذا وكتنهار ...شوف فين وصلت علاش كيوقعلي هاادشي فالاول فقدت ماما منبعد بابا موراها المرا لي عاشات معانا سنين تقلبات عليا..القضيه ديال سعد .."كنفكر وانا كنبكي بصوت متخفض.."》رضى: واش كتبكي ؟؟ عائشة(كتمسح الدموع): لااا 《رضى شعل لامبا وشاف فيها لقاا عينيها حمرين》 رضى: على كذااابه قولي ماالك عائشة: والوو رضى: اجيي ياك مابقا فيك الحاال على المانطاا لي مشارك معاك عائشة: ههههه لااا اش كتقول رضى: ههه شفتي فاش كضحكي كتجي زوينه 《ابتسمت وانا شي حاجه فقلبي كتحرك ماشي عادية المهم الى خلطنا الفرحة والخلعه واهاداك الاحساس ههه.》 رضى: عاوديلي يالاه انا كنسمع 《ماعرفتش علاش رتاحيت ليه وبقيت كنسرسر بووحدي مع البكااا والشهييق حيت بصح قلبي كاان عاامر رضى كان غير كشوفلي فعيني ساليت بقيت غير كنبكي..رضى مسحلي دمووع و جرني عند صدرو..》 رضى:ششت صافي اصلا نتي ماشي بووحدك كاينا خالتي زهرة كاينا صوفيا وكااين اناا 《غير قال انا وقلبي بدا يضرب بالجهد نضت منعلى صدرو..》 عائشة: شكراا اسي رضى رضى: ههه سي رضى فالدار ماشي هناا 《ضربني على راسي ضربه خفيفة... هاد السيد طلع حنيين وخاا كيتعصب ولكن فاش سمعلي بلا مايقااطعني وداك النضراات ديالو رتاحيتت ليه بزززاف ..فقت فالصباح واول حااجه...يتبع الجزئ 13: فقت فالصبااح لقيت راسي ناعسه على كتف رضى ويديه على راسي..واحد المنضر رومانسي ههه و واحد الاحسااس زويين معرفتش نوصفو المهم الحمد لله لي فقت قبل منو فقت توضيت لقيت مرات الحااج فاااقت وكتوجد الفطور طلبتها تعطيني نصلي من بعد عاونتها مسكيينه ضريفة.. شوياا فاق رضى وجا الحاج فطرنااا دازت شي نص ساعه وهو يجي ولد الحاااج سلمنا عليهم ومساكن عطاونا الحلليب و الخبز و و الماا باش الى جانا الجوع فالطريق ناكلو ..هاد الناس سخيين وكيعطيو من قلبهم وللبراني..مشا معانا ولد الحاح صاوب الطوموبيل وخلصو رضى بقيناا غاديين وصلنا للصويرة سمعت رضى عيط لشي حد وقاليه صيفطلي العنوان صيفطو ليه و من بعد مشينا دقينا الباب كنت خايفه من ردت الفعل ديالا ولكن وجود رضى كيطمني وهي تخرج..》السعدية:نتي؟ اش كاديري هناااا 😳 عائشة: 《ما عرفت ما نقول واصلا مزاال كنخااف منها شفت فرضى وهو ينطق..》رضى: جيينا نسولو على شي حاجه كتخص الدار لي خلا الاب د عائشة السعدية: انا ما عندي بوو داار باها كتبلي كلشي. رضى: وخاا!! بغينا نشوفو الورااق السعديه: شكوون نتا بعداا ؟ انا مااا عندي بورااق 《جاات شد الباب وهو يوقفها رضى..》رضى: سمعي الى بانتليك عائشة نياا وقدرتي ضحكي عليها اناا لاا معاااك الضاابط رضى دبا بلا صدااع بلا مشااكل اريي الورااق وصافي 《سمعت ضابط وبدات تفتف دخلات جبدات دوك الورااق عطلتهومليهم وكيف ماكان متوقع طلع داكشي مزور..》 رضى : هاادشي كلوو مززوور السعدية: 《بداات كتبكي وتبووحط》شووف اولديي لي بفيتووه نديرها معااكم غيير مديوتيش للحبس. رضى: ماعندا ما نديرو معااك تاتمشي للكوميساريا وعاوديليهم..السعدية: هاانتي ا عائشة بنتي نعطيك حقك فالداار فلوس ابنتي عافاك مادخلينيش للحبس فهاد العمر 《شفت فرضى وبحاال الى كانقوليه هذا حل مزياان وبلاش الصدااع..》 رضى: اشنوو ماالك كتشوفي فياا هاكدا ؟ عائشة:سي رضى هانتا هي غتعطيني حقي فلووس ورااه وهاا هكاك كانت مرات باا عفااك رضى: افففف وااش هاكدا غاتبقااي نيااا 😡 عائشة: عاافاك اسي رضى رضى: 《مع السعديه》:شوفي غاتعطيها حقها دبااا بلا حتى ششي صدااع و الا غانندمك السعدية: وخااا انا نعطيهليها يالاهو نعايا للبنكة نخرج الفلوس ونعطيعا《 داكشي لي درنا نييت وتماا فتحلي رضى كونط و دخلنا فيه دوك الفلوس..رجعنا بحاالناا و وفالطريق نزلنا نتغدااو... 》عائشة: سي رضى شكراا بزززاف عمرني ننساالك هاذ الخير. رضى: غاانعااود نقوليك بلي اناا كااندير غير خدمتيي وعاااود غاانعاااود نقوليك بلي سميتي رضى 《هههههه شفت فيه وابتمست يقدر يكوون كيعجبني ولكن مخاصنيش ننساا رااسي انا خداامه عندهم وصافي وهو كيدير هاظشي من باب الشفقة رجعناا وفالطريق كااملة وانا كنفكر اش غاندير ولقيت بلي مابقيتش محتااجه للخدمه..وصلنااا دخلنا للدار وعاودنا ليهم كلشي فرحوو ليااا..و يتبع》الكابة:قراءة ممتعه الجزئ14:فرحو معايااا من قلبهم و فدااك الوقت مااقدراتش نقوليهم بلي مانبقااش نخدم قلت تا لغد ليه ونقولها ليهم وصلني رضى للداار وعاودت لخالتي زهرة فرحاات وكتر متي كااع هههه لغظ ليه مشيتت للخدمه ومالقيت حد من بعد عيطات صوفيا قاتلي باباهم توحش الفيرما ومشاو معاااه وغالبا ايبباتو تماا.. اففف اش هاذ الزهر.. شوياا وانا نتفكر رضى قلت غير يجي نقولهاليه بقيت كنتسنااه تعطل بزاف تخلعت علييه لقيت راسي معطلة عيطت لخالتي زهرة قتليها كنتسنى رضى يجي وصلني ما جاا حتى ل 11 دالليل دخل مشيت عندوو تصدمت لقيتو مضرووب كلووو وكللو دمايااات..》عاائشة: رضضااا مااالك شكون دارلك هااكذ《هو مكاانش قاادر حتى يجااوبني تكاا علياا حتى وصلتو للبيت حيدتليه للقميجة وبديت كنضفليه فالجرح واناا كنبكيي نقدرتش نشوفو فديك الحااله ككان مضروووب فصدرو وراسو ورجليه معرفتش شكون هااذ الوحش لي دارليه هاكاا ..》عائشة: رضى شكون دااار ليك هاكدا رضى:《كيهضر وهو كيتالم 》 سعد كنت خاارج مالخدمه تعرضلي هو شي سبعه حااولت نتضارب معااهم ولكن هازيين سيووفاا 《 اناا حسييت براااسي انا السبب بقييت كنبكييي مالقيت مانقول بالحشمه ..》 رضى: مالكي كتبكي ههه راه انا لي مضروب ماشي نتي عائشة: 《كتبكي》هئ هئ انا السبب فهاادشيي كاامل هئ عئ...رضى: اش كتخرفي نتي عااود هادشي راه مكتااب و والله داك سعد حتى نندمو 《 مني شفتو هكااك نزلت صاوبتليه العشااا وطلعت عندو..》 رضى: باقا هنناا ههه سحابلي مشيتي عائشة: ويلي فيين غاانمشي ونخليك فهااد الحااله . يالاه نوض بااش تاكل رضى: لا ما فيااش عائشة: واش ماشتيش شحاال ديال الدم ضااع منك.. 《بقيت كنوكلوو وبزز بحاال شي دري صغير هههه بقيت حدااه الليله كااملة متفرقتش عليه قلبي كان كيحرقني عليه كاننو فيه ضرباات كباار وخاا هكااك صاابر ..》"في الصبااح" رضى: واا نعااسه فيقي ههه 《فقت مخلوعه لقيت راسي شادا ليه فيديه وهو كيمسح على شعري بيديه الاخرى وكنت ناعسا حدا الناموسية على الارض..》 عائشة: هاأ شحال الساعه رضى:نهههه باااقي الحاال غير بغيتك تعاونيني نمشي الحمام عائشة: اه اه وخاا《شديت فيه تاوصل للحمام وستنيتو خرج وعاود رجعتو منبعد نزلت صاوبتليه الفطور طلعتوليه وبقيت كنوكلو 》رضى: عويشة هههه راني مضروووب ماشي مشلل عائشة:《بقيت كنتمتم تما ههه》اا 😳اه غير..رضى: هههه عرفتي شنو تانا عجبني الحاال عائشة: هههه ههههع《دااك ساع تاهو بداا كيوكلني بيدو ويليي على احساس كيحمق .. سالينا نضت جمعت داكشي بديت كنغسل الموااعن شوياا وانا نسمع صوت الخلفات. درت لقيتو رضى..》عائشة: اويلييي علااش نزلتي راام باقي عيااان رضى: قنطت بووحدي الفووق عائشة: بلحق بااقي مريض رضى: ههه واش كتخاافي علياا 《بقيت كنشووف فيه وصااافي ولكن من عيني كان باين الجواااب ..》 رضى: ههه قوليلي علاش تعطلتي البارح ؟؟ عائشة: كنت كنتسنااك خيت بغيت نقووليكشي حاجه رضى: شنوو هي 《بغيت نجااوبو وانا نسمع صونيت باينااا رجعو من الفيرما...بتبع... الجزئ15《بغيت نجااوبو وانا نسمع صونيت باينااا رجعو من الفيرما..فتحت لقيتهم هما شافو رضى تخلعوو عليه بززاف وفاش سولوه قاليهم بلي شي حد كان دخلو للحبس وفاش خرج تعرض ليه الصرااحه كبر فعيني المهم داز دااك النهاار عاادي وفاش كنت غاذا بحالي قلتهاليهم مشيت عند رياان قوتليه بلي كل مراا نجي عندوو وصوفياا قالتلي بلي غنبقااو نتلاقااو ولاله حبيبية فهماتني وقدرات ضروفي مشيت عند رضى ..》عائشة: رضى المهم انا غنمشي دبااا رضى: وخاا تالغذا ان شاء الله عائشة: رضى الصراحه انا دباا مابقيتش محتاجه للخدمه ومكرهتش نزييد نركز على قرايتي كتر 《رضى كان كيضحك غير قوتليه هادشي وهو يجمع الضحكه..》رضى: ااه وخاا لي بغيتي. عائشة: بسلاامه عليك والله يشافيك. رضى:اميين بسلامه《 خرجت وانا ماساخيااش بيهم اما رضى كتر داار معايا شي حواايج عمرني ننسااهم من غير هاادشي كنحس بشي حاجه غريبه من جيهتوو..مشييت للداار قلتهاا لخالتي زهرة..》زهرة ؛ عندااك ابنتي تخليني حتى انا عائشة: شكاتقولي اخالتي زهرة مستحييل نخليك اصلا كوكنتي ماشي نتي عمرني مانتعرف على رضى وماكنتش نااخذ حقي ودباا مامحتجينش نخدمو لا انا و لا نتي وغانبقاا معااك ديما. زهرة:الله يرضي عليك ابنتي 《 دازت شهر عادي كنمشي لافاك كنرجع للداار واليوم جاني اتصال..》الشخص: الو عائشة عائشة: شكوون ؟؟ رياااان!! رياان: ااه اناا توحشتك عائشة: تانا توحشتك ا العفرييت 《حيداات ليه تلفوون صوفياا》صوفياا:عائشة هادي هي نبقاا نجي عندكم نسيتينا. عائشة: والله الى غير لافاك والشطنه اختي صوفيا: ايوا اليوم السبت ماعنكك تاعذر غاتجي عندنا نتي وخالتي زهرة تعشااو معانا عائشة: وخاا اختي ان شاء الله 《قلتها لخالتي زهرة وصل الليل لبست كسوة طويلة فالكرونه و سباط بلا مع صاك فالبيض وطلقت شعري وجمعتو من الجناااب وصلنا تلاقانا رياان كاان غيطير بالفرحه سلمنا عليهم وبقينا جالسين فالجرده كنهضرو رضى مكاانش تماااا بقيت كنتسنااه غير امتى يجيي توحشتوو بززاف دازت شي سااعه وجاا سلم علينا وبقاا جاالس معانا مراا مراا كايشوف فياا وحتى انا هههه..مشيت عند رياان بقييت كنهضر مععااه شوياا وهو يجي عندنا رضى .داك الساعه رضى عيطليه باباه مشا عندو بقينا غيير انا ورضى》رضى: باينليا توحشتي غير رياان عائشة: لا كامليين وتوحشتك تانتا رضى: دااكشي علاش ميكتي علينا ياك انا توحشتك وبززااف عائشة: لاا غير مع لافاك رااك عاارف 《انا كنهضر وهو كيشوفلي فعيني 》رضى:جاا معااك اللون عائشة:ا..اا...اه شكراا 《شوياا سمعنا الصونيتت جات عندهم وااحد البنت معرفتهاش شكووون...》يتبع الجزئ16《شوياا سمعنا الصونيتت جات عندهم وااحد البنت معرفتهاش شكوون..جات عندنا صووفياا..》صوفيا: افففف رضى عرفتي شكون جاااا. رضى: هأ..كوثر! صوفيا: ااه افف ياربي الله يصبرني عائشة: شكون هادي ا صوفيا صوفيا: هادي بنت عمتي عرفتي عامراا بالعيااقه وكتعصب 《شفناهاا جايه وحنا نسكتو سلمات عليا بحال الى فيا جدام هههه ورضى سلمات عليه بوجهو وكتعنق فيه 😒يخخ بقاات شاداا فيه بحاال الى غايطير جينا نتعشاو جاات جالسا حدااه وانا اونفاص معاهم ودبا وساعه تشد ليه فيديه منكدبش عليكم جاتني الغيرة وتعصبت 😔..ااه نسيت ماوصفتعاليكم شوفو عي خايبه تيقوني راه ماشي حيات غرت منها ولكت بصح سابغا شعرها ودايرا كيلو دالماكياح ولاكن الحوايج عندها زوينين غير الماركاا 》 كوثر: غاااع مااعرفتوتي على هاد البنوته 《درت فيها شي شوفااات مكرهتش نريشهاا نوريها البنوته كيدايرا عليت عيني لقيت رضى كيشوف فيا وغالبااه الضحكه..》صوفيا؛ هاذي صاحبتي عائشة. كوثر: امم متشرفين 《سالينا العشا خالتي زهرة ولالع حبيبه وراجلها بقااو كيهضرو انا مشيت مع ريااان جنب لابيسين》ريان: افف جاني الملل عائشة:حتى انااا ريان: احي نلعبو شي حاجه عائشة: ههههه اويلي على نلعبو ريان: شوفي واحد فينل يتخبا ولي لقاا لاخر الخاسر يحكم على لاخر شي حاجه 《عهههه درا فيه عقلي و وافقت تخباا هو ولقيتو منببعد تخبيت انا ععههه مشيت ل وااحد البللاصة مستحيل يلقااني بقييت كتتسنااه يجي تعطلت درت نمشي بحااالي وانا نتسااطح مع رضى ..》 عائشة: رضى 😧 رضى: عائشة ؟اش كاديري هناا ! عائشة: وو..واالو..《قربلي لودني وقالي..》رضى: توحششتك 《بقييت مصدوومه وماا عرفتش كيففااش قولتليه حتى اناا..قربلي لفمي ودخلنااا فقبلة حنينه بزاااف حتى سمعنا الصوت ديال ريااان بعدت راسي عليه ...》يتبع. الكاتبه: قراءة ممتعه♡ الجزئ الاخير :حتى سمعنا الصوت ديال ريااان بعدت راسي عليه..وانا باقا مبنجه ههههه 》 رياان:هههه عائشة هاهيا 1 ل 1 رضى: شكاتقول؟ ريااان: كنا كنلعبو كاشش كاش ودبا تعاادل 《ششااف فيا رضى وبدا يمووت بالضحك 😒..》 رضى: عويشة باقا كتلعبي كاش كاش هههههههه عائشة: 😒ااه ونتا ماالك رضى: ههههه لا ماماليش ععهههه《جاات كوثر..》 كوثر: نتوماا هنااا اش كديرو رضى:واالو غير كنهضرو شوياا 《جراات رضى من يدو وهو غادي كييشوف فيا وعاد كيفرنس بقيت كنخنزر فيه..مشيت كلست انا وصوفيا مجمعين وانا بالي غير مع رضى داكشي لي كاتقول ضوفيا كااع مكانسمعو شوياا جااو هي كضحك تقوول كيهروها جنون شوياا طلعات تنعس بقينا جالسين..》 عائشة: رياان فين خالتي زهرة؟ رياان: رااه نعساات عائشة: اويلي خصني نفيقها نمشيو. رضى: علاش غاتمشي واش جرينا عليك عائشة: لاا ولكن خصنا نمشيو رضى: نتي سيري الى بغيتي ولكن خالتي خليها ناعسه عائشة: وخاا هي الاولى 《نضت باش نمشي يالاه وصلت للباب وهو يجرني من يدي حتى تلاقا وجي مع وجهو..》رضى: فين باغا تمشي عائشة: غنمشي بحاالي رضى: راكي جالسه ونسينا وغذا سيري عائشة:لاا رااه معااك الوناسه ميحتااج ديك خيتي فالكفاايه وزيدون نتا لي قلتيلي مشي 《قربلي لوجهي وقالي..》رضى: كاتغيري منهاا عائشة:أااناا لااا شكاتخربق 《انا كنهضر وهو كيمسح بيدوو على شعري وكيشوفلي فعيني فاش كيدير هاد التصرفاات كنحس بالتوتر والفرحة مهم باناشي د الاحاسيس وصافي..》رضى: كنبغييك اعائشة عييت نصبر ولكن ماقدرتش نزبد نخبي توحشتك بزااف عائشة: أاا..واش كتهضر بصح رضى: اااه كنبغبيك وكتر ما تصوري منهاار لقيتك طايحه وهزيتك تما حسيت بشي حااجه من جيهتك...ونتي؟ عائشة: حتى انا كنبغيييك《عنقتوو منبعد باسني فحنكي 》صوفيا: عااائشة فينك اجي متقلقيش.. 《غير سمعناها وحنا نبعدو ولكن فوجوهنا باينه علينا شي حاجه》 صوفيا: عافاك اختي ماتقلقيش رضى: لا صافي مامقلقااش رااه قنعتهاا..《بتنا تماا دااك الليله وانا ورياان ما خلينا مادرنا لغذ ليه باش نعصبو كوثر وتمشي بحااالها ونجحو الخطط بقاات العلاقة ديالنا انا ورضى شي شهر ونص مزيااانه وخاا كاينين مشاكل دالغيرة ولكن مشاكل حلوه عههه منبعد جااو خطبوني من عند خالتي زهره انا عرفتهم دارو هادشي باش مايحسسونيش باليتم ديالي درناا عرس زويين ودباا اناا والبطل ديالي فشهر العسل ف فراانسااا ورضى كل نهار كانزيد نبغيه كتر♡وهاذي هي النهايه اواا عويشة و رضى تزوجو وانا وياااكم حالين فمنا عهههههه قراءة ممتعه حبيباااتي و عطيونيي رايكم فالقصة.